2000FUN論壇

標題: 出商城後意見(帶少少社會話題) 無罵戰,買唔買點既人都入黎睇下 [打印本頁]

作者: 021124413 時間: 09-8-3 05:37 PM 標題: 出商城後意見(帶少少社會話題) 無罵戰,買唔買點既人都入黎睇下

game名:任逍遙
發文有d長,我潛開水,唔係心入面太多野想講都唔會發文,無耐性睇既"禁"左上角既上一頁出番去

其實出商城大家都已經係預左,因為佢唔係月費制
但係我係估唔到商城可以咁離譜,發呢篇文既原因唔係因為d人買點同唔買點既問題
而係值唔值得買既問題
當然,你買唔買唔關我事,我唔想知你買唔買,只係希望你諗下,買左唔洗話我知,唔買都唔洗同我講

大家岩岩有玩既都知道啦,江湖頻好激烈,有幾下都想熄左佢,但係都想睇埋d人講咩
結果一堆無營養既字出哂黎,講黎講去大家都無結果
大家玩遊戲,尤其宜家咁多免費game出哂商城,大家要明白一樣野
有錢無時間既,用錢買時間
無錢既有時間,用時間買錢
無錢又無時間既,唔好打機
有錢又有時間既,我話之你
所以話大家無必要為左人地買點就去話佢,都無必要佢唔買點就話佢"xx"
只不過,我發文既原因係因為,玩咁多隻game,呢隻最離譜(可能我玩得少game)
商城抽悟性抽錢抽經驗(開箱)
講真,今朝on左,第一時間係商城睇到呢d野,你都咪話唔心動
但係大家諗一諗
咁攪法,隻GAME重可以玩幾耐呢
無錯,有d人話到後期果d就係少少野,但係究竟後期係幾時,又有幾多人去到後期?而去到後期依然都係可以坐係開封有經驗
大家反轉頭睇下,宜家桃花島有幾多人?當無新人加入既時候,舊玩家慢慢流失,咁最後會變成點
最緊要係呢隻game愈少人玩,到最後就愈難支持落去
買點既人咁點算呢?可想而知,相信大家都見唔少啦(笑)
由頭到尾,我都無話咩唔抵得心態,只不過真係覺得唔值得ja,當然,你可以話"我錢多,玩得開心咪得囉",咁你咪禁上一頁囉,我發文原因又唔係俾"真係有錢仔睇既"
買點既就係"有錢仔",其實呢個問題大家要真係真係諗清楚,其實佢地唔係有錢仔,買左點既都唔好以為自己係有錢仔,俾人誤導左就唔好啦,大家認清現實好d,有幾多個唔係用父母錢買點?有幾多個唔係一個月賺埋賺埋果"丁"咁多去買點
就係因為咁,所以我先叫大家諗清楚值唔值得去買

我地"大家"都係"玩家","煮豆燃豆箕豆在釜中泣本是同根生相煎何太急"
最後獲利既咪又係代理商,你可以話"我係要俾佢獲利丫,唔俾咩"
呢d損人不利己既人,我真係認認真真咁同佢講句:"傻仔"
到宜家"大家"咁多位買點既"玩家",唔買點既"玩家","大家"明白未

同人講"我有'心'玩"既人真係唔該你地啦,睇清楚個狀況,代理商係為左賺快錢咋,你有心,人地都未必有心,真係有心真係覺得隻game好玩既,就一齊攪好佢,等代理商無藉口同機會"殺game"

就好似其他人講既平衡咁,我地要做既,係"大家"一齊爭取番個"平衡",而唔係"燃箕煮豆"
我其實如果個情況繼續落去,我係打算退出,而"大家"繼續落去既,唔該你諗清一樣野
買點既到最後玩到幾耐?當無哂人果陣,或者個個都同你一樣買點果陣,你係咪有真正達到你買點既"目的"
唔買點既你又係咪真係可以同買點既一齊玩落去,願意甘於"平凡"呢
玩online game既目的係"一班人同電腦鬥,人鬥人"咁樣先係大家玩online game,而無玩單機game既意思,但係咁樣落去會唔會變成"一個人鬥電腦,自己鬥自己"呢?

打左幾年機,我都好欣賞台灣既玩家,即使有人惡意破壞都好,佢地諗既係團結自己既力量去抵抗,而唔係"各家自掃門前雪"

如果有人提出連署想要修改商城,而又有合理修改個案既話,我任逍遙第一個企出黎聲援同支持

[ 本帖最後由 021124413 於 2009-8-3 05:47 PM 編輯 ]

作者: ltlboyz 時間: 09-8-3 06:47 PM

其實你打禁長文....唔係好明你想講d咩野...

