2000FUN論壇

標題: 正生的真正問題出現了 [打印本頁]

作者: ～Ｋ歌之王～ 時間: 09-7-1 04:46 PM 標題: 正生的真正問題出現了

今日係電視睇到個故事(無線台11:55 pm 霎時感動)
http://programme.tvb.com/lifesty ... t/episode/20090630/
以上為片
以下為我寫文字
一班小朋友同家長係學校玩遊戲
班小朋友開心到唔小心放開左手上既氣球
分別有四個家長有唔同針對方法
1)一尾罵個小朋友
----------令小朋友失去信心,形成自悲心態
2)對小朋友話:冇就冇左ga la~算啦你
----------令小朋友覺得束手無策，不會想解決方法
3)對小朋友話:唔緊要,冇左就再買過啦
----------令小朋友覺得自己做錯有大人幫助,形成依賴心態
4)對小朋友話:氣球要返屋企啦~講88 la
----------用潛移默化的方法教小朋友思考

個故事令我明白到同正生好大關係
小朋友開心到唔小心放開左手上既氣球=做錯事=學生吸毒
家長既針對方法=社會方法=我地要點做
我有以下見解
1)冇智慧方法,一尾罵咩都唔做=冇用,青少年只會愈罵愈錯
2)反正生方法,反對青少年,吸咪吸lor,唔關我事,但做咩專門起間學校比佢地
---->如果唔起,咁...........
班學生點算?
3)支持正生方法,支持青少年,起間學校,等青少年誤會:吸咪吸,有咩好怕wo,生命滿希望,前途正生創(抄廣告)
---->如果真係起左,咁.....
學生會唔會有戒毒意識?真係好似廣告咁?
學生畢業會唔會100%成功戒毒?
出黎搵工,你會唔會請個毒友?
如果冇人請咁正生有冇人算開公司專請正生學生?
學生毒販搵咁多錢,政府會唔會打算從中收錢?
4)我覺得有用方法,吸咪吸lor,但唔幫學生,唔起學校,等佢地自己捻方法戒毒,唔好等佢地有依賴性,方法同2)差唔多
另外要有防止毒品散播方法:法律要定"一經發現販賣毒品一次則罰錢10萬蚊""冇錢罰則坐牢一個月,而且不可接觸毒品"

而家正生有問題,而且問題唔係梅窩居民,而係正生學生,咁政府係唔係仲支持??
比著係支持正生既你地,3)既問題你地點解決??

支持有心戒毒反正生

[ 本帖最後由～Ｋ歌之王～於 2009-7-1 09:14 PM 編輯 ]

作者: ～Ｋ歌之王～ 時間: 09-7-1 08:11 PM

突然捻到幾個問題.....正生書院有冇為自己學生放後路???
畢業出黎可以搵咩工???
點解起學校之前唔搵下有冇公司將會收自己學生???

作者: james24 時間: 09-7-1 08:18 PM

乜你咁睇得起正生書院d學生 = =
Now 有地方比佢地讀書已經好好，
洗唔洗幫佢地諗下死左要買咩官材？

作者: ～Ｋ歌之王～ 時間: 09-7-1 08:20 PM

在多個地方也有"支持正生"的字眼,請問一聲,你用什麼支持??憑什麼支持??
可憐受引誘的同學同時,支持學生犯罪??
自問:我很可憐受引誘的毒友,但只怪他們不會思考
除非學校沒教毒品有害,沒教毒品很難戒

[ 本帖最後由～Ｋ歌之王～於 2009-7-1 09:02 PM 編輯 ]

作者: ～Ｋ歌之王～ 時間: 09-7-1 08:22 PM

原帖由 james24 於 2009-7-1 08:18 PM 發表
乜你咁睇得起正生書院d學生 = =
Now 有地方比佢地讀書已經好好，
洗唔洗幫佢地諗下死左要買咩官材？

就係我地唔可以咩都幫佢地捻晒~~所以正生書院都唔可以起校幫佢地
有書讀又點,毒友都係毒友,唔戒毒都係冇人請...

