2000FUN論壇

標題: 女性朋友和女朋友... 如何可以共存? [打印本頁]

作者: 雷雨 時間: 09-9-22 02:34 AM 標題: 女性朋友和女朋友... 如何可以共存?

我有一位女性朋友,大約已經相識四年  間中也有一起外出。

但最近因為她和男朋友分手了,家庭也有問題,也有一個2歲多的孩子, 身為她最好朋友的我  想盡力幫忙,開解... 所以最近連絡和上街也比較頻密了。

而女朋友的埋怨也越來越多,加上她很早前就不太喜歡我那位朋友,最近更令我們間發生了更多的爭執  ,

不斷的叫我不要再找那個朋友等等也表明了就是不喜歡我找異性朋友

但我自己認為朋友也是重要呀...  有沒有什麼方法可以得到平行? 難道真的要放下其中一邊才能有結果?

安慰一下我吧版友們Q_Q

作者: 死．火．啦 時間: 09-9-22 03:06 AM

如果係掉番轉..你鐘唔鐘意你女朋友成日搵個男仔朋友?

作者: 笨占 時間: 09-9-22 12:47 PM

原帖由 死．火．啦 於 09-9-22 03:06 AM 發表
如果係掉番轉..你鐘唔鐘意你女朋友成日搵個男仔朋友?

講真...
我覺得冇問題,,
因為我會相信佢..

作者: 我係刺客 時間: 09-9-22 12:58 PM

原帖由笨占於 09-9-22 12:47 PM 發表

講真...
我覺得冇問題,,
因為我會相信佢..

講真呀,你係咪遇過先,好多野我地以為可以,點知真係遇到啦,先知自己之前諗既太簡單!

作者: pkpalk 時間: 09-9-22 04:18 PM

信任係一個好重要既問題
我既建議係..帶你女朋友去見個女仔
見完啦..傾完啦..
再心平氣和咁問佢...
如果你既朋友同佢一樣..你希望我會點..唔理佢?
如果我可以咁冷血地..唔理佢既生死..
你認為我會係一個點樣既人?
你覺得當你有麻煩既時候...我才會變得熱心助人?

除左呢個方法...
我諗唔到仲有咩可以做...
或者你可以利用呢件事...改變你女朋友...希望你會成功

作者: Alex838 時間: 09-9-22 10:51 PM

你同你女朋友仔溝通下好- -
溝通基礎好重要!_!
如果你女朋友仔明白都吾會埋怨

難道成世人只有另一半?任何人都有自己既空間,只係你會否向女友坦誠
2個人相處需要尊重,包容和信任
咁都做吾到既- - 就知你女友幾多分

了解你女友為什麼咁不喜歡你朋友呢?

[ 本帖最後由 Alex838 於 09-9-22 10:52 PM 編輯 ]

作者: luikwanchak 時間: 09-9-22 11:04 PM

係..逆地而處係一個好既方法  既有說服力又可以幫到件事
不過睇你女朋友性格如何  如果係固執  堅持唔俾你幫你朋友既話
好難搞...
再加上你唔可以呃你女朋友..偷偷地去幫佢  係女友面前就扮同佢冇聯絡..
咁樣唔得  因為俾佢知道仲衰  無論你點解釋..個解釋有幾合理幾為朋友都好
佢眼中只會覺得你呃佢就係錯...

所以3個人約出黎傾掂數最好....因為可能你女友唔放心個女仔唔知會對你點...
你女友都係緊張你姐...所以你女友想知既係第1手資料...即係對話內容
面對面傾最好  起碼好清楚知道發生咩事
而唔係聽你轉達...可能會加加減減咁...

所以...面對面傾的確係好好既方法...
不過有時  有d問題係唔到你解決  你幫左  可能愈幫愈忙
諗清楚後果再行每一步...

作者: 無聊文員 時間: 09-9-23 09:35 AM

有時我同男仔朋友出街...佢都問咖= =''問我果個男仔朋友有無女朋友咁
我都唔明....有無女朋友咁又點....問佢佢又話無野....唉....

作者: LuN=] 時間: 09-9-24 06:07 AM

男性對女性,好難做到好朋友!

作者: chickenbread 時間: 09-9-24 07:05 AM

我好明白你女友

我自己早一輪先因為你個原因同男友嘈
未發生呢個情況之前, 個個都口響話自己信對方, 唔驚唔驚
但到真係發生左, 都係會唔多鍾意架啦=_=
(除非佢已經開始唔鍾意你, 咁就或者100%唔介意)
你女友介意呢樣野, 証明佢最係緊張你

我覺得呢樣野冇得攪-_-
一係你就同果個女仔少D來往, 一係就令你女友同果個女仔做朋友
呢D野, 無論你點解釋, 女友都好難100%安心囉._.

作者: chunhng2005 時間: 09-9-24 05:40 PM

相識四年間中也有一起外出,和男朋友分手,家庭也有問題,
有一個2歲多的孩子, 身為她最好朋友的我想盡力幫忙,開解... 所以最近連絡和上街也比較頻密了
識左4年只是間中出下街就係你最好架朋友...
如果佢唔係你救命恩人~咁你架意圖都好可疑

作者: tak12345 時間: 09-9-25 12:11 AM

無睇海猿?
男同女最後只有幾個收埸,結婚,分手,生離死別,係無好朋友同女朋友

作者: 爭霸者 時間: 09-9-25 03:46 AM

完全無問題wo@@~~~

作者: 魚仔餅﹏。 時間: 09-10-4 09:32 PM

最好既方法同女友一齊陪女性朋友.

歡迎光臨 2000FUN論壇 (https://www.2000fun.com/)