2000FUN論壇

標題: 巴士上一見鍾情~希望有人比意見我!!多謝!!故事幾長~ [打印本頁]

作者: lcm12345 時間: 09-11-27 07:38 PM 標題: 巴士上一見鍾情~希望有人比意見我!!多謝!!故事幾長~

講返我既經過同大家分享下先,但係都幾長下,希望有人睇啦~~有日早上在搭巴士的時候見到一個女仔上車佢本身想坐過黎我隔離個位的,因為坐係出面個位,所以佢冇坐到過黎,坐係斜對面個位,個位係背住我既,咁我就好奇去望下佢,點知有幾次見到佢拎轉個頭用眼尾望下過黎,可能佢唔係望我而係我自己咁諗啦,自果一刻之後,個腦海就成日浮現出佢既影像,慢慢就開始掛住佢,成日好想見到佢,只要有一日見唔到,個心就好唔舒服,係呢刻….我已經知道自己中左招喇…….我真係中意左佢…因為佢就係我一直想搵果一種既女仔,之後每個星期都會係果一日到見到佢,有時我係第2日搭車既時候都會經過佢個巴士站都會見到佢,當然會心思思去望佢啦,之後就係好似大家咁,一對望既時候就扮望去第2到,之後有唔小次對望既時候,有次我我架巴士到佢個站,當然即刻去望下條人龍見唔見佢啦,哈哈,比我見到佢,但係點知一到佢上車時佢望一望架巴士入面就冇上到車喇,果一刻真係好唔開心,冇得同佢一齊搭車….架巴士仲上緊客時我緊係去偷望下佢啦,但當佢望過黎我呢個位置時我就即刻望去第2到喇….架巴士上哂客喇,要開車走喇,心即時諗如果再唔望多眼就好驚會忘記佢個樣!,所以係開車走果一刻我決定望出去,點知係呢一刻我見到既景象係我一生人唔會忘記既!!!就係佢打則小小個身,合一合實個嘴巴望住我…而我又拎轉個頭去望住佢…係呢刻,我覺得個地球好似停頓左咁…我真係未試過有咁既感覺…我好肯定我已經深深咁愛上左佢喇!!係呢個星期3我又專燈走去佢個巴士站到等車,好開心可以見到佢^^之後我行去排隊排係佢後面,我係佢後面當然係咁望住佢啦,因為一個星期見得一次…之後我望出去睇下架車到未,係呢刻我眼尾見到佢望住我呢邊,咁我就想係呢刻望住佢比一個微笑佢,點知佢一見到我望過黎大家4目相投時佢即刻好似好驚咁望去第2到,咁我就即刻都望返第2到,咁架巴士黎喇,我冇打算上呢架,因為佢平時唔會上呢架,會等下一架,因為會有好多位同冇咩人~點知佢一個箭步就行左上呢架巴士到,因為我冇諗到佢會上呢班車所以我黎唔到反應上架巴士,見佢一個箭步就行左上架巴士到我諗係咪我搞到佢驚左我….之後我等架巴士未開走我就望入架巴士到搵佢想望多佢一眼,係呢個時候我竟然見到佢嘟起個咀唔開心咁既樣望住我呢邊,果一刻即刻諗會唔會因為我冇上到車所以佢咁呢???本身冇得同佢搭車都有唔開心,但係見到佢咁既表情有小小開心…哈哈…但係會唔會只不過我自己係到發夢呢…雖然我真係好中意佢,因為真係第一次一見鍾情….但係大家既年齡上有差距我只係19years old,而佢應該22至25歲,我又唔高大靚仔,我而家冇做野走去讀返書,冇事業基礎同經濟能力…又細佢咁多….唔通人地想拖個細佬出街咩……我咁多缺點……人地點會睇起我呢…同埋好似佢咁既女仔一定有男朋友 or 心上人,所以我覺得我一定冇機會…希望有人比D意見我啦…
,

作者: 古麗家族 時間: 09-11-27 08:12 PM

原帖由 lcm12345 於 09-11-27 07:38 PM 發表
講返我既經過同大家分享下先,但係都幾長下,希望有人睇啦~~有日早上在搭巴士的時候見到一個女仔上車佢本身想坐過黎我隔離個位的,因為坐係出面個位,所以佢冇坐到過黎,坐係斜對面個位,個位係背住我既,咁我就好奇去望下佢 ...

