2000FUN論壇

標題: 文化教育?[略長,無聊者,鬧事者別進]真人真事 [打印本頁]

作者: 御狩犽ζ楓閣 時間: 09-10-23 06:19 PM 標題: 文化教育?[略長,無聊者,鬧事者別進]真人真事

經過一天的辛勞,挺著腰踏上歸家路,在人來人往,你擠我擁的地鐵站,而且是露天加上今天天氣略熱,汗流透背,滿不好受。

看看示板,下班車快到,心感脫難,終於有冷氣給予降溫。

列車緩緩地靠站,透過玻璃的反射,我略略整理尊容與衣著(我承認我蠻愛美),期待車門打開的那陣寒風。

車門打開了,那陣寒風亦無情地打在我的雙頰,涼快的感意頓覺昇華天國,但這快意卻只維持了一秒。

列車中彷如摩西分紅海的情景,當這份情景映入我的眼眶,我驟覺世界的無情,如人類的膚淺。

中間站著的是一個身體有殘缺的男人(我不知道是否應將歸納為殘缺),身體各處都長著像肉瘤,半低著頭,神情哀傷,獨自站在擠擁的人群,周遭卻空無一人,充斥著攝心的空寂感。

我沒疑的走到那位男人身邊站著,我沒多給他打量數眼,因為我知道承受著那份目光的揪心感有多難堪。

門關上了,車加速了,站在他的身邊,我自顧的繼續看書,一站又一站的過去,我和他身邊直徑1米都是寂寂無人,剛上車的都會往他打量數眼,然後便往兩邊的人群硬鐨進去。

我在短短地四個站程,我感到人們的膚淺與思想的腐朽,他們仍著以原始部落的思想,把這種天生的殘疾看似魔星降世,天滅世人的怪物,魔鬼。

最氣憤的是,在某站看到一個手執厚實的教科書,看似像是大學生,年紀應比我年長數歲,當她踏進車廂時,一看到他便上下打量數眼,然後毫不猶豫地鐨進兩邊人群,在她仍在往內擠時,還是以其醜陋的雙眼蔑視著他,這就是現今社會制定的文化教育成果?

我懦弱的繼續看書,心感嘔心,嘔心的並非他,而是周遭人們的膚淺與智障的文化,這就是文化教育做就的?

靠站了,下車了,我感到郁悶,感到自卑,沒勇氣對著膚淺的他們破口大罵。
但想深一層,若果我真的潑然大怒,只會令他更加難堪。

我自卑,他即使身患奇疾,仍勇敢生存到髮露白絲,仍練成無視身邊的目光,這情緒控制的能力,使我這平常人五體投地。

我嘔心,時下年青人,為快樂,為名牌,為愛情,為快樂不惜染上毒癮放棄了生命,街上被人望兩望便「吹雞」,為追求名牌,不惜付出身體,作性交易。

文化教育?何文化之有?何教育之義?

[ 本帖最後由御狩犽ζ楓閣於 09-10-23 07:22 PM 編輯 ]

作者: klngken 時間: 09-10-23 06:24 PM

已見多不怪....

作者: 風在隨空飄舞 時間: 09-10-23 06:25 PM

望到呢種情景
好多時不其然咁諗

人就像一塊鏡
一個人既殘缺並無不妥
反而身邊既人既眼光令佢地自己變成殘缺、不妥

人好多時都用呢種目光睇人,但往往缺乏左自省

作者: 蝶戀花乂 時間: 09-10-23 06:25 PM

你copy定原作

作者: 爭霸者 時間: 09-10-23 06:26 PM

無聊者已進@@~~~~~

作者: 御狩犽ζ楓閣 時間: 09-10-23 06:29 PM

原帖由 風在隨空飄舞 於 09-10-23 06:25 PM 發表
望到呢種情景
好多時不其然咁諗

人就像一塊鏡
一個人既殘缺並無不妥
反而身邊既人既眼光令佢地自己變成殘缺、不妥

人好多時都用呢種目光睇人,但往往缺乏左自省

如果呢個時侯有班MK仔上車,佢地都只會自顧地對佢指指點點,唔會自省

原帖由 蝶戀花乂 於 09-10-23 06:25 PM 發表
你copy定原作

原作

作者: 色情變態佬 時間: 09-10-23 06:30 PM

絕對認同,以前讀書除左求知識..仲學做人道理
宜家D人讀書好似讀壞腦咁..
有高知識未必有好既人品行為

作者: 風在隨空飄舞 時間: 09-10-23 06:32 PM

原帖由 御狩犽ζ楓閣 於 09-10-23 06:29 PM 發表

如果呢個時侯有班MK仔上車,佢地都只會自顧地對佢指指點點,唔會自省

生在香港呢個地方
真係一種米養百樣人

一個大多數用錢黎衡量人既地方
生活缺乏感受,每天都係玩樂與錢之間

怎麼教人自省,呢個魚蛋咁大既地方真係與世隔絕

作者: 御狩犽ζ楓閣 時間: 09-10-23 06:34 PM

原帖由 風在隨空飄舞 於 09-10-23 06:32 PM 發表

生在香港呢個地方
真係一種米養百樣人

一個大多數用錢黎衡量人既地方
生活缺乏感受,每天都係玩樂與錢之間

怎麼教人自省,呢個魚蛋咁大既地方真係與世隔絕

當站在這堆目光狹窄的人們當中,真有想死的意欲

作者: 一小餅一 時間: 09-10-23 06:36 PM

在這個社會
我已經感到害怕

作者: 介_法拉利 時間: 09-10-23 06:36 PM

原帖由 色情變態佬 於 23-10-2009 18:30 發表
絕對認同,以前讀書除左求知識..仲學做人道理
宜家D人讀書好似讀壞腦咁..
有高知識未必有好既人品行為

我對呢D"高水平知識分子"既評價係
有知識, 無常識

註: 其實有無知識, 真係唔清楚, 但常識一定無

作者: klngken 時間: 09-10-23 06:39 PM

原帖由 風在隨空飄舞 於 09-10-23 06:25 PM 發表
望到呢種情景
好多時不其然咁諗

人就像一塊鏡
一個人既殘缺並無不妥
反而身邊既人既眼光令佢地自己變成殘缺、不妥

人好多時都用呢種目光睇人,但往往缺乏左自省

俾人孤立既感覺真係好痛苦,
有些人身體本身有缺憾,就如我班上既其中兩個同學...
一個有體臭,一個耳仔有疤痕(K型的)...
開頭沒發現佢地有這些特徵時,都有人肯同佢地玩、同埋傾計~
但係慢慢發現他們身上存在氣味、長相怪異的時候...
大家都開始漸漸冷漠他們,在活動時,分組都唔同佢地一組,
總係覺得現代人好冷漠咁

