2000FUN論壇

標題: To:小雲請開放擺放金錢上限暨為死去了的小蛋蛋默哀 (打到手軟) [打印本頁]

作者: 光之喬 時間: 09-4-21 03:56 AM 標題: To:小雲請開放擺放金錢上限暨為死去了的小蛋蛋默哀 (打到手軟)

由於小雲的細聲說post已經包含了太多口水... 眼花潦亂.. 實在沒看清小雲已經提及唔會把金錢上限增加..

但須知道.. 每個遊戲均會經歷通貨膨脹(即物價上升) 現實社會亦一樣引用日本為例子日本的價格單位大家也知道

日元的面值是很大的最大的有一萬円像付錢買電腦般每部約數十萬円若日本沒有推出一萬円這種紙幣

而像祖國還用一百元面值的話... 人民生活會極之不方便

夢之情況亦相若夢幣貶值物價上升是不可避免的(基於玩家生產金錢的速度大於遊戲回收夢錢的速度)

若放錢上限仍然是一億不出一個月...

防爆會突破每個6百萬(1:20) 雙經則會升至320萬而pt水夢古更已屆6千-8千萬不等

你想想... 每個玩家3個角色只能放錢3億... 但多出的金錢可怎樣用?

3億以現今物價計算.. 只能換做12組天毛(2500萬一組)

玩家只有儲點品儲天毛儲... 總之不要錢

屆時物價因此再度上升玩家預期通漲持續紛紛將手上金錢轉換成點品天毛滿月等必需品但需知道金錢製造的速度半點不減...

不出一個月夢錢的貶值速度再度加快... 到時5千萬一組天毛不是夢話

因為玩家有的是錢但沒有的是天毛.. 缺少的是天毛衝翼的快感令玩家不斷提價..

最後... 一億的上限只能買兩組天毛... 擺檔的玩家就得哭了... 不用一會就滿錢.. 錢能擺去哪裡？

一部電腦... 沒有雙視... 最後... 玩家只好買回剛賣掉的天毛.. 情願以天毛以物易物...

夢錢最後只會沒有價值..

放寬夢錢擺放上限能糾正上述問題... 加推夢之好野人排行榜更是一絕(有錢人排行榜)

這樣一來能夠讓玩家儲錢二來方便玩家交易玩家不會只要貨而不要錢

再者好野人榜的出現能令玩家出現新的競爭保持一定人數追逐夢錢的數量

當然小雲你要明白一個非常重要的道理

玩家生產遊戲金錢的速度遠大於遊戲回收金錢的速度

玩家能生產金錢的方法不多﹕一是打怪掉落、二是官方機制送出(即戰/時空)、三是小遊戲內的東西賣npc、四是其他官方舉辦的活動

但回收夢錢的方法亦更少﹕一是整咭(五轉300萬四轉100萬)、二是衝裝(衝+8每次40萬+9好似100萬)衝咭(衝+6-10 50萬/次衝+11以上100萬)、三是傳送點(1000/2000/5000)

而更有不法玩家利用漏洞生產了大量來歷不明的夢幣流出市面先導致嚴重的通漲情況再因為夢錢上限而令玩家選擇物品而不要夢錢

要長遠解決夢錢貶值問題

1. 堵塞任何非法製造夢錢的方法
2. 增加夢錢的需求
3. 增加回收夢錢的途徑
4. 增加官方回收夢錢的活動(例如拍賣會)

小雲，你應知道夢錢貶值問題已把這夢之歷險弄得污煙瘴氣 (半年間可以由100hkd=1000m 跌至 16hkd=1000m)

每天玩家在商場上線就會看到幣商一堆堆賣錢的宣傳

玩家買點玩遊戲卻發現點數的價值遠不及買錢的吸引 (160蚊1e=幾乎一張點咭可以換1e;相信此情況很快來臨)

長此下去誰不心淡?