[ 本帖最後由～Ｋ歌之王～於 2009-7-1 09:02 PM 編輯 ]

作者: ★藤原拓海★ 時間: 09-7-1 08:28 PM

我睇正生o的學生真係好乖

自立能力可能比你地更加強

支持正生書院

作者: 淚雲 時間: 09-7-1 08:34 PM

有無片=.= 睇片好過啦

作者: louishi 時間: 09-7-1 08:36 PM

原帖由 ～Ｋ歌之王～ 於 2009-7-1 08:22 PM 發表

就係我地唔可以咩都幫佢地捻晒~~所以正生書院都唔可以起校幫佢地
有書讀又點,毒友都係毒友,唔介毒都係冇人請...

介毒後可能都因為曾經入讀正生書院而被標籤為毒友，最終很多大機構都不願聘請

作者: Joyce84 時間: 09-7-1 08:38 PM

感覺上....唔係太同意樓主講既野
有少少小題大做... 聯想力太強啦你- -"

作者: ～Ｋ歌之王～ 時間: 09-7-1 08:38 PM

其實主要係支持自立同學同時,也支持更多犯毒的壞學生

美沙同一例,為很多人成功戒毒,但同時也人毒友免費吸毒

結論:一個人是否成功戒毒,在於人有否恆心,不在於其他人的看法

你個心支持,但佢會唔會因為有你le個唔識ge人支持而有心戒毒??

[ 本帖最後由～Ｋ歌之王～於 2009-7-1 09:03 PM 編輯 ]

作者: │→鏡之※影§ 時間: 09-7-1 08:40 PM

原帖由 louishi 於 2009-7-1 08:36 PM 發表

介毒後可能都因為曾經入讀正生書院而被標籤為毒友，最終很多大機構都不願聘請

入正生既多數係入過男童院個d...
唔入正生就會入懲教處...
懲教處出黎唔會好過正生...

作者: ～Ｋ歌之王～ 時間: 09-7-1 08:47 PM

原帖由 Joyce84 於 2009-7-1 08:38 PM 發表
感覺上....唔係太同意樓主講既野
有少少小題大做... 聯想力太強啦你- -"

絕對唔係小題大做,而係面對現實
我想話比全世界知,包括正生
吸毒唔係冇好下場,而係唔介毒冇好下場
而戒毒所政府有起,正生洗唔洗多此一舉,而且le一舉種下更多吸毒學生

將來叫人吸毒再唔係"係唔係friend先",而係"有正生驚咩wo"

[ 本帖最後由～Ｋ歌之王～於 2009-7-1 09:04 PM 編輯 ]

作者: │→鏡之※影§ 時間: 09-7-1 08:50 PM

原帖由 ～Ｋ歌之王～ 於 2009-7-1 08:47 PM 發表

絕對唔係小題大做,而係面對現實
我想話比全世界知,包括正生
吸毒唔係冇好下場,而係唔介毒冇好下場
而介毒所政府有起,正生洗唔洗多此一舉,而且le一舉種下更多吸毒學生

將來叫人吸毒再唔係"係唔係friend ...

正生係比d人讀埋書...介毒所冇...

作者: ～Ｋ歌之王～ 時間: 09-7-1 08:52 PM

原帖由 │→鏡之※影§ 於 2009-7-1 08:40 PM 發表

入正生既多數係入過男童院個d...
唔入正生就會入懲教處...
懲教處出黎唔會好過正生...

到將來,請問懲教處同正生有咩分別??
人地問你做咩入去,你答ge答案都係一樣:因為吸毒

如果將來可以隱瞞正吸毒而工作,為何現在不隱瞞正吸毒而返學??
現在正生比機會佢地邊吸毒邊返學,點解又唔捻埋邊吸毒邊工作??
如果正生真係想做就做晒佢啦~唔好做d唔做d

支持戒毒反正生!!

[ 本帖最後由～Ｋ歌之王～於 2009-7-1 09:04 PM 編輯 ]

作者: │→鏡之※影§ 時間: 09-7-1 08:56 PM

(星島日報報道)早前我曾參觀、訪問基督教正生書院，近期在媒體上看到這些勇於改過、勇敢面對新生的青少年受到梅窩居民「圍攻」，實在感到憤慨、痛心，希望社會大眾多點認識他們。

　　正生書院位於芝麻灣半島，島上交通不便，每天只有街渡往返，幾乎與世隔絕，校舍設備簡陋，宿舍沒空調、電視，島上設施都靠同工們開山劈石建造，山路上甚至會出現大蟒蛇……

　　正生書院九成的學生是由法庭轉介的，這些青少年犯了事，自願來這裏的目的是令生命有改變。現在，正生書院共有一百一十八個學員──九十九個男學員、十九個女學員，另有同工二十多人。

