2000FUN論壇

標題: 皇馬是史上最悲慘的失敗者 [打印本頁]

作者: 愛人愚己 時間: 09-4-16 02:38 PM 標題: 皇馬是史上最悲慘的失敗者

儘管始終未能超越巴塞，但皇馬在西甲聯賽上的數字還是令人感到震驚，祖安德‧拉莫斯上任後，皇馬16輪聯賽14勝1平1負，同期戰績甚至超過巴塞(哥迪奧拿的球隊13勝1平2負)，對比歷史可以看到，這是最近20年來同期成績最好的一支皇馬。

史上最強的亞軍

30輪聯賽，皇馬獲勝22輪，拿下69分，這樣的分數放到意甲，摩連奴會寢食難安，放到英超，費格遜和賓尼迪斯也都笑不出來，放到德甲和法甲，皇馬甚至可以直接宣佈奪冠，但在西甲，這個賽季的皇馬卻可能扮演一個悲劇角色，那就是既是史上最強的亞軍，也是史上最悲慘的失敗者。69分，在99-00賽季，已經可以奪冠了，但現在，皇馬即便拿80分，都很難成為冠軍。8輪聯賽還有24分可拿，皇馬即便拿一半分數，最後積分也能達到81分，這一分數比最近11個冠軍中的8個都多，但對現在皇馬來說，卻可能無濟於事。
事實上，從某種意義上來說，「超級巴塞」的存在，也讓皇馬能真正認識到問題的存在，否則，皇馬的革新行動可能又會推遲。

然而，與巴塞不同，皇馬屬於典型的「窩裡橫」，白衣軍團在歐洲賽場已經連續5個賽季倒在了16強上，祖雲達斯、阿仙奴、拜仁慕尼黑、羅馬、利物浦，五大「劊子手」扼殺了皇馬進入八強的美夢，歐冠九冠王如今連進入八強都成為難事，可見這支球隊落魄到了何種境地。

自己的實力事實上是不行的

皇馬不斷連勝，但勝利的含金量究竟怎麼樣？祖安德能戰勝的對手中，也就華倫西亞和維拉利爾算是強隊，對巴塞和馬體會，他就只取得1負1平，其它對手，大多數小蝦小蟹的角色。事實上，皇馬一遇強隊，真正的實力就顯露出來了。聯賽中，皇馬在魯營全力收縮也未能擋住巴塞的進球；冠軍聯賽小組賽，皇馬對祖雲達斯打得非常吃力，而且主客場都被對手雙殺；16強，皇馬主場未能對抗住利物浦，到了客場，則遭遇慘敗。這5場比賽，比皇馬所有的獲勝場次都更具參考意義。

皇馬的陣容並不平衡，被利物浦淘汰賽，西班牙不少的足球專家表示，皇馬也就是16強的水準。邊路，皇馬只有洛賓一人可用，鋒線上，雲佬受傷，亨特拉爾臨時加盟，而且他和拉斯‧迪亞拉還只有一人能獲得歐戰資格；中場，皇馬欠缺組織型人才，古迪依然還是脾氣不改，史尼達、雲達華治都沒有展現令人信服的水準，後防線上，軒斯毛糙、簡拿華路老邁，比比和拉莫斯承擔的任務過重。

皇馬誰也沒有引進

算起來，皇馬這幾年在轉會市場上投入的金錢也不少了，僅卡達朗執政時期，皇馬就花費了3億多歐元，但這些錢，許多都沒有花對地方，球隊如今依然失衡。皇馬需要巨星，但也不能執迷於巨星，球會高層與球隊主教練之間，也需要更多的理解與默契。前皇馬主帥蘇斯達披露說，皇馬的簽約政策有時候是完全違背競技原則的：當時，我對球會高層說，如果C.朗拿度不來，那就另外簽入3、4名球員。我知道皇馬要引進C.朗拿度，肯定要花一大筆的錢，他們也告訴我，如果引進了C.朗拿度，那球會就很難再引入其他球員了。也許能引入一位，但肯定是價格非常便宜的那種。但事實上，皇馬更需要那些球員而不是C.朗拿度。C.朗拿度是球會高層的提議，但教練組知道，引進一個C.朗拿度解決不了皇馬其它很多的問題，因為他既不能防守，也不能出任邊後衛.....。更令人吃驚的是最後皇馬誰也沒有引進。」