作者: 風在隨空飄舞 時間: 09-10-23 06:42 PM

原帖由 御狩犽ζ楓閣 於 09-10-23 06:34 PM 發表

當站在這堆目光狹窄的人們當中,真有想死的意欲

看第二個對比
搵到志同道合既人就會更加感受到

人只要活係自己既世界就足夠了

作者: 風在隨空飄舞 時間: 09-10-23 06:43 PM

原帖由 klngken 於 09-10-23 06:39 PM 發表

俾人孤立既感覺真係好痛苦,
有些人身體本身有缺憾,就如我班上既其中兩個同學...
一個有體臭,一個耳仔有疤痕(K型的)...
開頭沒發現佢地有這些特徵時,都有人肯同佢地玩、同埋傾計~
但係慢慢發現他們身上存在氣味、長相怪異的時候...
大家都開始漸漸冷漠他們,在活動時,分組都唔同佢地一組,
總係覺得現代人好冷漠咁

這都是大環境所造成
大家都唔可以開心健誠咁相處

作者: 御狩犽ζ楓閣 時間: 09-10-23 06:44 PM

原帖由 風在隨空飄舞 於 09-10-23 06:42 PM 發表

看第二個對比
搵到志同道合既人就會更加感受到

人只要活係自己既世界就足夠了

可惜同類人屈指一算,身邊又有幾個?

作者: 介_法拉利 時間: 09-10-23 06:45 PM

原帖由 klngken 於 23-10-2009 18:39 發表

俾人孤立既感覺真係好痛苦,
有些人身體本身有缺憾,就如我班上既其中兩個同學...
一個有體臭,一個耳仔有疤痕(K型的)...
開頭沒發現佢地有這些特徵時,都有人肯同佢地玩、同埋傾計~
但係慢慢發現他們身上存在氣味 ...

呢D就係而家D人無知既表現
佢地覺得"臭"係會死人的, 佢地覺得"畸型"係會傳染的
加上部份父母總係會同自己D仔女講: 佢有問題嫁, 唔好同佢玩呀, 記住呀!
一代傳一代, 朋友之間既互相感染, 香港自自然然變成咁

作者: 風在隨空飄舞 時間: 09-10-23 06:45 PM

原帖由 御狩犽ζ楓閣 於 09-10-23 06:44 PM 發表

可惜同類人屈指一算,身邊又有幾個?

唯有等

作者: 御狩犽ζ楓閣 時間: 09-10-23 06:48 PM

原帖由 風在隨空飄舞 於 09-10-23 06:45 PM 發表

唯有等

柴九名言,人生有幾多個十年,可能等50年都未必有一件

可幸既係,我身邊總算有一個

作者: 風在隨空飄舞 時間: 09-10-23 06:50 PM

原帖由 御狩犽ζ楓閣 於 09-10-23 06:48 PM 發表

柴九名言,人生有幾多個十年,可能等50年都未必有一件

可幸既係,我身邊總算有一個

有
仲要岩

成個世界數埋真係冇幾多個

作者: 御狩犽ζ楓閣 時間: 09-10-23 06:51 PM

原帖由 風在隨空飄舞 於 09-10-23 06:50 PM 發表

有
仲要岩

成個世界數埋真係冇幾多個

當我與朋友傾談世事時,總是投機,論盡其態,結論就是做好自己與唔好理

一笑置之

作者: 風在隨空飄舞 時間: 09-10-23 06:54 PM

原帖由 御狩犽ζ楓閣 於 09-10-23 06:51 PM 發表

當我與朋友傾談世事時,總是投機,論盡其態,結論就是做好自己與唔好理一笑置之

做人就是咁
傾就沒咩作用
都係訴說心意

有人同自己一樣係好好

作者: 御狩犽ζ楓閣 時間: 09-10-23 06:56 PM

原帖由 風在隨空飄舞 於 09-10-23 06:54 PM 發表

做人就是咁
傾就沒咩作用
都係訴說心意

有人同自己一樣係好好

盡是獲益良多

作者: 風在隨空飄舞 時間: 09-10-23 07:02 PM

原帖由 御狩犽ζ楓閣 於 09-10-23 06:56 PM 發表

盡是獲益良多

或者我太自我中心
好難搵到咁既朋友

作者: 御狩犽ζ楓閣 時間: 09-10-23 07:05 PM

原帖由 風在隨空飄舞 於 09-10-23 07:02 PM 發表

或者我太自我中心
好難搵到咁既朋友

呢個POST開左咁耐,都係得幾個人回,呢種POST係聊版真係生存價值極低

作者: 風在隨空飄舞 時間: 09-10-23 07:13 PM

原帖由 御狩犽ζ楓閣 於 09-10-23 07:05 PM 發表

呢個POST開左咁耐,都係得幾個人回,呢種POST係聊版真係生存價值極低

從來不介意

我經常睇人都係咁
唔岩既人不相干

都係等知音
好似而家得2個都冇咩所謂

作者: 御狩犽ζ楓閣 時間: 09-10-23 07:16 PM

原帖由 風在隨空飄舞 於 09-10-23 07:13 PM 發表

從來不介意

我經常睇人都係咁
唔岩既人不相干

都係等知音
好似而家得2個都冇咩所謂

可能我覺得多D人,個辯術結果會好D

作者: 風在隨空飄舞 時間: 09-10-23 07:19 PM

原帖由 御狩犽ζ楓閣 於 09-10-23 07:16 PM 發表

可能我覺得多D人,個辯術結果會好D

多人真係好既
可以引發多角度

不過又如你所講
呢度好難

頭先睇你篇文果時
我覺得寫得唔差

幾像真

作者: 御狩犽ζ楓閣 時間: 09-10-23 07:21 PM

原帖由 風在隨空飄舞 於 09-10-23 07:19 PM 發表

多人真係好既
可以引發多角度

不過又如你所講
呢度好難

頭先睇你篇文果時
我覺得寫得唔差

幾像真

真人真事黎

岩岩搭地鐵返屋企就好多感觸

作者: 風在隨空飄舞 時間: 09-10-23 07:27 PM

原帖由 御狩犽ζ楓閣 於 09-10-23 07:21 PM 發表

真人真事黎岩岩搭地鐵返屋企就好多感觸

唔知添
我意思係感受
篤中左

作者: 御狩犽ζ楓閣 時間: 09-10-23 07:29 PM

原帖由 風在隨空飄舞 於 09-10-23 07:27 PM 發表

唔知添
我意思係感受
篤中左

比版主高亮左希望多D人睇完可以反思下啦......

