2000FUN論壇

標題: 〔七二九上映〕《潛行凶間- Inception》討論集中區【2/７更新＃１5】 [打印本頁]

作者: 不敵...+＋ 時間: 09-9-26 06:19 PM 標題: 〔七二九上映〕《潛行凶間- Inception》討論集中區【2/７更新＃１5】

上週六，克里斯托弗·諾蘭（Christopher Nolan）執導的動作科幻片《潛行凶間》（Inception）劇組在洛杉磯的市區封鎖了四條街區拍攝片中一場動作重頭戲，為此還動用了火車頭。

這場槍戰戲包括了打碎玻璃、煙霧、狂風暴雨等效果，最高潮的部分是汽車與火車的相撞，拍攝中還有一位特技演員受傷。

《潛行凶間》由諾蘭自編自導，華納兄弟公司發行，將於明年暑期檔7月16日上映，影片講述了一種新技術可以讓人進入別人的夢裡竊取重要的情報和信息。

其中萊奧納多（Leonardo DiCaprio）的角色是一家公司的CEO，他負責進入人們的夢境植入或提取信息。而他所用的工具不是什麼大機器，而是便於攜帶、注射式的玩意兒。

艾倫·佩吉（Ellen Page）、湯姆·哈迪（Tom Hardy）和約瑟夫·高登·拉維特（Joseph Gordon Levitt）扮演和萊奧納多同一個團隊的成員，其中艾倫·佩吉是“夢境建築師”。

西里安·墨菲（Cillian Murphy）扮演一個即將控制某家公司的商人，萊奧納多的角色需要進入他的大腦，給他植入一個想法，讓他將來把那家公司拆分成小公司。

萊奧納多這麼做是受到渡邊謙（Ken Watanabe）扮演的角色的要挾，後者把萊奧納多的妻子——瑪麗昂·歌蒂亞（Marion Cotillard）飾演——困在了夢境中，歌蒂亞為了回到現實世界，準備在夢境中自殺……

電影預告
[hdutube]C9h5zlL7_v0[/hdutube]

14/6/10更新

《潛行凶間》（Inception）還有一個月就有得看，電影公司日前又發放兩版十一張宣傳海報，分別以戲中人物及電影場景為主旨，帶你潛入基斯杜化路蘭（Christopher Nolan）腦海中的無限夢境空間。

[ 本帖最後由不敵...+＋於 10-7-29 10:14 AM 編輯 ]

作者: yu201 時間: 09-10-6 03:10 AM

好似幾吸引咁wo,,

作者: 不敵...+＋ 時間: 09-10-8 05:14 PM 標題: 回復 2# yu201 的帖子

呢套應該幾值得睇

作者: 不敵...+＋ 時間: 09-12-17 12:14 PM 標題: 《盜夢空間》（Inception）先行海報曝光片中關鍵道具！

《盜夢空間》（Inception）先行海報曝光片中關鍵道具！

克里斯托弗·諾蘭（Christopher Nolan）執導的動作科幻片《盜夢空間》（Inception）電影官網今天更新，那個旋轉的陀螺已經停了下來，你可以點擊陀螺，然後進入YourMindistheSceneoftheCrime.com（你的大腦是犯罪現場）這個網站，這裡你會再次看到旋轉的陀螺，點擊陀螺開始玩一個迷宮遊戲，如果你游戲贏了，就能得到一個獎賞，也就是影片的先行海報（上圖）。

這張海報和去年的《黑闇騎士》（The Dark Knight）的一款海報很像，都是主角站在大街上，背影對著觀眾，不同的是《黑闇騎士》的小丑手裡拿的是一張牌，而《盜夢空間》裡的萊奧納多·迪卡普里奧手裡拿的是一個能進入人們的夢境植入或提取信息的便攜式註射裝置。另外萊奧納多·迪卡普里奧腳下的街道也被洪水淹沒。（不知是現實還是夢境）

《盜夢空間》由諾蘭自編自導，華納兄弟公司發行，將於明年暑期檔7月16日上映，影片講述了一種新技術可以讓人進入別人的夢裡竊取重要的情報和信息。

以下是片中主要角色簡介：

萊奧納多（Leonardo DiCaprio）的角色是一家公司的CEO，他負責進入人們的夢境植入或提取信息。而他所用的工具不是什麼大機器，而是便於攜帶、注射式的玩意兒。

艾倫·佩吉（Ellen Page）、湯姆·哈迪（Tom Hardy）和約瑟夫·高登·拉維特（Joseph Gordon Levitt）扮演和萊奧納多同一個團隊的成員，其中艾倫·佩吉是“夢境建築師”。

