2000FUN論壇

標題: 官方捉外掛?!笑話一則? [打印本頁]

作者: 英澤 時間: 09-11-17 11:16 PM 標題: 官方捉外掛?!笑話一則?

今日開始官方係遊戲入面耐唔耐就彈個系統公告出黎
話咩查緝Gm 會穿特制豹紋裝.周圍搵[非靜態]或在打怪既玩家進行突然通話查詢
如果唔配合就當外掛處理...
我想問下咁官方學人出乜鬼野內掛[戰鬥助手]姐?
係度玩乜Q架到底? 比人用內掛商城出埋元寶換到既精力水 [出精力水已經令[科技生產]既精力水價錢更低更賤
不過都算反正有玩過其他免費ONLINE GAME 或者武林群俠既人都知...
有內掛就預左有外掛就算遊戲無內掛亦九成有外掛架啦
但係既然官方出得內掛比玩家60級以上用而家又大大隻字成日話  如果GM見到玩家有打怪或者非靜態既玩家就隨時問玩家野
玩家就一定要答...咁戰鬥助手要黎托? 乜戰鬥助手有人會用黎人在電腦前但係特登用助手打怪既咩?
GM問就要答唔答就外掛乜野道理丫? 而家玩家黎玩GAME 玩你有既功能唔應機就當外掛搵你親戚黎玩囉
要查外掛或者所謂既 [卡鍵] 就應該查左果堆  日日幾車  一車6個差唔多同一樣名既小號分身啦
日日見到最少4-6隊...成隊兵咁  仲有果D 掛攤既人明明唔係攤度但係就好似SET好晒時間出世界頻咁[點解我留意到-.-?]
因為我見到有D賣家喊頻我去睇到想問下佢仲有冇貨或者有冇得平既時候佢永遠唔應機而且每1次出頻時間都係幾分鐘一次
新幹線之前誅仙已經亂捉過玩家唔係打算而家一開哩隻神鬼又走黎亂捉丫?
請官方人員如果見到哩段內容之後用下腦諗下點解決啦  出內掛又要出埋精力水即係叫人訓教或者出街先用姐
如果剩係想玩家係屋企行開行埋用既  駛乜Q出商城精力水咩..用元寶買你地D野用你地既功能唔應機就當外掛..搞笑?

作者: 111111/ 時間: 09-11-18 08:12 PM

哈所以我一早沒玩lo 有掛game好快悶

作者: st0332076 時間: 09-11-19 08:01 AM

講得好..我都唔想開緊內掛比人竹左

作者: 晶晶妹妹 時間: 09-11-19 01:18 PM

官方捉外掛?!笑話一則?
唔係掛，其實隻隻game都有外掛架啦..不過講真丫，外掛左又有咩咁好玩呢...
又冇人同你傾計，好似傻婆咁自己一個人係咁升lv...
我本人就唔太同意喇

作者: stwocw 時間: 09-11-19 05:16 PM

認同，我依家玩online game 一定搵埋d friends一齊玩，一黎搵佢地帶我，二黎真係唔想一個人好似玩單機咁算lv!!!

作者: 英澤 時間: 09-11-19 07:26 PM

當然啦好多GAME都有外掛
官方捉外掛亦係應該既事
不過自己出內掛又要話如果GM係旁邊查玩家玩家非靜態下唔應機就當外掛
咁官方出內掛黎整惑玩家嗎= ="無腦既新幹線

作者: 晶晶妹妹 時間: 09-11-20 11:25 AM

我都好認同...有時可能只係行開陣，一個唔小心就比人周到啦。
不過有時諗返轉頭....佢地都係想維持公平姐，但係的確...方法錯左...哈

作者: stwocw 時間: 09-11-20 01:39 PM

咁睇又真係傻傻地wo佢地，上去個facebook同佢地反映啦不如！

作者: 晶晶妹妹 時間: 09-11-23 11:00 AM

都唔知有冇用既...佢地d人都唔知幾耐先會覆一次...
同埋講真丫....我地係消費者，點解要我地反映佢地先會知有問題發生呢!

作者: 獵人森 時間: 09-11-23 04:06 PM

原帖由 晶晶妹妹 於 09-11-23 11:00 AM 發表
都唔知有冇用既...佢地d人都唔知幾耐先會覆一次...
同埋講真丫....我地係消費者，點解要我地反映佢地先會知有問題發生呢!

哦~佢地FB果邊好似有個主持，見到有人問野佢都有解答，試下囉，起碼都係一條渠道向新幹線既員工發表下意見丫！

作者: 晶晶妹妹 時間: 09-11-24 12:26 PM

或者係啦，不過我太懶lu...唔想咁煩...
況且做左都唔知有冇用

作者: 你個咩咩 時間: 09-11-28 10:34 PM

好xn9 勁搞笑
gm玩野?

作者: ggqwertyu 時間: 09-11-29 09:40 AM

有內掛...外掛仲要識自己做任- -
所以我放棄左

作者: stwocw 時間: 09-12-1 04:35 PM

有冇人試過遭遇不測丫?
哈~我就仲未試過

作者: 獵人森 時間: 09-12-3 06:03 PM

原帖由 stwocw 於 09-12-1 04:35 PM 發表
有冇人試過遭遇不測丫?
哈~我就仲未試過

我都未...不過搏唔過呀~
一陣賴左野投訴無門就死啦~

作者: 晶晶妹妹 時間: 09-12-4 11:14 AM

唔會...打返去客服佢地會處理返架

作者: 司求麥 時間: 09-12-7 10:42 AM

客服、？~~！！

作者: tungtung528 時間: 09-12-7 01:51 PM

歡迎光臨 2000FUN論壇 (https://www.2000fun.com/)