作者: Mr.Cc 時間: 09-10-23 07:34 PM

時下青年對肢體﹑外貌﹑皮膚等與自己有稍微差別的人

都對他抱住這些心態–骯髒﹑異類﹑怪物﹑人渣﹑影響市容的人等。

令到有缺陷的人難以在社會上立足，亦彷彿逼到他們到永無番生的餘地……

很討厭這些對別人有偏見的人，覺得他們都毫無知識可言。

這些痛或缺陷又不會傳染的，究竟怕甚麼呢？

抑或認為自己身體上比他們稍微優越，然而就要嘲笑﹑侮辱他們？

實在可恥亦可悲也。

中國人上千年文化漸漸的退化真感到惋惜……

孔子所說的「仁者愛人」，不分尊卑貴賤，泛愛大眾。

類似的話跟時下年青人說，只會當你白痴﹑瘋子，

有時真的想跟同學討論一番，但讀了十多年書都找不到個有文化，

懂得何謂「仁」何謂「誠」的人，可謂心灰意冷了

作者: 御狩犽ζ楓閣 時間: 09-10-23 07:36 PM

原帖由 Mr.Cc 於 09-10-23 07:34 PM 發表
時下青年對肢體﹑外貌﹑皮膚等與自己有稍微差別的人

都對他抱住這些心態–骯髒﹑異類﹑怪物﹑人渣﹑影響市容的人等。

令到有缺陷的人難以在社會上立足，亦彷彿逼到他們到永無番生的餘地……

很討厭這些對別 ...

當你同同學爭論既時侯,就會發覺而家D人最叻係將歪理當真理

作者: Mr.Cc 時間: 09-10-23 07:42 PM

原帖由 御狩犽ζ楓閣 於 09-10-23 07:36 PM 發表

當你同同學爭論既時侯,就會發覺而家D人最叻係將歪理當真理

嗯，我認識的同學既爭辯內容都係一堆粗口，甚麼問候對方娘親呀，

今日放學小心，我派人接你呀等等

爭辯我覺得係件好事，可以將自己既想法表達出黎，

過程中可以吸收對方正確既觀念，意見等

但時下青年既辯論方法……唉

作者: 御狩犽ζ楓閣 時間: 09-10-23 07:44 PM

原帖由 Mr.Cc 於 09-10-23 07:42 PM 發表

嗯，我認識的同學既爭辯內容都係一堆粗口，甚麼問候對方娘親呀，

今日放學小心，我派人接你呀等等

爭辯我覺得係件好事，可以將自己既想法表達出黎，

過程中可以吸收對方正確既觀念，意見等

但時下青年 ...

爆粗唔係一個問題,但係唔可以以粗口做論點去說服他人

以粗口作話句支撐者,皆為詞窮

作者: Mr.Cc 時間: 09-10-23 08:04 PM

原帖由 御狩犽ζ楓閣 於 09-10-23 07:44 PM 發表

爆粗唔係一個問題,但係唔可以以粗口做論點去說服他人以粗口作話句支撐者,皆為詞窮

嗯，口吻係點唔係最主要既成因，我覺得現代年青人，最重要係缺乏仁德，缺乏愛 ( 不是愛情的愛 )

而易於遷怒﹑怨恨別人，亦都不會用禮來約束自己，然而自己便重覆犯同樣的錯誤。

只要懂得「仁者愛人」先係君子既所為。 ( 睇論語學返黎 )

而佛陀都話，要時刻保持覺醒，知道自己做甚麼，講甚麼，想甚麼，諗清自己做既每樣事。

作者: z型仔z 時間: 09-10-23 08:18 PM

呢種情況不嬲已經有-.-無論任何時代,世界各地

聖經入面話,人們見到麻瘋病人,外貌奇形怪相之人都會敬而遠之

雖然你件事果個人可能冇傳染病,但係有所害怕唔係人之常情咩?

你肯行埋去只係你品德好,唔係人地冇文化教育

[ 本帖最後由 z型仔z 於 09-10-23 08:21 PM 編輯 ]

作者: kwoklap 時間: 09-10-23 08:21 PM

thx for sharing

作者: 御狩犽ζ楓閣 時間: 09-10-23 08:22 PM

原帖由 z型仔z 於 09-10-23 08:18 PM 發表
呢種情況不嬲已經有-.-無論任何時代,世界各地

聖經入面話,人們見到麻瘋病人,外貌奇形怪相之人都會敬而遠之

雖然你件事果個人可能冇傳染病,但係有所害怕唔係人之常情咩?

你都識講聖經入面,聖經既年代同而家既年代已經唔同

我一開頭都話

我在短短地四個站程,我感到人們的膚淺與思想的腐朽,他們仍著以原始部落的思想,把這種天生的殘疾看似魔星降世,天滅世人的怪物,魔鬼。

但又何需上下打量數次

同埋文化教育唔單指係學識,而係品格既誘導

你都識講我品德比較好,但係同在一個香港學習讀書,點解會有咁大分別?

[ 本帖最後由御狩犽ζ楓閣於 09-10-23 08:24 PM 編輯 ]

作者: z型仔z 時間: 09-10-23 08:24 PM

關於青少年出賣身體(援交)問題,有一條友講得幾好..

援交是絕對值得鼓勵的！援交的性質是甚麼？只不過是一男一女（或者兩男、兩女之間－－假設是最平常的援交方式）互相作對等的交換，一個要服務，一個要錢，你情我願之下互相交易而已。他們的交易是自己的私人事，交易本身會對雙方都產生更大利益，從而產生更多價值，交易是在彼此都神志清醒、清楚了解服務的條件和責任義務後所進行，沒有不公平的成份，而兩人間的交易也沒有對第三方造成任何損害－－那麼這就是正當兼合情合理的交易，而且是對各方面都有好處的交易。

交易的結果，是客人得到心儀的服務，寂寞的少男之心 / 芳心得以填充，戀愛交往等需要得以滿足，幸福指數上升，也更有動力去完成生活的其他責任；而業者本身則得到需要的金錢，得以緩解財政壓力，處理生活需要，只要對他們而言援交的付出相對於所得是值的（自願交易本身已確保了這點），則他們也是賺了。像這樣的交易，需貨與需銀者各得所需，交易雙方都有賺，更有助促進社會整體幸福，間接提升社會生產力。絕對是值得鼓勵的。

有論者指援交是不值得鼓勵，因為是「不道德」的。那麼他們必須指出援交「不道德」的理據。我向豬肉榮買叉燒，這是公平兩願且無傷各方的交易；你如果硬要說這交易是「不道德」的，那舉證其「不道德」的責任是在於你。理據呢？理據在哪裡？

你說「因為社會好多人都看援交不爽啊」，這是不是「不道德」的理據呢？如果社會上很多人看著我幫豬肉榮買叉燒，內心都覺得「不爽」，是不是表示我在與豬肉榮進行「不道德交易」？

