2000FUN論壇

標題: 菲律賓保和島(bohol island)超hea6日6 夜旅行 [打印本頁]

作者: snoopy39 時間: 09-10-30 05:58 PM 標題: 菲律賓保和島(bohol island)超hea6日6 夜旅行

好耐都無去旅行啦,突然發現宿霧太平洋有特價機票,所以即刻個多月前都預訂定機票,等左成個幾月,做晒所有野,就正式出發啦.
雖然是零晨出發,但都幾多人乘搭

真係零晨出發架

機內好新淨同OK寬敞啦(對於細粒的我而言)

D空姐都唔錯

一早已在網上找尋資料,知道菲律賓的士會在機場殺客,所以有所準備地去殺價.
在機場外有兩種的士,黃色的是機場的士,叫價一般是350PHP;白色的是一般的士,我地今次講到175php,算ok啦,不過到達碼頭後都係用無零錢為借口而收左200php,所以如果無零錢的朋友們講價時,都係以整數為合啦,因好多時都聽到及遇到不找錢的司機 =.=
4點未夠就到左PIER 1等船

都幾多班次去BOHOL

D船已有工人上落貨了

等候大堂有空調架

日出啦，上船啦

仲係用緊人口過油呢 -.-

就係依架車接載我地,未去bee farm前,就叫司機哥哥車我地先去買張電話咭, 司機哥哥就車左我地去一間電訊公司門市(即係好似香港d 號碼台、薯o麥台果d門市),買左一張smart sim 卡(票面40php,不過只係收左28php)及100php充值卡,仲叫職員幫我地充值埋,check埋sim 卡內共有101php,即係sim 卡本身只有象徵式的1php,不過就包35個不限網絡的sms,如果要打電話(長途或本地),就一定要充值先可以啦.雖然入左100php,仲問左職員點打sms回香港,不過試左好多方法,都未能打到sms回港(其實打時以為ok架,因一sd出去就收左錢,約15php/150字母),不來在香港的家人是未有收到過一個.所以建議都係直接打電話回港會好d啦,雖然貴dd,不過就一定知打唔打得到嘛.最終個電話就只用作與船家及司機作sms溝通,而旅途完結後,就交與另一班朋友繼續在bohol使用啦.

到達第一站BEE FARM啦

全部擺設都係BEE FARM自己造咁啵，幾靚呀

塊墊板幾得意

幫我地UPGRADE 左間房^^

未食早餐的我倆,一放好行李即去搵食啦.
第一味芒果飯

蛋+麵包

好多人都講bee farmd醬好好味,講真的,真係好好味架
由左至右:蜜糖、PESTO、芒果

早餐地方有泳池

房間幾寛敞

在每間房外的小擺設,有咩用呢?

原來係咁用的

FARM內好多貓,此為第一隻

午餐就係依d啦,有GINGER LEMONADE,田園沙律,PASTA

D花係食得的，但藍色朵帶點苦

D燈飾都有BEE架

餐廳的角落

向海的大露台(不過唔係房架)

在農場內已經開始有聖誕節氣氛

好多DIY產品

在商店內有好多產品:包括椰子酒、早餐三寶、蜜糖、SOAP及手信等

日落景色美如畫

睇完日落就當然食晚餐啦,
海鮮湯麵

炒有機菜及紅米飯

作者: snoopy39 時間: 09-10-30 05:59 PM 標題: 第二日

起床就即去品嚐住房包的早餐,有木瓜汁、奄列、豬肉、waffle

早餐期間又遇上另一隻貓貓

Farm tour正式開始啦

農場內的有機香草

在港已好少見大草蜢

有機生菜

已成長的五子果，點解香港果D咁大O既?

