2000FUN論壇

標題: 其實女神有冇有心人係會願意將d野跟市價黎賣 [打印本頁]

作者: timmy0009 時間: 09-11-9 07:01 PM 標題: 其實女神有冇有心人係會願意將d野跟市價黎賣

如題,依家市價好高漲- -好彩幣商冇大量買野,如果唔係就大濟
擺攤或者頻道上面,賣的人通常會高過市價,甚至多好多,但係都會有人買...e.g 速錶
綠色的戰術盒聽人講只要十幾個就抽到,當初都會賣1m5,又會有人買,好彩依家降返7xxx水平
依家速錶去到4500= =已經好離譜,以前的時候都係1350有1隻- -15spd姐,洗唔洗咁貴= =又唔係轉轉樂頭獎(要抽真係唔係好難)
依家多左好多人買金,一金多就見咩價就買,長遠黎講真係好唔掂-.-只會攪到市價越黎越高,一發不可收拾,可能速錶1隻1m= =
商人,見親都會係奸商嗎?雖然唔係,但係買家就好多.......水魚,見價就買,錢多都唔好咁啦= =
好似之前大陸富豪俾買買樓攪到香港豪宅7萬幾一呎- -

p.s本人的中文水平唔係咁好,有請見諒,如見太多字唔想睇可不睇,只屬閒聊帖一個,抒發個人意見,不喜勿插。

作者: §月紫§ 時間: 09-11-9 11:15 PM

姦商多是正常因為水魚都走了個個都收搵錢底收高賣!!

作者: cpssqoo 時間: 09-11-10 07:22 PM

原帖由 timmy0009 於 09-11-9 07:01 PM 發表
依家速錶去到4500= =已經好離譜,以前的時候都係1350有1隻- -15spd姐,洗唔洗咁貴= =又唔係轉轉樂頭獎(要抽真係唔係好難)

速錶係咁升值係因為出完速錶之後可以對合再對合，再加上依家有戰術盒，錶一個人都可以裝多幾隻，就算用全攻裝掛機都可以靠錶拉spd，所以搞到供不應求(1350既速錶我未見過，就算未升值果時)

作者: 地獄黑仔龍 時間: 09-11-10 11:53 PM

其實所謂的市價 ....
係非常之浮動性的~

會受到供求的平均 ,
貨源 , 奸商 , 熱門程度...
影響佢地的價格。

宜家大多數所謂市價 ,
應該都係d人走去交易網睇果d所謂的比率來作出訂價。

如果你要價錢的浮動性波幅減少...
你需要有一套穩定市埸的計略~

而呢樣野 , 肯定唔係一兩個人可以辦得到....

首要一件事....
就係賣貨的奸商...唔好亂咁開天殺價 =.=+

作者: timmy0009 時間: 09-11-11 04:55 PM

我希望回答唔好咁膚淺。
速錶1350,我見過好多次,公測岩岩出速錶個陣,差唔多每個擺攤都有5隻速錶,各為1350,更有1300的速錶出售,但當時我被人爆ac,5隻速錶冇哂(離題-口-)
速錶對合個陣係幾個月的事,當時更新左呢樣野過後都係3k5以下而已
我都知一樣野,岩岩中四讀經濟都知,呢個係超額需求,需求大過供給
但係我想研究的係,會唔會有人願意買點抽多d野(好多人抽的效果更大),或者
商人願意拎個良心出黎行商,在商言商,雖然唔係責任,但係都有穩定市價的地位
上升波幅大唔大,全睇賣家與買家的行動
賣家:賣得越貴,越少人買,但係依家呢個理論唔可行,因為反而多左人買,點解咁奇怪?因為有好多人買好多金幣,仲要見咩價就買,唔知係唔係叫"水魚"呢,攪到幣值上升,e.g第一次世界大戰後德國的經濟問題,大量印製鈔票償還巨款,馬克價值急升,買個麵包都要成架手推車的鈔票
買家:唔知有錢得滯,定係乜野,買金唔買點抽,點解有錢唔去買點抽多d野供應俾比較窮的玩家買呢?(e.g 我)仲有,買勁多金黎買好多點品,會造成市場的短缺
諗深一層,其實女神的貨物同價格可能已經進入一個極之唔穩定的情況,我唔希望真係會見到1萬金買一隻速錶的景況

[ 本帖最後由 timmy0009 於 09-11-11 04:57 PM 編輯 ]

作者: 地獄黑仔龍 時間: 09-11-11 06:42 PM

我希望回答唔好咁膚淺。
速錶1350,我見過好多次,公測岩岩出速錶個陣,差唔多每個擺攤都有5隻速錶,各為1350,更有1300的速錶出售,但當時我被人爆ac,5隻速錶冇哂(離題-口-)

希望你覺得膚淺的唔係我... (雖然我都好膚淺 ...而且我冇認真咁讀過 e.p.a.)