蘇斯達表示，皇馬的簽約事務中存在許許迪奧杜度的怪事，比如球會4月份就開會商定了轉會計劃，但此後高層卻沒有任何動作，比如，皇馬要簽約C.朗拿度有錢，但要簽其它球員，米賈托維奇等高層又突然表示球會沒錢了。皇馬需要加強實力，但不能執迷於一兩個的巨星，而是要讓球隊變得更加平衡，一切還是要符合競技規律為原則，2010年，歐洲冠軍聯賽決賽將在班拿貝球場進行，對皇馬球迷來說，再沒有比在家門口看別的球隊爭奪冠軍更痛苦的事了。已經連續5年未能闖入冠軍聯賽8強皇馬，到了必須實現突破的時候了。(沙治奧)

(內容由新浪北京提供)

作者: 阿霖 時間: 09-4-16 02:50 PM

西甲尼講,皇馬今季其實算好勁
只係今年有隊更癲既巴塞
就算最後有無冠軍都好
球迷見到球隊踢到好波
相信都會好開心

作者: 春＊﹏” 時間: 09-4-16 05:05 PM

無奈今年巴塞太強...

作者: dog1210 時間: 09-4-16 05:16 PM

巨星得c朗1個咩

講真而家皇馬攻力唔太需要加好多人手囉
亨特拉爾開始踢起,魯爾應該可以頂多1-2年,雲佬出番黎加埋希古恩,仲有個比人當無到既
沙維奧拿,
如果真係要加攻力,我諗c朗既位置的確對皇馬有用,但唔一定要買代表e個位既人囉..
馬些路表現真係唔太出色,翼鋒要換係真,點解唔試下列貝利?

作者: c朗乂sHiNg 時間: 09-4-16 05:18 PM

原帖由 春＊﹏” 於 2009-4-16 05:05 PM 發表
無奈今年巴塞太強...

係屈機

作者: 利物浦加西亞 時間: 09-4-16 05:19 PM

好勁咩皇馬==?

攻就一流
防守就9流

勁既話防守就唔會比唔到信心人地啦=-=

打左咁多年條後防次撚次都係打卡斯拿斯一個

我完全唔覺得佢地好慘囉
根本就係on9
年年又買c朗又幫邊撚個
幫d好既防守球員得唔得?

(當03年前我仲認真睇波個時... 都係鐘意皇馬)

作者: ！！！！！ 時間: 09-4-16 05:22 PM

史上最強的亞軍

咁要唔要整個最強季軍

作者: 何小B 時間: 09-4-16 05:43 PM

原帖由 利物浦加西亞 於 2009-4-16 05:19 PM 發表
好勁咩皇馬==?

攻就一流
防守就9流

勁既話防守就唔會比唔到信心人地啦=-=

打左咁多年條後防次撚次都係打卡斯拿斯一個

我完全唔覺得佢地好慘囉
根本就係on9
年年又買c朗又幫邊撚個
幫d好既防守球員 ...

我係皇馬fans...見你咁講我唔會話怪你,因為某程度上我同意你既講法,係真係比唔到信心人!!
我想講...其實條防線下半季已經好左好多(可能係拉莫斯既排陣/新入既迪亞拉關係啦)
另一方面睇,就係後防唔係太勁,失左波先,之後就要追返
所以皇馬d波好少悶場,極少0比0

作者: Schmeichel 時間: 09-4-16 05:52 PM

無計...
依家強者愈強情況下...
要稱王必須比以前強大的實力,,,

作者: alanip2003 時間: 09-4-16 06:01 PM

原帖由 利物浦加西亞 於 2009-4-16 05:19 PM 發表
好勁咩皇馬==?

