2000FUN論壇

標題: 試玩三小時後感想　（今晚１２點再加上整天的玩後感）歡迎分享自己經歷。 [打印本頁]

作者: 殺神FEAR 時間: 09-10-12 04:48 PM 標題: 試玩三小時後感想　（今晚１２點再加上整天的玩後感）歡迎分享自己經歷。

雖說是１２點開ｓｅｒ，但１２點的情況相當不樂觀。
首先是很容易卡在角色選舉畫面不能進入，
如勉強進入到遊戲會有很大機會發生錯誤報告，還有就是ｌａｇ得自己跑兩步會閃回原位。
所以我先進了一會兒就決定等到一點再上。
一點半左右，伺服器似好了一點點。
總算夠我去來回跑去接任務，而且人也沒想像中多，可能因為分流的問題吧。

現在正式說說對遊戲的最初感覺。
遊戲一開始有個新手教學，強烈建議入去。
雖然教既都係好基本的操作，但總算有物品送，而且同隻狗狗ｎｐｃ一起打怪的感覺好微妙．．．。

出到去新手村（抱歉，忘了新手村咩名－，－羅格鎮之前個度）
試用下佢既移動既靈活度同埋各個介面。
由於玩慣ｗｏｗ，移動方式都總算易上手，但耐唔耐會行唔係心目中既方向，要用右ｃｌｉｃｋ略為調整。
而且唔知係唔係因為人多ｓｅｒ新既關係，有時時行下行下會彈妳返去原點，就算打怪都係。
介面方面老實說我不太喜歡，要禁人物資訊同任務資料唔多就手，
而且佢預設既快捷鍵有部份距離相當遠，幸好有得自己設定，暫時冇咩問題。
另外有時會有部份介面「姐」住部份介面既問題（如開左技能介面，再開任務介面，任務就會「姐」住左個技能）
雖然係小問題，但對唔同玩家有唔同影響，可能大家都覺得唔重要吧＠＠．．．．

戰鬥系統暫時沒有什麼好說，放技能同打怪都極為似ｗｏｗ，技能也算華麗。
始終未深入咁去試ｐｖｐ同各個副本，所以不能給太多評價，但流暢度相當高，增加了不小投入感。

用騎士玩到９級左右，新手任務算是相當腦殘的打怪收集物品任務。
拿一堆物品就可以換到一套能力還算可以既新手裝備。
地圖相當大，幸好有自動導航和付送的坐騎，暫時問題還不大。
但這裡又要埋怨一下，因為上面講過有時行行下會彈返原位，而且一彈個自動導航就會停止，
再加上自動導航本身就相當容易卡地圖，變相要禁好多次先可以真正去到目的地。
另外我比較感到穩憂既係座騎，付送的一天座騎沒了後可會「有排行」，始終地方同地方有一段唔短既距離。

暫時玩到既只有咁多，而家維護緊，今晚再加多個整天的玩後感。
遊戲整體暫時還跟我心目中的相似，任務同打怪大致相同，說到底會唔會令我失望就要睇佢既副本如何了。
順帶一提，第一個副本應該係十幾級左右。
講起副本，我感到既第二個穩憂係佢一個ｓｅｖｅｒ分唔同分流既問題。
這裡沒有刻意比較，但相比起ｗｏｗ的全ｓｅｒ一起行動，刷副本時找隊友可能相對麻煩了不小，而且想全頻呼叫自然要給錢買喇叭啊．．．．

[ 本帖最後由殺神FEAR 於 09-10-12 04:51 PM 編輯 ]

作者: moigogo 時間: 09-10-12 04:51 PM

比個GOOD你~

作者: akkyuet2006 時間: 09-10-12 04:51 PM

原帖由 殺神FEAR 於 09-10-12 04:48 PM 發表
雖說是１２點開ｓｅｒ，但１２點的情況相當不樂觀。
首先是很容易卡在角色選舉畫面不能進入，
如勉強進入到遊戲會有很大機會發生錯誤報告，還有就是ｌａｇ得自己跑兩步會閃回原位。
所以我先進了一會兒就決定等到 ...

