2000FUN論壇

標題: 乾坤呃人騙子再次出招~~~(注意) [打印本頁]

作者: luciferson 時間: 09-4-6 12:57 PM 標題: 乾坤呃人騙子再次出招~~~(注意)

話說,2009年4月5號晚上9時左右, 係交易頻有位叫夜_魔剎天星既玩家, 利用120點既點數卡去呃我幾傻強化左既原寵......

過程: 首先騙徒聲稱佢買左3張120點卡,佢要用一張換你2隻原寵,之後又會話,佢朋友話唔抵,要你+多50金(一定既金額)先換,如果冇(好似我咁),佢會再次要求你加多幾隻強左既寵.....如果你懷疑,佢會話『區區百幾蚊,自己都買左3張,點會呃你呀,唔會為百幾蚊呃你啦』以便令你覺得世上真係冇乞衣......當你放心交易比佢之後,佢又好野喎, 唔係立即off, 正所謂做戲做足全套, 佢會叫你抄底卡號,之後你輸入唔成功有野問佢時,佢10問9唔知,一時話係呢個,一時又話係呢個, 最後,佢會以『我係網吧時間夠了,唔加鐘,番hm先傾』為理由,而從此消失........

結論: 可能有人問, 佢呃左之後,拿拿林off,仲比咩鬼野你呀,係咪我自己唔識輸入咋.....問得好, 我輸入n次,對左n次,也問了.....重點: 我明明見佢係交易頻用緊第2隻人仔賣我比佢呃既強化寵,咁佢係咪又真係off左回左家唔係度呢? 我send晒信係佢呃我既ac度, 又話回家傾, 唔通係網吧set好晒掛賣完回家途中發生意外死左? 係我冇野講.........

後話:打機姐,幾百蚊都要呃,仲要係我掛賣左成幾日都賣唔出既寵都要呃,之後掛賣仲貴過我自己當初賣既價..唉.......講真,佢叫比50金時,係人都會懷疑傢啦所以我先話冇,但點解我最後比埋剩下既原寵佢呢? 係我蠢掛, 有懷疑但仲叫自己抱住對玩家2成既信任, 就信佢一次, 拎埋一咋555+既強寵比晒佢,一共7隻.....點知,最後事情話我知, 原來打算信人, 又係我既錯囉.....比人呃到都係自己有錯傢啦,唔怪人,只係覺得點解小朋友連少少野都呃,屋企唔係窮成咁呀嘛,零用錢都比唔夠..=,=.......我幾日前都送左未強554原寵同555+強寵,騎寵比幾個人, 如果打機冇錢唔識玩唔緊要,個人好,我相信都係有玩家會送好野的, 何必呃人呢................感想說完了........大家小心同類騙案, 已知道的,當再次提醒; 未知的, 請務必謹記.....

PS. 唔識POST相,我有佢SENT比我的信件,上面仲有佢打既卡號,佢既說話內容...而我仲影左佢轉賣我D強寵既當口........

被騙玩家ID: BVLGARI
呃人玩家ID:夜_魔剎天星(佢9成係分身啦呢隻)

[ 本帖最後由 luciferson 於 2009-4-6 12:59 PM 編輯 ]

作者: 雲路 時間: 09-4-6 01:01 PM

用到點咭
一係留電話
一係真人見面直交
下次唔好咁信人了

作者: luciferson 時間: 09-4-6 01:08 PM 標題: 回復 2# 雲路的帖子

thx你...但我都係諗住佢話百幾蚊姐,我又係咁諗...但世估唔到.........唉...

作者: tt1098e 時間: 09-4-6 02:10 PM

建議你去報警
半個鐘既事
唔使怕麻煩
因為條友會仲麻煩過你

呢d case..唔使上庭，亦唔使點用你時間
大概半個鐘去備個案就ok

人渣是不能辜息的

作者: luciferson 時間: 09-4-6 02:17 PM 標題: 回復 4# tt1098e 的帖子

你又講得好岩, d人成日以為網上詐騙可以當冇野,真係唔可以『姑息養奸』....要比少少警戒比呢類人..多謝你提議....

