我都諗住去睇,不過見到咁多人比劣評都唔知點算好優[云十]劍出招華麗,港片來講特技唔錯,最尾都有講步驚雲跌落山崖留伏線
劣[天劍]無名變左大茄,[云十]劍命名表達唔到漫畫feel,搞到變左笑位
講真呢套野有好有唔好,都明白2個鐘,好難100%跟足原著,其實佢都唔係改得太離譜,
我覺得唔好o既地方: 一開場用字幕講絕無神入侵中原捉走d高手,跟住就見到無名同d武林人士俾人吊住哂,個幕一開始感覺上好似套戲已經做左一半,無睇過漫畫版真係唔知發生咩事!如果佢肯拍多廿零分鐘,講d人物關係,武林神話<無名>係咩人,咩係萬劍歸宗,可能會好d !話哂當時天劍都係一個重要角色,而家變左大茄真係<side>左少少!
[云十]劍命名個幕, 表達得唔好,搞到好多人都以為係gag位,我睇個場人人係度笑,其實漫畫版呢幕係好有氣勢同好型,漫畫好似有解釋點解讀[霸]字,好似係因為無名話步驚雲用既武功走剛猛霸道路線,所以讀[霸](因為10年前睇,唔記得係咪咁),早幾年台灣拍過電視劇版<風雲>,好似有個合理d解釋,簡體[云]字加打直一棟,意思係云=步驚雲, 打直一棟=絕世好劍,讀[霸]係因為步驚雲用既武功剛猛霸道,如果佢加番一兩句對白解釋,效果會好好多!
聶風入魔look似喪屍,佢可能想表達聶風既魔性,但我比較鍾意原著個冷酷look多d!
好o既地方:特技好,港產片來講真係算唔錯,當然同荷里活無得比,如果真係夾硬要比,留番d錢睇西片會好d!
[云十]劍出招華麗, 雖然佢只係整左[劍流雲]同[劍流痕],無左招[劍流星],但都覺得唔錯!仲有聶風魔刀都唔錯,同埋用刀氣殺楚楚個招(唔知係咪<冷刃冰心>?)都幾正 !
城城扮步驚雲真係幾有神韻(除左身高),尤其絕世好劍插地下,擺經典姿勢,真係正!如果加埋佢掌摑皇帝話:[我唔會因為你而放棄聶風]個幕仲正,可以突顯佢個份霸氣同桀驁不馴 !
最尾都有講步驚雲跌落山崖,留番伏線,雖然漫畫唔係因為山崩,救聶風同夢而跌落山咁簡單,但都意味會有可能拍第3集!
好多人都話結局步驚雲會死好失望,可以話俾大家聽漫畫入面都有跌落山呢幕,但佢會俾人救番,不過失憶12年,做左普通人,之後會恢復記憶,開始新一輯故事!同埋原著入面,楚楚唔係俾聶風殺,佢係俾一個叫斷浪既奸角殺死,但呢個應該係故事12年後既劇情!仲有好多人都話無左排雲掌同風神腿,其實佢地都有用到,不過無以前咁老土大叫<排雲掌>跟住再打一掌出來,去到漫畫後期都唔只用排雲掌同風神腿啦!
可能我本身睇過漫畫版,所以知佢講咩,覺得唔係咁差,我覺得值得去劇院睇,當然可以既的話,去租漫畫版睇左先入場會易明d
| 歡迎光臨 2000FUN論壇 (https://www.2000fun.com/) | Powered by Discuz! X1.5.1 |