西里安·墨菲（Cillian Murphy）扮演一個即將控制某家公司的商人，萊奧納多的角色需要進入他的大腦，給他植入一個想法，讓他將來把那家公司拆分成小公司。

萊奧納多這麼做是受到渡邊謙（Ken Watanabe）扮演的角色的要挾，後者把萊奧納多的妻子——瑪麗昂·歌蒂亞（Marion Cotillard）飾演——困在了夢境中，歌蒂亞為了回到現實世界，準備在夢境中自殺……

作者：Nemo
來源：影像日報

電影預告
[hdutube]C9h5zlL7_v0[/hdutube]

作者: 不敵...+＋ 時間: 10-4-30 08:14 PM

[hdutube]M1CCwpU201Y[/hdutube]

作者: Fai704 時間: 10-4-30 10:12 PM

原帖由 不敵...+＋ 於 10-4-30 20:14 發表
S3XzUYd6nrU

停止嵌入

http://www.youtube.com/watch?v=S3XzUYd6nrU&feature=player_embedded

作者: Fai704 時間: 10-4-30 10:16 PM

lee套戲唔錯
可以一睇

作者: 不敵...+＋ 時間: 10-4-30 11:47 PM 標題: 回復 6# Fai704 的帖子

改左另一個link 應該ok了!

作者: yu201 時間: 10-5-1 02:44 AM

吸引......實入場睇=)

作者: 不敵...+＋ 時間: 10-5-9 03:37 PM 標題: 《盜夢空間》（Inception）發布第三款預告片！

2010-05-08 08:40 | 作者：Nemo

克里斯托弗·諾蘭（Christopher Nolan）執導的科幻動作片《盜夢空間》（Inception）今天發布了第三款預告片！正如我們之前報導的，這部影片是諾蘭對人類夢境的一次充滿個人色彩的影像化演繹。

[hdutube]8tJd-MhLXm8[/hdutube]

影片講述了萊奧納多·迪卡普里奧（Leonardo DiCaprio）扮演的男主角Dom Cobb是一位優秀的“盜夢人”（Extractor），他擅長在人們睡覺做夢時，潛入他們脆弱的意識內盜取想法和秘密。然而這樣的工作也讓他成為了國際逃犯、失去了他所珍愛的一切。現在Cobb得到了救贖自己的機會，他得到的最新一項任務要求他不再“偷取”別人的想法，而是在別人的大腦內植入全新的想法（包括構建夢境），這種技術稱之為“inception”。只要他完成這個任務，他就又可以過上普通人的正常生活了。 Cobb和他的團隊接下了這一任務，然而在實施過程中他們遇到了一個危險的敵人，後者似乎可以預料到他們的每一步行動……

克里斯托弗·諾蘭早在16歲時就已經開始構思這個故事，七八年前開始寫第一稿劇本。對建築學充滿興趣的諾蘭所展現出來的夢境是非常有棱角的，不像達利那種詩意的夢境，更像是建築藍圖。

《盜夢空間》將於7月16日在普通影院和IMAX影院上映，該片的主演陣容還有艾倫·佩吉（Ellen Page）、湯姆·哈迪（Tom Hardy）、約瑟夫·高登·拉維特（Joseph Gordon Levitt）、西里安·墨菲（Cillian Murphy）、渡邊謙（Ken Watanabe）、瑪麗昂·歌蒂亞（Marion Cotillard）。

作者：Nemo
來源：http://mymovie.blogbus.com/logs/63200871.html

作者: 卍豆豆卍 時間: 10-5-11 07:02 PM

原帖由 不敵...+＋ 於 09-12-17 12:14 PM 發表
《盜夢空間》（Inception）先行海報曝光片中關鍵道具！

克里斯托弗·諾蘭（Christopher Nolan）執導的動作科幻片《盜夢空間 ...

第一幅仲以為係災難電影真係奇幻

作者: 異界之睡魔 時間: 10-5-12 01:45 AM

今年必睇IMAX版之作~!

作者: 不敵...+＋ 時間: 10-5-12 11:56 AM 標題: 回復 12# 異界之睡魔的帖子

我都係咁話!!

作者: 不敵...+＋ 時間: 10-6-14 09:53 AM 標題: 《潛行凶間》全新型爆海報系列！

1# update on 14June
《潛行凶間》全新型爆海報系列！

作者: 不敵...+＋ 時間: 10-7-2 10:03 PM 標題: 宣傳奇招：夢想照進現實

《潛行凶間》（Inception）即將於7 月16日上映，日前有人在紐約拍到了該片兩個大手筆廣告，和電影一樣，該片的宣傳方式也是出奇制勝。

作者: yu201 時間: 10-7-7 03:28 AM

..超級期待...去element睇..音響一流..=)

作者: MR.逸星 時間: 10-7-20 10:25 AM

Christopher Nolan 既戲1向有保證

以前既Memento,The Prestige,Following都好正

上個星期已買定飛,期待

作者: 夢幻MKZ 時間: 10-7-20 10:16 PM

2012 再版？

作者: 不敵...+＋ 時間: 10-7-21 01:21 PM 標題: 回復 18# 夢幻MKZ 的帖子

你有無睇劇情簡介的?

