2000FUN論壇

標題: 強烈要求考評局協助會考英文科PAPER 1A 被誤導之考生 [打印本頁]

作者: cyfp 時間: 09-5-12 12:22 AM 標題: 強烈要求考評局協助會考英文科PAPER 1A 被誤導之考生

零九年既五月八日係會考英文科PAPER 1A &1B考試日，雖然本人已經係重考英文科，但都同好多會考生一樣，抱住緊張
心情，謹慎態度，緊要心態去面對。

不幸既係，考評局同監考員既表現及工作有令人商榷既地方，有不少考生被誤導
，以至漏做READING卷PAPER 1A PART1。
坦白講，本人已經係中六生，今年再考會考只係希望拎更好成績。但係對於好多
會考生黎講，絕對係生死悠關。
該部份分數佔十六分，無做最多可能令你該卷跌兩個GRADE，全對既可以令
你升兩個GRADE，此消彼長，絕對不同以往考評局經常出錯一兩題幾分既問
題。
所以係度建議受害者加入此facebook(http://www.facebook.com/group.php?gid=81220952765)，講番你當日既情況，最後我地會
集合咁多意見，直接向考評局反映或者寄信提出問題。在此亦都歡迎其他考生聲
援，或者講低親眼見到考試當日既情況。

在此，亦呼籲8/5，係長沙灣天主教英文中學，試場編號F069，09室應
考既考生聯絡本人。

事發經過:
該課室既考生係8:30分之前已經坐曬係課室，該名男監考員係讀完考試規則
之後，就派卷俾考生（有一份份係閱讀篇章，一份係問題卷）。跟住就對卷，有
為數不少考生發現閱讀篇章沒有PART 1既文章（包括我在內，至少有５個學生），於是佢地舉手向監考員請問。當時
，監考員表示唔知情，向我地指出可能考評局出錯，請示我地做PART 2及PART 3(而由頭到尾，監考員沒有提出類似The essay of part 1 is in question paper)。後來佢曾經與門外一名女監考員談話，該名女監考員曾經
進入課室，但並沒有講過任何野。該名男監考員亦沒有明確指出何時考試開始，
本人在久候片刻，見到其他考生提筆至知已經開始，而本人係完成part 2及part 3之後,已經考試結束,未能重新檢查整份卷(包括part 1)。

係成件事入面，有３個非常重要既地方:
一:考評局英文科paper 1A reading既做法係將所有考核文章放入閱讀篇章卷內，另派答題卷讓學生
作答。但今次明顯有別一貫做法，將part 1放入答題卷,而part 2及3 放入閱讀篇章卷。
令人疑惑及費解既係，如果係要將文章係放入答題卷，點解仲需要另一份文章卷
？如果係想方便考生應答題目而分開兩卷，點解要特別只將一篇放入答題卷？

二：今次既監考員，明顯係不熟悉試卷安排，導致給予錯誤訊息俾考生。另外，
係問題發生之後，監考員未能問清楚考場主任，更正錯誤。令人難以接受係監考
員未能表示考試開始。

三：其他考生及本人都需為事件負上部份責任，因為未能自行看清楚問題卷pa
rt1 內容及試卷指引。

基於以上原因，終導致今次誤解（misleading）既出現。但本次事件
上，考評局及監考員明顯需付上大部分責任，係有對考生造成不公平既情況。
本人提出以下建議，希望有關當局能謹慎考慮並採納：
如若取消part 1成績，可能會對已做part 1之考生不公平。建議考評局按沒有做part1之考生在其他部份的成績作參
考評級，並不計算part1之分數在內；但對其他考生亦按整份卷表現計算等
級。

如各位考生有幾其意見或建議，歡迎提出！但請保持理性及客觀既態度，望勿進
行惡意攻擊或表達粗俗，讓他人能接收清晰既信息。
請幫忙轉貼。

[ 本帖最後由 cyfp 於 2009-5-12 12:42 AM 編輯 ]

作者: 聾伯 時間: 09-5-12 01:02 AM

其實我唔多覺有咩問題-___-
因為我都係就咁做zZz

作者: 凍檸 時間: 09-5-12 07:18 AM

假如佢冇叫你地check閱讀材料先有得拗...