哈哈,我畀小小意見你,寫情信,交畀佢

將你而家內心既說話寫上去就得了,期待你

作者: 雲吞餃 時間: 09-11-27 08:31 PM

原帖由 古麗家族 於 09-11-27 08:12 PM 發表

哈哈,我畀小小意見你,寫情信,交畀佢將你而家內心既說話寫上去就得了,期待你

雖然係娘左d...
不過橋唔怕舊..
樓主同個女都咁怕羞....
不失為一個方法既

作者: 古麗家族 時間: 09-11-27 08:50 PM

原帖由 雲吞餃 於 09-11-27 08:31 PM 發表

雖然係娘左d...
不過橋唔怕舊..
樓主同個女都咁怕羞....
不失為一個方法既

老實講,現時科技發達,時下年青人好多都往往靠MSN/短信/電話黎示愛,其實當面/寫情信我覺得比起靠其他網絡等等方式黎

得親切同有可信性,而且情信寫得好,對方都可以深深感受到你既說話,真係有一種好sweet既感覺

作者: 吳樹喜 時間: 09-11-27 09:04 PM

相差幾年問題唔大
不如你寫定一張紙仔有聯絡你的方法如電話,msn之類
下次見到時候大大方方過去交給她
用最平實既語氣問一句:可以做個朋友嗎?之後交張紙比佢之後微笑地行開
咁樣做係將個選擇權交給她,表示你無強求之意
之後係點...聽天尤命了
正所謂..試過唔得,心安理得
咁你將來就會少了一件令你遺憾的事

作者: lcm12345 時間: 09-11-27 09:29 PM

原帖由 古麗家族 於 09-11-27 08:12 PM 發表

哈哈,我畀小小意見你,寫情信,交畀佢將你而家內心既說話寫上去就得了,期待你

我真係未寫過情信架

如果真係寫,第一次就係比左佢喇

將我而家內心既說話寫上去,咁大家都未了解大家就寫想同佢一齊,會唔會好難呢??

作者: lcm12345 時間: 09-11-27 09:31 PM

原帖由 雲吞餃 於 09-11-27 08:31 PM 發表

雖然係娘左d...
不過橋唔怕舊..
樓主同個女都咁怕羞....
不失為一個方法既

好同意你既講法橋唔怕舊,我對咩人都唔怕羞,因為以前工作關係,但係對住佢.....我就真係冇哂符....

作者: lcm12345 時間: 09-11-27 09:35 PM

原帖由 古麗家族 於 09-11-27 08:50 PM 發表

老實講,現時科技發達,時下年青人好多都往往靠MSN/短信/電話黎示愛,其實當面/寫情信我覺得比起靠其他網絡等等方式黎

得親切同有可信性,而且情信寫得好,對方都可以深深感受到你既說話,真係有一種好sweet既感覺:sm ...

冇錯!!!但係我唔知寫同佢做朋友定直接寫想同佢一齊呢....寫話想一齊,好似快左D咁....
其實我想講我內心點諗比你地知,因為我都想有人明白我

仲可以等你地幫下我嗎

作者: lcm12345 時間: 09-11-27 09:38 PM

原帖由 吳樹喜 於 09-11-27 09:04 PM 發表
相差幾年問題唔大
不如你寫定一張紙仔有聯絡你的方法如電話,msn之類
下次見到時候大大方方過去交給她
用最平實既語氣問一句:可以做個朋友嗎?之後交張紙比佢之後微笑地行開
咁樣做係將個選擇權交給她,表示你無強求 ...

呢個做法真係唔錯噃~~師兄你仲講得咁詳細 tim,真係好感激!!!

作者: 雲吞餃 時間: 09-11-27 09:41 PM

原帖由 lcm12345 於 09-11-27 09:31 PM 發表

好同意你既講法橋唔怕舊,我對咩人都唔怕羞,因為以前工作關係,但係對住佢.....我就真係冇哂符....

講到尾咪又係怕羞

作者: 吳樹喜 時間: 09-11-27 09:42 PM

原帖由 lcm12345 於 09-11-27 09:38 PM 發表

呢個做法真係唔錯噃~~師兄你仲講得咁詳細 tim,真係好感激!!!

