2000FUN論壇

標題: 係2kf足球隊既隊員就入黎 [打印本頁]

作者: 華哥仔 時間: 09-7-2 01:18 AM 標題: 係2kf足球隊既隊員就入黎

Reyes話退隊

我個日冇去到比賽
我唔會知道個日真正發生既情況係點

係可能佢做球證係判決上你地認為有不公平對待
但係佢係2kf球員同我地一齊踢波一齊踢左2年
你地唔通唔清楚佢係咩人咩? 佢就算係偏幫都會幫我地啦!?

你地個個屌哂佢? 你地有冇諗過佢既感受?
你地有冇諗過比全隊人一齊屌你既時候係點?

無論件事係點
佢係我地隊友
我唔知你地個心諗咩

大家一齊踢波係一種緣份
大家識到又係一種緣份
大家相識、一齊踢波已經2年
都係一種緣份

我希望你地
真心想Reyes留隊既
就係度留言

而我係第一個

作者: Kafu 時間: 09-7-2 01:27 AM

舉腳支持屌你又唔夠字

作者: -基少- 時間: 09-7-2 01:30 AM

我絕對冇話雷爺...只係唔like對面隊想射我果件蛋散...
所以支持雷爺留隊!!!

作者: 茶道小生 時間: 09-7-2 01:33 AM

只能說,一個都不能少~

作者: ☆呀潮★ 時間: 09-7-2 01:35 AM

支持~~~~~~~~~~~~~~~~~~~~~~~~~~
整到夠字= =

作者: 天空霸主 時間: 09-7-2 01:39 AM

我支持既

我冇屌佢(唔係卸膊)
但係雷耶絲都唔洗將件事放係心上啦...
踢波邊個未火過喎
大家都係人..大家都有情緒
何必要將件咁小既事放係心上呢
1場波姐..唔洗搞到咁大件事既
大家都識左2年啦...就單單1晚...1粒鐘都唔夠所發生既事...
比唔上大家2年既友誼?

大家隊友黎架嘛...朋友呢家野..唔共患難又點見真情呢?
冇錯..我承認當日d人講既野係難聽d亦都係過火d...但都唔洗記住佢
問心個句...你地每個人身邊既最好朋友...有邊個唔係互屌完之後更加fd?
我自問係咁先囉...互屌完知道有d乜衰...去反省..大家彼此了解..咁樣友誼先得黎長久囉

講真個句...唔洗將件咁既事放係心上
踢波躁底有火好正常...每個人都試過啦...我相信大家都係掛?
真係老土d都要講句...贏左啖氣,輸左個隊友...值得咩??
再講...單單幾廿分鐘發生既事...換上大家2年黎之間既友情..咁樣又值得?

雷耶斯..諗諗佢吧...我都想你留隊的

作者: 啊4 時間: 09-7-2 01:45 AM

作者: Kafu 時間: 09-7-2 02:06 AM

唔怕老土講多句
我由細到大不嬲都係小氣+火爆o既人黎
好易俾人辣一辣或者聽到d唔鐘意o既野就西面或者屌哂鬼咁..
係哩2年間有唔少隊友都受過我脾氣
我踢波唔係勁..又唔係人緣特別好..大家可以唔洗受我氣
可以即刻走..但係點解唯獨是你地可以留係2kf 2年
係因為我地大家彼此了解大家o既性格..
點解你地會了解我性格?我次次屌完鬼之後都好似冇野發生?
因為我地已經將大家當係朋友..唔止係波友咁簡單..

雷爺絲..繼續留係到俾我屌呀

作者: 苦月明 時間: 09-7-2 02:21 AM

我冇屌過佢呀

其實  得無迪同阿橙講左兩句野唧佢兩個都咁高咁大識得分事非黑白
雷爺果陣司職球證  咁我地覺得不滿d判決點會諗佢偏唔偏幫邊個不滿就係不滿
最多話佢唔適合做球證唧  第一場我都做過球證啦  我咪一樣俾人屌到仆街
最多咪唔做球證囉咁完左場比賽咪變返隊友
你地就係成日諗野唔夠通透  唔係點解搞到咁多是非出黎

一場雷爺絲做球證我地覺得佢做得唔好所以屌佢    咁好正常呀
屌完咪算囉  完左果場波咪又係隊友
唔通下次佢同我地一隊踢果陣無啦啦褲袋拎支雞出黎吹我地咩
所以我覺得唔需要因為呢件事而去退隊

問心果句有邊個仲care果場比賽?
屌人屌一日好喇反醒自己果場比賽表現就要反醒一星期

不過另一方面我諗雷爺係咪其實佢係2KF隊隊員既身份同時又係個阿sir 學生
佢夾係中間如果有為難既  咁佢自己決定喇呢樣野  無人逼到佢

不論雷爺絲  大家都係  唔好成日受人影響從而心中產生有太多不快樂既野
自己應該多d思考唔同問題  咁先會進步

作者: 『無迪』 時間: 09-7-2 04:31 AM

一場球賽遇到挫折選擇逃避?

我係有對球證表示不滿 ,不過係用友善既語氣表示
嚴格D黎講都冇人屌過你 ,就算屌完都唔會記住啦

其實成場波最大責任都唔係球證 , 係雙方球員態度~~!!
所以引致呢場閙劇 , 唔洗將責任擺上自己身上

如果我之前有言語另你不好受 , 真心說聲SORRY