　　學員每天早上上半天課，下午是技能訓練，因為學校有基督教背景，他們早晚會有靈修、讀經；周日有崇拜。學員進來最少要住兩年，兩年內要留在島上，不可以回家，家人可以每個月來探望他們一次。

　　學員在這裏可以學習紀律，學習管理自己，重整自己的生命。從前，他們每天睡至下午一、兩點，起牀胡亂吃東西之後，就離家外出開始胡混的生活，通宵達旦後才回家，又睡至下午……來到正生書院，他們要大清早起牀學習、工作，生活很有規律，要聽從教導。學員在這裏，除了鍛煉身體，過有紀律生活以外，還會接受崗位訓練──手工藝、攝影、剪輯影片、電腦輸入……藉着不同崗位的工作，讓他們學習承擔責任，好好管理自己、管理時間、管理生命，最終達到讓他們重投社會、開展新生的目的。

入得去既都係自願既...
姐係想讀書...
入完介毒所出黎有用咩?
正生出黎起碼有學歷..

作者: 樹海回憶[Ｌ!ng] 時間: 09-7-1 09:00 PM

難得班學生肯戒毒再去接觸番應有既知識
剩係支持戒毒其實都唔夠
比佢地適應番個4社會先係最重要(我覺得)

作者: 異地遊人 時間: 09-7-1 09:01 PM

原帖由 │→鏡之※影§ 於 2009-7-1 10:56 PM 發表
(星島日報報道)早前我曾參觀、訪問基督教正生書院，近期在媒體上看到這些勇於改過、勇敢面對新生的青少年受到梅窩居民「圍攻」，實在感到憤慨、痛心，希望社會大眾多點認識他們。

　　正生書院位於芝麻灣 ...

介毒學校係必須...
呢個係好基本既welfare

問題只係, 佢地之前吸毒的確係做錯
咁有學校比佢讀夠唔夠?
駛唔駛人人撐佢, 另外又幫佢搵工又點
將佢拉番去一般學生既起跑線
還是要佢地加倍努力, overcome 佢地做錯既野

作者: ～Ｋ歌之王～ 時間: 09-7-1 09:10 PM

原帖由 │→鏡之※影§ 於 2009-7-1 08:56 PM 發表
(星島日報報道)早前我曾參觀、訪問基督教正生書院，近期在媒體上看到這些勇於改過、勇敢面對新生的青少年受到梅窩居民「圍攻」，實在感到憤慨、痛心，希望社會大眾多點認識他們。

　　正生書院位於芝麻灣 ...

就算入得去都係自願
點解學生唔自己捻方法big自己戒毒???

正生收佢地=比個環境big佢地戒毒
咁樣學生仲可唔可以有自立方式???
同比個依賴性佢地有咩分別??

[ 本帖最後由～Ｋ歌之王～於 2009-7-1 09:12 PM 編輯 ]

作者: │→鏡之※影§ 時間: 09-7-1 09:11 PM

原帖由 ～Ｋ歌之王～ 於 2009-7-1 09:10 PM 發表

就算入得去都係自願
點解學生唔自己捻方法big自己戒毒???

正生收佢地=比個環境big佢地戒毒
咁樣學生仲可唔可以有自立方式???

你估下有人幫有人迫同自己迫自己邊個成功率大d

作者: ～Ｋ歌之王～ 時間: 09-7-1 09:14 PM

原帖由 │→鏡之※影§ 於 2009-7-1 09:11 PM 發表

你估下有人幫有人迫同自己迫自己邊個成功率大d

你又估下有心同有人幫邊個機會大d?

支持有心戒毒反正生

作者: │→鏡之※影§ 時間: 09-7-1 09:15 PM

原帖由 ～Ｋ歌之王～ 於 2009-7-1 09:14 PM 發表

你又估下有心同有人幫邊個機會大d?

支持有心戒毒反正生

有心都要人幫架...
好似讀書咁...
你有心讀好都要人教啦...

作者: ～Ｋ歌之王～ 時間: 09-7-1 09:23 PM

原帖由 │→鏡之※影§ 於 2009-7-1 09:15 PM 發表

有心都要人幫架...
好似讀書咁...
你有心讀好都要人教啦...