作者: loopp 時間: 10-7-21 07:54 PM

又一套諗爆頭既戲真與假正點

[ 本帖最後由 loopp 於 10-7-21 07:56 PM 編輯 ]

作者: yu201 時間: 10-7-24 11:42 PM

睇左...D 特技真係好正...
但與本來劇情有點不合...

作者: D_KinG 時間: 10-7-26 11:41 AM

想問下套戲有冇3D?

作者: 從未認．真 時間: 10-8-1 01:39 AM

睇完真係好正

作者: 。ZoM﹏ 時間: 10-8-1 12:30 PM

呢個好似真係好正咁
外國最近票房好似排緊NO.1
過多幾日去睇

作者: Fai704 時間: 10-8-1 09:56 PM

推薦去睇
但係要用腦去睇
如果唔係睇唔明就話唔好睇

作者: 從未認．真 時間: 10-8-1 10:12 PM

原帖由 Fai704 於 10-8-1 09:56 PM 發表
推薦去睇
但係要用腦去睇
如果唔係睇唔明就話唔好睇

有d人去睇2-3次添

作者: Fai704 時間: 10-8-3 12:15 AM

原帖由 從未認．真 於 10-8-1 22:12 發表

有d人去睇2-3次添

我都要睇多次
不過係買藍光碟可以作收藏

作者: 異界之睡魔 時間: 10-8-3 12:35 AM

睇左..真係好正
呢套片本身同電影入面形容既夢空間一樣...好似迷宮咁
散場果時有人走出呢個迷宮,,亦都有好多人困左係個迷宮入面

整套片實在介紹唔到
你只能跟住電影既進度去了解,,而無法想像電影下一步會點樣
而故事本身並非太複雜,, 而係佢既創造力,, 用你想像唔到既方法去解釋,,所以可能令人亂左唔明咩事

而成套片我有個地方唔明...希望有人解畫
齊滕在一層中槍,,有參與第二層,,似乎在第三層死亡?
而男主角去第四層之後...最後佢話要去搵返齊滕
咁最後搵返齊滕既地方..係一個乜野空間? 第五層? 定係齊滕自己既潛意識?

作者: MPX220 時間: 10-8-3 03:13 AM

原帖由 異界之睡魔 於 10-8-3 12:35 AM 發表
睇左..真係好正
呢套片本身同電影入面形容既夢空間一樣...好似迷宮咁
散場果時有人走出呢個迷宮,,亦都有好多人困左係個迷宮入面

整套片實在介紹唔到
你只能跟住電影既進度去了解,,而無法想像電影下 ...

佢SKIP左好多野
日本佬第3 LV死,正常係LV 1 死先到LV 3
因為LV3時間長過LV 1
但如果LV1死,之後LV2先會死,之後再LV3
即是佢LV 1 死,會令LV2同LV 3 的佢自己會混沌左

李安納度去到LV 4 ,正常係搵唔到混沌左的日本佬~
而佢自己最後都混沌左
因佢佢去到沙灘
上到日本佬到,佢係食緊飯
而且咩都唔記得
佢係隨機搵到日本佬
只係佢好運D,冇日本佬混沌得咁耐

[ 本帖最後由 MPX220 於 10-8-3 03:57 AM 編輯 ]

作者: yu201 時間: 10-8-3 03:26 AM 標題: [轉載] 潛行凶間 "Inception" 之解謎

1. 我想問cobb植入佢老婆既係咩意識?

Ans:
cobb同佢老婆生活在係佢地兩個人既夢境自己入邊幾十年
係呢1段時間佢地出現左唔同既變化
cobb:清楚知道係呢幾十年既夢境生活唔係現實,而且需要回去
cobb's老婆:在夢境生活中迷失,不想回到現實(ex 將spin放入locker)
cobb清楚知道佢老婆咁樣落去只會離現實更遠,更唔想醒
所以佢諗到1個辦法令佢老婆回到現實,就係將1個意識植入佢老婆,"你身邊既野不是現實"
cobb成功左,佢同老婆1齊訓係火車軌上回到現實
但係cobb植入既意識太強,佢老婆雖然已經回到現實,但仍然係認為"你身邊既野不是現實"......

2.點解cobb無啦啦最後係岸上?
上一幕佢重同老婆一齊架
老婆比射殺但佢仲係到架

Ans:
你係咪想講1開頭cobb自己1個訓係沙灘果個sence?
冇估錯既只係導演既首尾呼應手法
至於點解"cobb無啦啦最後係岸上?"係因係第4重夢瓦解時佢未逃離,而鎮靜劑令現實的cobb未醒所以去左混沌層面
所以會無啦啦先左沙灘

3.老saito最後係枱上做左咩?