監考員唔可以講任何關於份卷既內容

第一可能方便你做掛part1 hkeaa唔玩野就唔係hkeaa

第二同意

第三監考要負部分責任不過最大責任還是考生本人

作者: real-risakolove 時間: 09-5-12 10:06 AM

叫佢地算數吧啦

如果佢地上訴成功, 咁到我地班做o左task 1 o既考生上訴

作者: bckss123 時間: 09-5-12 10:39 AM

佢都可以話你自己唔睇清楚份卷架喎
因為佢答題卷第2頁part1個都寫左睇第3頁個到黎做

作者: hkyingho0223 時間: 09-5-12 11:12 AM

只能怪你自己監考員根本未必知道試題內容
我一開頭睇文章夠見唔到part 1 啦但係答題卷我又見到part1 wo 有10秒時間我都好疑惑但我望到右手邊..有咁多abcd選姐係睇右手邊做啦..就做左 14分到手(好似14 唔係16..)
衣d根本要睇清楚- -無理由你答題卷只係睇part1左邊又唔睇右邊你點知右邊講咩==

作者: |民| 時間: 09-5-12 02:34 PM

1.
英文卷PART1根本無必要再另寫文章,因為只是簡單的訪問內容
只要配對就可以
連嘗試作答的意思都沒有,可見考生應變能力之低劣
2.
監考員,故名思義,他們的工作是監考
不要將責任推在監考員身上(監考員發表意見則另當別論
除非大部份考生都沒有順利完成PART1
不然不見得試卷有問題
3.
很動聽的部份責任

[ 本帖最後由 |民| 於 2009-5-12 02:36 PM 編輯 ]

作者: dennisko01 時間: 09-5-12 03:06 PM

原帖由 |民| 於 2009-5-12 02:34 PM 發表
1.
英文卷PART1根本無必要再另寫文章,因為只是簡單的訪問內容
只要配對就可以
連嘗試作答的意思都沒有,可見考生應變能力之低劣
2.
監考員,故名思義,他們的工作是監考
不要將責任推在監考員身上(監考員發表意見 ...

完全認同以上講法...
見到文章得part2就知咩事喇...
(多謝你地幫我拉低左個水平,雖然唔會好多

)

[ 本帖最後由 dennisko01 於 2009-5-12 03:07 PM 編輯 ]

作者: ChEoNg@@ 時間: 09-5-12 03:19 PM

監考員有責任考生也有責任
有睇佢題目就唔洗搞到咁當係無睇題目o既教訓吧節哀順變

作者: Mr.豪 時間: 09-5-12 04:19 PM

其實成功機會好微 , 睇題目係考生要求 , 就如作文無理由會解埋你聽一樣 , 不過我比較好彩
監考員同我講唔洗用文章 , 自己睇題目要求。

根據考試規則說明 , 遵守考試規則和符合考試要求是考生的個人責任 , 考評局不會接受考生以受他人(包括監考員)誤導為理由 , 申請轄免其因違規行為所導致的懲罰。

所以節哀順變-_-'。...

作者: 秋夕劍魂 時間: 09-5-12 05:27 PM

如果你稍為有少少智商 ,都應該諗到題目前面冇就一定係後面 ,
我考個考場冇人舉過手 ,我都只係呆一呆 ,睇一睇文卷 ,又睇一睇前一頁後一頁 ,前前後後10秒都冇 ,就開始做 ,
如果你覺得自己比人陰左 ,都睇下你自己係咪唔用腦在先 ,或者係考評局突登陰人 ,你就做炮灰了 ,
又或者係監考員突登陰你 ,可能為左陰你要人地做埋炮灰呢?

