2000FUN論壇

標題: 跟自己班同學關係愈來愈疏遠 [打印本頁]

作者: 夜兒乂 時間: 09-6-22 07:20 PM 標題: 跟自己班同學關係愈來愈疏遠

本人今年中2就升中3,同學都係以前中1個班友,
中1陣可能唔係幾了解佢地,所以對佢地冇咩野
我地仲玩得好埋,男女都係咁,今年......我對佢地既感覺改變左
今年我班改變得很大
個個人都係為自己,唔顧及大眾,愈來愈大膽,做d埋差唔多可以比人拉既事
甚至有老師話我地班係最麻煩既一班
每一個人都好虛偽,成日話好x憎邊個,背後講人壞話
轉頭又同佢一齊玩
我見咁,當問佢地點解
點知......「我都係為左佢d錢,日日請打機食野,事實上冇興趣同佢個人渣做fd」
我聽到後,我覺得好不所謂

本人隔離班既fd成日比一位老師罰佢好唔鋸一時衝動同頑皮搵老師d相改圖
我班d人見到係度笑笑,叫我fd send比佢保證唔會放上網,唔會話比人知係你做既
點知咁多班人,有人放左上網,比老師知左,最後班友拿拿林放我fd上台......
我知道後,我真係好恨佢地
有親咩班會活動,個個都係死牛一片,死都要逼人接受佢一套
平時提出d活動要好多錢,但自己無諗過有冇能力
傾到就成功就話無錢唔搞
最後咩活動都因為咁冇搞過

之後自己搞活動佢地唔預我話我唔合群
咁多人都唔預我係人都覺得自己做錯咩好似比人排斥
唔知點我冇呢種感覺
我平時唔係唔合群只不過唔係乜想同佢地一齊
我都有自己既一群,平時假日都會成班人齊踢下波,行下街食下野,不過唔係佢地

我班好多同學都係咁......呢一年就發覺自己對佢地感覺冇中1咁好
有時佢地叫我一齊去街玩,有時我唔知點解同佢地一齊係好唔安全會拒絕
我好驚佢地闖禍連累因為我已經比佢地連累過幾次
你地可能覺得太大疑心.....

我學校係中1-3 d人都係同一班中4先各散東西
本人今年升中3,仲有一年
來緊個一年我真唔知點同佢地相處.......

知人口面不知心..........

[ 本帖最後由夜兒乂於 2009-6-22 11:13 PM 編輯 ]

作者: 單純康 時間: 09-6-23 07:00 PM

簡單d,

1.唔好同佢地玩吾合群咪吾合群. 你都識講剩番1年..

2.合群番,你可以拎番個心同佢地交朋友.真係唔店既咪放棄 or 你可以做到佢地咁咪照做.
都係果句你地都係剩番1年,好壞1年後都各散東西...

我就係咁,憎佢又點?係佢面前x佢嗎?? 咪扮fd囉吹水囉憎人還憎人唔洗憎出面心入面憎就好...

有陣時畫畫唔洗畫出腸

出到黎社會呢d情況比學校既情況更嚴重.. 努力!! 支持你.

作者: 缺心情 時間: 09-6-24 12:30 AM

我同意二樓的說法。
其實小學和中學已經是很大分別，你認為別人會好像小學生那樣天真的和你交往嗎?
這種利用,攻心計,出賣,不真實的做人，大有人在。

其實在中學裡要生存的話，必須有一套。
或許你會討厭別人,自己，但是你想平安沒事,不被討厭的話，就要好像他們那樣。
(中學是社會的小縮影，一字一句,一舉一動都要小心一點。)

要是好像我那樣，甚麼都說出來，看見別人欺負人就立即串人，一定會被人討厭,被人說壞話說到麻木。
曾經也被人設陷阱，結果我也踏中了，引起小風波。

雖然是這樣，但我有時認為，我這樣做人，起碼我自己舒服一點。
用不著看到討厭的人，還要笑臉迎人，背後卻說壞話。

但也有時，認為自己很笨。
明知道這樣會被人討厭，但是我並不想成為一隻哈巴狗。

反正我出到社會，我也要成為哈巴狗的那樣笑臉迎人。
所以我情願在上學的那一些日子裡，做回真實的自己。

作者: 夜兒乂 時間: 09-6-24 10:58 AM

樓二既第2方法,我一早放棄左佢地
佢地一齊陣,要我做d違背自己良心既事
唔會顧慮失敗帶來既代價,所以佢地成日撞板
見訓導,見家長扣操行分,有時比出面d街坊投訴
有d仲去過差館
呢d係佢地應得既我冇咩怨言