作者: luciferson 時間: 09-4-6 02:56 PM

嗶~~~~~~嗶~~~~~嗶~~~~~~最新消息,又有一名受害者比呢條友呃,佢比人呃左3隻強寵......各位大大, 有冇咩好提議『對付』條友仔, 1連2日呃人,我相信受害者不會只有1-2個, 而且我相信一定還有增加趨勢...各位有咩意見....另請尋仙係2000fun有參與既人員見到請回應一下和提議下辦法..thx........

作者: 面交player 時間: 09-4-6 03:24 PM

比野人先必定被昆

作者: spawn1304gm 時間: 09-4-6 03:50 PM

咁你低死啦我都見過佢佢話收鬼火我去賣比佢佢話用120點同我換我就問佢先點後寵佢死都唔肯都知玩野啦仲係咁同我講唔會騙你(咁你比點卡我,我會騙你?我自己走黎賣比你你話用點卡換特登知你有點卡黎騙你佢都低能)
我即刻同佢講要唔要唔要就走佢即刻收晒皮係咁話自己好人黎唔會騙人真係小朋友你好人關我鬼事咩 who care?

作者: luciferson 時間: 09-4-6 10:19 PM 標題: 回復 8# spawn1304gm 的帖子

咁又係既,比人呃,我都希問題既.....只係呢類人太多,真係要比d警惕佢地,同時再比大家一d資訊姐...

作者: 笨煙 時間: 09-4-6 11:52 PM

我都試過俾人昆..
那感覺實在不太爽
從此我對香港玩家失去信心..
就算我交易都要求佢面交/俾家電

作者: 面交player 時間: 09-4-7 03:04 PM

家電都照昆的人太多,面交都可能比人老粒

作者: 0o亞斯蘭o0 時間: 09-4-7 06:11 PM

我永遠都唔會比呢d人呃-0-
因為我永遠都唔會同人地有現實ga金錢或者點卡黎交易-0-

作者: kenny健 時間: 09-4-9 12:11 AM 標題: 熱血玩家~kenny

從依件事睇得出你蠢姐~><"不好意思喔!!以事論事!! 你比人騙"開post叫人提防都係好事!!不過好明顯你自已問題"其實可能果個人唔係無錢"有腦"專騙水魚姐"~不過如果我係你"實唔會比佢騙"醒目d啦!!小朋友xDD~佢代緊錢入你個袋"呵~唔知咁講岩唔岩"

作者: wallis119 時間: 09-4-9 12:17 AM

e 尋日我賣藍火佢都有比信我啵..

我第一句一係面交一係先點佢唔肯就話用金收 -.-最後都係冇交易到

作者: xxbbbbxx 時間: 09-4-9 12:20 AM

佢都有密過.寄過信比我...
我話你是咪0n9架..佢就冇再來了

作者: jacky0144 時間: 09-4-9 12:27 AM

乜呢d招到依家仲有有用,邊有人會中

作者: ckhricky 時間: 09-4-9 12:29 AM

班際人馬...一見到佢係可以開紅ge地方就殺

作者: lkfai1121 時間: 09-4-9 12:31 AM

我都試過比人厄我點....有時真係....
唔可以盡信世上所有人....
加上網路上交易只得電腦與電話....
一來電腦你好難先找到佢ip....2黎電話可以只係網吧的號碼.....
如果下次真係想物換卡點.....我都會比我電話佢...
你比左點我....我先比個件物品你....起碼我知道自己唔會厄你先
如果甘樣佢就話唔得的....甘就真係有問題啦

作者: kenny健 時間: 09-4-9 12:38 AM

其實雖然無比人騙過"哈~對不起樓主囉~.~"不過正常有腦都知報警無用啦"備案有用咩? 只要煩住你"人地d警力仲貴過你隻game ...xDD ~唔通你差佬叔叔講: 鳴~叔叔~他騙了黃鼠狼"777黎架~如果有錯"望好心人糾正我

作者: kkkybb 時間: 09-4-9 12:39 AM

當買次教訓啦=]

作者: kenny健 時間: 09-4-9 12:48 AM

認同"你自已小心d"唔好比人有機可乘..唔好再比依d人找到機會~找你苯7

作者: 一夜夫妻 時間: 09-4-9 12:55 AM

樓主使唔使幫你寄封信去警署?
我會cc 埋去gamemania

不誠實使用電腦
只要你有心搞
呢d好小事
最起碼可以叫佢家長出黎同你道歉

作者: 賈狐 時間: 09-4-9 01:04 AM

你真係要當俾左乞衣
係我就唔要點做啦
要佢俾GAME錢
點會咁都信佢
下次醒小小
呢個教訓唔係好貴姐

作者: kenny健 時間: 09-4-9 01:06 AM

哈"真大方"樓主game入面叫咩名丫"我叫KEeny×健唔知有無見過你呢?