我這些做商人的
眼看供求不平衡 感受極深
幣商不斷把利潤蠶食辛苦日夜雙開掛檔商街門口收收賣賣
有人可能覺得我們是奸商
但奸商也是在正檔商業運作
供求關係明買明賣
奸也是奸一些有能力付多一點的人(貪方便的人)
但現在... 夢之的生存環境連我們做商人的也感到很沮喪
今天賺到的夢錢明天便貶值一倍... 今天賣的防爆是100萬明天卻要收200萬...

連我們這些商人都叫苦連天了...
那些普通玩家.. 不是買錢玩的勤力玩家... 努力打物料換錢的玩家更是心淡

但心淡又有何用.. 官方竟然還不思進取

家族功能雪地功能時好時壞

海洋server時常大地震(大斷線、回溯等)

夢商無法無天明目將膽官方說一套做一套...

更有懷疑夢商為何能不斷發言而不中斷難道不是外掛而是人手？

夢之外掛網更公然在商街門口宣傳到底有多少玩家能不進遊戲而打怪不得宜知..

我們還對夢之有著殘存的信心，我們還相信夢之能帶給我們滿足和歡樂，我們還相信夢之能令我們識到更多朋友，我們還相信夢之令能我們有夢(夢見衝到傳..+15..?)

不然，我亦犯不著打這麼多字來告訴gc該做些什麼事

剛過去的復活節活動真令人失望透頂... 不知有多少小蛋蛋沒有孵化就死亡了？

難道官方真的不知道玩家不會滿足於小蛋蛋嗎？至少你能安排多一些東西讓玩家抽獎吧...

無啦啦迫玩家殺死這麼多的蛋，於心何忍呢？

難道官方真的那麼不體恤玩家？

小雲... 做這遊戲的官方板主不容易玩家的意見你也應好好反映謝謝

[ 本帖最後由光之喬於 2009-4-21 04:02 AM 編輯 ]

作者: eclimax 時間: 09-4-21 06:50 AM

好野~`
講出小玩家既心聲
E+一張+9都成億幾
易完1e之後又要轉ac
轉得ac個條友都走左啦

作者: yinghon1993 時間: 09-4-21 07:29 AM

以物易物吧
開放上限又會話10億唔夠
要開多100億
e種做法好易造成通貨膨脹

作者: Oo赤oO 時間: 09-4-21 07:54 AM

幣商同gc關係..其實心照吧.
封一個acc有幾難?凍一個acc有幾難?
難得過整d 4格漫畫.整咩活動?
gc俾我感覺就係同d 幣商有聯繫..就好似幣商賣到1000m.幣商就袋8$.gc就袋8$...game$,話唔定係gc供應添
我冇真憑實據,,我唔係誹謗...但真係日日都見到有幣商嗌..好難叫人唔亂諗野.

作者: FANS 時間: 09-4-21 09:02 AM

原帖由 Oo赤oO 於 2009-4-21 07:54 AM 發表
幣商同gc關係..其實心照吧.
封一個acc有幾難?凍一個acc有幾難?
難得過整d 4格漫畫.整咩活動?
gc俾我感覺就係同d 幣商有聯繫..就好似幣商賣到1000m.幣商就袋8$.gc就袋8$...game$,話唔定係gc供應添
我冇真憑實據,, ...

最慘佢地唔肯去認真做封bug錢呢個技術(佢地都搵唔到呢個bug錢方法),冇就呃人姐,以我所知200%有,以前有,而家唔知,但我見有bug過錢既玩家仲有玩緊

作者: FANS 時間: 09-4-21 09:10 AM

呢個post講得幾,好入題

以我黎計,我有3億身家(唔算多錢),我都唔敢去買任何野(因為我唔係生意佬),
小蛋蛋,我1隻都冇換過(呢d時候梗係去雪地啦,難得又冇啦啦好番),
呢2日開始冇斷線和回溯(應該gc和小雲幫我地去跟進左),
總知一句,而家有左官方版主係好左(但未夠),
我好希望gc既人,每日(抽少少時間上夢之了解下人和事),咁會幫我地解決到好多野(其實我地打去話發生左問題,佢地都唔明+唔知),
講到真係人都火火地(有d好既肯聽你講,唔明都問清楚咩事,有d真係聽完就算)

其實好簡單(想了解發生左d咩事),可以搵d老手傾下計(清楚情況果d玩家),和佢自己親身去了解下,問題唔難解決掛,佢地番工都係為隻game而工作,why唔抽下時間上去呢??