無錯,不過吸毒不等於學習,吸毒等於做錯事--->學習不等於做錯事
學習出問題搵老師叫球知
吸毒做錯事搵正生叫依賴

作者: ～Ｋ歌之王～ 時間: 09-7-1 09:37 PM

吸毒=做錯事,做錯事要自己搵解決方法
正生=幫學生,令學生有依賴性解決方法
如果正生有咩方法可以戒毒
應該公開比所有人知
而唔係"想知點戒毒?入黎正生啦"

大家同意就幫幫手傳出去啦~唔好再"支持正生"啦~~
"支持有心戒毒反正生"

作者: 枯葉 時間: 09-7-1 09:46 PM

吸毒=做錯事,做錯事要自己搵解決方法
正生=幫學生,令學生有依賴性解決方法

學習是自己的事,不應上學,應該自己走去自學(睇書..)!?
學校=幫學生,令學生依賴有老師教/幫,有難題唔識自己解決!?

咁我地係咪唔駛番學!?

作者: │→鏡之※影§ 時間: 09-7-1 09:59 PM

原帖由 ～Ｋ歌之王～ 於 2009-7-1 09:37 PM 發表
吸毒=做錯事,做錯事要自己搵解決方法
正生=幫學生,令學生有依賴性解決方法
如果正生有咩方法可以戒毒
應該公開比所有人知
而唔係"想知點戒毒?入黎正生啦"

大家同意就幫幫手傳出去啦~唔好再"支持正生"啦~~
"支 ...

有咁宣傳過咩?
冇既唔該你唔好亂講...
幫唔代表依賴...過份既幫助先會變成依賴
唔通你父母照顧你又令你依賴佢地 ?
咁你父母咪唔洗照顧你囉

作者: ～Ｋ歌之王～ 時間: 09-7-1 10:18 PM

原帖由 │→鏡之※影§ 於 2009-7-1 09:59 PM 發表

有咁宣傳過咩?
冇既唔該你唔好亂講...
幫唔代表依賴...過份既幫助先會變成依賴
唔通你父母照顧你又令你依賴佢地 ?
咁你父母咪唔洗照顧你囉

sor,果句我自己作,註明正生唔好收埋戒毒方法,要公開比人學戒毒
如公開左之後,政府就可以光明正大咁講:想戒毒唔一定搵正生

作者: 乂妖 時間: 09-7-1 10:21 PM

0n9一個'
你咁樣既話;
你死左關我士!?
MJ死左關我咩士!?
無聊的貼

作者: ～Ｋ歌之王～ 時間: 09-7-1 10:24 PM

原帖由枯葉於 2009-7-1 09:46 PM 發表
吸毒=做錯事,做錯事要自己搵解決方法
正生=幫學生,令學生有依賴性解決方法

學習是自己的事,不應上學,應該自己走去自學(睇書..)!?
學校=幫學生,令學生依賴有老師教/幫,有難題唔識自己解決!?

咁我地係咪唔駛番 ...

會考和高考有樣野叫自修生
世界上有樣野叫補習班

如自己讀緊ge學校知道你吸毒又戒毒緊可以比佢讀落去
如唔戒毒又後悔冇書讀,可以搵以上方法

why正生又要整多間學校出黎??
如正生有政府支助,why政府又唔支助後悔ge同學用以上方法?

作者: 魂之靈魂 時間: 09-7-1 10:33 PM

正生只不過係做引導,就好似小朋友個氣氣球走左,個大人引導佢諗辨法
總好過自己係到亂估,反而行錯路
而且你完全誤導左個故事既原本意思

作者: 枯葉 時間: 09-7-1 10:38 PM

原帖由 ～Ｋ歌之王～ 於 2009-7-1 10:24 PM 發表

會考和高考有樣野叫自修生
世界上有樣野叫補習班

如自己讀緊ge學校知道你吸毒又戒毒緊可以比佢讀落去
如唔戒毒又後悔冇書讀,可以搵以上方法

why正生又要整多間學校出黎??
如正生有政府支助,why政府又 ...

毒癮咁易解的話,
o的人就唔會食上癮啦!
更何況係一般學校讀,
即使學校容許你讀下去,
但老師/其他同學都將你標籤,
咁樣讀落去好容易行番y路,
因為無人支持!!!
但正生唔單止係學生落手,
仲係家長方面輔導(上次tvb有講)
從而幫吸毒學手糾正過來!
咁我想問一般學校會做得咁仔細?