希望你成功啦

作者: lcm12345 時間: 09-11-27 09:45 PM

原帖由 雲吞餃 於 09-11-27 09:41 PM 發表

講到尾咪又係怕羞

係呀...哈哈~

作者: lcm12345 時間: 09-11-27 09:46 PM

原帖由 吳樹喜 於 09-11-27 09:42 PM 發表

希望你成功啦

我都想....但係大家既程度真係好唔同....我覺得自己同佢真係好唔襯....

作者: 吳樹喜 時間: 09-11-27 09:58 PM

原帖由 lcm12345 於 09-11-27 09:46 PM 發表

我都想....但係大家既程度真係好唔同....我覺得自己同佢真係好唔襯....

爭取自己鍾意既野有時唔需要太理智架啦
歌都有有得啦.....邊有半斤八兩咁理想

作者: ＊風之子～諾€ 時間: 09-11-28 01:03 AM

直頭將你呢篇野修返靚少少, 用講故事o既角度去寫封信俾佢啦

睇到好有幻想空間

作者: 蝶戀花乂 時間: 09-11-28 09:00 AM

大膽d
搵日企佢後面
同佢塔訕吧

作者: lcm12345 時間: 09-11-28 12:18 PM

原帖由 ＊風之子～諾€ 於 09-11-28 01:03 AM 發表
直頭將你呢篇野修返靚少少, 用講故事o既角度去寫封信俾佢啦

睇到好有幻想空間

都真係唔錯噃^^照我篇野咁寫,咁咪即係直接同佢講想同佢一齊??會唔會快左d呢?

[ 本帖最後由 lcm12345 於 09-11-28 12:21 PM 編輯 ]

作者: lcm12345 時間: 09-11-28 12:20 PM

原帖由 蝶戀花乂 於 09-11-28 09:00 AM 發表
大膽d
搵日企佢後面
同佢塔訕吧

有試過特燈企係佢後面,都有眼神既交流~~但係之後都係唔夠膽同佢講一句野....

作者: 波波腸 時間: 09-11-28 04:34 PM

主動d問佢電話拉-v-

作者: ．小希-) 時間: 09-11-28 05:29 PM

我都有同你差唔多既經歷
同是天涯淪落人
相逢何必曾相識
或者你下次見到佢既時候同佢打聲招呼先
太急進會嚇親個女仔
加油啦巴打=D

作者: 笨☆小文♂ 時間: 09-11-28 05:30 PM

祝你成功吧..

作者: 古麗家族 時間: 09-11-28 06:57 PM

我認為做可以直接寫出心聲,但最後表明一句(附加問題)

就係問下可唔可以先交個朋友,畀個機會你去爭取佢芳心

作者: 七。培﹏ 時間: 09-11-28 11:29 PM

以你同個女仔都係怕怕羞羞既性格"
我建議你搵多日都係咁特登做番一樣既事【即係等佢同等車】
當你再次確定個女仔是因為你的關係"有焦急或者反常既舉動!
你已經成功左一半"因為証明左你同個女仔已經扯上左關係【無論是不是預期的關係】

點解?因為她的這些舉動將成為你接近她最好的籍口【雖然感覺上有點無賴xd"】

接著當她還是和上次一樣快速地上車離去"你這時最好也一同上車"再看看她有沒有異常的舉動和反應【根據你提供的資料"你應該是經常和她坐同一巴士專線來回吧...如果不是同一巴士專線就不要上了】

如果她是有異常的舉動和反應"這也証明她其實一直也留意著你【請確認不是害怕你的異常舉動和反應。不是的話"你已經能準備上前認識一番。這時不要那麼快用上我教你的籍口上前搭上關係】

你確認了關係後"接著像平時般默默地回家。當你下車後記著偷偷再確認她異常的舉動和反應。【如果是良好的異常舉動和反應"這也再次証明能實行「搭上關係」的作戰計劃】
接著再找多一或兩次機會按著上面的流程實行。當她還是表現如常或顯示更焦急不安"更什的舉動或行為。呵呵"你成功了!上前用上你最好的「搭傘」技巧吧...】
你拿著我教你的籍口上前有善地和她問個究竟。【這次上車後記著找上她旁的空位或附近的空位。接著能搭上多少關係就要看你的技巧和態度了...】

PS:最後一步是為最重要。請勿過份緊張,導致自亂陣腳或是過份急進,引致女孩討厭。用上輕鬆和略帶好奇的語氣上前問個究竟好了。當得悉答案後,請在這程車程儘可能建立上良好的關係。<---即是多點和她談話吧...