你說「援交是出賣自己肉體的行為」？我姑且假設你所講的援交當中牽涉性行為，但出賣肉體又有甚麼問題？為甚麼不道德？說準確一點，援交沒有「出賣」了自己肉體，只是「以自己肉體作手段，藉令客人產生性滿足」。那麼清潔工呢？他們「以自己肉體作手段，產生勞動力去令街道變得清潔」，難道他們清潔不需要借助肉體的力量？那清潔工也同樣的「不道德」嗎？

你說「援交是出賣自己感情的行為」？裝扮戀愛交往，明明沒有感覺，都虛偽的假扮得滿有感情，以這種戀愛經驗來服務對方？這樣的虛偽就不道德了嗎？警方的臥底也是在裝扮，虛偽地扮得對某社團很有歸屬感，那他們也是「不道德」？鎖售員、電視廣告中的明星，也裝扮得對產品很滿意，他們也是「不道德」？那還有甚麼行業是「道德」的？

你說「援交踐踏了人性的尊嚴」？這分明是個偽命題，你必須先清楚指出甚麼叫做「人性的尊嚴」，以及「踐踏」了這種「人性的尊嚴」有甚麼「不道德」之處，這是提出論據者的責任。

#

（一）：既是少男少女，自然未經人事。當中十之八九，更加是有生以來一直只在極狹窄的圈子（如一校之校園）活動，從未見過世面，不知世情複雜。一旦豁出去援交，他們必須接觸社會各行各業的人，並與其互動。這是對援交少艾的一個極大的生活衝擊，由接觸不同的人物，他們會學習到很多相處的學問，世界觀和人生觀也會擴闊，藉著與他人交流，更豐富了自己的生活圈子。他們亦由原本單調乏味的校園生活，走進了多元五彩的社會生活。這是在校園中絕不能得到，也是在書本中絕不能學到的寶貴人生經驗。這些寶貴人生經驗會陪伴這些少男少女成長，永遠留在他們的記憶。他們甚至會有將來跟子女分享這些寶貴經歷的時候，我並不相信他們會覺得寧願不曾經歷。

（二）：少男少女本來性經驗不多，但一旦下海，會發現世間之多種多元，瞬間歷盡滄桑。無可否認，性慾是人最深潛而又最顯現、最野性而又原始、而且驅動力最大的慾望，這種慾望的性質無可取代，這種慾望的滿足同時也無可取代。這種慾望的滿足，更不止於一些扮作道貌岸然的人所講的動物性的、肉體的滿足，而是某種自我體現，將內心最深潛、最壓抑的一面無遺表露展現的方式。

現代人被教育機器及圓形監獄等各種手段馴化，因而性壓抑特別大，佛洛依德說明人類每個人都因性厭抑而成了精神病的患者，不無根據。援交業者可以藉著從業，去探索自己的身體，並不時宣泄出潛藏而壓抑的種種慾望，這種歡愉是超乎肉體，並與人的精神世界相合。這種歡愉更是雙向的，宣泄的同時也幫助對方的宣泄當中，舒緩了對方的壓抑並直接感受這點，因此有著雙重的舒緩。自願而慣性的援交極少造成心理陰影，以此角度分析，不可能得不到這對他們的身心健康有幫助的結論。

（三）：二十一世紀的資本主義，往往人脈先行。人脈就是一種資本，其幫助更是決定性的。一個援交業者，除了因為從業而接觸大量不同的人，藉以瞭解世界的多元之外，他們還因此得到大量人脈。援交業者，尤是當中的少女，受歡迎的程度令人驚訝。她們因此而掌握的人脈是同齡少女的多少倍，可想而知。

客戶當中如有刻意欲討好她們的專業人士，那對她們的前途絕對有幫助。誰知道她哪位客戶將來會成為她的貴人？援交少女所能見的人，更可能是各行各業之冠，從來沒有一個行業的供求比例出現如此大的落差，隨意一個援交少女的帖短短幾日就有近幾十個回覆。只要加上一點技巧，任何少女業者都有掌握大量人脈的潛力。即使是少男，說不定也會有熟女客人傾囊相助。

（四）援交業者正值少艾，從未有自己的一盤生意，除特別進取者外，多數對交易、理財等概念粗疏。但一旦從業，面對的便是一個弱肉強食的自由市場。這可能是他們有生以來進入市場的第一站，也是第一個挑戰。當中他們可從大量客戶身上，學習並親歷各種議價、詭詐、出口術等等的交易技巧。將來一涉足社會，他們比誰都更有經驗。銷售之術是這社會最需要的一種技能，如果他們已有大量經驗去領先一步，面試一到豈不能盡顯識見？當其他的少男少女，還不知道自由市場是甚麼一回事的時候，他們已經圓熟得像一個老練成人。

http://hk.knowledge.yahoo.com/question/question?qid=7009092701959

作者: 御狩犽ζ楓閣 時間: 09-10-23 08:25 PM

原帖由 z型仔z 於 09-10-23 08:24 PM 發表
關於青少年出賣身體(援交)問題,有一條友講得幾好..

援交是絕對值得鼓勵的！援交的性質是甚麼？只不過是一男一女（或者兩男、兩女之間－－假設是最平常的援交方式）互相作對等的交換，一個要服務，一個要錢，你 ...

可能我對性行為呢樣野比較保守

作者: 泠小羽 時間: 09-10-23 09:00 PM

文化教育?..

沒有了吧

作者: 123456789=.= 時間: 09-10-23 09:09 PM

都見慣晒啦,,,,,

e家係咁家啦....

e家d細路冇家長教....

老師又驚教左比家長話...

2邊都唔教就出左e d咁既人....

睇下幾時d唔到10碎既女仔都要扲lv...做潮童....

作者: 清君 時間: 09-10-23 09:52 PM

其實老實講,呢d似係品德教育多過文化教育

另.

開首已見病句
經過一天的辛勞,(漏主語:我)挺著腰踏上歸家路,(應作。)在人來人往,你擠我擁的地鐵站,而且是露天加上今天天氣略熱(語意不通),(誰?)汗流透背,滿不好受。

看看(應加上指)示板,下(缺一字)班車快到,心感脫難,終於有冷氣(書面語應作空調)給予降溫。

我沒多給他打量數眼,因為我知道承受著那份目光的揪心感有多難堪。真正原因,的確是同理心嗎?從前面動作,我沒太見得

我懦弱(何懦弱之有?)的繼續看書,心感(應作感到)嘔(應作噁)心,嘔心的並非他病句

基本上沒太大問題,只不過有些地方用的比喻不太妥當,而且過於修飾誇張了

作者: 特特﹏＊ 時間: 09-10-23 10:41 PM

道德.倫理教育比學術教育更重要

好文共賞

作者: xonxon 時間: 09-10-23 10:46 PM

好羨慕你有一手咁好既文筆

作者: kath 時間: 09-10-23 11:23 PM

樓主d中文咁好,就應該得閒發多d帖,淨化下哩到啦

文化有好多種,而家哩兩個字更加係畀人濫用
統稱為文化教育就令人好難明白
強抽水的話又會指到去中國人劣質品行
應該不屬你原意

作者: 御狩犽ζ楓閣 時間: 09-10-24 11:11 AM

原帖由清君於 09-10-23 09:52 PM 發表
其實老實講,呢d似係品德教育多過文化教育

另.

