2000FUN論壇

標題: 狗咬主人 [打印本頁]

作者: panasonic 時間: 09-10-18 03:33 PM 標題: 狗咬主人

我隻美國老虎狗已經3.5個月大啦 , 大問題就唔係多 , 不過都有唔少....

點解平時我行黎行去o既時候佢咁鐘意咬我腳/腳趾 ? 雖然唔會咬好大力但都會痛...

有時佢做錯野我唔比佢做 , 佢會發火吠我好似想咬我咁 , 有時重連吠幾下...好惡 , 點解 ?

去廁所o既事 , 佢識得o係o岩 o既地方度攪掂細 , 但係大 o既始終都係亂咁黎 , 點解 ?

重有... 帶佢去散步o個陣佢總係同我鬥力 , 一係行好快一係唔行 , 點解 ?

唔通佢重未攪清楚我係佢主人 ? 雖然我知係我帶佢返黎我有責任要教佢 , 但係如果當佢原全大過之後重係咁我真係怕佢會一下咬到我入廠...
我老婆佢連拖佢行o既力都唔夠 , 我唔想見到有一日會發生血案......

各位大佬 , 幫個忙話我知你地係點樣教好你隻狗.. 我真係唔想送佢去d咩愛護動物協會度 , 等於送佢去死一樣 , 而且我養佢咁耐有感情嫁........

作者: 〝Ka穎‥。 時間: 09-10-18 04:56 PM

3.5個月大既狗狗,會開始出牙仔,會牙痕..所以會鍾意咬身邊既野,
包括主人既手..頭髮等等..
之前我隻狗都因為禁,同你果隻差唔多大果陣,咬爛哂木椅
你試下買d比狗狗咬既骨比佢咬下..不過要睇返size~

至於出街果方面,我唔多熟呀.所以答你唔到..

作者: Fevil` 時間: 09-10-18 05:47 PM

我隻狗成日都扯我d頭髮架-.-

作者: candytsh 時間: 09-10-21 05:53 PM 標題: 回覆狗狗問題

你講o既問題其實每個狗主人都曾經經歷過架，我屋企隻史納莎就到8個月大佢仲係換緊牙仔所以牙痕會鍾意咬野就算你話佢唔比佢咬都係會繼續架，你可以去寵物店買o的骨比佢咬吖有大中細size架可以向店員查詢，而你話狗狗會向你吠而且仲好惡添...你平時點教佢呢?佢做錯野時有無向佢講 NO! 或者係唔好?? 又或者你係咪習慣左平日同佢玩時都係無咩所謂無管制佢活動範圍呢?例如: 廚房、洗手間、或者係房間咁? 有影響架因為如果狗狗覺得平日無人管佢無人理佢佢覺喺屋企係大佬同時亦唔知道邊個係佢主人所以到狗狗做錯事你出聲話狗狗會覺得無需要理會你而發惡咁去吠你架，我養狗唔叻只係多o的上網睇人post出o黎問題同去書局買有關狗狗書睇一定有幫助架，如果你仲覺有困難其實亦可以到寵物店向職員查詢架，佢地對狗狗會有一定了解嘛，下次狗狗再吠時你常試指住佢講 NO! 第一次唔聽第二次再繼續總有一次狗狗會知道咁做係唔啱但係要有耐性架....而你話出街點解狗狗同你鬥力佢行東你行西咁,其實呢個問題都係狗狗未認清你係佢主人亦未知出街時唔可以搶住走...常試係屋企比多小小耐性去同狗狗相處,慢慢狗狗會知道你係佢主人，當然平日你亦要有耐心咁同狗狗溝通同留意佢 ^^ 常試了解狗狗而狗狗慢慢都會開始去認同你....加油呀!!
我隻囡囡起初都好曳架買番o黎又唔識去廁所係廳度四圍疴屎同尿架又係咁咬野添..教足佢2個月佢都係咁果時我都好煩好唔開心架不過耐心咁同佢講邊度係廁所重複又重複咁做，狗狗有時玩得太投入會吠叫但係只係細聲吠係正常只係細聲拍一拍摸一摸佢叫唔好.佢下次就唔會架喇....同埋要留意番點解狗狗會疴尿就識去廁所而大就唔識喎..因為一定有原因架,細心去觀察下....希望幫到你. 我囡囡已經識去廁所屎同尿喇..^^