作者: 元氣壽司 時間: 09-8-3 08:12 PM

成篇野好多九唔搭八o既地方。。。
代理商開一隻game o既目的唔係比你玩,係比自己搵錢的
你話人買點就係傻仔，出黎打份工最少都幾千蚊人工啦，拎少少出黎娛樂自己有咩錯？
仲有唔買點代理邊搵到食？一隻賺唔到錢o既game如果你係代理我諗你都會汁左佢咪曬電啦下話?
商城果方面其實大陸晨早(香港封測前)出左同類商品，如果有去大陸官網睇過o既，
我相信都唔會唔知呢隻game會出幾bt o既野，就算唔提佢d開箱開袋爆升悟
合武器，勁武器，都係要用金卷買，試問唔買點o既玩家可以生存嗎?
唔買點會有你所講o既平衡嗎？

作者: 『細路』 時間: 09-8-3 08:35 PM

同意樓主...
我都打機唔知打左幾多年啦
我都未見過D GAME會出商出得咁過份...
其本上呢隻GAME完完全全唔駛郁坐係開封就可以升到封頂
我都唔知仲玩落去仲有咩意義
喂,樓上果個
唔通你覺得一隻GAME出到完全唔駛升LV,打裝,打錢會有娛樂性?
咁不如玩單機啦,想同人傾計入個聊天室囉
(單機+個修改器)開多個聊天室<<都同而家呢隻GAME差唔多架啦

作者: 021124413 時間: 09-8-3 10:50 PM

原帖由 元氣壽司 於 2009-8-3 08:12 PM 發表
成篇野好多九唔搭八o既地方。。。
代理商開一隻game o既目的唔係比你玩,係比自己搵錢的
你話人買點就係傻仔，出黎打份工最少都幾千蚊人工啦，拎少少出黎娛樂自己有咩錯？
仲有唔買點代理邊搵到食？一隻賺唔到錢o既game如果你係代理我諗你都會汁左佢咪曬電啦下話?
商城果方面其實大陸晨早(香港封測前)出左同類商品，如果有去大陸官網睇過o既，
我相信都唔會唔知呢隻game會出幾bt o既野，就算唔提佢d開箱開袋爆升悟
合武器，勁武器，都係要用金卷買，試問唔買點o既玩家可以生存嗎?
唔買點會有你所講o既平衡嗎？

我就知會有類似既回應,我係度講番
"九唔搭八",希望你指出一下,我睇多次我打既文係一環扣一環,如果你真係睇唔明,你就指出黎,唔係我都幫唔到你...
至於你講既野
開隻game唔係俾人玩?係搵錢的<~呢個應該係你個人觀點問題,錢係必然要有,但係你咁樣講出黎會寒左好多人既心,但我承認你講得岩,而且你都符合香港人既劣根性
我幾時講買點傻仔?損人不利己就傻仔,睇清楚你拎少少出黎唔代表人地拎少少,講野負番d責任,我打出黎唔係俾你一個人睇,你可以拎少少,但係打機既有幾多係番緊學既,你咁樣講完,佢又覺得"岩wo,我父母俾我100蚊,拎30出黎唔過份ja"更何況,每次有咩事都用金錢,而唔用腦去解決?
大陸方面既做法要跟足?應該係做一個"觀望期",取長補短,更何況,我成篇文有叫人唔買點?我一直係叫人諗清楚,值唔值得買,而且最好既一樣野係,你正中左我既話題,你已經區分左"用點玩既人"同"唔用點玩既人",大家都係玩家,要分得咁清楚?我篇文係幫所有既"玩家",而唔係幫"用點玩既人"或者係"唔用點玩既人"
唔買點就生存唔到!?呢句真係......你用你既觀點囊括哂所有人,一支杆打一船人,我可以講d咩,我只可以講係對一部份玩家既侮辱

[ 本帖最後由 021124413 於 2009-8-3 10:52 PM 編輯 ]

