2000FUN論壇

標題: [求助] 如何使自己變得凶狠] [打印本頁]

作者: 天~HK~地 時間: 09-4-7 07:30 PM 標題: [求助] 如何使自己變得凶狠]

請大家先聽我說一個真人真事既事情

話說2009年4月6日晚上1:00am左右我去到元朗千色一間遊戲機中心打機 (game名 : 高達seed)

看見有一個對戰區只有一位小姐(其實係肥婆一名) 用緊紅劍西打緊電腦,我就走左佢對面和她對戰

我選了劍西 , 本來一心用來自殺試探對手實力,誰不知第一埸一條命打死晒佢三條命,我那時認為一定係對手讓賽換機大反擊

但係在第二埸她又是選紅劍西也是這樣被我一條命殺死晒佢三條命,之後我在想;唔通佢真係新手~~?但係我成日見佢打敗過好多高手嫁喎

我心諗.....唔理啦~~~大家出黎打機為開心ja,冇理由係咁抄佢, 之後我後果兩埸不停讓佢,搞到第三,四埸 -20~50血險勝她,咁咪大家都開心囉

誰不知第四埸完後,突然有個30~40歲左右既矮小既光頭肥佬走出黎問我:[係咪你打既?]之後我答佢:[係]佢走近我扯住我件衫領說:[你係咪好好打,同我出去打]但係佢一扯之下,我個身完全冇俾佢整動過,反而仲好直咁垂直佢面前,只見佢眼神突然感到驚訝,之後佢只扯住我件衫,個身退後幾步!我客氣地回佢:[喂,打機ja,唔駛搞到咁呀,打機實有有勝有敗既一方,更何況我果幾埸都係睇運氣亂格一通,睇運氣ja]我心諗,都唔知佢係咩人,睇周圍D年青人,好似好驚佢咁,我又唔夠狠心打到佢仆x,佢還有兩隻馬仔係到,更何況我返緊工,都係唔好惹.再即時回他:[大佬對唔住囉,我都唔係有心打win你地,最多我唔玩囉,真係唔好意思]個肥仔變得吋進尺向我說:[你最好唔好行去呢個門口]他說完之後,仲扯住我件衫,過多幾秒後我在想我已經好俾面佢啦,仲唔放手,我突然之間感覺得有點憤怒,我既眼神隨即變得有點凶狠,望向他1~2秒,他見到後又退後多2步之後就放左手,我眼神隨即變回友善離開坐位,看看周圍環境,只見果個肥仔周不時走到離我好遠既地方望住我,我心想....咩你好似仲驚過我咁既,但係佢個樣仲係好惡......

立呆了十幾分鐘,算啦,打電話俾呢到既 [[地頭蛇]] 他是我比較相悉的朋友,佢問我發生咩事果個人既年齡,特徵!!之後叫我打俾我阿哥同姐夫

係入面等佢地黎,大約30分鐘後只見我果兩位朋友來左,我阿哥同姐夫覺得只係小朋友打架,認為我要被打幾次先會識成長所以冇來= =凸

之係佢地立即搵晒成個埸都搵唔到果個肥佬同佢D馬仔,我朋友再問佢仲有冇其他特徵,之後個埸個老闆聽到就走過黎說:[ 咩你頭先俾人搞咩,我真係唔知喎]我朋友立即問個老闆知唔知果班頭先坐係我朋友對面既係咩人,而家係邊,老闆說:[喔,我知你地講緊邊一班人,佢地係我D熟客黎,冇咩野既,果個肥佬成日得把口,唔會真係既放心啦,佢地一早走左好耐啦]我心想,唔係怪,唔通俾佢見到我打電話call人黎,佢地驚到走佬= =我再講一講另外果位女仔(肥婆)既特徵,我朋友再想一想,想了30~60分鐘,唔通係佢地,佢衝去搵其中一位保安,問左幾分鐘野,之後佢打電話俾我阿哥話

已經知道邊個搞事!!我朋友向我講返詳情,原來果個人之前係呢度既保安,後來被另一位保安整走左佢,之後唔知點解果個肥仔在這1~2個月開始

精神出現問題,成日在千色搞事.後來我見到我阿哥,我阿哥同我講;[超,仲以為係邊個,原來係佢;如果佢要打你既話,佢一早打左你啦,駛鬼約你出去門口咩;聽你咁講你做咩唔惡D一手弄開佢隻手,如果真係打,咪打囉]我回我阿哥說:[你知啦,如果講力氣我一定win硬佢,但係如果講狠既話

我又唔忍心打痛佢,打起上來對我佔不到任何便宜,所以我只有捱打的份兒,還有我在上班中的....]

言歸:其實究竟有冇方法可以強化[狠]的程度,

我也知道那人夠不夠狠是各人的心理因數而定

但我相信心理學到應該有方法的,

我自己也想到一兩個方法,

(一)注射瘋狗針,(二)洗腦,(三)電子情緒控制裝置,(四)各人的憤怒

作者: 小朋友仔仔 時間: 09-4-9 08:03 PM

黑面加啤人應該會嚇到下既

我都係打gundam seed destiny

我有時都會去元朗打機..通常b仔格黎間機舖..有時多人都會去千色打

我都成日比飛仔或者大少少既人撩...就算唔係打機都亂啤人架lo d人

不過我通常會show下肌肉既...廢事煩...嚇走佢地算...

上次有條友想打我個fd添...但佢都係得個講字...沒有用的傢伙

講真打起上黎我唔會驚..對一d打爛仔交既人打幾個我自問打得贏

但當然我唔主張打交...但佢地要打既話我一定唔會留手...順便教訓下呢d飛仔

小心d啦你...元朗部分人好冇品..打機玩之嘛...嘈黎都哂時間

作者: 天~HK~地 時間: 09-4-9 08:13 PM

聽君一席話,勝讀十年書!!
經過這一事後,我更覺得我更加要放時間去武術方面~~~為了保護我自己及我的家人

好奇心起,想請教師兄,如果真的跟佢出到去,一般來說佢會點呢????

作者: 少爺仔．奀 時間: 09-4-9 09:39 PM

打唔成咪好囉,=.=" 狠唔狠真係好睇性格

作者: －太初－ 時間: 09-4-10 02:43 AM