2000FUN論壇

標題: 本世紀香港樂壇最轟動同最柒嘅抄歌事件 [打印本頁]

作者: 骨精良 時間: 09-7-29 12:08 AM 標題: 本世紀香港樂壇最轟動同最柒嘅抄歌事件

想當年李克勤一首「原創」歌曲<櫻花>曾經鬧得萬城風雨！事緣<櫻花>一曲被指與一首泰文歌曲節奏極度相似，本來有人以為係泰國方面抄歌，點知有人發現<櫻花>面世比起泰文歌方面係慢左一年！即是廣東歌抄泰文歌，而且整首歌曲近乎一樣...

000/1/21 李克勤對記者否認自己有抄歌。他更表示之前未曾聽過該首泰文歌，他亦無收到無線要收回他的獎項的消息。
李克勤對事件的回應：他說：「之前我從未聽過這首歌，我承認首歌其中一、兩句真係有點相似，但音符只得七個，其中有一、兩個相同有什麼出奇呢？」克勤指自己和江港生現在正找人聯絡泰國方面，希望找到那位創作人，向他清楚解釋一切。
林敏聰說他覺得這首泰文歌，好像是克勤首歌的試聽版，並說笑地表示:可能是克勤聽完別人首歌入了腦，抄了都不知道呢？
馮禮慈說：我聽完之後覺得有六、七成似。唔可以說是抄襲，可能是巧合，曲有相似都唔出奇，外國都有似情況發生。
華仔表示：六合彩有那麼多組合都有人中，何況音樂來來去去得七個音符，撞中又有什麼出奇呢？

劉以達說:我真是呆了，我都係第一次聽到首歌抄到那麼足，相似達百份之九十五，這件事簡直係千禧年樂壇第一宗醜聞！

被指抄歌的<櫻花>-曲:李克勤/江港生, 詞:李克勤, 編:Billy Chan/Tony
被抄的泰文歌-Loso โลโซ - koey bok wa ruk gun เคยบอกว่ารักกัน 詞曲/loso

loso版 koey bok wa ruk gun เคยบอกว่ารักกัน
[utube]LUPymhoOsNU[/utube]

李克勤「原創」歌曲<櫻花>
[utube]auITSsuxzWU[/utube]

以為泰文歌冇香港人聽過，成首100%copy過黎擋係自己，真係本世紀最轟動同最柒嘅抄歌事件

作者: 小ｗｉｎｇ 時間: 09-7-29 12:13 AM

估唔到咁都得

作者: ○天下無雙● 時間: 09-7-29 12:17 AM

首曲差不多一舊樣

作者: 骨精良 時間: 09-7-29 12:28 AM

後來泰國嘅LOSO樂隊話要告李克勤，之後唔知點解又冇左件事！

作者: 骨精良 時間: 09-7-29 12:32 AM

李克勤與江港生合作寫的《櫻花》被指抄襲泰國一隊樂隊的歌曲，近日我終於親耳聽過該歌曲的「原裝版」，聽了三次之後，不得不承認《櫻花》與其「原裝版」相似程度真的十分高，編曲方面兩首歌也十分相似，但這只可算是它們屬於同類型風格的音樂，談不上是抄。至於歌曲本身（即 Melody），兩首歌的前部份 ﹝hookline﹞只有少許相同，與「抄」的意思還差一大段距離。不過，副歌 ﹝Chorus﹞方面的相似度卻是十分明顯，特別是「 . . . . . . 夜裡擁著照片，會此志不改，會風雨不改 …… 」等數句與「原裝版」簡直一模一樣，不得不令人懷疑《櫻花》是否抄回來的。

客觀些來說，很多人也說過音樂來來去去也是由那七個音符組成，音節相似實不足為奇。不過，碰巧一兩句（最多兩三句）相似還可說，但整段副歌（包括音節、拍子）也相似到這個地步，又確實太巧合了，當然，這個巧合也有其或然率的存在，像六合彩也差不多期期有人中獎一樣，兩首歌也有可能是無意中相像，只是機會微了一點點。

所以總括來說，李克勤和江港生是抄歌嗎？有這個可能性，而且機會很大，但仍然有另一個機會較微的可能性是兩首歌真的碰巧撞地過正著，所以是否抄歌，只有李克勤和江港生二人，或盧淑儀才知道。