Ans:
冇人知
睇緊既時侯以為最後老saito射cobb令佢回到現實
but返到架飛機上saito冇事,咁即係唔係na

4.老saito講spin曾經係夢中出現過
但咁係唔合理架
因為cobb從來無show過spin比saito睇
就算有
大家記唔記得有一幕cobb好匆忙咁衝入洗手間拎左粒spin出黎轉但係甩左係地
saito即刻問‘你無野呀嗎?'
咁老saito最後講個句係咩意思?

Ans:
老saito身處既地方係混沌,所以已經冇晒意識,記唔返起cobb(cobb有講過落入混沌,心中只有恨,孤獨終老)
所以老saito講spin曾經係夢中出現過,係講緊老saito係自已既夢入面(混沌)依稀記返自己既事(同cobb 1齊穿梭4重夢)

5.現實中可唔可以叫醒二三四層既人?

Ans:
根據本戲概念,係唔得每一重夢都係另1個世界,係冇連系既
如果可以既就唔洗又炸醫院又炸升降機又落水逐層逐層call back所有人

6.其實最後粒spin有冇停唔係太重要
從之前既情節對白應該可以推哂出黎
如果淋到答哂上面所有問題
我地大家應該都可以明白成套片兼結局

Ans:

一套好戲就係唔需要好老套將答案畫出腸,又或者永遠都係大團員結局
導演係呢一套戲入面埋下不少既伏線,先令到我地觀衆有討論,有好奇既出現係
而唔係睇完個故仔就算,no matter what以上既問題冇一個標準答案,
係導演留返比觀衆們思考,想要1個標準答案我諗問編劇會好d!

圖片附件: 20100729_8e86c2bdc8dcae323aa2wlAQ2ClqxOSN.jpg (10-8-3 03:26 AM, 168.79 KB) / 下載次數 15
https://www.2000fun.com/forum.php?mod=attachment&aid=MzI4NDQ5fDdlODBmNTBhfDE3NTM5MzYxMDV8MA%3D%3D

圖片附件: 20100729_9bb1bef0b639cfa68fe1TeFceZabF2Vz.jpg (10-8-3 03:26 AM, 105.34 KB) / 下載次數 19
https://www.2000fun.com/forum.php?mod=attachment&aid=MzI4NDUxfGU5NDM1NGI4fDE3NTM5MzYxMDV8MA%3D%3D

圖片附件: 20100729_966db4b9dcf120b3bb31zcLdPuZlClB0.jpg (10-8-3 03:26 AM, 118.26 KB) / 下載次數 16
https://www.2000fun.com/forum.php?mod=attachment&aid=MzI4NDUzfGVhNTZhNzI5fDE3NTM5MzYxMDV8MA%3D%3D

作者: MPX220 時間: 10-8-3 03:39 AM

最唔明係
cobb同saito都去左混沌
而混沌中佢地相遇係偶然MA???

[ 本帖最後由 MPX220 於 10-8-3 03:57 AM 編輯 ]

作者: 異界之睡魔 時間: 10-8-3 03:13 PM

6.其實最後粒spin有冇停唔係太重要
從之前既情節對白應該可以推哂出黎
如果淋到答哂上面所有問題
我地大家應該都可以明白成套片兼結局

Ans:

一套好戲就係唔需要好老套將答案畫出腸,又或者永遠都係大團員結局
導演係呢一套戲入面埋下不少既伏線,先令到我地觀衆有討論,有好奇既出現係
而唔係睇完個故仔就算,no matter what以上既問題冇一個標準答案,
係導演留返比觀衆們思考,想要1個標準答案我諗問編劇會好d!

其實...導演...即係編劇...呢套野佢自編自導

作者: 異界之睡魔 時間: 10-8-3 03:43 PM

原帖由 MPX220 於 10-8-3 03:39 AM 發表
最唔明係
cobb同saito都去左混沌
而混沌中佢地相遇係偶然MA???

由於:

佢地既夢機器可以令佢地連接同一個夢
甚至令佢地意識入面既野被共享出黎(例如城市入面既火車頭/男主角老婆..係男主角的....有訓練既槍手..係有錢仔的)

假設:

咁同樣　好有可能佢地講既"混沌空間"　由於夢機器既關係　混沌空間都會被共享　而我假設既主要條件係..就算係佢地連接中...混沌空間都只可以有一個
齊滕首先混沌左　佢先到果度就會響果度建築佢自己既環境
跟住男主角混沌
由於夢機器連接左佢地　佢地所有人既意識中已經有混沌空間存在　於是男主角就會去左齊滕已經建築好左既混沌空間

簡單黎講...我既想法係....佢地連接左...所以混沌空間只有一個...當男主角都混沌時...都係會去到同一個地方
由於果個地方因為齊滕而誕生/齊滕先到所以會係齊滕所想既環境

呢個假設我覺得可以解釋到..

