2000FUN論壇

標題: 半失戀狀態(頗長) [打印本頁]

作者: gary0128 時間: 09-10-8 12:48 AM 標題: 半失戀狀態(頗長)

我係一個醜男....但經前一任女友經歷之後由一名火爆青年變成一個好好脾氣既人

我同現任女朋友一齊已經一年零兩個月
女朋友因工作要輪班會收10點或者11點有時更要通宵
因為佢家住油麻地我覺得果度好雜所以每當佢收10,11點我都會由柴灣到九龍城接佢收工
亦都可能因為咁樣係佢身邊出現既男性近付零我地既感情都算穩定

女孩子始終都會有脾氣但因前任女友太多無理取鬧既事我都試過比起現任既脾氣我都會覺得好小事
甚至保險經紀(女,但從未因保險事以外會面)約我簽野發脾氣我都可以忍氣吞聲氹返佢

最近有試過因為佢成日講我同保險經紀既野而發佢脾氣因為我討厭人唔信我但最後都係我氹返佢
亦有因為我由佢當初識我果陣做文員轉做地盤工人(因家庭關係)而收入唔穩定所以有幾次小爭執

而事件既爆發就係尋日佢係我屋企走果陣同佢我媽咪家姐講再見但就冇同我阿哥講(我同阿哥感情並冇特別好)
係佢走左出門口之後我就同佢講 : 要同我家姐打招呼就要同我阿哥講埋一係就兩個都唔講
佢就話因為我家姐有同佢打招呼所以都同我定姐打招呼但我阿哥冇所以就冇理佢
我就話 : 佢地兩個同輩你唔可以理一個唔理一個每個人都係同佢講再見但就係佢冇我怕佢會討厭你
佢冇應我但我見到佢喊同知道佢發緊我脾氣當下既心情就係我為左佢好仲要比佢發我脾氣
當我送到佢返屋企附近既時候我問佢佢以前果兩個男朋友發脾氣會唔會氹返佢佢話唔記得
我會咁問係因為我同佢一年多每次我發脾氣最後都要我氹返佢
當去到佢屋企樓下佢提出同我分開但唔係分手
我問點解佢話因為最近大家成日鬧交分開下諗清楚
我講 : 你之前講過分開解決唔到問題(我早排提出分開1年因為我想等事業穩定d先再搵返佢)
佢話唔想因為當初既承諾而委曲我同佢一齊
我就講 : 如果我覺得委曲我會出聲點解要懷疑我對你既愛
佢冇講野過左一陣我繼續講 : 或者我講既野唔係你預期想答覆但你講得出呢d野都好應該諗清楚我有幾愛你而你又有幾愛我
佢聽完之後就返左屋企

其實究竟係咪我太自付自以為自己係一個好男人而睇唔到女朋友真正想要d咩...
又或者係咪我其實一直期待緊我既付出會有回報呢?

作者: 陳手跛 時間: 09-10-8 04:47 AM

兄台

你試下同佢『平心靜氣』咁傾下你地之間有既問題先啦

就講返呢件事咁睇返佢有佢既諗法伽ma 佢覺得你阿哥冇禮貌在先所以唔洗同佢講掰掰係好正常

你講到佢好似犯左非常大既錯 (我都知你出自好心想佢同你屋企人打好關係)

你女朋友可能當時心情唔係幾好呢話要分開既話唔會只係一兩件事就可以導致發生

可能有好多樣唔開心既野加埋而呢單野就令到佢爆

我唔係了解女人呀我只係用返係我既諗法代入你女朋友當時既心情點睇

你女朋友唔算野蠻伽喇

我既ex 佢野蠻情度比你既更加高  佢會因為我訓覺而發脾氣...(我只係講左句我聽日要返工比我訓)

佢會吃一個男同事既醋因為我同個男同事傾計...

佢既發脾氣係扔爛晒d野叫分手

呢d先叫野蠻伽ma  女人有時會荷爾蒙失調哄下佢都冇乜所謂啦呢d野男人冇伽ma

唔好計教付出左幾多  唔洗諗咁復雜wo 兩個人一齊開心咪得囉冇話哄唔哄得多伽wo

比返一個拍拖既感覺佢先啦諗返起最初一齊既感覺熱戀時侯既感覺

以上言論所屬個人主觀意見請三思

作者: 爭霸者 時間: 09-10-8 02:36 PM

真係幾長下wo-,-~~~

作者: alex5825 時間: 09-10-9 08:55 PM

你要加油啦

作者: 華千代 時間: 09-10-9 10:44 PM

咁佢話分開唔係分手咁咪分囉

睇下到時邊個變先..唔變先再一齊啦

作者: ＊風之子～諾€ 時間: 09-10-9 10:54 PM

戀愛版, 移得@@
睇完#1, 咁鬼複雜- -我還是單身好了..

作者: 01280511 時間: 10-11-22 06:09 PM

雖然係成年前既post,大家唔好介意我推返上黎...
今日唔覺意比我發現到呢個post...

想請問樓主,你話你前女友時常無理取鬧,你有冇問過自己你點對佢呢??

佢同你經歷左既事情呢? 當你前女友最無助既時候你去左邊呢 ?

我要數都數唔晒.... 你唔好諗你講D野係道理,人地講就係廢話

你而家為左你現任女友就係度話你前女友無理取鬧..!!! 你算咩好男友呀

而家我同你講丫.. [ 係你太自付自以為自己係一個好男人 ]

ps : 最後你明唔明白點解你一個中學朋友都冇 (你自己諗下...你係facebook個段留言都留左好耐啦~有冇人中學朋友應過你呀..你諗諗點解人地唔搵你) ?

[ 本帖最後由 01280511 於 10-11-23 12:06 AM 編輯 ]

作者: 雲吞餃 時間: 10-11-23 09:10 AM

原帖由 01280511 於 10-11-22 06:09 PM 發表
雖然係成年前既post,大家唔好介意我推返上黎...
今日唔覺意比我發現到呢個post...

想請問樓主,你話你前女友時常無理取鬧,你有冇問過自己你點對佢呢??

佢同你經歷左既事情呢? 當你前女友最無助既時候你去左邊呢 ...

你不如拎返一年前既六合彩同依家呢期比較啦...

作者: 01280511 時間: 10-11-23 01:33 PM

樓主明咪得囉...

作者: 吞食貝貝 時間: 10-11-23 02:37 PM

原帖由 雲吞餃 於 10-11-23 09:10 AM 發表

你不如拎返一年前既六合彩同依家呢期比較啦...

可能樓主人地已經結埋婚生埋仔

歡迎光臨 2000FUN論壇 (https://www.2000fun.com/)