2000FUN論壇

標題: 7個月已經咁惡咬主人(唔係玩)，點算！！！ [打印本頁]

作者: b398294l 時間: 09-7-30 08:09 AM 標題: 7個月已經咁惡咬主人(唔係玩)，點算！！！

我有兩隻西施狗仔(同胎兄弟) 由兩個月養起，依家七個月大，未絕育。細佬好乖，哥哥冇咁乘(鍾意吠)，不過都算啦，諗住仲係BB，慢慢教。兩兄弟好鍾意喱埋梳化底，我成曰都會拉番佢地出嚟玩，一路都冇事。不過呢個月開始，我拉哥哥出嚟時，佢唔肯仲即時發惡咬我，我當時有大聲No佢同冇再勉強佢出嚟。之後每次佢響梳化底，我都唔敢即刻拉佢出嚟，會先摸下佢既鼻鼻嘴嘴先拉佢出嚟。摸佢時都好地地，但一掂佢隻手準備拉佢時，佢又係即時發惡咬我。唔單止，佢響地下執到水樽蓋，我想攞番，佢又咬我；佢咬電綫，我先生想打佢嘴嘴，佢直頭想璞起咬，惡到死。我先生打左佢幾下屁股，跟住困佢入籠，但佢出嚟，又響梳化底再咬我。

自問好錫佢，但不至於縱。唔比佢上梳化上床，每次開餐前都要stay直至叫OK先准食，佢亦冇護食心態，食食下攞走佢啲糧都OK，玩緊既玩具，你叫佢give give佢都肯。

唔知係咪之前一路比佢咬開手(玩嗰隻)，佢以為我地可以咬得。依家我地已經唔比佢咬嚟玩。

其實佢平時好cute好得意，同細佬打交都有就住就住，我地叫佢地唔好打，佢都會停，就係唔知點解會咬人，仲要係佢既米飯班主。

BB已經咁惡，大D可能更甚。我先生話可能係先天性格問題，叫我趁細，送比人。我伯到時人地亦會因為佢咬人又唔要佢，不如自己教番好，但有得教嗎？

作者: 巨飛 時間: 09-8-3 05:47 AM

我果隻芝娃娃都係咁...細細個已經好惡....佢平時鐘意訓係我阿媽間房,我每次一入我老媽子間房佢追會追住我隻腳黎咬

....有時冇啦啦跳上我張床訓,因為我d皮膚對狗毛有敏感所以同親佢訓都會起晒一粒粒...所以佢一上我張床我就會扔返佢落床...佢就會好大力咁咬到我隻手爆晒光...我身上已經有不小傷痕係佢咬我而留低....但冇計...打又打過...鬧又鬧過...佢都係咁...差唔多成間屋既人都比佢咬過晒,係我老母一個未試過比佢咬...人地話芝娃娃呢種狗剩係會認定一個主人,可能係呢個原因啦/_\

[ 本帖最後由巨飛於 2009-8-3 05:57 AM 編輯 ]

歡迎光臨 2000FUN論壇 (https://www.2000fun.com/)