2000FUN論壇

標題: 阿仙奴令人失望的地獄賽程! [打印本頁]

作者: BOBOBOYBOBO 時間: 09-5-29 03:59 PM 標題: 阿仙奴令人失望的地獄賽程!

之前阿仙奴要踢地獄賽程大家都記得

佢18/04/2009餘下既比賽得返9場(因為足總同歐聯都入唔到決賽)

要2次對車仔,3次對曼聯,1次對利物浦,另外要對米杜士堡,樸茨茅夫,史篤城

結果對米杜士堡,樸茨茅夫,史篤城都贏曬.不過對其他big4一場冇羸過

1:2車仔 1:4車仔 0:1曼聯 1:3曼聯 0:0曼聯 4:4利記

艾沙雲90分鈕鐘入第4球都補時比利記追返,曼聯果次係因為和波都有冠軍先唔攻...2場和..4次輸.6場失14球

連續2季都同利記係英超都打和...

作者: Roi光 時間: 09-5-29 07:49 PM

有d被其他三隊拋開既感覺

作者: 人定勝天 時間: 09-5-29 08:09 PM

咁點=.=人地係勁..

作者: Y2Jerry2 時間: 09-5-29 11:04 PM

阿仙奴4:4利物浦o個場和波係對佢地有利ga....
佢o個時仲同曼聯打緊歐聯...
俾返一分利記都仲有機會追曼聯
咁曼聯就仲要分身顧兩條線...未對阿記有利lor

作者: Vela 時間: 09-5-29 11:39 PM

樓主唔該更正番..阿仙奴第一輪對車仔同曼聯係贏2:1架都,並唔係冇贏過。

點解阿仙奴歐聯四強第一輪對曼聯會輸0:1
就係因為雲加擺錯陣..理論上..人腳完全足夠對付曼聯..為何得出0:1既結果

首先,最大一個錯誤就係拿斯利
番睇阿仙奴37輪聯賽對曼聯..同埋歐聯果個比較
發現拿斯利並不是打最擅長既進中,亦都唔係次要既側中..反而係一個既不熟識,又不合理既防守中場
當我睇到37輪聯賽陣容..Song..禾確特..費比加斯...艾沙雲
睇到費比加斯果時..佢係一個進中位置..咁令我驚喜..但再向上睇..竟然發現拿斯利被放係防中位

冇錯..費比加斯年青時係擔任進中..加入阿仙奴因當時中場人腳齊整..被迫改造成韋拉接班人..可惜呢位阿仙奴最年輕隊長沒有像韋拉一樣既身材。
反而改打進中可能得到重生..但若果咁..可能就埋沒人才..當雲加諗到呢一點...就想將拿斯利改造..但拿斯利對呢個位唔熟識..短時間內點可以適應。

其後,困擾左阿仙奴多年既問題就係欠缺高大中堅
當時阿當斯..近代既蘇金寶....
有人會問雲加..辛達路斯唔好咩..經過08年一季洗禮後..很多人都相信辛達路斯並唔係高路托尼既最佳拍擋
咁加拿斯呢?加拿斯太大牌...雖跳力唔錯..但似終唔係高大中堅。
迪佐奴?佢係最高果個..可惜年紀尚輕..需要磨練。

整體阿仙奴球員質素唔係唔好..係季尾年輕人欠缺鬥心..有厭戰狀態出現
若戒除這種心態..歐聯冠軍並非難事

作者: 希索嘉 時間: 09-5-29 11:43 PM

4:4利記果場好鬼正

作者: pｌuｓ 時間: 09-5-29 11:46 PM