作者: panasonic 時間: 09-10-23 01:30 PM

關於搶繩問題..有一日我帶佢去狗公園瘋狂咁跑足30分鐘 , 返黎之後一d搶繩都冇.. 可能佢冇哂力....
去廁所 o既問題(大) , 唔知點解我已經比佢一日兩餐 , 但係佢都重係一日去大4次咁多 , 而且時間好怪..
朝早飯後9點半, 下午3點 , 夜晚飯後11點 , 半夜2點...

作者: adam1b18 時間: 09-10-23 05:35 PM

我隻狗成日都扯我d頭髮架

作者: 紫儀 時間: 09-10-24 10:52 PM

原帖由 panasonic 於 09-10-23 01:30 PM 發表
關於搶繩問題..有一日我帶佢去狗公園瘋狂咁跑足30分鐘 , 返黎之後一d搶繩都冇.. 可能佢冇哂力....
去廁所 o既問題(大) , 唔知點解我已經比佢一日兩餐 , 但係佢都重係一日去大4次咁多 , 而且時間好怪..
朝早飯後9點 ...

其實拉繩好易教你去寵物店買, 條申宿狗帶用.幾日就可以教好佢
我只拉布拉多都係禁開頭.用左3日就開始跟住我步伐行
狗仔大小2便要比多少少時間/心機..有咩唔明可以再問

作者: panasonic 時間: 09-10-26 12:24 PM

申宿狗帶就可以攪掂搶繩 !!?? 重3日添 !?
最近幾日就算有帶佢去狗公園跑 , 冇人o係屋企佢就會咬爛哂d 比佢去廁所o既報紙...日日如是....
軟硬都用過..冇用......
佢就一日大過一日 , 如果再教佢唔好真係唔知點算好...
事關佢係屬於大狗 ( 同拳師狗差唔多 ) , 教佢唔好等佢大左真係怕佢一下送我入廠....

作者: 紫儀 時間: 09-10-26 06:07 PM

原帖由 panasonic 於 09-10-26 12:24 PM 發表
申宿狗帶就可以攪掂搶繩 !!?? 重3日添 !?
最近幾日就算有帶佢去狗公園跑 , 冇人o係屋企佢就會咬爛哂d 比佢去廁所o既報紙...日日如是....
軟硬都用過..冇用......
佢就一日大過一日 , 如果再教佢唔好真係唔知點算 ...

教狗狗唔好心軟..特別大種狗.你要比佢知你係主人
申宿狗帶係for佢一拉你就要大大大力拉住佢.等佢知道要跟你步伐
佢做岩你就要momo佢頭話佢叻..過得幾日就教得好
咬野問題.未夠1歲既狗都有牙痕問題..比一d狗仔用骨頭/玩具比佢咬.佢咬岩就momo頭.咬錯要講no.大聲d...語氣要重.比佢知道唔得
再有問題可以再問

作者: -迪天奴- 時間: 09-10-27 07:44 AM

咬我就k佢,但愈k佢就愈空狠= ='

作者: 紫儀 時間: 09-10-27 08:49 PM

原帖由 -迪天奴- 於 09-10-27 07:44 AM 發表
咬我就k佢,但愈k佢就愈空狠= ='

你用咩k佢.其實可以用武器.但唔好打腳.大大力打patpat.再還手就鎖住佢餓佢

作者: minicang999 時間: 09-11-12 11:36 AM

我只狗成咬鞋·～～

歡迎光臨 2000FUN論壇 (https://www.2000fun.com/)