2000FUN論壇

標題: 看完MJ的This is it分享無論是不是fans都想你們進來 [打印本頁]

作者: 古龍小土土 時間: 09-11-3 11:47 PM 標題: 看完MJ的This is it分享無論是不是fans都想你們進來

<<轉載>>
尋日終於去左睇 michael jackson既 this is it....
真係好令我喜出望外我自己唔算好迷MJ  都係03至04年之間先睇過佢既video, 果陣既 dangerous tour dvd
對mj第一個感覺係舞台王者  and 世界唯一可以跳得咁型咁勁既人
之後睇番佢d新聞..由媒體對佢既負面報導  至  網上所有人對所有負面新聞所指出的矛盾and反駁..我通通都睇完  由果刻開始  我一直都相信MJ係一個好人  亦相信  世界上存在既醜惡,私慾
去看this is it 之前, 我諗住電影都係好多訪問,以及一些採排片段
但由放映既第一分鐘開始我已經感受到電影講既野唔單止圍繞演唱會 or MJ 既紀念,
係電影入面  睇到MJ對音樂既熱誠  為完美既音樂而作出既要求  而且熟悉所有歌曲  對舞台上所有effect都一清二楚而舞姿和聲線  完全同當年既佢差唔多,一樣咁有活力
更令我感動既係  個演唱會既製作好認真  好一絲不苟, 而mj花了好多心思去帶出保護地球既信息
我好記得佢係入面講佢尊重大自然,好憤怒人類破壞佢地  唯有不段用歌曲提醒人類  ,還說這是最後四年,四年之後唔會有機會拯救到
無論電影 and 演唱會背後有什麼黑幕但所有有睇過電影既人都會好清楚睇到MJ最真既一面  會感受到他所表達既 love 是什麼佢唔單止係舞台王者, 佢仲係100%好人  比所有人還要好,他是完美的... 在我目心中  他是一個悲劇人物, 一個超級傳奇, 一個比世人更有善心,更尊重別人的人, 他是神
或者因為佢咁真既心  令佢招來無限的負面新聞及殺生之禍
很可惜演唱會最後不能成事, 雖然50場的話真的極有可能死於演唱會場中... 但見到這麼用心的精彩的採排,真的希望演唱會可以舉行到一場呢......
同時..我  覺得MJ既離世係好事世界有幾黑暗  就算是最樂觀的人都會知道  在MJ的一生衣個黑暗世界對佢既傷害實在太深
離開  是一件好事  離開一些對你不信任的人離開一些侮辱你,否定你做的事人離開一些控制你生命的人
好慶幸你離開之後有更多更多人知道真正既你, 知道你係好人

係網上看過好多人問點解咁易相信MJ係好人, 而每當一篇說MJ是被冤枉的文章在forum一貼  大多的人都話係假  求source 來源,求証據, 更好笑既係好多人話佢所做既好事都係假做出來騙人同情。
衣種黑暗既想法竟然有人去同意 or受動搖.. 將人既真心想成黑暗  但當你在鏡內的自己( man in the mirror) 你睇唔睇到你先至係最黑暗既人?? .. 世界存在太多衣種人  太可怕。
點解我覺得mj係好人??
因為一個偽君子不會花這麼多時間去作這些教育人類的歌
man in the mirror, heal the world, earth song.. etc
亦都唔會係自己最困難既時侯仲去捐錢出力去幫慈善機構
不停的對身邊的人說願主保佑你
我討厭人們對媒體的盲目相信而不加思考和求証
討厭人為左利益去誹謗一個好人最終來說...我最憎既係盲目去相信傳言既人....
MJ的負面新聞多 and每單都好大單  and前所未見的但我而家覺得一d都唔出奇了
因為佢做到既人真係唔係人人做得到...佢係世界獨一無二的佢既商業價值係無限大  正因為咁好多人開始想控制佢,  擁有佢  利用佢
亦都成功製做左世界最大的謊言,誣衊這根本是世界上黑暗的一場戲場戲做得成係因為受害者係MJ  果陣有無限既人都想從佢得到利益 ,不斷炒作 , 不段拉他下來  很成功  很黑暗
而THIS IS IT 演唱會背後的黑暗其實有跡可尋。50場衣個數字實在太驚人但MJ同FANS都講左係想10場而工作人員係 BLOG都寫過一些關於佢比人屈50場既事
以mj既身體 and 健康來說  主辦單位AEG點解會舉行50場??真係覺得50場舉行得成咩??
我覺得是一個局  係網上聽了無數個人分析and mj身邊的人所發達的內幕  我自己覺得演唱會是一個騙局
MJ只係採排現在出現了三天  而電影片段入面採排既拍攝日期都係 6月2x 號  , 竟然可以拍到長達數十 hrs既採排片段而且6月2x號距離演唱會舉行只有一個月都無  但現在就連dancer既服裝, 舞台效果,影片運用都在研發階段, 係片段入面會睇到其實主辦單位做既野都係好初步,無錯..係好仔細,,但真係好初步
aeg都知根本完成唔到個完美演唱會或者可以講話係無盡力去處理過大家可以諗下果數十小時的採排片段點解會咁長 and錄來有什麼用途??
而殺mj既疑犯佢既私人醫生  同AEG有咩關係大家search下都知  特別注意既係佢係心臟醫生來
而mj死於心臟停止的。why??
一位傳奇既最後演唱會門票  係一位傳奇死左之後真係會全部人去退票??? aeg當然比人退但心理角度黎講唔退票既人都一定好多, 忠實fans一定想紀念..就算大多數人退票, 50場衣個數字........。咁可以知道點解會舉行50場無可能既演唱會。
而值得注意係演唱會既fireworks,效果都係初步階段分分鐘只係訂左夠用一兩次既貨目的係for 這本電影用    所以, 成本黎睇 aeg會蝕得幾多??
最後一點係演唱會舉行成功既話要分一大筆比mj本人, 唔成事既話aeg 同佢一直親密既合作夥伴sony可以獨吞,  一定大賺, 皆因死人財對他們來說更加賺
果然aeg以6000萬美元賣左個採排片段影片比sony......大家可以想一想
以目前這部電影的收益來說 aeg同sony不但無蝕而且仲好賺
近排仲話dvd會出多3小時的特別片段, 入面有好多首新歌添
所以話......我們推測的無論係唔係殺人局 and騙局都好.....事實係 aeg同埋sony現在是大賺
沒有蝕...這是事實
至於點解演唱會主辦單位AEG由MJ死後都一直表現咁冷靜咁有商業頭腦  而且遺產會議都爭住出席...... 衣D細小既疑點大家慢慢思考
衣個係唔係一個最黑暗既騙局殺人局, 大家自己思考  以上都係我推測