去左城就唔疾架啦

我玩得好順

我e加隻戰士13lv等陣攪攪隻騎士先

希望今晚可以兩隻都廿lv

有勁多任都唔識解同埋又唔識合野先大獲

e加把槌有百幾攻但攻速勁慢

[ 本帖最後由 akkyuet2006 於 09-10-12 04:53 PM 編輯 ]

作者: 沒落公主 時間: 09-10-12 04:54 PM

控制點順手仍摸索，始終習慣唔係即刻有，
行路好似好快，感覺唔現實，但總好過有排行，
不過初期算簡單，慢慢出技都唔會點死，
今日第1日.的確好lag有時行都行唔到，仲會彈，
不過起馬唔係無啦啦停機幾粒鍾，希望5點會順番，
暫時好低lv，開左間屋-v-要努力整傢俱。

作者: 殺神FEAR 時間: 09-10-12 04:58 PM

多謝俾ｇｏｏｄ　＠ｏ＠！！

任務方面我覺得還可以，可能摸索既比較多。
如果真係唔掂，就上巴哈搵ｕｉ吧，聽說很不錯用。

合野佢一開始有教，採集系統都應該遲早會用上。
好似我而家７級採藥但依然未搵到係邊學練金咁，所以未敢肯定好唔好用，易唔易用。

妳把槌應該係雙手武器來的吧？！　雙手武器攻速都快仲得了既－，－？

作者: akkyuet2006 時間: 09-10-12 04:59 PM

原帖由 殺神FEAR 於 09-10-12 04:58 PM 發表
多謝俾ｇｏｏｄ　＠ｏ＠！！

任務方面我覺得還可以，可能摸索既比較多。
如果真係唔掂，就上巴哈搵ｕｉ吧，聽說很不錯用。

合野佢一開始有教，採集系統都應該遲早會用上。
好似我而家７級採藥但依然未搵到係 ...

我有技加攻速同埋出技攻擊快好多

係咪D商人無裝賣架

作者: 殺神FEAR 時間: 09-10-12 05:01 PM

原帖由 沒落公主 於 09-10-12 04:54 PM 發表
控制點順手仍摸索，始終習慣唔係即刻有，
行路好似好快，感覺唔現實，但總好過有排行，
不過初期算簡單，慢慢出技都唔會點死，
今日第1日.的確好lag有時行都行唔到，仲會彈，
不過起馬唔係無啦啦停機幾粒鍾，希望 ...

一諗起間屋就知會係商城重要野之一　到時睇下點　一開始送過箱比妳　叫做有個銀行放住野先都唔錯。
控制方面ｗａｓｄ的移動方式我向來習慣和喜愛，但係唔知係唔係ｌａｇ問題，有時力不從心，唔岩方向。
第一日封測我已經覺得係合格了＠＠

作者: 殺神FEAR 時間: 09-10-12 05:02 PM

商人有裝賣，但裝備ｏｋ廢。　另願快點升到十幾廿幾級去刷副本刷裝比較實際。

作者: kboy2010 時間: 09-10-12 05:14 PM

嘿嘿...我小小祭起都玩左陣....
8lv...不過轉ser玩了- -
轉去pve x馬

作者: 殺神FEAR 時間: 09-10-12 05:16 PM

我而家試緊only-,- 未決定玩咩ser 因為朋友們都仲未決定

親愛的玩家您好：

為升級網路設備及設定作業，《神諭之戰》全伺服器原預計於10/12 17:00 開機。

由於作業時間超出預期，故伺服器將延長至10/12 17:30 開機。

調整期間造成玩家的不便，敬請見諒海涵。

《神諭之戰》營運團隊敬上

頂呀又要等。

作者: winx8598 時間: 09-10-13 09:39 AM

我覺得這遊戲是還不錯玩啦，
雖然角色動作很僵硬...
不過其他地方做的還不錯，
雙職業系統也滿有趣的@@

作者: deathless 時間: 09-10-13 07:53 PM

多謝樓主分享@@ 暫時仲未去玩今晚試下先

歡迎光臨 2000FUN論壇 (https://www.2000fun.com/)