蜜蜂

織布機及製成品

天氣唔錯，係時候要去HEA吓同睇下海洋生物(海星及海膽)

睇完晒後開始有點攰,就想回房間小休,點知遇上小小大雨,故小休變成大休.
等雨小一點就再去餐廳影卟相同食晚飯啦

晚飯食燒有機雞,味道十分唔錯,非常多汁呢

作者: snoopy39 時間: 09-10-30 06:01 PM 標題: 第三日

由於在網上認識了及相約今天一起去day tour,所以草草食了早餐(菠蘿汁及紅米飯+烤美味魚)

就由專車(在bee farm居住會包來回廾程的)送去alona beach 的 isis bungalow,放低行李就去左oasis等網友

Oasis 的早餐是這樣的

Day tour正成開始啦, 第一站，Blood Compact Site
菲律賓早期歷史重要見證；當年西班牙征服者雷加斯比（Miguel Lopez de Legaspi）,在這裡和當地各酋長Sikatuna 滴血結盟，兩國淵緣從此展開。

第二站係全菲律賓第二舊天主教聖堂,巴卡容教堂(St Baclayon Church),由於有當地人正在做儀式,故不敢多擾攘,匆匆就離開了

第三站去睇Tarsier啦,原來佢地條尾都幾長啵^^,其實去睇Tarsier已經變成商業生意,去邊間睇就好睇司機哥哥帶你去邊間啦

仲有另一隻生物可睇,就係flying lemur,有d似蝙蝠

還有可愛的手信

第四站就係去游船啦,即係去Loboc River啦,上船費要300php,不過佢會叫畀埋司機果份,問多幾問,原來係叫我地畀埋佢應該畀司機果份啵,當然我地唔會畀啦,依d小費應由收錢的游河公司畀嘛
碼頭長廊

船上食物就不值一提啦,都係睇番沿河景色會比較好

船是以推的形式來行駛的

去到河盡頭是一條小瀑布來

船上有食物,有飲料,仲有英文舊歌live show添

沿河有好多小碼頭,船會停泊於其一,讓船上旅客觀賞一些菲律賓表演,而旅客更可一齊玩樂的

活動及表演是隨緣樂助的

上船即可見不少紀念品售賣

第五站係去聞名已久的朱古力山,車程都頗耐,途中更遇上大雨,幸好下車時雨勢已開始緩和,而入口處有管理委員會的名單

行上一段長樓梯,就可見朱古力在眼前啦,初時仍有小小雨粉,但不久即放晴,可以盡情影相啦

影完全貌,當然就去睇小朋友玩飛掃把啦

在去吊橋前,司機就先去了人造樹林影到此一遊照啦

依條就係要畀10PHP先可過的吊橋啦及其橋上景色

相信都唔少遊客到來,又或真係有需要要起另一條,第二條吊橋就正在動工中

而燒香蕉都在此第一次見識了

去完一日遊後,當然就要搵野食啦,因唔想在沙灘上與其他遊客迫,所以去左離沙灘較遠的馬路旁一間門外有兩位女士像的餐廳(好似係叫THE PLACE 2G! TRENDI PHILIPPINES)食燒雞,170PHP一隻,十分JUICY及好有雞味,對於嗜雞肉的我,差不多連骨都吞埋咁濟

晚飯又點少得佢

[ 本帖最後由 snoopy39 於 09-11-16 11:21 AM 編輯 ]

作者: snoopy39 時間: 09-10-30 06:01 PM 標題: 第四日

昨天晚飯時已見TRENDI有早餐,故一早就去食啦,點知早餐真係唔多掂

今天遇上一位船夫,佢開價1200PHP去兩島+睇海豚+救生衣+4套mask及snorkel(在沙灘上有開價1200php至1800php都有,不過未有再講內容細節),如果係只去VIRGIN ISLAND 就800PHP,於是就先去VIRGIN ISLAND 游吓水,試吓隻船OK唔OK啦,因已相約去DAY TOUR的網友在第5日一齊出海,如果啱就可以決定啦,所以先去VIRGIN ISLAND啦.由於只帶小DC,故只影了少少就無咩點影啦,其餘的就留待明天D一起奉上

係VIRGIN ISLAND 海底下,除了海草特多外,更有好多此一長條形生物,似植物又似動物,有點駭人

去到VIRGIN ISLAND見到有人售賣海膽,就即管試一試,左面是日本種(250PHP一隻),右面是本地種(100PHP一隻),由於不打算多吃,所以都無咩講價就試左隻本地種,入口第一種味道係咸,其次都係咸,係去到最後期會感到一絲甜味,相信要在VIRGIN ISLAND食海膽,最佳都係用清水先過清海水味方食會好味好多的