不過套電影都是好值得一看的...算是MJ的遺作 AND一個感動的....完美的演唱會紀錄電影
祝MJ在天國快樂~
希望會有更多人heal the world
衣篇文章我打了很久  停頓了很多次  句子的結構可以說是垃圾
但我希望分享我對mj的看法同埋分享自己既推測  去令多d人去找出真相, 不要再去盲目相信傳媒,
喜歡mj的尊重mj的  請去求証去判斷
希望大家會轉載一下..給多些人知道引起更多人的注意

作者: bsexp651341 時間: 09-11-3 11:55 PM

我都覺得mj跳得好神...
唔知d人y甘like唱佢

作者: cb391042 時間: 09-11-4 01:18 AM

原帖由 bsexp651341 於 09-11-3 11:55 PM 發表
我都覺得mj跳得好神...
唔知d人y甘like唱佢

人怕出名豬怕肥

作者: david113 時間: 09-11-4 01:23 AM

其實 this is it 係點 ???

係佢曾經的一個演唱會,未出過碟 or what ?

作者: 爭霸者 時間: 09-11-4 01:24 AM

好長-0-~~~~~

作者: cb391042 時間: 09-11-4 01:26 AM

原帖由 david113 於 09-11-4 01:23 AM 發表
其實 this is it 係點 ???

係佢曾經的一個演唱會,未出過碟 or what ?

應該就係演唱會既花絮之類既野

作者: david113 時間: 09-11-4 01:28 AM

原帖由 cb391042 於 09-11-4 01:26 AM 發表

應該就係演唱會既花絮之類既野

好難想像會剪到成為一套電影俾人睇

會唔會好多中斷

作者: 古龍小土土 時間: 09-11-4 02:07 AM

原帖由 david113 於 09-11-4 01:28 AM 發表

好難想像會剪到成為一套電影俾人睇

會唔會好多中斷

this is it原本係一個演唱會,原本在7月中舉行可惜在舉行演唱會前數星期mj被殺害
公司將佢係電影中既採排做成紀錄片電影

成套都好正唔係你想像中剪剪接接+訪問咁
係一個好特別既紀錄片而且好完美
無論係唔係fans都值得去睇一睇

唔係話我hard sell.....個感覺形容唔到= =
你去yahoo睇影評就知了

作者: DC~ 時間: 09-11-4 07:20 AM

原帖由 古龍小土土 於 09-11-3 11:47 PM 發表

尋日終於去左睇 michael jackson既 this is it....
真係好令我喜出望外我自己唔算好迷MJ 都係03至04年之間先睇過佢既video, 果陣既 dangerous tour dvd
對mj第一個感覺係舞台王者 and 世界唯一可以跳得咁 ...

一般般啦,d負面報導唔係空穴來風
佢的確係有d特殊癖好,並唔係你所講既"好人","善心"
不過mj fans在意既係佢既音樂,mj既場外私生活其實我唔多想知

作者: wyz1301c2920 時間: 09-11-4 07:42 AM

係似係唔知邊到睇過=.=

作者: 金髮色魔 時間: 09-11-4 09:45 AM

歡迎光臨 2000FUN論壇 (https://www.2000fun.com/)