作者: 高比仔~ 時間: 09-4-21 09:24 AM

樓主講出我個心聲~
掛檔賣到野,賺到夢錢
但日日見佢貶值,好鬼心淡,幣商,唉....

作者: manchun2hk 時間: 09-4-21 09:51 AM

小雲都講左
bug錢個方法失敗唔係真的
你還繼續講嗎

作者: 聾伯 時間: 09-4-21 01:51 PM

我淨係知上年既蛋蛋到依家都未開哂
同埋
3日內沖裝+8食左我2400萬(未計開吉石防爆錢)
仲要爆5固1咁同我玩野

的確係一個回收夢幣好方法

[ 本帖最後由聾伯於 2009-4-21 01:53 PM 編輯 ]

作者: chiu0255 時間: 09-4-21 02:12 PM

字海..+8點解平過+7?

作者: Oo赤oO 時間: 09-4-21 02:13 PM

原帖由 FANS 於 2009-4-21 09:02 AM 發表

最慘佢地唔肯去認真做封bug錢呢個技術(佢地都搵唔到呢個bug錢方法),冇就呃人姐,以我所知200%有,以前有,而家唔知,但我見有bug過錢既玩家仲有玩緊

點會封bug

?
有錢搵喎-.-"

作者: 官方小雲 時間: 09-4-21 02:20 PM

原帖由 光之喬 於 2009-4-21 03:56 AM 發表

由於小雲的細聲說post已經包含了太多口水... 眼花潦亂.. 實在沒看清小雲已經提及唔會把金錢上限增加..

但須知道.. 每個遊戲均會經歷通貨膨脹(即物價上升) 現實社會亦一樣引用日本為例子日本的價格單位大家也知 ...

十分多謝呢位玩家既意見

相信唔少玩家亦知道現時夢幣貶問題日見嚴重
更有玩家因為人物金錢上限而不能交易、掛賣

我地亦知道夢幣的貶值對於大部份玩家黎講
都係一種麻煩、痛苦的事情
對於掛商的玩家無法長時間掛賣
更有些卡片、裝備、道具無法交易的情況

不如正如我之前所講
我地已經收到開發商既通知
並會在未來進行多種修改、更新黎阻止幣商在夢幣方面的生產
而且會有一連串的回收夢幣的活動、物品更新來回收市面上貶值得嚴重的夢幣

但若現時提高夢幣的上限
只會造成一種情況 : 加速《夢之歷險》步向死亡

皆因在現時把夢幣上限提高的話
只是一種治標不治本的方法
而且只能於短時間內解決現時問題

當日後幣商因為金錢上限調高
玩家身上的金錢越黎越多
夢幣無法容易消去的時候
那即使金錢上限提高至十億
也只會令s卡、裝備、道具等的價值再度提升至二十億甚至三十億

這是我們官方與開發商在討論到提升金錢上限的時候所作出的預料
另外，若提高了金錢上限更會對日後所作出的回收夢幣活動、更新變得豪無用處
更會令夢幣貶值得更快

所以為了保護《夢之歷險》能夠有足夠的生命力
去迎接未來的修改、更新、活動
這是需要必先考慮的情況
希望玩家能夠明白

官方對於玩家要求更改金錢上限並不是視若無睹
只是為了保護《夢之歷險》那小小的生命
只作出了拒絕提升上限的決擇

這是一個長遠的決擇，對於夢幣貶值問題
官方與開發商亦已達到共識，
而且我們比玩家更希望能夠盡快解決、更希望能夠完全滅絕幣商的問題
對於玩家們的急切，我們深感明白
但因為我們希望《夢之歷險》能夠提供給玩家
一個無幣商、無外掛的遊戲環境
希望玩家能夠明白官方的苦心