[ 本帖最後由異界之睡魔於 10-8-3 03:46 PM 編輯 ]

作者: kasko174 時間: 10-8-3 06:54 PM

好正呀但我個FD話吾明-_-

作者: rayleeseng 時間: 10-8-5 12:33 AM

真係好正啊INCEPTION

套戲題材正~拍得又正

劇情緊湊~邊睇邊諗~可以係完美之作

睇完後又可以反思人生...

我以前都有諗呢個人生係唔係一場夢

活得唔開心會唔會死左佢番去現實

最後我覺得係唔係真實都唔緊要

最緊要好好發呢場"夢"

就好似李安咁...佢想知呢個係唔係現實

但見到佢2個女後

所有野都唔重要

[ 本帖最後由 rayleeseng 於 10-8-5 12:37 AM 編輯 ]

作者: rayleeseng 時間: 10-8-5 01:06 AM

原帖由 MPX220 於 3-8-2010 03:13 AM 發表

佢SKIP左好多野
日本佬第3 LV死,正常係LV 1 死先到LV 3
因為LV3時間長過LV 1
但如果LV1死,之後LV2先會死,之後再LV3
即是佢LV 1 死,會令LV2同LV 3 的佢自己會混沌左

李安納度去到LV 4 ,正常係搵唔到混沌左的 ...

其實唔知佢skip定點,,俾左好多野我地諗~呢個都係佢成功之處

我想問下最後果部份

其實佢冇交代佢地點係第一層夢番去現實(聽音樂?自動醒?)

只係拍到佢地游番上黎,李安同日本仔係下面

或藥力未消失唔番得去現實?

[ 本帖最後由 rayleeseng 於 10-8-5 01:18 AM 編輯 ]

作者: 一楓一 時間: 10-8-5 12:31 PM

thx for sharing~~~

作者: 乂雨乂 時間: 10-8-5 05:05 PM

呢套戲同不射島好似....都有思考位...

其實會唔會佢一直都係混沌? 冇出過去呢?

作者: leung991055 時間: 10-8-5 09:21 PM

1.請問入夢時間既長度係點計算?
2.由第一層所造成既傾斜會影響第2層,但點解又唔會影響第3,4層呢?

3.如果saito身處既地方係混沌點解佢會有助手佢唔係應該得一個既咩,正常混沌應該無佢既記憶or佢既反射人物出現,只有共同入夢既人
4.當Cobb入左混沌,2,3,4,5層都而經破壞左咁佢要出黎係由混沌直接跳到第1層定係由混沌去返現實呢?
5.當係夢入返到現實係咪會忘記晒夢入面既人?個有錢仔見到班人竟然唔記得佢地?但佢地又各自記得對方
令外如果每入一層夢(同樣既現實時間)夢既時間都會更長,並且返回現實會記得返所有野,咁人類咪有無數既時間學習,玩......?

作者: 異界之睡魔 時間: 10-8-5 11:59 PM

原帖由 leung991055 於 10-8-5 09:21 PM 發表
1.請問入夢時間既長度係點計算?
2.由第一層所造成既傾斜會影響第2層,但點解又唔會影響第3,4層呢?

3.如果saito身處既地方係混沌點解佢會有助手佢唔係應該得一個既咩,正常混沌應該無佢既記憶or佢既反射人物出現,只有共同入夢既人
4.當Cobb入左混沌,2,3,4,5層都而經破壞左咁佢要出黎係由混沌直接跳到第1層定係由混沌去返現實呢?
5.當係夢入返到現實係咪會忘記晒夢入面既人?個有錢仔見到班人竟然唔記得佢地?但佢地又各自記得對方
令外如果每入一層夢(同樣既現實時間)夢既時間都會更長,並且返回現實會記得返所有野,咁人類咪有無數既時間學習,玩......?

我試下答..有錯請指正或補充

1.唔記得左XD  要睇返對白　我只係記得個女仔初初建築夢果陣　有人解釋比佢聽係現實五分鐘　夢係一小時　咁夢中夢如果照計就係十二小時?

2.第一層所造成既傾斜會影響第2層既空間 , 但第3層其實係第二層既人發既夢 , 第二層發夢果個人只要冇事 , 就唔會影響到第3層

3.佢指混沌並唔係天地初開果個混沌 , 套戲入面講過好似話"混沌"既意思係個人既意識迷失左係自己既最深潛意識.....齊滕的潛意識.....所以果個場景係日本傳統建築物 , 佢D兵仔講日文

4 AND 5 . 以我個人理解男主角跟本冇返去現實 , 佢仲發緊夢
最後一切變得太完美 , 醒返冇手尾要執 , 所有人完成任務竟然冇眼神接觸(除左齊滕) , 入境櫃台話 :谷先生 , 歡迎你「回」來 , 有人接機(正常呢班機唔會通知任何人,因為係個任務黎) , 你第5條問題 , 有錢仔竟然忘記左佢地(但之前搞齊滕,齊滕醒返認得佢地) , 齊滕一醒即刻幫男主角打電話.....一切太完美啦 , 簡直全部都係男主角心中所希望的....