攻就一流
防守就9流

勁既話防守就唔會比唔到信心人地啦=-=

打左咁多年條後防次撚次都係打卡斯拿斯一個

我完全唔覺得佢地好慘囉
根本就係on9
年年又買c朗又幫邊撚個
幫d好既防守球員 ...

唔同意
皇馬而家攻擊力絕對唔係一流
中場史尼達,加高經常傳失波
vdv又唔出,洛賓又沈左,
相反,防守就比起以前好左
而家皇馬防守有左比比,拉莫斯,拉斯,的確係好左好多
你可以睇近十幾場聯賽,失波係非常少

作者: ○※輝※§ 時間: 09-4-16 06:08 PM

睇d數據....真係可怕

作者: 愛人愚己 時間: 09-4-16 07:00 PM

希望皇馬下年歐聯爭氣d, 唔好次次都死剩巴塞幫西班牙爭霸

巴塞+皇馬打英超big4, 我會好期待

作者: vacun7 時間: 09-4-16 07:04 PM

我唔同意wor@@

作者: 。褲仔 時間: 09-4-16 07:26 PM

原帖由 愛人愚己 於 2009-4-16 07:00 PM 發表
希望皇馬下年歐聯爭氣d, 唔好次次都死剩巴塞幫西班牙爭霸

巴塞+皇馬打英超big4, 我會好期待

你頭像好型唷!!但條褲 ... -.-

皇馬真係覺得好可惜

作者: 何小B 時間: 09-4-16 07:41 PM

原帖由 。褲仔 於 2009-4-16 07:26 PM 發表

你頭像好型唷!!但條褲 ... -.-

皇馬真係覺得好可惜

比d時間^^有起有落係正常
"real madrid" is coming^^

作者: BOBOBOYBOBO 時間: 09-4-16 07:54 PM

原帖由 利物浦加西亞 於 2009-4-16 05:19 PM 發表
好勁咩皇馬==?

攻就一流
防守就9流

勁既話防守就唔會比唔到信心人地啦=-=

打左咁多年條後防次撚次都係打卡斯拿斯一個

我完全唔覺得佢地好慘囉
根本就係on9
年年又買c朗又幫邊撚個
幫d好既防守球員 ...

我唔同意你講既野

係拉莫斯上任,16場失左7球,其中2球係第一場作客輸比巴塞

上任第1場,用一個殘陣(我記得要用s.拉莫斯打左閘,沙加度打右閘,迪倫菲正選左翼,洛賓停賽)

全場比人禁住黎打都捱到8x分鐘,即係15場只係失左5球.....果場之後就落後12分

我覺得真係好可憐,每次皇馬自己踢完贏左波,都期待巴塞會失分,希望可以追近小小,結果都係一d父獲都冇,

或者有時見到巴塞贏左波先,皇馬自己都只可以爭取贏波,唔好比呢個遙遠距離變得更遙遠

最短試過差4分,結果下場對贏左巴塞既馬體會只係逼和到1:1,我一開始覺得好唔抵,咁辛苦追到4分,又拉開返2分,

不過睇d新聞見到:雖然和波,但係皇馬追趕巴塞既旅程,1分都係無比珍貴,,,,我就真係感受到1分既寶貴性

其實有d幾氣餒.....不過皇馬呢種唔放棄既精神,真係值得睇埋今季西甲落去!

作者: 巫師 時間: 09-4-16 07:54 PM

憑佢個後防同較弱既防中,想係2場過既歐冠拎到成績都好難
你估你仲有C丹咩-.-

作者: 沙加度 時間: 09-4-16 08:14 PM

真係各有各睇法
睇皇馬咁耐
由佢巨星計劃,到近年認真買返d後防返黎
個刻心都安慰,無奈係又話後防唔穩,唔合拍
唉,高層永遠都係罪魁禍首,買星就多多都有,有實力但缺星就冇咁爽口

或者最終失敗係因為人腳經常換返原因..