速錶對合個陣係幾個月的事,當時更新左呢樣野過後都係3k5以下而已
我都知一樣野,岩岩中四讀經濟都知,呢個係超額需求,需求大過供給
但係我想研究的係,會唔會有人願意買點抽多d野(好多人抽的效果更大),或者
商人願意拎個良心出黎行商,在商言商,雖然唔係責任,但係都有穩定市價的地位
上升波幅大唔大,全睇賣家與買家的行動

其實有冇人肯花錢貫點抽多d野 , 問題會在於網龍點樣去設定得獎機率...
但偏偏代理商知道某一物品成為熱門之後 , 得獎率往往會下調~
一來 , 是控制該物品在遊戲內的流通量 , 以保持果樣野的物價價值...
二來 , 是平衡整個遊戲的生態 , 你可以想像一下神裝滿街跑之後... 代理商要搵乜野去吸引d客人呢 ?
如此一來 , 中獎率就直接影響到玩家去花錢的動力...

至於商人... 我諗可以慳d咯~ 因為呢個世界 , 每個商人都只會諗點樣賺錢~
正所謂你唔賺 , 其他人就會賺埋佢 , 呢個係一個好現實的心態。
玩得online game多 ,可以見到一個好常見的現像:
今日某商人好有良心地大平賣~ 結果只會比其他商人入購→稍為高價轉手賣...
如此一直循環 , 便宜貨一出 , 冇幾耐又係變返高價貨。
便宜賣 , 永遠只會被人當做 kai仔看待... 久而久之 , 根本冇人開出所謂的"良心價"。

賣家:賣得越貴,越少人買,但係依家呢個理論唔可行,因為反而多左人買,點解咁奇怪?因為有好多人買好多金幣,
仲要見咩價就買,唔知係唔係叫"水魚"呢,攪到幣值上升,
e.g第一次世界大戰後德國的經濟問題,大量印製鈔票償還巨款,馬克價值急升,買個麵包都要成架手推車的鈔票

呢個問題 , 會牽涉到現金交易....係一個好大的問題。
好多人亦有唔同o既睇法... 但認真o黎計... 現金交易 , 就係殺掉一個遊戲的兇手之一 !!

買家:唔知有錢得滯,定係乜野,買金唔買點抽,點解有錢唔去買點抽多d野供應俾比較窮的玩家買呢?(e.g 我)仲有,買勁多金黎買好多點品,會造成市場的短缺
諗深一層,其實女神的貨物同價格可能已經進入一個極之唔穩定的情況,我唔希望真係會見到1萬金買一隻速錶的景況

買家呢邊的問題 , 其實好簡單~  邊一邊比較[抵] , 玩家就會去邊一度...
有錢會去買金 , 而唔直接買點品 , 問題就在於代理商。
有d野,機率勁低 .... 花大錢唔一定中~  信心問題之下 .... 你會選擇付出一個固定的價錢去買回來 ,
還是選擇一個未知的金額去賭一鋪 ??
疑於呢個人性的問題之下... 再加上玩呢個game的人的年齡層~
你又認為會有幾多人會去同網龍賭一鋪 ?

又剛剛好~  幣商們 , 就係睇準呢班人的心理... 首先以某些手段大量開設帳號!
最初多開來挖礦 , 合裝 , 合傢具等等,繼而進佔市埸賣遊戲中的各種物品.... 慢慢地將其他玩家的金幣都儲集起來...
儲到一定程度之後 , 開始透過現金交易平台 , 將儲集來的遊戲幣賣比遊戲裡面肯駛錢果班人~

而幣商賺到錢 , 就會拿一部份去買代理商的點品 , 再以一個比遊戲裡面為之平少少的價錢賣返比一眾玩家~
一眾玩家的金幣 , 就又回流返去幣商手中.... 如此一直循環 , 循環又循環....