作者: 登登車仔麵 時間: 09-8-3 11:17 PM

好中肯
個人覺得其實商城出野有咩問題??我唔買都可以繼續玩啦on79

作者: keithhlwong 時間: 09-8-3 11:30 PM

我也認為代理商太急功近利了,雖然大多數代理商都是以收入為目的,但是相比起來,這個遊戲的商城可以令玩家達到任何目的(這只是對我來說,雖然有人說不能買關係,但我認為沒買點的,即可能是低等,沒錢,一直慢慢升的玩家不會受高等玩家的理會.).有商城出令玩家賺大錢的,沒買點的玩家可以去衝等.有商城出經驗的,玩家便可以去專攻賺錢.但我認為此遊戲的商城破壞了某部份玩家的對此遊戲的興趣,經驗,悟性,金錢都被商城一手包辦了.
另外,正如樓主所說,商城一開便出現玩家流失(本人是其中一名),漸漸便會剩下買點的人鬥買點的人,那買點的意義便會慢慢失去(比其他玩家強),愈來愈多人走的話代理商便要面臨殺遊戲的危機,那他也不可以持續地賺到玩家買點的錢.
所以,我認為代理商此次是做得有點過火了.只是公測了差不多一星期便被玩家罵了3次(某部分玩家),代理商也應該要好好反省一下啊.

作者: ～悶Ｋ～ 時間: 09-8-4 01:21 AM

我明白大家對於隻game有憧憬...覺得隻game有得搞落去..
如果修改商城..咁之前得益既點呢??

我自己係冇買點既人...我只覺得...人地鐘意用錢去玩,我地唔好理咁多
我地唔想用錢有唔想用錢既玩法...冇話有hkd就一定最勁...

每個人有佢追求既野..有d人會唔介意用真錢去追求game入面既名氣..成為名人既快感
有人願意用錢買經驗,成為game入面最高lv既人(暫時)
有人願意用錢買game錢,成為game最有錢果個

但唔好忘記都有人鐘意打機升lv中間既感覺...
有人鐘意做任務既感覺
都有人係鐘意同人吹水傾偈既感覺...

佢代理隻game都係要賺錢既..(雖然我都覺得有d離譜)

[ 本帖最後由～悶Ｋ～於 2009-8-4 01:24 AM 編輯 ]

作者: angelkeung 時間: 09-8-7 09:46 AM

其實到左60 lv,大家就會知寶箱d exp係不足為道,60 lv要140m exp 先升,打一場有2500 exp,如果你有長時間 offline既有補足exp = 5000exp,開埋雙雙戈個雙倍exp,1場就有1m exp=.=

人地開箱,你地打怪升上去 @_@,仲有,家下好多高手都會幫d徒弟升 lv , 師徒又有 ?% exp , 唔可以一句就殺左隻game , 隻game最錯唔係開金鎖匙,而係佢早左2星期出,當個個都升到60 lv d人就會開始feel到開箱戈5,6m exp算得係咩(你估咁易開到4倍咩)

唔玩依隻game唔係錯,佢地有佢地既選擇權,但我應為依隻game係唔錯,至少 lv高底無明顯分別,一個50 lv同個55 lv打,未必50 lv會輸,e隻game講既係5行,無最強的lv.只有最強的玩家

唔講la,番工!!

作者: 無敵幸運豬 時間: 09-8-10 11:27 AM

官網已經發表取消

乾袋,金銀key

但係依家取消有乜用?

追lv都追死你la-,-

人地抽到60lv

依家取消左

你覺得你1lv升快d

定人地早就60lv升快d-,-?

依隻game我諗開發黎呃錢

呃一排,就摺埋

作者: 無敵幸運豬 時間: 09-8-10 11:32 AM

原帖由 angelkeung 於 2009-8-7 09:46 AM 發表
其實到左60 lv,大家就會知寶箱d exp係不足為道,60 lv要140m exp 先升,打一場有2500 exp,如果你有長時間 offline既有補足exp = 5000exp,開埋雙雙戈個雙倍exp,1場就有1m exp=.=

人地開箱,你地打怪升上去 @_@,仲有 ...

但係依隻game真係離哂譜-,-

佢地賣個廣告話畫面唔好

但係好好玩-,-

我完全唔覺.....

我一路玩,一路恰眼訓

畫面差唔在講

一入去9萬幾個60lv

見到都冇興趣玩la

夢想世界雖然要組隊升-,-

但係人地起碼有升lv ge快感

畫面都比佢好

只可以話佢"嫩"

作者: birllai 時間: 09-8-11 01:08 PM

我係69LV少林~ID:破戒僧~
其實你唔鍾意可以閃撚開~
你覺唔好玩可以唔玩~
同埋你話60LV好多~我唔覺
要搵快感你去禁鐘仔拉

作者: 60510005 時間: 09-8-17 11:50 AM

破戒僧~good

歡迎光臨 2000FUN論壇 (https://www.2000fun.com/)