今年打到咁,算係咁架啦..
失球唔算多,得球又接受到
不過睇得皇馬波既人都難免發現
魯爾好多次既入都係門口輕輕踢入
唔知講佢把握力好定咩,又或者重於在此好..
如果魯爾唔係度,都唔知點算..

作者: 「小鬼」 時間: 09-4-16 09:33 PM

好無聊呀篇野..
仲有咁多場波未打
皇馬輸硬?

作者: rayleeseng 時間: 09-4-16 09:35 PM

今年西甲真係一場都唔可以輸...

作者: 宮佐 時間: 09-4-16 09:43 PM

邊有得話慘唔慘國家打吡又未踢

作者: 愛人愚己 時間: 09-4-16 09:44 PM

原帖由 。褲仔 於 2009-4-16 07:26 PM 發表

你頭像好型唷!!但條褲 ... -.-

皇馬真係覺得好可惜

紅藍衫+藍褲, 咁先似巴塞ma

作者: 細樂 時間: 09-4-17 12:58 AM

仲有機會o既~巴塞超級魔鬼賽程
睇下皇馬把唔把握倒啦

作者: 雞仔凸 時間: 09-4-17 01:39 AM

勁唔勁唔緊要最重要拎冠軍
就好似10比0 同1比0一樣都係win

總之有冠軍就得我理得佢幾多埸不敗幾多埸連勝
有連勝幾多埸只不過係錦上添花
冇獎就等於自我安慰 omg

[ 本帖最後由雞仔凸於 2009-4-17 01:41 AM 編輯 ]

作者: 傑斯仔 時間: 09-4-17 04:14 AM

皇馬比人感覺好似好唔團結咁,分好多幫派,又話D球員唔妥主帥咁....
如果想攞返個聯賽,真係要改善下

作者: 利物浦加西亞 時間: 09-4-17 07:20 AM

原帖由 BOBOBOYBOBO 於 2009-4-16 07:54 PM 發表

我唔同意你講既野

係拉莫斯上任,16場失左7球,其中2球係第一場作客輸比巴塞

上任第1場,用一個殘陣(我記得要用s.拉莫斯打左閘,沙加度打右閘,迪倫菲正選左翼,洛賓停賽)

全場比人禁住黎打都捱到8x分鐘,即係 ...

好唔抵咩?

作者: BOBOBOYBOBO 時間: 09-4-17 11:11 AM

原帖由 利物浦加西亞 於 2009-4-17 07:20 AM 發表

好唔抵咩?

比較返呢兩年西甲,上季皇馬一直領先巴塞,首循環皇馬作客贏左巴塞之後,有7分距離,只係7分,第25週追到最近既2分

雖然皇馬間唔中會失下分,,但係巴塞都冇努力追.13週追兩分都冇嘗試過.連續輸2場後係原全係放棄左,13場3勝,4和,6負....

相比今季皇馬首回合輸比巴塞,距離12分,比起之前巴塞7分多成5分,但係之後係連勝,一直冇放棄過,而且上季巴塞追皇馬果時,

皇馬都有間中失分,但係今季呢15場巴塞只係試過3場失分,但係皇馬依然唔放棄,而加仲拼命緊...

所以我真係覺得好唔抵..

作者: cancerboy 時間: 09-4-17 11:47 AM

原帖由 BOBOBOYBOBO 於 2009-4-17 11:11 AM 發表

比較返呢兩年西甲,上季皇馬一直領先巴塞,首循環皇馬作客贏左巴塞之後,有7分距離,只係7分,第25週追到最近既2分

雖然皇馬間唔中會失下分,,但係巴塞都冇努力追.13週追兩分都冇嘗試過.連續輸2場後係原全係放棄左,13 ...

有幾唔抵,足球就係咁啦
仲有點解講到皇馬就有心要追,巴塞就放棄咁呢?
上季你係巴塞到踢波? 冇心追就唔會只追到差2分啦
你估佢想連輸兩場咩,咁足球既野好難講,唔係實力好d就一定win
所以我都唔明你點知佢唔想追

歡迎光臨 2000FUN論壇 (https://www.2000fun.com/)