另外答埋你  如果每入一層夢(同樣既現實時間)夢既時間都會更長,並且返回現實會記得返所有野,咁人類咪有無數既時間學習,玩......?
學習就冇可能啦 , 夢入面只會發生你已認知既事物 , 就算係非認知事物 , 都係虛幻不實的/非正確的 , 所以冇可能學到野  ...... 玩..的確可以XD

[ 本帖最後由異界之睡魔於 10-8-6 12:03 AM 編輯 ]

作者: leung991055 時間: 10-8-6 01:03 AM

第2條question,第一層所造成既傾斜會影響第2層既空間,咁咪會影響第二層既人發既夢?,因為當架車沖落海其間第1層無重令第2層都無重第2層既無重
令第二層既人都變晒無重我仲好記得Arthur要為佢地固定係一齊
第1同3真係要睇多次先明

4and 5 如果照你咁講既話最後個ending亦都會成立個圖騰不停轉........
6.所為既學習係由2個人一個係擁有知識,一個係學習者,共同入夢,然後再教授佢,因為有一幕都有講可以共同進分享訊息...咁樣有無可能?

[ 本帖最後由 leung991055 於 10-8-6 01:06 AM 編輯 ]

作者: 異界之睡魔 時間: 10-8-6 02:18 AM

2. 架車跌落去唔係無重 , 因為要交待時間最慢個層面-LV4入面既劇情 , 時間差問題所以要令LV1既畫面變到咁慢 , 其實架車跌落河只係幾秒既事.
架車跌緊落去 , 車入面既人感到既應該係離心力 , 而導演個解釋既方法係造夢者(LV1)感到離心力 , 佢既夢會變成無重.
無重狀態入面既物件都會浮空 , 而浮空就唔會令到LV2既造夢者有任何感覺 (浮空好平靜詳和 , 而急速下垂會有強烈感覺)
(前提) 套戲既化學家話 , 呢種鎮靜劑雖然強 , 但下垂時注射者仍然會覺到離心力

1. 如無記錯對白現實5分鐘 = 夢一小時
如果每層都係咁計(LV1五分鐘=LV2一小時 , LV2五分鐘=LV3一小時) 就咁用呢個公式計
佢既長途飛機 , 當坐18個鐘 , 用呢條公式計 , LV3就有三年半...

其實套戲...最後粒SPIN開始搖......我第一時間覺得係返左現實 , 但後來自己諗諗下先覺得唔係

6如果咁樣就成立

作者: 馬騮仔;D 時間: 10-8-6 03:08 AM

saito 最尾根本就係迷失左-.-
粒SPIN 都冇停, 唔洗諗都知

作者: leung991055 時間: 10-8-6 11:42 AM 標題: 回復 11# 馬騮仔;D 的帖子

2方面睇la
1.佢可能未影到停就cut左(佢係就停就停個時就cut)
2.佢一路轉落去唔停
我個人都較傾向第2 可以解釋返整套電影既一d位

作者: rayleeseng 時間: 10-8-6 05:28 PM

原帖由 leung991055 於 6-8-2010 11:42 AM 發表
2方面睇la
1.佢可能未影到停就cut左(佢係就停就停個時就cut)
2.佢一路轉落去唔停
我個人都較傾向第2 可以解釋返整套電影既一d位

係Limbo係唔係會孤獨終老?咁李安佢叫唔叫孤獨終老?

定係李安係lv4發夢去lv5?定點

仲有圖騰既作用係用黎知道自己是否活係人地做既夢?所以有一定既特性唔俾人地知~防止人地係夢入面造一個出黎~

如果自己發夢知道自己圖騰既特性~咁圖騰既意義咪失去?

作者: leung991055 時間: 10-8-6 09:36 PM 標題: 回復 13# rayleeseng 的帖子

照#8講就唔係孤獨終老既....睇一次真係記唔到佢講過既所有野
圖騰既作用,係用黎知道自己係咪係夢入面無分人地既定自己既夢

作者: rayleeseng 時間: 10-8-7 12:18 AM

原帖由 leung991055 於 6-8-2010 09:36 PM 發表
照#8講就唔係孤獨終老既....睇一次真係記唔到佢講過既所有野
圖騰既作用,係用黎知道自己係咪係夢入面無分人地既定自己既夢