作者: ～Ｋ歌之王～ 時間: 09-7-1 10:38 PM

原帖由 魂之靈魂 於 2009-7-1 10:33 PM 發表
正生只不過係做引導,就好似小朋友個氣氣球走左,個大人引導佢諗辨法
總好過自己係到亂估,反而行錯路
而且你完全誤導左個故事既原本意思

但正生開校係咩引導方法??
正生有冇捻過世人對佢地畢業生ge睇法?

作者: ～Ｋ歌之王～ 時間: 09-7-1 10:45 PM

原帖由枯葉於 2009-7-1 10:38 PM 發表

毒癮咁易解的話,
o的人就唔會食上癮啦!
更何況係一般學校讀,
即使學校容許你讀下去,
但老師/其他同學都將你標籤,
咁樣讀落去好容易行番y路,
因為無人支持!!!
但正生唔單止係學生落手,
仲係家長方面輔導(上 ...

老師/其他同學都將毒友標籤,主要係毒友唔夠膽行出黎
有心戒毒驚咩人講
你有膽行出黎世人都支持你啦,仲會標籤你??
家長方面輔導老師做唔到咩?正生d老師移去正常學校做唔得咩??
學校老師冇做得咁仔細係老師問題,政府要從中入手,而唔係只幫正生
無必要特別整間學校比佢地

[ 本帖最後由～Ｋ歌之王～於 2009-7-1 10:47 PM 編輯 ]

作者: 枯葉 時間: 09-7-1 10:50 PM

原帖由 ～Ｋ歌之王～ 於 2009-7-1 10:45 PM 發表

老師/其他同學都將毒友標籤,主要係毒友唔夠膽行出黎
有心戒毒驚咩人講
你有膽行出黎世人都支持你啦,仲會標籤你??
家長方面輔導老師做唔到咩?正生d老師移去正常學校做唔得咩??
無必要特別整間學校比佢地

如果個個人都支持吸毒既人,只要你行出黎我實接納你就得!
但係香港700萬人你可以肯定唔會有任何一人唔將佢地標籤!?
仲有你認為集中做定分開做成果大o的?

作者: │→鏡之※影§ 時間: 09-7-1 11:15 PM

原帖由 ～Ｋ歌之王～ 於 2009-7-1 10:18 PM 發表

sor,果句我自己作,註明正生唔好收埋戒毒方法,要公開比人學戒毒
如公開左之後,政府就可以光明正大咁講:想戒毒唔一定搵正生

而家有收埋戒毒方法咩?
政府而家有講戒毒一定搵正生咩?
而家只係張想讀書又要戒毒既學生分開處理..
有咩問題?係普通學校根本做唔到同樣既效果..

作者: ～Ｋ歌之王～ 時間: 09-7-1 11:16 PM

原帖由枯葉於 2009-7-1 10:50 PM 發表

如果個個人都支持吸毒既人,只要你行出黎我實接納你就得!
但係香港700萬人你可以肯定唔會有任何一人唔將佢地標籤!?
仲有你認為集中做定分開做成果大o的?

如果戒毒成功又勇敢講自己經歷,驚咩比一兩個人標籤
集中做同分開做,成果係一樣,只係人手問題唔同

人手多等於無可能做到??

作者: ming777888 時間: 09-7-1 11:29 PM

樓主一開始已經標籤左正生既學生..
討論落去你都只係以正生既負面睇落去..
已經唔係討論而係辨論..
而且正生係想比機會d[年輕人]有改過既機會..
正如同你犯左法要坐監咁..入到去都係想比個機會你改過..諗清楚自己做錯d咩事..
而且正生佢幫助佢d學生既都係一d邊緣青年..入面學既就係佢地之後缺乏既野..
年青人必定會有錯..而正生只係用第2個方法去幫助年青人改過..
如果以樓主既思想..我諗樓主既父母老師亦無必須再照顧你/幫助你解決問題..
有邊個無做錯過事?每次都要自己解決問題既..就唔會有團結既出現..