不過，《櫻花》內我最喜歡的那一句 Melody（「夜裡擁著照片」），在「原裝版」也能找到，而且是 100% 一樣，有點可惜。就算他倆真的沒有抄歌，那麼那句寫得很好的 Melody 亦即早已被人錄用了，就算他們是自己作，也都不再是第一人了。創作的滿足感，是那件作品在全世界只得你一人有，是唯一的，是獨特的，是代表創作人本身的。但同一件作品，若比人作得遲，就算你並沒有抄人，只是巧合地曲有相似，那首歌其實已不再是唯一的，人們已經比你先有，就算是自己作也意義大減了，所以「先後」這個次序十分重要。當然，自己的作品有否被人更早「得手」，這個當然不易知道，說不定《上海灘》一曲早在百多年前已是非洲某個部落的「求雨歌」，所以，創作是很講「心」的，對自己要有某程度上的堅持，例如堅持一句也不會抄人，之類。

其實，歌，有什麼好抄？

一名香港音樂人曾經說過：「身為一個創作人，最重要是對得住自己」。這句說話我百份百認同，「尊重創作」是一件說易行難的事，能夠做到是一份光榮，自豪感亦是由此而生，能夠堅持著「尊重創作」這份執著，又確是叫人響往，人們做不到而自己偏偏又能做到，你會覺得自己很脫俗，有種出於污泥而不染的感覺。

曾看過「有線電視」一個談及《櫻花》抄歌的節目，幾位香港音樂人 ﹝ 包括林敏聰、劉以達、葉廣權及楊云標 ﹞ 說了一番十分令我震驚的說話，他們說：「抄歌不緊要，最緊要是抄得醒目，不要成首抄足，抄幾句就無所謂」。是我聽錯嗎？這番說話竟然出於這班音樂「創作人」口中？「創作人」，他們配嗎？活該！

在我心目中，他們本身已不算是香港一級的音樂人，他們的音樂及歌詞欠缺時代感之餘，什至覺得他們有點過時，但這樣不要緊，身為一個創作人竟然說出「抄歌唔緊要」這類說話才是他們最為失敗的地方，該四位音樂人可能只是害群之馬，或冰山一角，我當然希望是前者，亦希望他們明白我剛才提及到另一位音樂人所說的「身為一個創作人，最重要是對得住自己」。

其實歌曲及歌詞創作 ﹝ 特別是歌曲創作 ﹞ ，就算是一句也不應該抄人，整首歌由自己全力創作才叫做創作，這樣才有資格在「作曲」一欄記錄自己的名字，自己不懂作嗎？為什麼要抄人？

華叔曾經建議我可以抄英國一隊街頭樂隊的音樂，然後拿來說是我自己作，包保無人知。他真懂得說笑，我自豪，因為我有那份堅持。

作者: 澳漩 時間: 09-7-29 12:50 AM

令我諗起雷頌德...

作者: YIPHOWA 時間: 09-7-29 12:50 AM

原帖由 骨精良 於 2009-7-29 12:28 AM 發表
後來泰國嘅LOSO樂隊話要告李克勤，之後唔知點解又冇左件事！

唔洗估就知係比左錢la...

作者: 樂瘋天下 時間: 09-7-29 12:52 AM

000/1/21? 2000年? 幾多年既事

作者: ×Ｌi〃◇ 時間: 09-7-29 12:52 AM

原帖由 骨精良 於 2009-7-29 12:28 AM 發表
後來泰國嘅LOSO樂隊話要告李克勤，之後唔知點解又冇左件事！

錢作怪囉

作者: woodylo 時間: 09-7-29 01:03 AM

聽唔出有抄囉

作者: 骨精良 時間: 09-7-29 01:09 AM

原帖由 樂瘋天下 於 2009-7-29 12:52 AM 發表
000/1/21? 2000年? 幾多年既事

其實有十年，不過係2000年比人踢爆，開頭有人以為係泰國方面問題，點知原來首泰文歌係97年出，勤仔作果首就係近2000年時出，atv''今日睇真d''飛去泰國搵番果位歌手，果位歌手聽完話會作出檢控

[ 本帖最後由骨精良於 2009-7-29 01:11 AM 編輯 ]

作者: 骨精良 時間: 09-7-29 01:10 AM

原帖由 woodylo 於 2009-7-29 01:03 AM 發表
聽唔出有抄囉

係囉，根本唔係抄，係成首拎泥唱

作者: 骨精良 時間: 09-7-29 01:25 AM

原帖由澳漩於 2009-7-29 12:50 AM 發表
令我諗起雷頌德...