我寧願跟那班合得來的一起,雖然來來去去都係同個d人玩
但我覺得好開心,好安樂,咁樣做唔知有冇錯

班會活動同班際比賽我係最唔鐘意討論呢個環節
中一到宜家一次班會活動都未搞過
我好想係最後一班能成功,搞一次,一次都足夠了
但在於佢地肯唔肯虛心接受人地既建議
佢地唔肯接受人地又要人接受佢地個套
我都唔知點說服佢地

作者: lukema 時間: 09-6-25 10:23 AM

結果是我中五的時期,都係獨行俠般的過活(對自己班)
有時對人真的灰心,就算是自小一起到中五都同校同班的'朋友'
也可以在背後說不是.....當時真的只想著就只是半年而已.
總覺得自己日後用著和他們接觸,所以選擇了獨行俠般的過活.
到現在3年已過,總覺得中五像是白過的,同輩的中五都是多姿多彩.....
而自己的都像是灰塵.....像是在這個既定的里程碑上,有點到不著點的感覺而已.
算是幸好,反而在那時算是能和別班的部分人成了朋友
到現在也不是有聯絡,算是三生有幸吧!!

作者: ★藤原拓海★ 時間: 09-6-25 02:11 PM

岩傾咪做下FD 囉

唔岩傾既話都冇謂要勉強自己

唔好話學校入面出到黎做野都係咁啦

你無可能話個個都岩咀型又林善

梗有一o 的係你唔鐘意

唔需要特登去理呢o的無謂野

讀好中三個年再揀科啦

同枱食飯各自修行

作者: 夜兒乂 時間: 09-6-25 02:35 PM

原帖由 ★藤原拓海★ 於 2009-6-25 02:11 PM 發表
岩傾咪做下FD 囉

唔岩傾既話都冇謂要勉強自己

唔好話學校入面出到黎做野都係咁啦

你無可能話個個都岩咀型又林善

梗有一o 的係你唔鐘意

唔需要特登去理呢o的無謂野

讀好中三個年再揀科啦

同& ...

我也期待讀完中三
希望中四那年能遇上待人真實的同學

作者: 嘩哈哈!!!! 時間: 09-6-25 06:24 PM

其實在什麼地方也有這樣的人..在學校以經不算大不了..

出來工作後..你會發現這種情況更為嚴重..

所以要學習選擇朋友,但這也是一種高深的學問...

用真心去對待一個朋友..若果得到這個朋友的背叛...

是會有一種難以形容的傷痛..

但你用另一角度想..不以真心對待朋友..也難以得到別人的真心..

所以不要因為怕被背叛,而不去結交朋友..勇敢去結交朋友..就會出現真正的知己

騎士的盔甲不是用來防衛,而是讓騎士更勇敢..明白嗎@@?

作者: 夜兒乂 時間: 09-6-27 04:12 PM

原帖由 嘩哈哈!!!! 於 2009-6-25 06:24 PM 發表
其實在什麼地方也有這樣的人..在學校以經不算大不了..

出來工作後..你會發現這種情況更為嚴重..

所以要學習選擇朋友,但這也是一種高深的學問...

用真心去對待一個朋友..若果得到這個朋友的背叛...

是會有 ...

好人難做=.=
真心對待佢地
最後來句冇當你係朋友

呢d打擊我受過了

作者: 八神亂世 時間: 09-6-27 06:53 PM

我由小一讀到去中一
年年我都係[全校最麻煩果班]

呢D野就係老師講架姐...
老師係中意作大架啦

中學都差不多了...
赤子之心冇之前冇多啦...