[ 本帖最後由 kenny健於 2009-4-9 01:19 AM 編輯 ]

作者: 德xD 時間: 09-4-9 01:13 AM

我都被一個叫紫欣既玩家呃左隻寵0.O

去左警局備案傢喇-.- 希望佢睇到尼篇野... 快D著草喇...

真係唔好俾警察捉到佢=.=一捉到佢我打死都唔會庭外和解..實告到佢甩褲..

佢以為自己好聰明- - 一昆完人野..過走即刪人就會無痕跡=.=完全自欺欺人... 枉我仲對佢咁有信心C_C原來存心呃我..

洗定個8月15喇佢~_~"

作者: luciferson 時間: 09-4-9 03:50 AM 標題: 回復 22# 一夜夫妻的帖子

請問可以點樣搞呀? 麻煩你幫幫下忙, 唔該晒.....我可以加你msn傾的.....thx你.....同埋,我比人呃初初都係一啖氣姐,但最終都係希望個小朋友真係明白自己既行為,,,,,再次thx你提出幫助既熱心...

另外, 回一下d人仕啦........蠢咧,我又唔會唔認既.....如果『kennyX』你話今次佢係袋錢入我袋, 咁如果報左案拉左佢, 我相信我袋錢入佢袋既『錢』會多過佢袋入我度......犯罪唔洗教訓?

同埋, 好多人會成日話比人哦係蠢係貪,但有時比人呃又唔一定蠢晒既, 雖然我應該係蠢晒傢啦.......不過,凡事都可以兩面睇既, 可能有ｄ人覺得多給一點人信任，總比多防一點來得輕鬆．．．．．你睇既一面係『蠢』，可能仲有另一面係『善』呢.....

同埋,一樣米養米樣人,有佢地d咁既衰人呃我,但同樣也有我呢d人唔去呃人野......只是,成日都要防,人同人既信心就會愈來愈少.........當然,又唔係第一次交易就要信晒,但我都希望多多少少可以信下...就好似50金既一段咁, 我睇50金重大過其他幾隻寵....但我最後都交易,點解? 我只係希望用一d我認為唔太值既野去賭一個人同人可以有番多少少信任既機會...雖然最後我都炒粉被人呃....但我都希望信人..........唯有下次再小心d

另外,如果玩家本身自己係好人既話,我相信就算在遊戲中什麼也沒有,新手一名,也是會有人主動幫忙的, 不是看你的價值,而是看你既態度......就如我所說,我豪都豪左d寵啦...雖則唔係什麼超強野,但對一些沒用金錢玩遊戲的人來說,555+/騎寵已可以幫他們省了少少金了....

[ 本帖最後由 luciferson 於 2009-4-9 04:06 AM 編輯 ]

作者: kenny健 時間: 09-4-9 08:29 PM

其實你講得都岩既...我認同"人與人之間有信任係好"不過上網世界太險惡

其實話唔定果個係大人...not小朋友...睇得出你都係好人一個既"希望打機會遇到你^^" 不過尋仙愈來愈差啦~很難再見~ 你仲未答我..你game入面咩名?? 我+你fd@@

作者: kenny健 時間: 09-4-9 08:37 PM

依d人世上大把人啦"拉佢可能只係一個辦法"大家自已提防咪好囉~小小事都報警咁..警力唔洗咩..人地公司網絡黑客都未追啦"不過你都可以當買個希望既~樓主@@

作者: luciferson 時間: 09-4-10 12:41 AM 標題: 回復 27# kenny健的帖子

我game id: 鶴頂紅....^^

歡迎光臨 2000FUN論壇 (https://www.2000fun.com/)