2000FUN論壇

標題: 係咪好朋友好難可以變成情侶?? [打印本頁]

作者: ※alvin※ 時間: 09-5-6 07:40 PM 標題: 係咪好朋友好難可以變成情侶??

件事好長, 簡短d咁講下
中意左個女仔1年有多,但係知佢果時中意第個
咁今年年頭佢話唔中意果個人
我先想開始追佢, 初初係好好既朋友,好開心
之後上個月係埋1齊左唔夠3個星期散左
佢話冇以前咁開心, 同想做返fd
maybe 有第3者既介入, 就係果時佢中意果個男仔la.......
咁而家個女仔都未同個男仔一齊, 因為佢話怕會hurt到我
但係佢地做既野就好似情侶咁,只係未認......
不過我仲等緊佢......
佢話中意我呢個fd , 但係唔係愛
而對果個仔既feel 唔同
佢話當我係family 咁......
即係佢中意個男仔多過我?
係咪太過熟1個人就好難係埋一齊??
好煩呀.............

以下copy from 佢個blog
我不再要你明白....你對我又有幾重要...
我不再要你知道...我有幾唔想冇左你....
你就好似親人一樣...比我好舒服的感覺....比我可以做自己...

當你與你愛的人對話，你覺得難以啟齒。
但當你與你喜歡的人對話，你可以暢所欲言。
當你不想在愛一個人，你要閉上眼睛並忍著淚水。
當你不想在喜歡一個人，你只要掩住雙耳。

[ 本帖最後由 ※alvin※ 於 2009-5-6 07:46 PM 編輯 ]

作者: 大邪神庵 時間: 09-5-6 11:51 PM

原帖由 ※alvin※ 於 2009-5-6 07:40 PM 發表
件事好長, 簡短d咁講下
中意左個女仔1年有多,但係知佢果時中意第個
咁今年年頭佢話唔中意果個人
我先想開始追佢, 初初係好好既朋友,好開心
之後上個月係埋1齊左唔夠3個星期散左
佢話冇以前咁開心, 同想做返fd ...

你比佢既感覺可能只系1個死黨"
並吾關好朋友就做吾到情侶呢個問題........"
所以你吾洗灰心既

作者: 一Y一 時間: 09-5-7 06:24 AM

佢同你分手,係因為佢一早已經中意左果個男仔,唔關好朋友好難變情侶事!!
有時唔一定要做情侶...你同佢而家就好似知己咁,so 唔洗灰心,努力~

作者: mandm 時間: 09-5-7 11:28 AM

唔一定要情侶嫁師兄大家做好朋友佢有咩事同你講禁好過同你拍拖咩都唔講你遲d覺得做朋友係好d嫁啦

作者: 一Y一 時間: 09-5-7 04:46 PM

原帖由 mandm 於 2009-5-7 11:28 AM 發表
唔一定要情侶嫁師兄大家做好朋友佢有咩事同你講禁好過同你拍拖咩都唔講你遲d覺得做朋友係好d嫁啦

認同....有時做朋友,做知己,仲好過拍拖!!

作者: andylau1108 時間: 09-5-7 06:11 PM

我同你都差唔多 , 我鐘意左個女仔3年 , 我去日本送左個人咁大個既公仔比佢 , 好老實咁講 , 到我而家仲鐘意佢 , 可惜佢唔鐘意我 , 大家都有過下FEEL , 但係大家都知道一齊左可能好辛苦 , 不景做左咁耐朋友突然轉做情侶會好難適應 , 我既建議你繼續同佢做朋友啦!!! 好似我咁...無奈我係好鐘意佢 , 佢對我都有FEEL , 但係有時係只得做朋友既緣份 , 不如放開心情等待時間過去做佢既好朋友啦

作者: luikwanchak 時間: 09-5-8 12:12 AM

其實我既解釋就係  一對普通朋友  岩岩識落or熟左少少
發展可以分叉去2條路  就係成為好朋友同情人

首先  普通朋友去好朋友再去情人係好難
因為通常去到好朋友  個女仔都會當個男仔係自己好fd既fd
有咩都會同佢講  基本上陌生已經冇左
如果突然間要做情人  果種暢所欲言既感覺就會冇左
女仔唔想冇左個咁好既fd  所以寧願繼續做好朋友
除非個女仔中意個男仔就另計

另外  由普通朋友去情人就反而幾順利
因為普通朋友只係一個起點  一係去好朋友(終點)  一係去情人(都係終點)
所以起點去終點冇問題  好正常  但起點去終點又再去另一個終點
就好難解決之間既感覺同關係
所以建議如果想追一個唔係好熟既女仔  識人呢樣係必要
之後控制一下個朋友關係既發展  因為朋友關係
預設左係去好朋友  如果唔作出一d改變  只會行預設路線
大家愈黎愈熟  但唔會曖昧  唔會去到情人果邊
所以係未太熟  但又熟熟地  就要起手作出改變去情人果條路線