等佢出碟一定買

睇完inception之後即刻睇番不赦島~~一樣好正

果個月考試miss左

作者: leung991055 時間: 10-8-7 12:44 AM 標題: 回復 15# rayleeseng 的帖子

我都係要會考不過考完a.maths個日即刻去睇

作者: ～松本～ 時間: 10-8-9 01:13 AM

好正同不赦島一樣咁正

作者: 法號夢遺 時間: 10-8-10 05:58 PM

今日睇左,開頭係悶悶地(不過都係悶一陣,好快會吸引到你睇落去)同有d唔明(再睇落去佢有解釋點樣潛植意念,製造場境等等,都解釋得好清楚),所以真係要落足睇力去睇先會感受到個中既趣味,不過我就係鐘意呢類既戲,又真又假咁幾x正

,希望會有續集

作者: 法號夢遺 時間: 10-8-10 06:00 PM

原帖由 rayleeseng 於 10-8-5 01:06 AM 發表

其實唔知佢skip定點,,俾左好多野我地諗~呢個都係佢成功之處

我想問下最後果部份

其實佢冇交代佢地點係第一層夢番去現實(聽音樂?自動醒?)

只係拍到佢地游番上黎,李安同日本仔係下面

或藥力未消失唔番 ...

係咪影到去老左個日本仔拎起支槍就上番去呀?應該係日本仔向佢開槍,但係最後粒野重係到轉...

[ 本帖最後由法號夢遺於 10-8-11 11:18 AM 編輯 ]

作者: 079049 時間: 10-8-11 12:10 PM 標題: [轉帖][潛行凶間Inception] 另類睇法

當大家都著眼於到底個結局係現實or夢境既時候

我覺得呢個反而唔重要, 重要既係, leonardo終於放低左佢對老婆既gulity
同時佢亦都終於如願,見返佢既仔女

recall返少少野, chemist有個場, 入面有好多人訓緊覺
個幕,女主角問邊有人想發咁耐既夢? 老人答:呢個depends返係咩夢啦
其實真與假並唔重要重要既係 leonardo終於放低佢應放低既心結, 搵返佢心目中既快樂, 見返佢既子女

當你開心既時候,真與假已經唔再重要啦

另外一樣野, 個圖騰一路充當既角色都係一個測試, 測試自己既角色到底係真 or 假
但係我地可以睇到 leonardo 係結局時, 雖然扭左隻圖騰去轉, 但係佢已經唔再care佢到底會唔會停
佢care既係佢一對仔女, 佢追左上去睇佢, 唔願意再錯過呢個機會

證明左, 真與假對佢黎講已經唔重要

作者: Kｕsｏ-小光 時間: 10-8-11 02:58 PM

呢套野講真令我諗左好多野....
The dream is real!

作者: Kｕsｏ-小光 時間: 10-8-11 03:02 PM

呢套野值得所有香港人睇下
講真唔講怕既手法
故事都係港產片唔可以做到
呢套野故事都有10分
不過有d情節仲可以再交代

作者: 962a 時間: 10-8-11 04:37 PM

聽好多人講呢套野好好睇
不過仲未得閒去睇

作者: 9_9_9 時間: 10-8-13 12:08 PM

無錯,,真與假已經唔重要

作者: MPX220 時間: 10-8-13 04:26 PM

但若真假不重要,開心最重要
未來人只會去創做一個只有快樂o既世界
你要知
快樂好多時係由痛苦而黎
若世界只有快樂
只會做成心理不平衡..
比開心OR不開心埋未...

作者: 小妖精 時間: 10-8-14 03:55 AM

幾有意思既一套戲.....

作者: PandA_Bb 時間: 10-8-15 02:40 AM

只可以說，係一個謎!!

作者: regan1210 時間: 10-8-15 04:57 PM

哈!!gdgd 甘你睇得到!! 做得好!