作者: ～Ｋ歌之王～ 時間: 09-7-1 11:43 PM

原帖由 ming777888 於 2009-7-1 11:29 PM 發表
樓主一開始已經標籤左正生既學生..
討論落去你都只係以正生既負面睇落去..
已經唔係討論而係辨論..
而且正生係想比機會d[年輕人]有改過既機會..
正如同你犯左法要坐監咁..入到去都係想比個機會你改過..諗清楚自己 ...

正確ge解決方法步驟
1等犯錯學生知道錯在什麼
2查詢學生應用什麼方法解決
3學生想不到時給予題示直至想到
4給予可行以見加上支持

但政府做法
1等犯錯學生知道錯在什麼
2送入正生書院=送入坐監

咁不如係監獄加設圖書館同老師

都係反對正生書院

作者: 乂妖 時間: 09-7-1 11:45 PM

同埋
好似你咁話
洗咩要殘疾學校

作者: ～Ｋ歌之王～ 時間: 09-7-1 11:51 PM

正生唔應該一尾開校!!!!

有心戒毒人士萬歲

作者: 蝦米仔 時間: 09-7-1 11:52 PM

原帖由 ～Ｋ歌之王～ 於 2009-7-1 11:16 PM 發表

如果戒毒成功又勇敢講自己經歷,驚咩比一兩個人標籤
集中做同分開做,成果係一樣,只係人手問題唔同

人手多等於無可能做到??

大家也是冷靜討論問題, 愚弟分享一下愚見
第一, 處理吸毒問題非單一處理戒毒, 因為吸毒非問題的單一核心, 只是逃避問題的方法.
一個有自信, 健康良好, 有家人支持的青少年, 相對地較少吸毒, 沉淪毒海
我們要找出他們吸毒的原因, 對症下藥才是治本, 永久的遠離毒品

正生書院除了是讀書的地方外, 更是心理及身理上的鍛鍊
透過師友的關懷關心, 使他們重新感覺到人間有情,
更因刻苦的鍛鍊, 使他們在重投社會時, 有一定的抗拒能力

很多青少年在成長中遇到問題後, 便一沉百墮, 進而跌入毒網
政府的確有相對的戒毒資源, 可是沒一所給福利機構的辦得好 [這是我個人觀點]
政府的方針永遠改變得慢, 回應的慢.
單純的隔離及監房生活, 根本不能對應青少年欠缺自信,
借助玩毒而逃避問題的心態 [這只是其中一個吸毒原因]

先不討論正生應不應建在梅窩, 主題不是討論地點
我們討論香港有否需要正生書院等戒毒服務
從數字上, 社會回應上, 我們的確有這種需要, 並非每個人也適合單純的監房隔離

更多資料投放在正生等服務後, 是否等於助長了吸毒青少年無後顧之憂?
這點是我不認同的, 作一個假設: 我們有多一點外展社工, 是否會有更多外展青少年?
它們不存在一定的累進關係, 能捱過正生書院生活的人不多的, 肯留下來的戒毒動機很高
樓主或許找一天, 參觀參觀一下正生學院, 你會發覺那裡生活絕不好過, 但他們面帶笑容
單純簡陋的學舍足滿著師友的關懷及支持, 這是我們社會需要反思的
為何我們懲教的院舍要板著面, 這是否過於懲而不教?

最後, 標籤問題. 這非單純是歧視的問題, 我覺得把它當成大眾的不認識, 不明白更貼切吧
吸毒青少年並不可怕, 可怕的是他們在毒品的影響下, 像發高燒般生病
若果得不到旁人的照顧, 他們很可能會因此而死掉
他們會教壞人家子女嗎? 或許吧!
可是, 如我上述說明. 第一口或許真是好奇/朋友影響, 接著第二口? 你忍心要你心愛的爸媽擔心嗎?
我們社會存在很多的問題, 家庭問題, 讀書問題, 工作問題...
一切一切, 也需要我們用多一點包容的心, 關係的手, 照顧一下旁人
好讓他們迷途知返

作者: ～Ｋ歌之王～ 時間: 09-7-1 11:54 PM

原帖由乂妖於 2009-7-1 11:45 PM 發表
同埋
好似你咁話
洗咩要殘疾學校

無錯,你唔覺現實有學校係有收殘疾人士嗎???
做得唔全面係政府唔做野,政府唔做野都冇計ga~

只要做得全面,真係唔洗殘疾學校出現
只要做得全面,真係唔洗正生書院出現

作者: ming777888 時間: 09-7-1 11:56 PM

原帖由 ～Ｋ歌之王～ 於 2009-7-1 11:43 PM 發表

正確ge解決方法步驟
1等犯錯學生知道錯在什麼
2查詢學生應用什麼方法解決
3學生想不到時給予題示直至想到
4給予可行以見加上支持

但政府做法
1等犯錯學生知道錯在什麼
2送入正生書院=送入坐監

咁不如 ...