仲有 ,左面個頁冇文只得問題 ,咁右面個頁就唔洗睇?
睇到右面個頁 ,我就陰陰咀笑 ,簡直係送分題~

唔明你地依家發咩皮四 ,
可能334都係你地年年鬥up既結晶品 ,
搞到我地要做咩末代會考生 ,
晚晚唔訓就係咁溫 ,
壓力大到乜咁既樣 ,
科科考到不知所謂 ,
靠你班蛋散亂咁黎 ,
搞到我地賠埋半條命都升唔到 ,
我真係想.... (愈諗就愈火起, 但粗口唔想講,334去死啦!)

[ 本帖最後由秋夕劍魂於 2009-5-12 05:46 PM 編輯 ]

作者: ~悠龍~ 時間: 09-5-12 05:56 PM

一句講曬....官字2個口....
要怪怪自己冇睇清楚~

作者: 為公義 時間: 09-5-12 06:48 PM

係你自己重考都咁冇腦姐- -又唔見人人都冇做?
個監考叫你咪做住既，唔通你又插佢咩
佢q知hkcee份卷咩?

你講到e2個問題:一:考評局英文科paper 1A reading既做法係將所有考核文章放入閱讀篇章卷內，另派答題卷讓學生
作答。但今次明顯有別一貫做法，將part 1放入答題卷,而part 2及3 放入閱讀篇章卷。
令人疑惑及費解既係，如果係要將文章係放入答題卷，點解仲需要另一份文章卷
？如果係想方便考生應答題目而分開兩卷，點解要特別只將一篇放入答題卷？

二：今次既監考員，明顯係不熟悉試卷安排，導致給予錯誤訊息俾考生。另外，
係問題發生之後，監考員未能問清楚考場主任，更正錯誤。令人難以接受係監考
員未能表示考試開始。

第1，咩家下有定過，一定有文章比你對住黎做?第幾章第幾條呀?
第2，個監考唔講野就即係冇份卷問題喇，從來只會有監考話第幾第幾有問題，幾時會話第幾第幾係正確既?
咁你都get唔到，抵你出年再黎多次喇

作者: lkc1992 時間: 09-5-12 07:38 PM

只怪你做卷果時唔睇清楚,
我一見到task 1, 有d 細( )都知做咩, 右邊又有A,B,C,D 果d 簡

做得多past paper 原來有反效果

作者: hkyingho0223 時間: 09-5-12 08:02 PM

恭喜你出年再黎多次

作者: 禾小梨 時間: 09-5-12 08:06 PM

你都痴痴地既
你自己望下份閱讀材料再望下answer book啦
份閱讀材料冇part1呢樣野
answer book part1只係配對咁簡單
比你上訴到咪對我地呢d做左part1既好唔公平

作者: 蠍子獸→吼← 時間: 09-5-12 08:07 PM

比你地上訴成功既機會好低=.=

作者: 永遠枷鎖乂康 時間: 09-5-12 09:57 PM

我唔覺lo
我英文咁廢都睇得出
你地睇唔出係你地冇睇清楚

咁我有d卷佢出左 8個答案叫我寫4個入去
我寫左8個
我係唔係有得上數先

作者: Sikkwong 時間: 09-5-12 10:13 PM

你都幾好野  腦都唔用就去考會考-.-
點解咁多人會做左  係你會無做?
試諗下如果唔需要你做part1 咁點解要印出黎?
ce係1年1次出錯既機會唔係無  只係好低而且亦都唔會錯得咁離譜
你覺得你比人陰左  但就無好好咁反省1下  仲要賴時間唔夠無得翻查份卷  咁點解人地又夠時間? 洗唔洗比特權你 10小時做?
咁都得? 真係睇唔過眼  最後竟然仲好意思黎論壇開post  簡直係過份
所以成件事只係你自己既智商問題  你都算係一個影衰中6生既人

呢D算唔算叫做 "屙屎唔出賴地硬"?