由於VIRGIN ISLAND海中滿佈海草、海膽及不知名的長長生物,而魚類就比較少,故暢游了個多小時就回程了.回程時與船家閒談,得知在沙灘上好多推介出海或day tour的都是中間人(broker),價錢已加入自己的佣金在內,故一般比自己與船家商討的價錢貴,由於今次之旅程十分順利,故一於相約明天6時出海,不過船家竟然希望先給與200php作為購買汽油之費用,見船家都幾老實,就豪200ph畀佢先啦.有一點大家要留意,就係船家之英文水平不大好,要用多d時間去溝通,而中間人的英語水平會較好,但就一定會貴dd啦.而時間亦剛好時午餐,就去了好多網友都推介的HAYAHAY食OCEAN STYLE PIZZA,當然仲有冰凍啤酒啦

可能游完水關係,食完一個REGULAR(好似係250PHP)都唔多夠咁,再叫多一個雞批啦,不過個雞批雖然大個,但就無香港果D咁惹味啦,不過D暮餅就幾好食啦

仲有小狗陪食,真係唔錯

食完野就係alona beach周圍行周圍影吓

黃昏時份,相約了網友去ic mall(island city mall)shopping,故匆匆影左張日未落相就出發啦,由於唔想坐tricycle,所以揀左架新dd的七人車去,講到最後都要800php來回,由於有5個人分,算啦就一於800php.

原來今日的magic咁鬼靚,但只好在車中亂snap啦

去到mall當然係購物同食野啦,見到有bee farm經營的食肆,就慫恿網去試吓有機食譜啦.包括燒雞、燒排骨、海鮮湯、田園沙律、新鮮水果、紅米飯

Mall內之店舖9時關門(其實未夠9時都已開始關門啦),食完連買手信都差不多9時啦,要回酒店準備明天出海的大日子啦.

作者: snoopy39 時間: 09-10-30 06:02 PM 標題: 第五日

今天正式去睇海豚及游兩島啦,未出發前都影下alona beach啦,今天天氣都唔錯啦.

依隻就係我地的坐駕同主舵手及副舵手啦

不過今天風浪很大,經過了差不多1小時45分之船程在大海中等待,海豚都未有出現,就決定去Balicasag Island浮潛啦.

我地未有去resort果邊,而係去左民居果邊,所以早餐唁算貴,只係75php一份,有即沖3合1咖啡、麵包、太陽蛋(不過就真係似荷包蛋多d)/奄列及麵包(望落有點硬,不過幾好食)

食完早餐就畀每人150php的救生員費用(如果唔畀都可以,不過就由船主車出海灘範圍外作浮潛,不過經驗所知,海灘範圍外多屬深水區,未有浮潛經驗者就未必合適(此建議不適合在resort範圍上岸的朋友,因我未有在resort範圍出過),由於只係潛水袋+普通dc,所以效果一般,不過拍片就比較好一點),而救生員會充當水底攝影師,幫我地影相

玩左45分鐘,都好攰啦,所以就決定再去virgin isalnd行淺灘.海上的風浪已減細,一路都好平靜,而且淺水清澈,在途中更見到大海龜,不過未及拍照(剛巧有朋友近日在bohol潛水途中都遇上海龜,相信海龜在bohol海中都好常見的)

Virgin Island今天更靚,可能係水無昨天退得多,令海岸線更美麗

在沙灘上,不時都會發琥一些似貝殼,又似龜蛋殼,但上面總有海星痕跡的不同顏色硬殼

回程十分平靜

劇烈運動過後(對於老人家而言嘛),一定要補充吓啦,一於又食pizza,叫左另一款(其實只係換左其中兩種配料而已)

午餐過後當然又再在沙灘閒逛啦,個救生員站好似係裝飾品,都未見有救生員當值呢

行得攰就去飲杯野先啦,而且仲發現左一間旅店餐廳可一試,故決定明天就來此食早餐

因honey想做按摩,所以就用左300php(知道有d在沙灘上做的可以200php或更低)入房內做,而我就外出影下日落照.可惜今天未有昨天的靚magic,但一輪新月都幾清,就試吓影

