2000FUN論壇

標題: [轉貼] 一個在警隊流傳已久的秘密靈異檔案 [打印本頁]

作者: timmie 時間: 09-9-26 07:07 AM 標題: [轉貼] 一個在警隊流傳已久的秘密靈異檔案

在某年的一個晚上,凌晨三時PC 7*** 同 PC 4*** 正在一間麵檔食消夜之際,通訊器傳來:[在AA村5座14樓14xx室,有人報案話聽到叫救命聲請附近同事趕去了解。]

剛巧麵檔就在附近,PC 7*** 就回答:[我同PC 4*** 現在去現場了解。]

因PC 4*** 還未食完,PC 7*** 就說:[我先去現場,你食完再過來吧。]

PC 4*** 答:[ok,電話聯絡。]

過了不久,PC 4*** 電話響起,PC 7*** 在電話說:[我乘電梯上去了,好平靜,屋內得兩母女,我現在入去了解。]

PC 4*** :[ok..我都快來到了,等我來到才回報電台吧。]

掛線後,PC 4*** 好快就來到5座樓下,但比眼前一切嚇到目瞪口呆,原來5座已納入重建,所有住戶剛剛全部搬出了,樓下更被房屋署的圍板圍住,而圍板入口更用一條大鐵鍊鎖上,PC 4*** 見狀立即致電PC 7*** ,但電話響了良久都冇接聽,打了數次都如是, PC 4*** 覺得好可疑,但又不想驚動警察電台,因他並冇同PC 7*** 一齊上樓調查,惟有致電其上司SGT ***6。不久SGT ***6趕到,聽PC 4*** 說了經過後,立即致電屋村辦事處要求管理員把鐵鍊鎖開啟,同時警察電台遲遲還未收到PC 4*** 同PC 7*** 結案報告,只聽到PC 4*** 在通訊器不斷重複說處理中,於是派一輛衝鋒車到場,車上5名警員向SGT ***6了解後,就說:[我們應該要上去14xx室睇睇。]

管理員在開鎖時聽到警員說14樓14xx室,就面色大變,喃喃語道:[唔係呀,咁邪?]

一行人進入樓下大堂時,衝鋒車SGT**0*就說:[唔係呀,電梯停用,PC 7*** 又說自己是乘電梯上去!]

管理員就回答:[住戶全部搬出後,已經截斷電力供應啦!]

他們惟有拿電筒直跑上14樓,到了14xx室,發現門口被一條鐵鍊反鎖著,SGT**0*就說:[PC 7*** 冇可能在入面呀!]

PC 4*** 就立即致電PC 7*** 手提電話,屋內居然傳出電話聲響,眾人大吃一驚,隨即下去衝鋒車處拿工具破門入內,入到去發現PC 7*** 昏倒地上,隨即將他救出送院,因有警員要送院,結果驚動了高級幫辦馬老大,而PC 7*** 送院後好快清醒,於是馬老大向他查詢經過,PC 7*** 就說:[我來到5座後乘電梯上樓,到了14xx室就拍門,屋內一名少女開門後,我就問是否有人叫救命。]

少女回答:[冇呀,得我同媽咪在家。]

於是我就入內了解,見到一名大約60歲婆婆在屋內,我就問婆婆:[你有否聽見有人叫救命呀。]

跟住婆婆大叫並想向我衝過來,接著聽到個少女大聲說:[媽...唔好呀!]

跟住我就暈倒了,之後醒來就在醫院......馬老大於是向電台翻查報案人電話,隔了數分鐘,電台一名女警口震震回覆:[個電話號碼已經停用,之前用戶就係現場14xx室住戶....!!]

因太過靈異,老大惟有通知指揮官H Sir.....

環頭指揮官了解案情後,就立即下令所有人不可再討論該案,同向任何人透露,而老大就暗中去查該單位兩母女究竟是什麼人,終於查到該單位係有兩母女居住,但在數年前個少女因比做警察男友拋棄而自殺身亡,而她媽媽因憶女成狂有了精神病,數月前在家中跌倒失救死亡.....馬老大就覺得,少女母親可能因為少女被她當警員男朋友傷害,就想出要對警員不利,好彩今次有少女大聲阻止,PC 7*** 才能逃過呢一劫。

馬老大擔心遲些該單位可能會再有怪事發生,為免有同袍會受傷害,於是在早上連同莫沙展到14xx室單位現場門口拜祭 ,馬老大一路燒衣一路說[冤有頭..債有主,請求別傷害我的同事呀。]

屋內突然傳出一把老婦聲音大叫一聲:[好!]

老大同莫沙展聽了後,立即把衣紙棄下,頭也不回匆匆跑落樓下........最後老婦果然守信用,怪事再冇發生,數月後5座清拆,變回一塊平地....現在PC 4*** 同PC 7*** 仍然留在警隊中........其實警隊仲有唔小呢類無法解釋案件。

作者: 。﹏豆腐﹏。 時間: 09-9-26 07:20 PM

真係幾奇嫁wO-.-個PC咁都無事

作者: kth999 時間: 09-9-26 08:59 PM

個PC 7*** 真係好彩！咁都中招，唔死得算係咁。

作者: ts00668118 時間: 09-9-26 09:24 PM

PC7***仲係警隊??香港police都幾大謄
唔知夜晚行bit淆唔淆呢

作者: ◇Ｐaｎ㊣﹏☆ 時間: 09-9-27 07:40 PM

原帖由 ts00668118 於 09-9-26 09:24 PM 發表
PC7***仲係警隊??香港police都幾大謄
唔知夜晚行bit淆唔淆呢

警察如果怕就無人管到=.=

始終我都信警察有一定能力克制果d野

作者: 曲奇餅 時間: 09-9-28 10:12 AM

奇就奇在呀婆做乜冇啦啦搞佢

作者: pvpwinds 時間: 09-9-28 04:38 PM

原帖由 曲奇餅 於 09-9-28 10:12 AM 發表
奇就奇在呀婆做乜冇啦啦搞佢

馬老大就覺得,少女母親可能因為少女被她當警員男朋友傷害,就想出要對警員不利,好彩今次有少女大聲阻止,PC 7*** 才能逃過呢一劫。

可能系..

作者: 懶惰寶貝 時間: 09-9-28 05:12 PM

你有皇氣行得正企得正靈異野係唔會搞你

作者: 無敵小肥倫 時間: 09-9-29 02:27 AM

行得正企得正怕咩姐

作者: 注定 時間: 09-9-29 07:49 AM

故事根本唔成立
警方聽到電台呼叫去查發生咩事係應該放低手頭上所有野跑去
如果發生命案 pc4xxx仲食麵唔跟埋上去?
駁革職?

作者: 爭霸者 時間: 09-9-29 11:46 AM

原帖由注定於 09-9-29 07:49 AM 發表
故事根本唔成立
警方聽到電台呼叫去查發生咩事係應該放低手頭上所有野跑去
如果發生命案 pc4xxx仲食麵唔跟埋上去?
駁革職?

原來係咁既咩@@~~~

作者: 12345688 時間: 09-9-29 09:11 PM 標題: 回復 10# 注定的帖子

係既自己環頭點會唔知果到拆左呀==點講都唔通

作者: toe001002 時間: 09-9-30 03:35 AM

歡迎光臨 2000FUN論壇 (https://www.2000fun.com/)