就算大家一齊左  2個case:  朋友>好朋友>情人  /  朋友>情人
第1個case  就算一齊左  可能只會覺得比好朋友既關係親密一點
雖然都係暢所欲言  但講真...有咩改變..除左親密d..
基於好朋友發展出黎既情人  唔會有情人果種獨特feel
就係因為大家都好熟大家  所以就係冇左情人果種感覺
反面第2個case  因為大家對大家未係好熟
藉住情人既關係  互相了解  鬧下交  少少誤會  又和好返
唔會因為太熟  而好了解對方  所以會有少少誤會
正因為呢d少少誤會  鬧下交增進一下感情
情人總離不開鬧交同和好  藉此增進感情  所以就係朋友>情人既獨特之處

正因為好朋友>情人  冇左果種少少陌生少少隔膜既感覺
一齊左同未一齊冇乜大分別  神秘感一早已經冇
可能會好快淡...之後就會散  但朋友>情人就唔同...
正因為大家都對大家唔熟  所以因為情人既關係
大家都願意花時間去了解對方  從中令關係更好
於是又有更多野可以發掘  唔會因為好朋友base而令到呢d野做唔到

作者: ※alvin※ 時間: 09-5-8 05:05 AM

咁我咪以後都冇機會??

作者: luikwanchak 時間: 09-5-8 06:44 AM

咁世事乜都有機會既
不過錯過左當初最好果條路
而家就算俾你一齊到
就可能冇咁開心

又或者可能本身上天安排佢俾你
係做你既好朋友  你要刻意破壞呢種關係
嘗試發展成情人  即係因為人既意志  欲望
破壞左上天安排最好俾你既野
你諗深一層  個女仔做你好朋友好...定真係要女朋友好?

作者: 為口奔波 時間: 09-5-9 07:35 PM

當你一開始就對一個人有感覺...
佢對你只係普通朋友或知心好友的話....
自己係唔會同佢一樣,當對方係普通朋友或知心好友....
咁果刻自己就理性d...自己對佢係有感覺...但未去到喜歡或愛
咁就好閃去物色第二個啦....

作者: Em. 時間: 09-5-9 11:30 PM

我覺得唔關你地係好朋友事
我見過好多起初係朋友,之後日久生情..成為情呂

作者: tomchunman27 時間: 09-5-10 04:45 AM

你想做一世好朋友,定係短暫情人.....

作者: luikwanchak 時間: 09-5-10 08:45 PM

當一個了解自己了解段關係既人
就會明白
由好朋友日久生情發展成情侶會有咩問題

如果一齊左就唔理背後既野
只顧一齊左就ok 咁係唔會長久

作者: 吞食貝貝 時間: 09-5-11 03:08 AM

送你三句
１, nothing impossible
２, 好漢不吃回頭草(特別係比你戴綠帽果d)
３, 做男人吾可以灑脫D放低呢段過氣感情??

[ 本帖最後由吞食貝貝於 2009-5-11 03:09 AM 編輯 ]

作者: luikwanchak 時間: 09-5-12 04:29 AM

樓上果位  講就容易  特別係感情
好難用理性控制  因為人係處理感情上面
冇經驗既話  就會唔知應該點做
於是會跟感覺走  所以就係感情用事
當中意一個人  因為對佢感覺好強
要用理性去處理係唔work
所以叫一個中意緊人既人放棄
根本好難

作者: gn0147 時間: 09-5-18 12:15 AM

以下只係我個人意見 = = (絕對冇惡意,有咩唔岩請多見諒)
我覺得一對普通既男女朋友唔可以成為永遠既好好朋友
好好既意思係成日好似初初識咁一齊玩一齊傾心事
因為男仔係對個女仔有意思先會去關心一個女仔
如果個女仔只係話想同你做FD其實已經係衰左
但係佢唔鐘意你又想你成日(痴)住佢
好多女仔都想有好多個關心自己又會哄自己既人同時存在
但係我覺咁樣會傷到我們男仔既心
例如就算係對我說佢今日同個男友吵左
我好想佢打比我哄番我之類
我個心就會好痛 = =
為有在未係最深時走
先會令自己日後冇咁傷

[ 本帖最後由 gn0147 於 2009-5-18 12:16 AM 編輯 ]

歡迎光臨 2000FUN論壇 (https://www.2000fun.com/)