開首已見病句
經過一天的辛勞,(漏主語:我)挺著腰踏上歸家路,(應作。)在人來人往,你擠我擁的地鐵站,而且是露天加上今天天氣略熱(語意不通),(誰?)汗流透背,滿不好受 ...

感謝提點

作者: DDQQQ 時間: 09-10-24 11:14 AM

屌
擺埋D無聊野上來

作者: 亦菲 時間: 09-10-24 11:18 AM

文化教育?何文化之有?何教育之義?

just a shit world

作者: 御狩犽ζ楓閣 時間: 09-10-24 11:20 AM

原帖由亦菲於 09-10-24 11:18 AM 發表
文化教育?何文化之有?何教育之義?

just a shit world

哈哈,笑了

兩句野相映成趣

作者: 不知不覺的 時間: 09-10-24 11:28 AM

原帖由 御狩犽ζ楓閣 於 09-10-23 06:19 PM 發表
經過一天的辛勞,挺著腰踏上歸家路,在人來人往,你擠我擁的地鐵站,而且是露天加上今天天氣略熱,汗流透背,滿不好受。

看看示板,下班車快到,心感脫難,終於有冷氣給予降溫。

列車緩緩地靠站,透過玻璃的反射,我略略整 ...

ed係本能.....唔通見佢有病重痴埋去.....重有你話人地蔑視佢.....你又知係蔑視佢?見到有病既人外觀令人覺得唔舒服,本能都會唔想行埋去....裝模作樣咁企響佢面前d人,比醜陋既群眾更醜陋.....
你e+打篇野出黎話比人聽,咁你既focus都係對左去果個有病既人身上.....你本能話比你聽e個人有病......但係你"迂腐"既思想迫你企去佢格離就覺得自己....孔乙己.....

作者: 孤獨。軒 時間: 09-10-24 12:03 PM

跟漁翁的故事一樣..

作者: kath 時間: 09-10-24 12:19 PM

原帖由 不知不覺的 於 09-10-24 11:28 AM 發表

ed係本能.....唔通見佢有病重痴埋去.....重有你話人地蔑視佢.....你又知係蔑視佢?見到有病既人外觀令人覺得唔舒服,本能都會唔想行埋去....裝模作樣咁企響佢面前d人,比醜陋既群眾更醜陋.....
你e+打篇野出黎話比人 ...

自覺偉大的人,就已經是一個不偉大的人

滿身瘤可以係真係有病,而且係一種傳染病. 只係坐埋去顯得自己曾受「教育」,結果自己染病,四方傳染他人,仲叫人唔好企視自己,會是很奇怪的一種想法

不久以前,遠東某文化強國有一名醫生,得悉自己染上一種不知名,當時還不能醫治的惡疾,他逃到香港,結果造成浩劫 -- 這個文化強國又強到哪裏去?
香港人亦從此對只是一聲咳,而沒戴口罩的人,都會報上鄙視的眼光,這可能是一種更正確的態度

[ 本帖最後由 kath 於 09-10-24 12:29 PM 編輯 ]

作者: 介_法拉利 時間: 09-10-24 12:29 PM

原帖由 不知不覺的 於 24-10-2009 11:28 發表

ed係本能.....唔通見佢有病重痴埋去.....重有你話人地蔑視佢.....你又知係蔑視佢?見到有病既人外觀令人覺得唔舒服,本能都會唔想行埋去....裝模作樣咁企響佢面前d人,比醜陋既群眾更醜陋.....
你e+打篇野出黎話比人聽,咁你既focus都係對左去果個有病既人身上.....你本能話比你聽e個人有病......但係你"迂腐"既思想迫你企去佢格離就覺得自己....孔乙己.....

ed係本能.....唔通見佢有病重痴埋去
大家都係人, 企埋去總對唔會有問題, 唔該唔好將所有有病既人歸納去"異類"

重有你話人地蔑視佢.....你又知係蔑視佢?
大家都知道係咩情況下會對一個人"上下打量",
善意既打量(見到靚仔/靚女)同非善意既打量(衣著/行為/樣貌怪異),
既然見到個"異類", 咁人既"本能反應"一定會係覺得佢係怪人, 咁既打量眼神, 就算唔係蔑視, 亦都係不懷好意

見到有病既人外觀令人覺得唔舒服,本能都會唔想行埋去....裝模作樣咁企響佢面前d人,比醜陋既群眾更醜陋.....
外觀令你唔舒服, 你既"本能"只係會唔想望佢, 而唔會控制到你雙腳自己咁避開佢
企係呢位病者隔離有既"裝模作樣"? 總好過d因為"本能反應"而令到本已逼得水洩不通既車廂更加擠擁

你e+打篇野出黎話比人聽,咁你既focus都係對左去果個有病既人身上
呢篇野只要談及（評批）既對象係果班因為"本能反應"而上下打量/自動彈開既乘客
果位病者只係一個誘因, 而唔係作者focus既對象, 請攪清楚

你本能話比你聽e個人有病......但係你"迂腐"既思想迫你企去佢格離就覺得自己....孔乙己.....
點解你知道作者係因為"迂腐"而硬住頭皮/扮曬蟹咁企埋去?
只要唔當果位病者係"異類", 你都可以若無其事咁企係佢隔離
但係你既"本能"話俾你聽, 佢係"有病", 企埋去會"唔知點", 所以彈開
你既"本能"已經標籤左呢位病者, 簡單d講, 係歧視既一種
當一位樣貌怪異既病者係普通人咁企係佢隔離, 原來係等於迂腐
呢種新潮思想的確係令人茅塞頓開

[ 本帖最後由介_法拉利於 09-10-24 12:30 PM 編輯 ]

作者: 【翔少】 時間: 09-10-24 12:38 PM

香港人...

作者: 御狩犽ζ楓閣 時間: 09-10-24 12:42 PM

原帖由 不知不覺的 於 09-10-24 11:28 AM 發表

ed係本能.....唔通見佢有病重痴埋去.....重有你話人地蔑視佢.....你又知係蔑視佢?見到有病既人外觀令人覺得唔舒服,本能都會唔想行埋去....裝模作樣咁企響佢面前d人,比醜陋既群眾更醜陋.....
你e+打篇野出黎話比人 ...