能幫你的也幫你了。兄弟,上馬啦!

作者: 俠三仙劍 時間: 09-11-28 11:46 PM

我覺得樓主你呢一刻已經好幸福...
有種品嚐緊戀愛就到來既感覺....

我都比個意見你~
我覺得第1步,
你要拎多小小勇氣出來,唔需要太多@@"

就係你多D望佢,當佢望返你果時.
你唔好轉移視線~繼續望佢@@"
你會有觸電既感覺!=.=

呢一刻要靠你自己個FEEL....如果你覺得佢都比你電到=V=
你就比D微笑佢啦~~

如果順利,,,,下次見到應該可以開話題了

唔需要急^^下次見到佢同佢SAY個[HI~~

]

作者: lcm12345 時間: 09-11-29 12:34 AM

原帖由 ．小希-) 於 09-11-28 05:29 PM 發表
我都有同你差唔多既經歷
同是天涯淪落人
相逢何必曾相識
或者你下次見到佢既時候同佢打聲招呼先
太急進會嚇親個女仔
加油啦巴打=D

原來大家都係同道中人呀~~多謝你既支持呀小希

作者: lcm12345 時間: 09-11-29 12:38 AM

原帖由 七。培﹏ 於 09-11-28 11:29 PM 發表
以你同個女仔都係怕怕羞羞既性格"
我建議你搵多日都係咁特登做番一樣既事【即係等佢同等車】
當你再次確定個女仔是因為你的關係"有焦急或者反常既舉動!
你已經成功左一半"因為証明左你同個女仔已經扯上左關係【無 ...

好感謝七。培﹏師兄你呀!!!打咁多字同打得咁詳細既技巧黎幫我!!!小弟真係感激不盡!!希望能和你交個朋友可以嗎??

作者: lcm12345 時間: 09-11-29 12:40 AM

原帖由 俠三仙劍 於 09-11-28 11:46 PM 發表
我覺得樓主你呢一刻已經好幸福...
有種品嚐緊戀愛就到來既感覺....

我都比個意見你~
我覺得第1步,
你要拎多小小勇氣出來,唔需要太多@@"
就係你多D望佢,當佢望返你果時.
你唔好轉移視線~繼續望 ...

俠三仙劍你第一句話覺得我係呢一刻已經好幸福...
仙劍兄,聽你咁講你應該都有 D野唔開心噃~~不如都講黎聽下啦~

作者: lcm12345 時間: 09-11-29 12:44 AM

真係好多謝咁多位比意見我呀!!!雖然我都拍過3次拖,但係今次呢個感覺係同以前好唔同架..
所以變得不知所措,有咁多位既幫助,真係比左唔小勇氣我

雖然我覺得有9成我真係配唔起佢同冇可能同到佢一齊...但係如果連試都唔去試既話,真係好冇用同會後悔!!!

作者: 七。培﹏ 時間: 09-11-29 12:45 AM

原帖由 lcm12345 於 09-11-29 12:38 AM 發表

好感謝七。培﹏師兄你呀!!!打咁多字同打得咁詳細既技巧黎幫我!!!小弟真係感激不盡!!希望能和你交個朋友可以嗎??

當然能阿"
希望能幫上你吧

有新進展記著分享給小弟
msn已pm給你了

[ 本帖最後由七。培﹏於 09-11-29 12:46 AM 編輯 ]

作者: tony8998 時間: 09-11-29 02:21 PM

愛情係冇年齡既界限架!!
想追人就去啦!!

作者: 古麗家族 時間: 09-11-29 02:58 PM

原帖由 lcm12345 於 09-11-29 12:44 AM 發表
真係好多謝咁多位比意見我呀!!!雖然我都拍過3次拖,但係今次呢個感覺係同以前好唔同架..
所以變得不知所措,有咁多位既幫助,真係比左唔小勇氣我
雖然我覺得有9成我真係配唔起佢同冇可能同到佢一齊...但係如果 ...

我期待你既好消息

加油唷

作者: lcm12345 時間: 09-11-29 03:01 PM

原帖由 tony8998 於 09-11-29 02:21 PM 發表
愛情係冇年齡既界限架!!
想追人就去啦!!

年齡應該係冇界限既~~但係我而家冇做野走去讀返書,冇事業基礎同經濟能力…呢樣就真係衰到正喇....