雷頌柒點柒我諗都唔會話整首歌近乎百份百照辦「抄」落去
或者佢(勤哥/江哥)以為香港唔興泰文歌就冇人知
最柒就係好抄唔抄抄個泰國天王級嘅歌
人地果期最紅，果幾年每張專輯都頂爆二百萬銷量
泰國商店四圍播，港人又鐘意去泰國玩
就係咁樣乃晒野
其實著褲城首''一起渴彩''都試過類似情況
又係被指抄泰國嘅中國娃娃<單眼皮女生>
由於冇買版權又比泰國果面吊
不過碰巧中國娃娃當時就係用<單眼皮女生>主打進軍台灣
咁岩城城首果首''一起渴彩''國語版用左黎做百事台灣廣告歌
變相呢啲新聞令中國娃娃即係變左焦點.......

作者: Chong 時間: 09-7-29 01:30 AM

100% 抄歌
真係......7左喎今次

作者: 信陵君 時間: 09-7-29 01:31 AM

泰文版好似好聽過港版

作者: qwerts 時間: 09-7-29 01:32 AM

原來e d就係泰文-口-"

作者: S.P~* 時間: 09-7-29 01:36 AM

抄歌唔緊要呢句我反而認同
因為香港來來去去都係果幾個音樂人
『你係得既就要你一年交一百幾十隻
你係唔得既就要你抄一百幾十隻』
而每個月都有歌手出碟
試問點可以唔抄...?

至於肯唔肯認又係另一方面既事

作者: 骨精良 時間: 09-7-29 01:40 AM

原帖由 S.P~* 於 2009-7-29 01:36 AM 發表
抄歌唔緊要呢句我反而認同
因為香港來來去去都係果幾個音樂人
『你係得既就要你一年交一百幾十隻
你係唔得既就要你抄一百幾十隻』
而每個月都有歌手出碟
試問點可以唔抄...?

至於肯唔肯認又係另一方面既 ...

相信都冇咩人會認同

作者: 骨精良 時間: 09-7-29 01:42 AM

原帖由 qwerts 於 2009-7-29 01:32 AM 發表
原來e d就係泰文-口-"

咁唔止嘅...老撾文個款都咁上下

作者: 〥凍◆奶茶〤× 時間: 09-7-29 01:50 AM

除左不改..不改個到明顯d之外其他其實都有唔同呀- .-

作者: 骨精良 時間: 09-7-29 01:50 AM

其實買個版權番黎分分鐘比你抄完比人踢爆後淨番啲手後尾要好，一陣打官師仲煩錢洗得快個名又臭埋。呢幾年華語樂壇啲唱片公司又開始大量改編泰文歌，因為日、韓歌版權太貴，泰國音樂水平風格又岩華語樂壇，於是都買左好多版權黎改編，起碼''買''番黎係合法。

作者: 骨精良 時間: 09-7-29 01:55 AM

原帖由 〥凍◆奶茶〤× 於 2009-7-29 01:50 AM 發表
除左不改..不改個到明顯d之外其他其實都有唔同呀- .-

副歌直頭一樣，頭兩段都好似

作者: S.P~* 時間: 09-7-29 04:18 AM

原帖由 骨精良 於 2009-7-29 01:40 AM 發表

相信都冇咩人會認同

係你咁諗姐
人地做得仆哂街你都唔知啦
家強都話家駒如果未死都唔會再做落去
變撚哂商業就算你一個人幾有heart都無撚用啦

你只係見到佢抄歌既一面
又睇唔到人地創作既時候點樣諗到仆街
而且你作為外人點樣詆毀佢都得
最後其實有個唔法但合情既理由
唔通鬧番你轉頭?
只可以笑一句我地又唔撚知佢地又無撚知

作者: 外星光☆ 時間: 09-7-29 07:20 AM

泰文版好聽d

作者: 鋒．嵐＊ 時間: 09-7-29 07:53 AM

算數啦!
好多歌手都係唔小心架
真係巧合黎

作者: 守護．天使 時間: 09-7-29 08:13 AM

甘陳偉霆首今天終於知道錯...咪比人告- -
都唔知佢有冇問人地LO版權- -

作者: 依戀﹏達 時間: 09-7-29 08:31 AM

似到爆

作者: somee 時間: 09-7-29 12:37 PM

原帖由 S.P~* 於 2009-7-29 01:36 AM 發表
抄歌唔緊要呢句我反而認同
因為香港來來去去都係果幾個音樂人
『你係得既就要你一年交一百幾十隻
你係唔得既就要你抄一百幾十隻』
而每個月都有歌手出碟
試問點可以唔抄...?

至於肯唔肯認又係另一方面既 ...