如果人類只跟本能去生活的話,根本無"科技"這種東西

作者: 介_法拉利 時間: 09-10-24 12:49 PM

原帖由 御狩犽ζ楓閣 於 24-10-2009 12:42 發表

如果人類只跟本能去生活的話,根本無"科技"這種東西

只講"本能", 根本同野獸無分別

作者: kath 時間: 09-10-24 01:14 PM

原帖由 介_法拉利 於 09-10-24 12:49 PM 發表

只講"本能", 根本同野獸無分別

中國人最大o既本能就係要食,某程度上比野獸更差

中國生態災難　每年殺 70萬人
http://hk.apple.nextmedia.com/te ... amp;art_id=13346812
為吃野味不擇手段　播鳥聲誘珍禽雷州捕殺百萬候鳥
http://hk.apple.nextmedia.com/te ... amp;art_id=13346952

在動物世界爭地盤,牠們會互相搏擊,但卻不會殺死對方,中國人就會以自己的生存去謀殺同胞
虎毒不吃兒,中國人有三聚氰胺奶粉
越講仁義禮教o既文化強國,就正正是因為他們的獸性本能極強

p.s.哩d新聞每日都有,已經令人質疑仲算唔算係「新」聞

作者: 不知不覺的 時間: 09-10-24 08:01 PM

原帖由 御狩犽ζ楓閣 於 09-10-24 12:42 PM 發表

如果人類只跟本能去生活的話,根本無"科技"這種東西

只需要"平衡"
你唔覺得自己帶左面具唔自然咩?
只要你順住本能行動而唔傷害或最低既傷害人就夠......有人講得好岩,e個世界唔會有一定既事,就算你企埋去都唔會係一定唔係歧視,唔會一定係唔會傷害到人,唔會一定係高道德水平....
只不過我覺得你咁做,唔會係比果d人道德高...
響另一個角度,果個有病既人點解又唔諗下佢會影響其它人情緒,唔諗下可能會傳染人,唔帶面紗出街呢?

作者: 不知不覺的 時間: 09-10-24 08:02 PM

原帖由 介_法拉利 於 09-10-24 12:49 PM 發表

只講"本能", 根本同野獸無分別

但係你亦需要"本能"

作者: 介_法拉利 時間: 09-10-24 08:06 PM

原帖由 不知不覺的 於 24-10-2009 20:02 發表

但係你亦需要"本能"

本能係需要, 但人類唔係以本能作為所有行動既依歸

作者: 不知不覺的 時間: 09-10-24 08:15 PM

原帖由 介_法拉利 於 09-10-24 08:06 PM 發表

本能係需要, 但人類唔係以本能作為所有行動既依歸

正是唔係以本能作為所有行動既依歸,只需要你見到有病既人唔洗理,覺得唔舒服就響唔傷害或最低傷害人地既情況下令自己舒服就夠....
你一篇完全否定我既思想既文,都唔會令自己有更深既領悟.....

作者: 舊記憶 時間: 09-10-24 08:20 PM

我自問唔會岐視同閉忌
但我身邊d fd,全部都冇我呢種思想

作者: cheungchunyu 時間: 09-10-24 08:26 PM

我在短短地四個站程, 錯字
看似像是大學生病句
一看到他便上下打量數眼,然後毫不猶豫地鐨進兩邊人群病句
我懦弱的繼續看書病句

作者: kath 時間: 09-10-24 08:35 PM

原帖由 cheungchunyu 於 09-10-24 08:26 PM 發表
我在短短地四個站程, 錯字
看似像是大學生病句
一看到他便上下打量數眼,然後毫不猶豫地鐨進兩邊人群病句
我懦弱的繼續看書病句

病係邊到?

作者: cheungchunyu 時間: 09-10-24 09:10 PM

原帖由 kath 於 09-10-24 08:35 PM 發表

病係邊到?

我在短短地四個站程, 錯字
看似像是大學生                            看似,像是重複意思~
一看到他便上下打量數眼,然後毫不猶豫地鐨進兩邊人群                                  意思錯,怎樣會去兩邊
我懦弱的繼續看書                                  形容訶用錯

[ 本帖最後由 cheungchunyu 於 09-10-24 09:12 PM 編輯 ]

作者: kath 時間: 09-10-24 09:54 PM

原帖由 cheungchunyu 於 09-10-24 09:10 PM 發表

我在短短地四個站程, 錯字
看似像是大學生看似,像是重複意思~
一看到他便上下打量數眼,然後毫不猶豫地鐨進兩邊人群意思錯,怎樣會去兩邊
我 ...

語意重複哩個問題而家好多所謂「作家」都有
懦弱係指佢心有不甘,但卻不敢痛斥人群,只好繼續看書,當中省去好多字眼,令語句變得簡潔. 若果唔咁寫,可以點令到文句做到簡潔o既效果,同時表達到哩個意思?

佢o既行文非常近似而家d年輕作家,但係哩個語文糞池o黎講,已經叫做上品

作者: 九軒葵 時間: 09-10-24 10:55 PM

的確不算上品, 但那些在文化界沒有生產力的人說這麼多也沒有用
這只是即興隨筆吧？難道要double check, 然後交給老師改完再給你看嗎？

作者: 異地遊人 時間: 09-10-24 10:58 PM

而家2kfun 文化水平愈黎愈高
高水平作品同捉文法變成主流
冇一同我一齊開膠post了

作者: 御狩犽ζ楓閣 時間: 09-10-24 11:02 PM

隨筆作品何需認真,而且文中段句意思,並非為了特顯本人文法的鬆散與愚拙。

作者: monstering 時間: 09-10-24 11:04 PM

好文....自認自己寫不出

作者: kath 時間: 09-10-24 11:06 PM

原帖由 異地遊人 於 09-10-24 10:58 PM 發表
而家2kfun 文化水平愈黎愈高
高水平作品同捉文法變成主流
冇一同我一齊開膠post了

捉中文文法錯誤係禾帶起的
無理由畀d明明英文唔係好,又唔睇人原文就走去捉人文法錯處o既高質會員威哂o架嗎
中文都未寫好就嘈嘈閉,點得咁呢

作者: ↑┌丫eung┘↓ 時間: 09-10-25 12:29 AM

ｕｍ．．．首先, 文章前部份修辭不當, 情感造作
不明白"期待車門打開的那陣寒風。"
又會"那陣寒風亦無情地打在我的雙頰"
還有的不說了

那你亦如其他人一樣
只是站左一邊觀看而已
分別在於盯著他時間的多少

有缺憾的, 在意的不是別人的同情
而是他人公平,如常的對待

那你, 經過這一次經歷後, 除了指責和不忿
你有否想過你能為那類人付出什麼嗎?