作者: lcm12345 時間: 09-11-29 03:03 PM

原帖由 古麗家族 於 09-11-29 02:58 PM 發表

我期待你既好消息加油唷

多謝你既支持呀!!!聽日星期一我會去去個巴士站到撞佢,睇下到時大家會有咩發生先~~放學返黎即刻同大家講~

作者: 七。培﹏ 時間: 09-11-29 05:16 PM

原帖由 lcm12345 於 09-11-29 03:03 PM 發表

多謝你既支持呀!!!聽日星期一我會去去個巴士站到撞佢,睇下到時大家會有咩發生先~~放學返黎即刻同大家講~

好阿~期待你既報告!

作者: MICHAELlo 時間: 09-11-29 05:49 PM

我覺得人地會當你變態多D..成日跟住佢咁..

作者: lcm12345 時間: 09-11-29 05:52 PM

原帖由 七。培﹏ 於 09-11-29 05:16 PM 發表

好阿~期待你既報告!

冇問題!!!

作者: lcm12345 時間: 09-11-29 05:53 PM

原帖由 MICHAELlo 於 09-11-29 05:49 PM 發表
我覺得人地會當你變態多D..成日跟住佢咁..

唔係掛.....一星期只係見2日到喳噃

作者: 俠三仙劍 時間: 09-11-29 06:35 PM

原帖由 lcm12345 於 09-11-29 12:40 AM 發表

俠三仙劍你第一句話覺得我係呢一刻已經好幸福...
仙劍兄,聽你咁講你應該都有 D野唔開心噃~~不如都講黎聽下啦~

無= =....
只係我曾經都試過你依家呢d feel,

好~星期一等你report!!

作者: 真田幸村 時間: 09-11-29 09:51 PM

埋去同佢講
baby...can i have your number..

作者: lcm12345 時間: 09-11-29 09:58 PM

原帖由 俠三仙劍 於 09-11-29 06:35 PM 發表

無= =....
只係我曾經都試過你依家呢d feel,

好~星期一等你report!!

講下果次有呢 FEEL既過程係點既^^
好!!明天返黎報告!!有朋友關心我呢D事真係好開心!!!

作者: lcm12345 時間: 09-11-29 09:59 PM

原帖由 真田幸村 於 09-11-29 09:51 PM 發表
埋去同佢講
baby...can i have your number..

我都想叫佢做baby

但係咁突然驚一巴打埋黎就真!!

作者: lcm12345 時間: 09-11-30 03:37 PM

第一時間報告先!!!
今日去到個站,等左陣,見到佢黎左,之後見佢睇下報紙咁~我都有睇~因為我冇排係條隊入面所以我唔夠膽好直接咁望佢,但係眼尾望到佢有望下過黎我呢邊既~~咁等多陣,架巴士到左喇~~見佢有係銀包到攞8達通卡,咁我諗佢應該上呢班車喇~咁我都行埋去條隊到攞銀包上車,咁等緊上車時,我緊係有望佢啦~咁佢上左拍卡之後佢就拎則小小個頭出黎,起初見佢係望向我之前企果個位既,之後見唔到我就再望過D望向條隊到~當時我係到望住佢,佢就係條隊到見到我排隊上緊車,大家見到大家之後佢就拎返個頭向前行搵位坐喇~~

作者: suyiii 時間: 09-11-30 04:33 PM

作者: doscar05 時間: 09-11-30 06:51 PM

某個程度上你好似d痴漢囧rz

作者: lcm12345 時間: 09-11-30 09:07 PM

原帖由 doscar05 於 09-11-30 06:51 PM 發表
某個程度上你好似d痴囧rz

唔係下話...中意個女仔...去見佢,咁都叫痴漢??請問你有冇中意過女仔???如果有,你係會點呀??

作者: 凱 時間: 09-12-6 06:02 PM

唔好意思，撥下你冷水。。。我覺得你係咪諗多左呢。。。人地望你可能覺得你好奇怪，驚左你會做Ｄ咩，所以先望實你呀？

作者: 雲吞餃 時間: 09-12-7 12:41 AM

冇一個特別既際遇好難開到頭

作者: joel090 時間: 09-12-12 02:44 AM

maybe人地係驚左你點解無啦啦有個人成日望住自己,又唔知會對自己做d咩都唔頂

歡迎光臨 2000FUN論壇 (https://www.2000fun.com/)