作者: wongjeff 時間: 10-8-16 06:47 PM

咁你都睇得出~~~~
so gd~~~~~~~~~~~~~~~
````

作者: ＊風之子～諾€ 時間: 10-8-20 04:14 AM

反而"最後係夢"就可以解釋更多問題(雖然仍然會"最後係現實"先解釋到o既問題, 不過咁先至係open ending)

原帖由 MPX220 於 10-8-13 04:26 PM 發表
但若真假不重要,開心最重要
未來人只會去創做一個只有快樂o既世界
你要知
快樂好多時係由痛苦而黎
若世界只有快樂
只會做成心理不平衡..
比開心OR不開心埋未...

叫人選擇開心係好, 套戲帶出呢點都係好
不過套用返現實社會未必容許有呢種選擇
選擇自己喜愛o既可能仲會搞到自己變左Mal

原帖由 異界之睡魔 於 10-8-5 11:59 PM 發表

我試下答..有錯請指正或補充

1.唔記得左XD 要睇返對白　我只係記得個女仔初初建築夢果陣　有人解釋比佢聽係現實五分鐘　夢係一小時　咁夢中夢如果照計就係十二小時?

2.第一層所造成既傾斜會影響第2層既 ...

論證充份, 除左果句welcome home
人地國藉係美國, 入境美國講句welcome home好正常-.-其他戲都會有

[ 本帖最後由＊風之子～諾€ 於 10-8-20 04:27 AM 編輯 ]

作者: gordonl9706 時間: 10-8-20 11:44 PM

lee套戲唔錯

作者: MING乂神 時間: 10-8-21 12:17 AM

套戲唔錯

作者: loopp 時間: 10-8-21 02:05 AM

Leonardo累死完自己老婆之後同佢入夢D人又差D比佢累死真係害人不淺

作者: 笨．麟 時間: 10-8-21 06:52 PM

其實我覺得係醒左€
因為投射先要條件係要見過
男主角都冇見過對仔女,所以應該唔可能投射到出黎
所以應該係堅ge

作者: ＊風之子～諾€ 時間: 10-8-21 08:05 PM

原帖由 笨．麟 於 10-8-21 06:52 PM 發表
其實我覺得係醒左€
因為投射先要條件係要見過
男主角都冇見過對仔女,所以應該唔可能投射到出黎
所以應該係堅ge

投射?　　　　　　　

作者: 笨．麟 時間: 10-8-21 09:34 PM

原帖由 ＊風之子～諾€ 於 10-8-21 08:05 PM 發表

投射?　　　　　　　

即係係dream入邊果d閒人
佢話係意識投射[projection)

作者: ＊風之子～諾€ 時間: 10-8-21 10:27 PM

原帖由 笨．麟 於 10-8-21 09:34 PM 發表

即係係dream入邊果d閒人
佢話係意識投射[projection)

佢見唔到最後一面o者
二來夢入面唔一定同現實一樣
例:mal o既性格都唔係咁惡

作者: 笨．麟 時間: 10-8-21 10:41 PM

原帖由 ＊風之子～諾€ 於 10-8-21 10:27 PM 發表

佢見唔到最後一面o者
二來夢入面唔一定同現實一樣
例:mal o既性格都唔係咁惡

我記得佢講過
潛意識投射是需要見過的
在這前題之下~佢冇見子女最後一面,所以見果個應該係真的

作者: Kｕsｏ-小光 時間: 10-8-22 08:44 PM

原帖由 笨．麟 於 10-8-21 10:41 PM 發表

我記得佢講過
潛意識投射是需要見過的
在這前題之下~佢冇見子女最後一面,所以見果個應該係真的

好似從來都冇講過咁既野
.....

作者: loopp 時間: 10-8-23 03:23 AM

我覺得最後係夢定實真係講黎無意思
本身呢類影片既結局通常都會係矛盾
唔明d人點解一定要放一個好似好合理既答案落去
有時睇電影真係唔洗咁理性

作者: 笨．麟 時間: 10-8-23 01:16 PM

原帖由 loopp 於 10-8-23 03:23 AM 發表
我覺得最後係夢定實真係講黎無意思
本身呢類影片既結局通常都會係矛盾
唔明d人點解一定要放一個好似好合理既答案落去
有時睇電影真係唔洗咁理性

or真係好似上邊上講~~真同假都唔重要

作者: 火狼cool 時間: 10-9-2 09:52 PM

之前一早睇完潛行,依家打番感想先

呢套戲真係由頭到尾情節都超級緊湊
頭10分鍾已經有入肉
我自己同埋朋友遲左幾分鍾入去
一入到戲院佢已經入左人地夢入面
好後悔自己遲左入戲院,無睇到一開始個部份
套戲內容真係十足,而且夢同埋潛意識呢個賣點真係好吸引
而且睇GA人應該好有感覺,因為佢所講GA野同平時發夢個時感覺係一樣

套戲入面最型就係係周郎無重個一PART,個個男仔係個到行真係型到爆炸
而女主角話靚真係唔算係靚,好樸素,但係我自己就好鍾意佢
可能我自己比較鍾意樸素個D女仔....

我自己睇GA戲真係唔算多,但係我覺得呢套戲內容比起阿煩達好
阿煩達賣點我覺得真係個境,而呢套賣點係在於內容
算係我睇甘多戲入面,排第二好睇

其實如果大家睇戲之前真係唔好信YAHOO D影評,好誤導人地
一開始我都唔係甘想去睇呢套戲,因為D人話要好認真甘睇
如果唔係就會唔明套野,但係我無睇前十分鍾都明呢套野UP乜
更加令人覺得白痴GA係D人係甘講個結局
講真睇戲真係唔好甘認真,結局係點....我覺得連個作者都未必會諗得甘認真,...
D人係甘話係真...定係假真係無意思囉
好似d人甘講..只要佢覺得係真...自己開心
究竟佢有冇番到去...唔重要了

好彩我朋友催我去睇...
如果唔係就比yahoo 個d白痴影評搞到我錯過左一套好戲
依家我終於明白...好戲一定要去影院睇
係屋企到睇...同戲院個種感覺真係差好多~

歡迎光臨 2000FUN論壇 (https://www.2000fun.com/)