係alona beach出外之道路上,一定會見到此店,工人人手車拖鞋,而且有好多唔同形狀選擇,都幾得意的,有興趣的朋友可以去睇吓,不過唔知幾多錢呀

今晚仍然在trendi餐廳用膳,試左幾種唔同的bbq,其中肉腸同菲式叉燒唔錯,而煙燻豬腩肉就太硬啦,不易入口,而個土耳其式(定係希臘呢??因曾在希臘食過)肉飽就一般啦,因肉太硬.

餐廳內貌及兩位bbq大廚

[ 本帖最後由 snoopy39 於 09-11-16 11:33 AM 編輯 ]

作者: snoopy39 時間: 09-10-30 06:04 PM 標題: 第六日

今天是最後一天,晚上就會回香港,行程都無咩特別,只係想介紹一吓幾程的士的主要費用而已,因好多時網友都想知由邊到去邊到要幾多錢先係正常咁.
不過未出發回cebu前,都要食個早餐先架,就係昨天已介紹的酒店餐廳內,價錢不太貴,但都唔錯.

左面是美式早餐,而右面是菲律賓式早餐,最值得試係煎咸魚乾,脆脆地幾好食的

而咖啡都係3合1即沖式,不過咖啡杯同匙都幾靚

回程都係坐ocean jet,因購買了來回票(普通有空調席每人820php),而回程之ternminal fee是要另外再繳付的(每人20php),交完ternminal fee,就要去對面的counter劃位.入左閘就要將行李寄倉,而行李寄存費就可能視乎行李大小/隨意(去程時100php3件,回程就50php2件),船倉內尚算可以的

船程不用2小時就回到cebu,攞齊行李就可以出碼頭外,要緊記啦,一出碼頭閘口,會有好多人想幫大家拎行李、搵的士等,其中包括婦孺、老人、乞丐、傷殘人士、小孩、少年、中年等不計其數,不過最好都係自己來啦,只要出到去路口,就會有好多的士在等待,講好睇meter同無其他附加費先好上車,我地就去左sm mall,路程約10多分鐘,去到mall 大門口,meter 表示係55php,由於司機十分老實,所以都畀左100php唔使找啦(好似好豪咁的感覺)

在mall內都係飲飲食食同買手信咁啦,不過有一間食肆都幾值得網友一試,就係依間啦,佢d tuna belly 同 ribs真係唔錯

我地就叫左garlic rice(32php一個),如果係叫普通rice(30php)就可以任食,有專人幫你添^^

商場內都幾多有別香港的玩意,例好國際象棋、diy手工等

係時候要去機場啦,由sm mall去機場,如果無任何附加費(汽油果d呢),就大約係130php,由於司機去左local departure hall(其實都係行前左幾十米啦),所以就再兜多個圈入番international departure hall,表價就132.5php

成個行程到此都完滿結束了.

作者: 雪之精靈 時間: 09-11-4 04:10 PM

d相影得好靚呀~~
點解唔見有手信篇嫁~~~

作者: snoopy39 時間: 09-11-4 04:44 PM

原帖由 雪之精靈 於 09-11-4 04:10 PM 發表
d相影得好靚呀~~
點解唔見有手信篇嫁~~~

其實菲律賓都無咩手信好買，因好多都可以在香港買得到，我就只係買左D 7D囉

圖片附件: [香港百X都有得賣,係貴左DD咁啦] IMG_2034.JPG (09-11-4 04:44 PM, 27.45 KB) / 下載次數 191
https://www.2000fun.com/forum.php?mod=attachment&aid=MjM1NDY1fDQ5YzA1MzZhfDE3Nzc4NTI0ODB8MA%3D%3D

作者: klmn320 時間: 10-1-2 12:35 AM 標題: 因為眼鏡會掉下來

提示: 作者被禁止或刪除內容自動屏蔽

歡迎光臨 2000FUN論壇 (https://www.2000fun.com/)