作者: ↑┌丫eung┘↓ 時間: 09-10-25 12:32 AM

啊, 原來已被人抓了錯處
對不起. 我沒有看過以前的post

作者: 新手= 時間: 09-10-25 02:38 AM

世風日下
遲下就會變見慣不怪0.0

作者: yaaaa 時間: 09-10-25 11:04 AM

這篇算不上上品我同意當然我指的是文筆
小小o既一偏隨筆文筆唔需要太講究
只係立意好好
而家d年青人..我認我地係唔爭氣
就用返地鐵站為例..莫講樓主o既悲壯故事
其實就連基本o既先讓乘客落車都做唔到
我都係年青人
當然我唔吹雞唔吸毒唔名牌亦都唔自殺
而慶幸我朋友都無以上行為

係我認我對年青人,我o既同輩有失望
但我自己又何嘗唔係有缺憾?有邊個會係完美?
所以我仍然抱有希望
因為若果連同輩都唔支持同輩
點樣將迷走o既青年拉回來?

作者: 不知不覺的 時間: 09-10-25 12:21 PM

明明講緊件事點解會變左講文法.....d膠post無聊,講得多都覺悶啦,ed幾好呀,講下生活小事啟發下思考.....

作者: 御狩犽ζ楓閣 時間: 09-10-25 12:59 PM

自問中文水平不佳,隨筆亂寫錯處多

有人捉錯處同時亦了解到文章意思,有作回評
有人純粹捉完錯處,就話句句病句,有D就話123句係病句,有D就話456句係病句,講下講下,成篇野都變成豬流感

寫得簡潔D比你地睇得舒服D又話病句,唔通要我寫到咁?

今天我拾到一個表面積X CM^2,側面積Y CM^2,底面積Z CM^2的擦字膠。

寫得長又話唔想睇,簡潔D又話病句缺字

唔通呢到只適合口語文+6-7個字就一句屌,西,鳩,撚,柒最後主旨係幸災樂禍既先會多人睇多人回主題想講既野?

作者: Mr.Cc 時間: 09-10-25 01:46 PM

原帖由 yaaaa 於 09-10-25 11:04 AM 發表
這篇算不上上品我同意當然我指的是文筆
小小o既一偏隨筆文筆唔需要太講究
只係立意好好
而家d年青人..我認我地係唔爭氣
就用返地鐵站為例..莫講樓主o既悲壯故事
其實就連基本o既先讓乘客落車都做唔到
我都 ...

其實呢一代既行為咪又係上一代某D文化/思想流傳落黎.....

好多國家/城市都好有文化/教養，但點解香港會咁..?

相信係科技﹑教育質素﹑環境因素等等所影響和思想漸漸變得惡劣……

作者: Mr.Cc 時間: 09-10-25 01:51 PM

原帖由 御狩犽ζ楓閣 於 09-10-25 12:59 PM 發表
自問中文水平不佳,隨筆亂寫錯處多

有人捉錯處同時亦了解到文章意思,有作回評
有人純粹捉完錯處,就話句句病句,有D就話123句係病句,有D就話456句係病句,講下講下,成篇野都變成豬流感

寫得簡潔D比你地睇得舒服D又 ...

文法呢D就不予置評

但下次最好交代清楚論點﹑論據等等

文化教育....咩文化先??

唔係就有機會搞到人亂哂...唔知討論D咩

又講本能又讀書又知識又驚有傳染痛咁...............

作者: ~Jason~ 時間: 09-10-25 02:29 PM

在交通工具上親身經歷帶出主題歧視,
樓主的文章其實我都認同
香港表面上是國際都市,號稱世界上最自由社會之一,
但唔好以為香港人好有文化,好有水準
香港人內裡其實大部分人的思想都很自私,保守,歧視目光,(以樓主寫的文中內裡的人和事作為例子)
每一個人出世, 四肢健全, 無病無痛, 並不是必然的
健全的只是比較幸運,世界又有幾多不幸?
健全的人當然不會了解,亦不會明白,
其實不要求作共獻予弱勢社群
起碼連收起歧視的眼光都做不到,上下打量, 閃閃縮縮 ,「彈開晒」,想都想像都當時擺出一張嘴面
我只可以咁講,這樣做只顯得佢地醜陋
我相信樓主是當時環境中最沒有刻意孤立他的人,
我不可能講樓主的行為好高尚,但你沒有歧視目光,不會將人分門別類,是優點=]

作者: s115741 時間: 09-10-25 02:35 PM

一定要做好自己,不好用歧視的眼光去看人

作者: 異地遊人 時間: 09-10-25 02:38 PM

原帖由 ~Jason~ 於 09-10-25 16:29 發表
在交通工具上親身經歷帶出主題歧視,
樓主的文章其實我都認同
香港表面上是國際都市,號稱世界上最自由社會之一,
但唔好以為香港人好有文化,好有水準
香港人內裡其實大部分人的思想都很自私,保守,歧視目光,(以樓主 ...

淨係香港?
呢個世界有地方冇歧視?
白人歧視有色人種, 就算你返到大陸, 大家中國人, 上海大把人同樣歧視鄉下人
有錢人睇唔起窮人, 窮人又睇唔順有錢人
只要有唔同就有歧視

[ 本帖最後由異地遊人於 09-10-25 04:41 PM 編輯 ]

作者: yaaaa 時間: 09-10-25 02:43 PM

原帖由 Mr.Cc 於 09-10-25 01:46 PM 發表

其實呢一代既行為咪又係上一代某D文化/思想流傳落黎.....

好多國家/城市都好有文化/教養，但點解香港會咁..?

相信係科技﹑教育質素﹑環境因素等等所影響和思想漸漸變得惡劣……

你舉o既影響科技教育質素同環境真係中晒point..
科技..網上o既發展 ...由於小朋友由細到大都覺得發言唔需要負責..自己禍從口出..
而另外教育質素..唔比打唔比鬧...學生似老闆..為咩?你年青人剪個頭髮都好似要佢食屎咁..
環境...我會睇係家庭環境..過度愛子女..造成反面效果...

作者: ~Jason~ 時間: 09-10-25 02:45 PM

原帖由 異地遊人 於 09-10-25 02:38 PM 發表

淨係香港?
呢個世界有地方冇歧視?
白人歧視有色人種, 就算你返到大陸, 大家中國人, 上海大把人同樣歧視鄉下人
有錢人睇唔起窮人, 窮人又睇唔順有錢人

我不是說了以樓主文中的人和事作例子嗎?
我不打算同其他地方比較
第一我只在香港生活.,我是香港人,所以我只想切身處地的討論香港社會
第二我不隨意比較和批評其他民族,好無意義 ,我沒有接觸過,生活過他人地方, 我沒有資格隨隨便便就批評

作者: 禮哥仔 時間: 09-10-25 05:30 PM

我覺得係度詛咒黑暗不如燃燒自己呢個世界係唔公平有得怨冇得出聲唯有將自己做到最好比人話咪比人話對得住人對得住自己就心安理得
其實我都算比你提果個人幸運我有自己的朋友老婆唉真係不該怨自己黑暗呢希望大家將來係一個狡詐的好人祝你地前途無限

[ 本帖最後由禮哥仔於 09-10-25 05:41 PM 編輯 ]

作者: 258745 時間: 09-10-25 10:28 PM

大佬開POST,我E家先知

作者: ★藤原拓海★ 時間: 09-10-25 11:42 PM

街上被人望兩望便「吹雞」

成日都係咁

好煩

o的mk仔成日好似唔比人望咁

望多佢幾秒就問人望乜野

答佢又驚打交我怕痛

究竟我應該點做?