如有任何問題/意見可再次提出

原帖由 FANS 於 2009-4-21 09:02 AM 發表

最慘佢地唔肯去認真做封bug錢呢個技術(佢地都搵唔到呢個bug錢方法),冇就呃人姐,以我所知200%有,以前有,而家唔知,但我見有bug過錢既玩家仲有玩緊

我們查過很多玩家的紀錄
亦跟韓國方面講過有關bug錢既問題
但開發商說找不到有任何bug錢既bug

而且我們亦按照疑似bug錢的玩家的動作重複做一次
也沒有得到bug錢的結果
所以bug錢的bug是否存在, 仍是未知之數
但現時看來是沒有這個bug的存在

[ 本帖最後由官方小雲於 2009-4-21 02:23 PM 編輯 ]

作者: 光之喬 時間: 09-4-21 03:01 PM

當你的銀包沒有空位擺放足夠的金錢時

你會選擇(A)用掉身上的金錢?

還是(B)買一個較大的銀包來裝?

抑或是(C)買多一個銀包?

選擇A 物價上漲夢錢貶值速度更加快

選擇B 物價相對平穩至少有地方可放錢

選擇C 買多一個銀包根本是浪費資源雖然玩家或幣商可不斷開新帳戶以解決問題但一樣是治標不治本

老實說.. 官方不肯提高金錢擺放的上限玩家/幣商只要不斷開小號來放錢

最後GC的行政費用亦相對提高(例如玩家有更高機會會忘記密碼/帳號，更多的空號亦佔用了儲存空間)

倘若造成玩家的不方便，發展商卻不覺得是遊戲失敗的地方

玩家還有什麼可說？

作者: manchun2hk 時間: 09-4-21 03:03 PM

樓上
你都好似幣商一分子wo
即講即del 勁= =

作者: 官方小雲 時間: 09-4-21 04:49 PM

原帖由 光之喬 於 2009-4-21 03:01 PM 發表
當你的銀包沒有空位擺放足夠的金錢時

你會選擇(A)用掉身上的金錢?

還是(B)買一個較大的銀包來裝?

抑或是(C)買多一個銀包?

選擇A 物價上漲夢錢貶值速度更加快

選擇B 物價相對平穩至少有地方可放錢
...

若選擇A的話, 夢幣並不會貶值, 只會保持現有的水平
除非有玩家惡意性出高價才會令夢幣貶值
若選擇B的話, 治標不治本的方法, 只會令幣商存有的金錢更多,
夢幣能在同一時間生產更多, 令夢幣貶值更快 , 加速死亡
更令往後所作出的回收夢幣動作沒有效果
令遊戲踏入死亡前的路程
試想想, 當人物金錢上限提升了
雖然暫時物品都能交易了, 夢幣的金錢上限提升
但遊戲內的夢幣產量與現時相同, 令貧者越貧, 富者越富
這就是為何官方與開發商拒絕提升金錢上限的原因
若選擇C的話, 對於玩家來說是一種麻煩, 但可限制幣商對生產夢幣的數量
從而可暫時性控制幣商的夢幣輸出量
只要配合往後的更新令幣商減少, 夢幣的生產量下降
加上回收夢幣的活動、更新、道具
簡單地讓市場降溫, 回復往時的水平

這就是不能提升金錢上限的原因

作者: 闇夜音符 時間: 09-4-21 05:01 PM

加多句...物價好鬼貴!!政府要管制!!