作者: pudding927 時間: 09-5-13 01:27 AM

我英文都吾系好好. 雖然我岩岩睇份野個陣見到無part1都呆左呆.
旦其實考評就1定預你做卷之前會先睇題目架啦--
佢題目[姐系答卷頭第1段野]都有講到話右邊有佢訪問既答案叫你寫返ABC.
今次無做既學生只可以話系自己無睇清楚
另外監考官甘本就吾知到份paper系點樣.問佢甘本就系吾可信.
如果考評係出留1偏既話甘都幾大件事,影響十幾廿萬考生.

作者: 天影．浩 時間: 09-5-13 12:57 PM

雖然我見到都呆左陣
但係睇都睇到answer book頭2頁既內容唔關part2 reading果到事
呢d只係自己既錯因為你緊張掛

唔好話英文差我果日發燒發到39度都咁考
(好彩係自己學校考 miss比粒藥我食- -)
我開頭都搵唔到part1 因為我習慣睇哂1part做part 睇哂part2睇問題發現唔對路
望上小小都見到part1啦

所以各位要睇標題- -

作者: Sboy 時間: 09-5-13 01:53 PM

算吧啦
果d冇做part 1既人,唔係連每part 都有既Introduction都睇唔明呀嗎?
自己唔識睇?仲好意思走去問監考?

仲有想講part 1 根本係送分

作者: 禾小梨 時間: 09-5-13 03:47 PM

考評局終於識得益d食腦既考生

作者: ║～丫健～║ 時間: 09-5-13 09:25 PM

唔覺得有咩問題"
如果係因為你地無自己睇清楚..
咁樣要係度拗....可以勸你地慳番淡氣

出到咁簡單..都可以話miss左'.....

作者: 無名氏的人 時間: 09-5-14 03:45 AM

睇題目,睇份卷的設計都係考生必需做既野
而且,監考員唔係考評局既人,佢地話乜都唔可以信(關於卷的內容)
原因有二:
一,監考會非考評局的人,無權刪除或修改內容
二,佢地只係監考,其他乜都唔洗知,唔會知,知都唔會比你知

作者: 刀。Leung 時間: 09-5-14 07:09 AM

廢事理你冇做仲好哈

作者: kam^^^ 時間: 09-5-14 08:43 AM

有用下腦...睇下題目..都知到點做la...
自己唔睇清楚係到...嘈咩姐

人地寫到明係左手面個box到選...你自己唔睇題目

作者: koy65 時間: 09-5-14 11:21 AM

講到尾都係你自己笨!!

考官講咩你你就做..依家係你考...唔係佢考...

part1 題目已經講得好清楚!!.....只怪你自己冇睇題目...唔好係到怪考評局!

作者: 刀。Leung 時間: 09-5-14 12:26 PM

呢個世界現實

你冇做果堆人當然會去嘈下人地

有做果堆理你都戇鳩

作者: Ｍｃ１ 時間: 09-5-14 03:11 PM

無做果D人緊係想試下啦
就好似果D抄股果D人咁  無晒錢都想屈政府比返D錢佢地啦
你而家咁講姐係我地今年GE考生欠左你地??
你一改有幾大影響?你知唔知?
你試係可以試  不過我話你知一定無可能LO~

作者: leniod 時間: 09-5-15 07:46 PM

我個試場有講個reading係右面

作者: chanyh321 時間: 09-5-16 02:06 PM

我都有舉手問監考員，佢有三分火氣咁翻去task 1講"Read it carefully."，而家諗番真係多謝佢~~~

作者: monstering 時間: 09-5-16 06:14 PM

原帖由 cyfp 於 2009-5-12 12:22 AM 發表
零九年既五月八日係會考英文科PAPER 1A &1B考試日，雖然本人已經係重考英文科，但都同好多會考生一樣，抱住緊張
心情，謹慎態度，緊要心態去面對。

不幸既係，考評局同監考員既表現及工作有令人商榷既地方，有不 ...