你已經錯曬concept..
入正生既青年人..係自願入去..即係佢知道左佢自己錯左..
希望有機會改過..正生只係提供一些設施比佢地學識自立..明白佢地之前係幾幸福..
要珍惜身邊所有野...
你所謂既正確解決方法既步驟邊個提出?如果唔係一d權威提出既..可信性已經減少..
同時正如你所講..我相信每一個人細過都有打過交..如果以你既諗法..咁係唔係每次都要報警解決?
我相信唔會..點解?因為要教導你等你明白係錯唔可以再犯..
正生呢?佢地係錯左..但係從旁協助佢地有咩問題?佢地自願入去就已經證明佢地有決心改過..
咁點解重要將人地呢個機會拎走?
樓主話唔應該咁樣幫佢地要佢地自己戒毒..我想講世界每個人都唔同..
唔一定會個人都可以自己戒到毒..如果幫助係錯既..
咁請樓主每次去街都用腳行..唔好坐車..
住既自己起間屋..唔好依賴人地起比你既野...
點解咁講?車都係幫助左你唔洗你咁辛苦同快d到達目的地..

作者: ming777888 時間: 09-7-1 11:59 PM

原帖由 ～Ｋ歌之王～ 於 2009-7-1 11:54 PM 發表

無錯,你唔覺現實有學校係有收殘疾人士嗎???
做得唔全面係政府唔做野,政府唔做野都冇計ga~

只要做得全面,真係唔洗殘疾學校出現
只要做得全面,真係唔洗正生書院出現

做得全面?點先叫全面?
你估做一個全面既方案咁容易?
你所講既理念亦即係地球村既理念..
但係請明白理念同實踐係兩碼子既事..
理念行得通唔代表現實一定可以實行到..
一日只要每個人既諗法唔同..一日都會有一個全面既方案出現..
由此可見樓主既眼界有多[廣闊]..

作者: ～Ｋ歌之王～ 時間: 09-7-2 12:00 AM

原帖由 蝦米仔 於 2009-7-1 11:52 PM 發表

大家也是冷靜討論問題, 愚弟分享一下愚見
第一, 處理吸毒問題非單一處理戒毒, 因為吸毒非問題的單一核心, 只是逃避問題的方法.
一個有自信, 健康良好, 有家人支持的青少年, 相對地較少吸毒, 沉淪毒海
我們要 ...

你說得非常有道理,我們已離開話題,等我另起話題

作者: 蝦米仔 時間: 09-7-2 12:01 AM

原帖由 ～Ｋ歌之王～ 於 2009-7-1 11:51 PM 發表
正生唔應該一尾開校!!!!

有心戒毒人士萬歲

先看我上回文章, 正生書院沒有收藏獨的方法
它是歡迎大家一起去討論及分享的
它用學校的生活及簡潔的生活來鍛鍊青少年
好讓他們心身靈也有成長
辦學真真是他們覺得最合適他們專長的方法

方間也有其他能而有效的方法, 如藥物治療, 輔導, 及工作治療法
政府是否不知道? 政府是知道的! 不然,他不會增加對正生資源的投放
有些東西, 是政府不願自己承擔的, 需要假借他人之手
我也不覺得所有事也應該是政府做, 官僚架構太麻煩, 行政太慢

樓主~ 大家也是不認識, 不明白...冷靜一點
正生書院 =/= 坐牢, 正生是自願戒毒的! 你捱不住, 可以走的
當然, 你有官非在身. 走了, 當然要另有其他出路

政府那些是強迫~ 那大家也應該明白分別在那裡了?

[ 本帖最後由蝦米仔於 2009-7-2 12:04 AM 編輯 ]

作者: ~九刈草~ 時間: 09-7-2 12:01 AM

我精神上支持佢地

歡迎光臨 2000FUN論壇 (https://www.2000fun.com/)