[ 本帖最後由闇夜音符於 2009-4-21 05:11 PM 編輯 ]

作者: ann18191823 時間: 09-4-21 05:27 PM

5好膠啦...
你講左咁多理由.....
原因都係想官方開放金錢上限....
1個正常既玩家會有幾多錢???
即使係咁帶死地我相信都5會比幣商多幣囉....
如果開放金錢上限姐係間接幫左幣商1把?
只於衝s卡....冇咩可能幾次衝得到...
加上夢既通脹都皆因幣商同天毛問題
而有大量玩家不斷衝卡.... 而經令不少金錢被官方回收
如果係未有比呢個方法回收金錢更好... 我認為開放金錢上限只係壞處多多
你5洗d錢都只係因為幣商....
所以根源並5係金錢既上限...而係幣商...
將幣商所持有既夢幣全部沒收再配合推行一d收幣活動我覺得5洗再開上限囉
要明白夢出左3年隻game 重有好耐壽命
咁快將金額上限提高.... 想夢之 5汁都幾難啦~

作者: FANS 時間: 09-4-21 06:27 PM

原帖由 官方小雲 於 2009-4-21 04:49 PM 發表

若選擇A的話, 夢幣並不會貶值, 只會保持現有的水平
除非有玩家惡意性出高價才會令夢幣貶值
若選擇B的話, 治標不治本的方法, 只會令幣商存有的金錢更多,
夢幣能在同一時間生產更多, 令夢幣貶值更快 , 加速死亡 ...

惡意性高價,係果班生意佬掛商越來越高

希望佢地肯一齊減下價啦,我d錢真係唔敢買和做任何野,寧願忍下算,到平番先再沖卡沖裝

作者: Oo赤oO 時間: 09-4-21 06:48 PM

原帖由 光之喬 於 2009-4-21 03:01 PM 發表
當你的銀包沒有空位擺放足夠的金錢時

你會選擇(A)用掉身上的金錢?

還是(B)買一個較大的銀包來裝?

抑或是(C)買多一個銀包?

選擇A 物價上漲夢錢貶值速度更加快

選擇B 物價相對平穩至少有地方可放錢
...

b好似唔係等於物價平穩..
當你可以裝無限錢..
咁係咪即係只要人地有真錢,,就買多多game$都得..?
咁係咪即係鼓勵人買game$?..多人買game$.仲等於物價平穩??

作者: Xirox 時間: 09-4-21 06:57 PM

總結樓主的話
始終官方沒有做好自己的本份
既然設計一個遊戲需要花那麼多的時間、人力、物力
為何眼白白看見遊戲正踏入衰退
卻冷眼旁觀？
我知道官方固然有他們的難處
但官方又是否可以做多點功夫
讓玩家知道官方是為玩家著想
以留住玩家呢？
這樣
作為一間牟利公司
對生意額也有幫助吧

作者: ╭♂開心♀ 時間: 09-4-22 12:27 PM

1-20lv 可以放1億
20-30lv 放2億
30-50lv 放5億
50-70lv 8億
70-100lv 10億

lv黎分錢既上限,

仲有家族等級有咩用-.-?
可唔可以增加一樣野@@
越高等級既家族可以招多d人
咁玩家們就可以努力升家族等級
讓家族越來越強大~

[ 本帖最後由 ╭♂開心♀ 於 2009-4-22 12:28 PM 編輯 ]

作者: Oo赤oO 時間: 09-4-22 12:33 PM

原帖由 Xirox 於 2009-4-21 06:57 PM 發表
總結樓主的話
始終官方沒有做好自己的本份
既然設計一個遊戲需要花那麼多的時間、人力、物力
為何眼白白看見遊戲正踏入衰退
卻冷眼旁觀？
我知道官方固然有他們的難處
但官方又是否可以做多點功夫
讓玩家知道 ...

如果你將gc同幣商係有聯繫呢個概念代入落去,你就會明.

作者: IaM醉愛沙 時間: 09-4-22 12:47 PM

原帖由 官方小雲 於 2009-4-21 02:20 PM 發表

十分多謝呢位玩家既意見
相信唔少玩家亦知道現時夢幣貶問題日見嚴重
更有玩家因為人物金錢上限而不能交易、掛賣
我地亦知道夢幣的貶值對於大部份玩家黎講
都係一種麻煩、痛苦的事情
對於掛商 ...

你加我一百個good 我話比你知點bug

作者: =﹏﹏= 時間: 09-4-22 05:11 PM

太長唔睇喇

但係都sub

2億7啦依家天毛1s

歡迎光臨 2000FUN論壇 (https://www.2000fun.com/)