ＮＯＴ　ＦＯＬＬＯＷＩＮＧ　ＴＨＥ　ＩＮＳＴＲＵＣＴＩＯＮ　ＩＳ　ＹＯＵＲ　ＰＲＯＢＬＥＭ　．．．ＳＥＥ　ＹＯＵ　ＩＮ　ＮＥＸＴ　ＹＥＡＲ

作者: monstering 時間: 09-5-16 09:10 PM

原帖由 天影．浩 於 2009-5-13 12:57 PM 發表
雖然我見到都呆左陣
但係睇都睇到answer book頭2頁既內容唔關part2 reading果到事
呢d只係自己既錯因為你緊張掛

唔好話英文差我果日發燒發到39度都咁考
(好彩係自己學校考 miss比粒藥我食- -)
我開頭都 ...

*whisper:(H1N1!?)
i was 'stunned' too .....but after 3 seconds....I did read the instruction carefully and found that part 1 is for 'low' level students.....even F2 in my school can do this kind of question well......anyway I am happy to hear that some students are unable to do that question .As a result, the competition will be not so keen!!

[ 本帖最後由 monstering 於 2009-5-16 09:11 PM 編輯 ]

作者: 方包仔﹏ｂb- 時間: 09-5-20 03:31 AM

講真無做Part1果班人唔好搞咁多事啦

Part1只係好簡單既一個配對理解下都知咩事啦
我自己都幾眼利一睇份閱讀材料都見到無Part1既文章
但睇一睇Question answer book 就即刻知道咩事
根本就係小學程度既配對方式

問題又易到喊
樓主你中六retake但係英文水平咁......

相信無做Part1果堆人一定係考試連考官講咩都唔知
見人痴野佢又痴見人寫考生編號佢又寫果堆人啦
如果你地咁都理解唔到要做配對既話我懷疑你地直情連cover講咩都唔知
不過我真係理解唔到點解有人可以望住Part2既passage黎做Part1囉

我唔介意話比你地聽我有做Part1 對左答案係全對

因為真係淺到喊

作者: albertyaha 時間: 09-5-21 09:06 PM

alan chan刀有講過啦....[[睇[食送]食飯]]@@
好明顯你就冇睇清楚咩[食送]就開始食,,
咁樣你只能怨自已,,
我開頭刀O咀咩黎,,
但睇左右面同文章之後,,,
好明顯同文章冇關同要你matching

[ 本帖最後由 albertyaha 於 2009-5-21 09:12 PM 編輯 ]

作者: chowleon 時間: 09-5-21 10:11 PM

冇做果D真係冇腦.....

我冇睇題目都知要做咩啦...
仲話自己係F.6 <<重考>>
我聽到我果個試場D人問個考官...我真係笑左出黎

我都要多謝你地既...幫我地拉低左個成績

作者: 缺心情 時間: 09-5-22 03:59 AM

我好似全部都做左，因為...佢地講咩我都唔係好明，份野寫咩都唔係好明，見到就做埋~

作者: redmaster 時間: 09-5-22 05:58 PM

老實講
一個中五既學生連題目都睇唔清楚
何況你已經中六
有d野唔好賴地硬啦
呢樣野就當係考核範圍之一
中六啦...listening比埋verb你fill in好唔好?

作者: 缺心情 時間: 09-6-2 04:47 AM

原帖由 redmaster 於 2009-5-22 17:58 發表
老實講
一個中五既學生連題目都睇唔清楚
何況你已經中六
有d野唔好賴地硬啦
呢樣野就當係考核範圍之一
中六啦...listening比埋verb你fill in好唔好?

我係中五...唔係中六。

我係好多個論壇(包括呢個論壇)都話自己英文基礎唔好，係英文白痴~
你睇唔到係你既問題~
我又唔係講到咩野要賴。

作者: ckh20034 時間: 09-6-2 05:50 PM

老實講呀,見佢冇左PART 1冇左篇文的確呆左呆,
不過諗真D,考評局冇理由連自己印漏左野都唔知下MA- -
所以睇真D就會發現PART 1根本唔洗睇文章,
我需然好同情冇做PART 1個D人,但係你地問心個句呀,你地真係有睇清楚過份野?

作者: ak009man 時間: 09-7-26 12:25 AM

我都係受害者之一

歡迎光臨 2000FUN論壇 (https://www.2000fun.com/)