但當中有一個重點~ 就係金幣~ 一直冇減少過... 而且隨住越來越多人多開帳號,開商品開到金幣...諸如此類的,
遊戲裡的金幣一直有加冇減... 而且金幣在幣商與玩家之間越滾越大...
幣值就越來越下降~  市面上d野就越來越貴~ (就是所謂的通貨澎漲...)
當然 ,幣商係打死都唔會認係佢地搞出來....

幣商一定會賴返落代理商果度...佢地一定會話 : 代理商唔回收金幣之嘛...
但佢地又唔諗下....佢地賣d野 , 平過遊戲內的金幣回收系統 (金幣商城)
咁你話....d人會買幣商的貨...定係走去消金~ 買金幣商城呢 =.=?
(亦因為咁樣 , 其實好多game 遊戲規章都有寫明禁止現金交易...)

太長篇~  大家悶死晒未

??

[ 本帖最後由地獄黑仔龍於 09-11-11 06:44 PM 編輯 ]

作者: timmy0009 時間: 09-11-12 04:41 PM

原帖由 地獄黑仔龍 於 09-11-11 06:42 PM 發表

希望你覺得膚淺的唔係我... (雖然我都好膚淺 ...而且我冇認真咁讀過 e.p.a.)

其實有冇人肯花錢貫點抽多d野 , 問題會在於網龍點樣去設定得獎機率...
但偏偏代理商知道某一物品成為熱門之後 , 得獎率往往會下調 ...

我當然唔係話你膚淺,好多post都答我咁詳細,我係話你上面個班姐
多謝你解答我的問題

,不過其實個答案我都知道,post呢個問題希望引起關注咁姐=.=討論一下
但係就算現實的話都並非個個都咁現實,有錢人我諗都有唔少,佢地用多少少錢買點抽下野都好丫,大量用黎買金始終唔好
希望女神唔會咁快玩完,"金幣滿天飛"

作者: bvy885 時間: 09-11-24 12:24 AM 標題: 崑明旅游發票☆☆聯係１３９?２７４９?１８３５林經理

提示: 作者被禁止或刪除內容自動屏蔽

作者: 戀乂雪鈴 時間: 09-12-10 12:13 AM

大佬丫!! 個個賣野都系想賺錢..都想自己賣既貨品價錢愈多愈好(賺更多錢)...!!!!又冇人強逼D人買所謂既水魚嘛!!?
賣得貴既..收野既人大可唔買...!!!水魚買左咪姐系比機會d奸商再次賣貴價形成推高價作用..
奸商set 高價賣左唔出自然改價嫁啦..又冇人要d水魚一見就買..(除非好急用姐...
你地諗自己有冇錯先啦,,唔好咩都瀨晒系商人身上..!!!!!!

作者: timmy0009 時間: 09-12-10 04:47 PM

原帖由 戀乂雪鈴 於 09-12-10 12:13 AM 發表
大佬丫!! 個個賣野都系想賺錢..都想自己賣既貨品價錢愈多愈好(賺更多錢)...!!!!又冇人強逼D人買所謂既水魚嘛!!?
賣得貴既..收野既人大可唔買...!!!水魚買左咪姐系比機會d奸商再次賣貴價形成推高價作用..
奸商set 高 ...

睇黎各位對閒聊post都好重視

我相信有大部分人係冇錯,包括我在內,我係睇價而買,高的唔會買,我地都係腸住市價升,好無奈.....點數卡同買金的價錢卻無變= =
d有錢人急用買貴價貨,助長奸商,反而令窮人們更慘

作者: 戀乂雪鈴 時間: 09-12-10 06:17 PM 標題: 回復 10# timmy0009 的帖子

你系咪打左錯..腸..囧=,=!!

作者: timmy0009 時間: 09-12-11 06:31 PM

原帖由 戀乂雪鈴 於 09-12-10 06:17 PM 發表
你系咪打左錯..腸..囧=,=!!

捉我錯字

腸-->睇

歡迎光臨 2000FUN論壇 (https://www.2000fun.com/)