不太認同,
係一個冇買版權既案件下,
如果係一個監製/創作人既身份為打造一首廣東歌而抄襲,
以自己既收入為目的,大體上已經接近不勞而獲(當然實際有好多工程要佢地follow)
間接做成助長樂壇過份商業化,而且以行為黎講,係極不道德而且唔見得光,
一方面為保自身"創作人"名節而否認,一方面又為利益過晒火,
論理,我唔應該認同

論情,我唔知佢地係咪有必要咁做,
下載當道引至收入銳減?
公司要求更多既產量?
江郎才盡?
我就唔當佢地為左"增加收入",當佢地只係想保住飯碗,
我都唔會完全認同佢地既行為

作者: 對抗命運的人 時間: 09-7-29 12:47 PM

抄功課真係好仆街既行為

作者: ～悶Ｋ～ 時間: 09-7-29 01:05 PM

= =""都真係幾狗...夠膽話自己原創

作者: 星州炒米 時間: 09-7-29 01:11 PM

原帖由 S.P~* 於 2009-7-29 04:18 AM 發表

係你咁諗姐
人地做得仆哂街你都唔知啦
家強都話家駒如果未死都唔會再做落去
變撚哂商業就算你一個人幾有heart都無撚用啦

你只係見到佢抄歌既一面
又睇唔到人地創作既時候點樣諗到仆街
而且你作為外人點樣 ...

完全唔認同,仲講到情有可原咁,只會令更多人失望,我夠知香港音樂需求大,又要快又要k,有供不應求之情,可惜抄巳經唔岩,仲要抄得神似,又要死口唔認,真係好失望,我係克勤fans都幫唔落

作者: choi01 時間: 09-7-29 01:18 PM

真係好耐下

作者: 低能能’ 時間: 09-7-29 01:23 PM

原來係咁....

作者: 中華丸子 時間: 09-7-29 01:27 PM 標題: 回復 15# 信陵君的帖子

原創版ＡＲ　ＭＡ﹣９﹣﹣

作者: 星州炒米 時間: 09-7-29 01:31 PM

http://hk.myblog.yahoo.com/thai-gting/article?mid=125
在內裏都有分析,有機會是江生的主意,多加個名就出事了.

作者: S.P~* 時間: 09-7-29 01:31 PM

原帖由 星州炒米 於 2009-7-29 01:11 PM 發表

完全唔認同,仲講到情有可原咁,只會令更多人失望,我夠知香港音樂需求大,又要快又要k,有供不應求之情,可惜抄巳經唔岩,仲要抄得神似,又要死口唔認,真係好失望,我係克勤fans都幫唔落

我無話無錯
只係情有可原
俾d大老細逼既自己想自創都做唔到啦

作者: 星州炒米 時間: 09-7-29 01:33 PM

原帖由 choi01 於 2009-7-29 01:18 PM 發表
真係好耐下

當年李克勤巳經好沉,就係呢件事令佢暫時消失埋

作者: 一個小弟弟 時間: 09-7-29 01:39 PM

香港80 90年代抄外國歌日本歌仲勁

作者: happycome 時間: 09-7-29 01:45 PM

是但-0-我不嬲無乜留意佢

作者: 星州炒米 時間: 09-7-29 01:45 PM

原帖由 S.P~* 於 2009-7-29 01:31 PM 發表

我無話無錯
只係情有可原
俾d大老細逼既自己想自創都做唔到啦

太嚴重,有d事要嚴正面對

作者: 星州炒米 時間: 09-7-29 01:47 PM

原帖由 一個小弟弟 於 2009-7-29 01:39 PM 發表
香港80 90年代抄外國歌日本歌仲勁

我淨係知好多俾左錢翻唱

作者: 一個小弟弟 時間: 09-7-29 01:55 PM

原帖由 星州炒米 於 2009-7-29 01:47 PM 發表

我淨係知好多俾左錢翻唱

俾錢買埋隻歌
改哂詞唔睇番以前外國同日本歌手唱既歌都唔知

作者: 骨精良 時間: 09-7-29 02:04 PM

原帖由 一個小弟弟 於 2009-7-29 01:55 PM 發表

俾錢買埋隻歌
改哂詞唔睇番以前外國同日本歌手唱既歌都唔知

需求大又唔夠人手最好嘅方法就是真金白銀買版權講真好似「容易受傷的女人」、「失戀」，啲詞填得ok同翻唱得幾好。

作者: 骨精良 時間: 09-7-29 02:06 PM

為勢所逼而違犯創作精神，我認為絕不是藉口，我很同情香港的音樂人，每個月要交幾十份功課，可惜像這種差不多百份百複製，把曲名改掉的就換成自己的「原創作品」，咁樣對泰國原創方面是一種侮辱。

作者: 劍偉仔 時間: 09-7-29 02:19 PM

好似好耐之前既野=_=

作者: 骰神 時間: 09-7-29 07:33 PM

他的樣子如何,他的日子也必如何

歡迎光臨 2000FUN論壇 (https://www.2000fun.com/)