作者: 白癡的星星 時間: 09-10-26 02:55 AM

捉文法那些未知原意是否希望樓主有所改進？
無謂雞蛋裹挑骨頭吧

雖然唔知我觀點有無錯
但係我都係希望把我既諗法講出黎
我覺得"街上被人望兩望便「吹雞」" "望多佢幾秒就問人望乜野"
呢d野其實係年青人收到遊戲既影響
我指既遊戲唔係壞事做盡既GTA或者滿足欲望的18禁遊戲
而係多到離曬大譜通街都汁到隻既online game
而家有邊隻online game無PvP系統？
以三年前既"墨香"為引例
當中有個強制PK系統玩家稱之為"開紅"
作用就係可以無需理會對方既意願立刻攻擊對方
呢個功能好快就被濫用…
一見應為對方"唔順眼""想打佢""想搶佢野/經"就立刻把對方殺死
若果是心智成年人當然沒有問題
但若果換作是心智未成熟的小童或青少年呢？
在5 6年前「吹雞」這兩字只會在黑社會片聽見
等是由於olg是鼓勵人們多交流的遊戲
所以公會這功能絕不能缺少
但是當玩家所操控的角色被別人殺了
他們心中只希望有誰可以幫他"出頭"
結果公會便成了一個類三合會的地方
加入這公會是為了不被其他玩家殺/欺負
被殺的時候也可以有誰可為我出頭
兩位玩家的小誤會隨時會演變成兩個公會的問題
這些做法不是把公會原意扭曲了嗎？
但是公會也不是萬能
解決不了或敗了的一方經常也"輸不起"
把問題放上討論區處理
這些行為不是跟"街上被人望兩望便「吹雞」" "望多佢幾秒就問人望乜野"沒有差別嗎？
然而這歪風沒有停止
慢慢地吹向其他地方
到了現在
你隨意進入一些比較"HIT"的討論區中
有哪個沒有抹黑什麼團或挑起罵戰的貼子？
好像離題了
以上我所希望表達的只是遊戲對年輕人的影響
這些因數我相信老師也解決不了
始終你不可以控制兒童放課後的自由吧？
另一方面
我應為家長也很不負責任
對著自已的孩子"爆粗"
不好好監管自已的孩子
不理會自已的孩子交什麼朋友
這些不是你們的責任嗎？
讓孩子到網吧吸著兩手煙/煙爆著粗玩意識不良的網上遊戲
到最後學壞了這不是你們的責任嗎？
只會把自由掛在口邊
當孩子說被欺負了
便不管真相對對方破口大罵
根本連做父母的資格也沒有
老師們
你們更是大罪的一眾
上課時大大聲的"仆街"你可以沖耳不聞
聽到他們欺負同學時只要那被欺負的不救助便當沒有事情發生
只會"搵錢"
成績不連標便留班
直資學校的更加是為了錢可以想盡法子去留學生的班
你們真的是在"教育"孩兒嗎？
還是只是一句：「我都係打工者…」就算？

以上發言大多數也是以偏概全
浪費了你的時間真的對不起

作者: 雨後彩虹 時間: 09-10-26 07:03 AM

好多字唔想睇.........

作者: 秘月十六劍 時間: 09-10-26 07:56 AM

原帖由 不知不覺的 於 09-10-24 11:28 AM 發表

ed係本能.....唔通見佢有病重痴埋去.....重有你話人地蔑視佢.....你又知係蔑視佢?見到有病既人外觀令人覺得唔舒服,本能都會唔想行埋去....裝模作樣咁企響佢面前d人,比醜陋既群眾更醜陋.....
你e+打篇野出黎話比人 ...

睇完d留言..........屌 2kf咁多人咁撚清高既..........

作者: 神4～凌子峰 時間: 09-10-27 12:09 AM

要面對呢d腐朽既文化~從自己開始做起吧~加油!

作者: 雨後彩虹 時間: 09-10-27 12:16 AM

睇到一半就唔想睇太多字...

作者: 神．無極『改』 時間: 09-10-27 01:28 AM

我剩係驚d人唔乾淨/個身有味
通常冇咩野我都照企

作者: ║～丫健～║ 時間: 09-10-27 01:29 AM

文筆幾好.....

人就係一樣咁現實既動物...

作者: 〝爆哥〞 時間: 09-10-27 04:55 PM

見怪不怪

作者: 異地遊人 時間: 09-10-27 05:54 PM

原帖由 神．無極『改』 於 09-10-27 03:28 發表
我剩係驚d人唔乾淨/個身有味
通常冇咩野我都照企

黑鬼好多時有體臭
伊斯蘭人好多都有d 唔知咩味
人地一樣會好孤單, 好覺得你歧視的

作者: wwwker 時間: 09-10-30 03:20 PM

香港人太過保護自己,因為咁亦都慢慢變成自私..
而一般香港人保護自己的方法,就是無論如何,總之顯得不入流、怪相就先攻擊同批評先

香港人好多都係旁若無人,唔理人地感受..
我痛心的係,香港人一早已經養成左只睇表面,凡事批評的師奶性格
更加唔好講年輕一代的過份自我中心同埋不理後果既做事方法,
香港人如果有一樣野,成個香港已經可以改善好多
呢樣野就係容人之量

作者: kath 時間: 09-10-30 03:36 PM

原帖由 wwwker 於 09-10-30 03:20 PM 發表
香港人太過保護自己,因為咁亦都慢慢變成自私..
而一般香港人保護自己的方法,就是無論如何,總之顯得不入流、怪相就先攻擊同批評先

香港人好多都係旁若無人,唔理人地感受..
我痛心的係,香港人一早已經養成左只睇表 ...

容哩個字係香港被過份曲解
分別有「包容」「寬容」

一個自由o既社會就應該有唔同o既意見,唔同o既選擇
偏偏中國人只係薄得西學之皮毛,橘越准而枳,以致今日之局面,問題以不能收拾

歡迎光臨 2000FUN論壇 (https://www.2000fun.com/)