加油~十卜你

作者: 夜兒乂 時間: 09-6-28 06:13 PM

原帖由 八神亂世 於 2009-6-27 06:53 PM 發表
我由小一讀到去中一
年年我都係[全校最麻煩果班]
呢D野就係老師講架姐...
老師係中意作大架啦

中學都差不多了...
赤子之心冇之前冇多啦...

加油~十卜你

唔止老師覺- -其實我都覺得- -
老師冇發大
班友成日搞事,搞搞下連累埋全班
成日要幫手寫口供紙,搜書包,
比d老師捉住問3問4
唔係我唔想幫手解決問題
全校咁多班得我呢班零捨多呢d野- -
冇再聽過其他班有呢d野
成日上上下堂,有d訓導走入來,的走某班友
d老師其實都唔想理...但冇得到佢唔理
但班友成日搞事,拎佢地麻煩多左
比人話全校最麻煩個班唔出奇

作者: 素_ERICA 時間: 09-6-28 08:55 PM

學校是將來社會的縮影
加油吧..

作者: 缺心情 時間: 09-7-1 02:29 AM

原帖由 夜兒乂 於 2009-6-27 16:12 發表

好人難做=.=
真心對待佢地
最後來句冇當你係朋友
呢d打擊我受過了

我也試過。
不過唔係有人這樣對我說，而是直接做俾我睇=.=...

作者: 缺心情 時間: 09-7-1 02:39 AM

原帖由 夜兒乂 於 2009-6-28 18:13 發表

唔止老師覺- -其實我都覺得- -
老師冇發大
班友成日搞事,搞搞下連累埋全班
成日要幫手寫口供紙,搜書包
比d老師捉住問3問4
唔係我唔想幫手解決問題
全校咁多班得我呢班零捨多呢d野-
冇再聽過其他班有呢d野
成日上上下堂,有d訓導走入來,的走某班友
老師其實都唔想理...但冇得到佢唔理
但班友成日搞事,拎佢地麻煩多左
比人話全校最麻煩個班唔出奇

''發大''?
應該是''搞大''才對吧。

我不記得是中二，還是中三，我們班都和你班一樣。
三日唔埋二日就激老師,激到老師要叫主任,上堂時間離開課室,發火,哭之類，有時別班唔見野又要找主任幫手搜全校書包(搜到唔少禁品出來)。講真果句，口供紙姐係叫人去做金手指...不記名也好，到時老師多數都會問邊個寫，又公佈內容俾人知。

我讀既班都是麻煩班:
中一就是我經常被人找麻煩，要經常麻煩到老師,主任,社工。
中二,中三是我被人找麻煩，也會找人麻煩，老師,主任經常上門。
中四...激到老師火滾,發瘋,離開(課室,學校)
中五...冇咩麻煩，但同學們上課好少出聲應老師的問題，經常性被老師抱怨是太安靜。

作者: 戰地新仔 時間: 09-7-1 04:38 AM

社會都有好多虛偽既人但你地只得1年...有緣同班就珍惜

作者: tsanghotung 時間: 09-7-1 04:10 PM

其實呢D人係好正常, 人係為左自己係會不擇手段, 正所謂人不為己, 天誅地滅.........就好似為官之道一樣, 一定要保持番一個平衡, 有時D野就要隻眼開, 隻眼閉, 你一定要學識攻心計, 學識勾心鬥角, 如果唔係真係好難生存...想當年小弟起香港果時, 就係唔識埋堆, 最後搞到自己俾老師針對, 俾同學欺負. 果時都係小學渣.....經過當年既事, 我現在身居美國, 已經踏入左美國從政既第一步, 當年既經驗真係應付到今日既CHELLEGE, 我E家真係日日要同人勾心鬥角...............細路, 你有排學呀你!

作者: LI@@1 時間: 09-7-4 07:26 PM

扮到好虛偽快D離開班垃圾計畫第時小弟今年CITA加夜校

作者: ahim 時間: 09-8-5 12:44 AM

我同你既情況一樣
同學們都可以話太細路仔脾氣
可能我同佢地唔岩ke?y
所以成日話我唔合群

歡迎光臨 2000FUN論壇 (https://www.2000fun.com/)