2000FUN論壇

標題: 望眾玩家路過留名　讓官方聽到我們的聲音－－飛空庭永久減價 [打印本頁]

作者: 鑰匙 時間: 09-12-17 02:28 PM 標題: 望眾玩家路過留名　讓官方聽到我們的聲音－－飛空庭永久減價

自問文筆沙石略多，文章冗長，望諸位見諒。
亦期望各位能留名支持，讓官方看到我們的願望，爭取飛空庭永久減價
亦期望諸位能多加補充，讓我們的訴求能具說服力！

前言：
自公測 Saga3 開始，ECO 就在不經不覺間陪伴眾玩家年多的時間，
自禁書鎖進商城一刻開始，人潮不斷消退，昔日繁榮的南國景象再不復見，
當時上城彈機的日子也不再存在，剩下的人只是抱著一顆堅持的信念，
對官方存在著一點又一點的希望，期望會轉變……

留下來的我，對官方存在信念，相信他會轉好……

今天他一步步回應到我的期望，前期的 DEM 活動間接解放了禁書，
也使過去感覺遙不可及的 Saga8 帶來到 ECO，
我們看到的是進步，是官方對我們的回應……

在此我先感謝一下，官方近幾個月對 ECO 的努力……

本篇：
然而，近日 Saga8 推出的庭師，一個又一個優惠箱，
聖誕活動裡一個接一個的飛空庭獎品推陳出新……
但對玩家而言，這些更新有好處嗎？
對官方你而言，現時貴價的飛空庭銷售價，又能為你做到最大總收益嗎？
下列就是我的個人分析及觀點。

作為一間想賺取盈利的公司，
在商言商固然是無可厚非。
可惜目前香港網絡遊戲的消費者普遍也是青少年，
試問一個普通青少年何來有能力負責起你百多塊的一座飛空庭？
結果呢？官方你只能賺取一少撮人的錢……
剩下來的呢？只能期望有飛空庭的一天……

然而，在沒有飛空庭下，你又會購買在商城推出的飛空庭產品嗎？
什麼優惠箱？什麼桌子？激賞裡的傢俱？理所當然是沒有！
這樣，不論你未來出幾多個傢俱也好，買的來來去去只有幾個人……

從這點出發，官方，你貴價的飛空庭售價，扼殺了幾多個玩家的願望，
同時又扼殺了幾多個未來的賺錢機會呢？

官方……未來會推出的傢俱數量，未來激賞禮劵內的傢俱數量，相信你會比我清楚！

從玩家出發，
飛空庭減價又有壞處嗎？沒有！
眾玩家的庭師能用了！聖誕活動的傢俱變得有用了！水牛牛奶任務也不再是夢想！
壞處哪有？作為玩家的你有反對的理由麼？

另外，官方又能夠藉樹立良好的品牌形象，
對推廣未來代理的其他遊戲上自然就能事半功倍！

事實上，減價的好處固然不限於以上，以經濟學角度出發仍有很多，玩家角度出發更是多不勝數……
寫到這裡，官方，要是你聰明的話，你會堅持現狀嗎？

過去的玩家曾要求飛空庭完全免費，
官方當然不會妥協，筆者也不同意走完全的極端……
在此個人期望官方能永久地將飛空庭售價下調 25%，
讓過去錯過了飛空庭套裝的人能永遠回補，
讓官方和玩家之間能取得平衡，達到雙羸……

結尾：
期望官方能認真考慮我們的訴求，
給予飛空庭系統一個較大的空間，
讓我們玩家能享受一個真真正正完整的《伊希歐之夢》！

ECO 某個窮玩家上　

作者: panucci 時間: 09-12-17 02:43 PM

雖然我已有飛空...

都支持一下....

雖則我想佢開放留聲機係商城會更好...

咖哩牛腩上

作者: 日幸洛仔~過去板 時間: 09-12-17 03:08 PM

我道係想留聲機出商城/開箱出多d
唔想抽獎抽出來

我都支持一下

作者: UN仔 時間: 09-12-17 03:28 PM

eco其中一個重要元素都係飛空庭上幫自己屋企扮靚
(雖然我尋日先買左4件部件入黎砌好左部飛空= = 仲要未飛得去其他國家住T_T)

支持支持

(話說氣笛果d部件係邊到入到手= =？)

作者: TRINITY888 時間: 09-12-17 03:40 PM

不能支持.....

依然要求在遊戲中正常取得飛空組件呀!!

作者: MLY1314 時間: 09-12-17 04:06 PM

差舵輪才有飛空的人路過;;撐一下

其實gc 都有做過野ga..
早前果個 [飛空庭箱子].. 385點就齊1套飛空
(可能大大錯過了)

不打緊.. 上城暗黑商人會抽到部份部件 (除引擎-_-;)

另外開集裝1 也能開到部份部件喔 (除引擎)

引擎比較難入手而且打MKII 會掉壞引擎 <<被鎖掉
合壞引擎也被鎖了~

作者: Mr.Ling 時間: 09-12-17 04:24 PM

路過...不過都支持一下

作者: tspy 時間: 09-12-17 04:55 PM

贊成減價
但反對遊戲取得全部飛空組件或傢俱
原因就以今次活動大襪子為例堆分身一人一飛空佢地好發
而且人人都有自己打仲邊有生意做要擁有自己特色的飛空當然要某些道具我有你無才對

作者: siuman0314 時間: 09-12-17 05:37 PM

留名
因為普普通通一個飛空要過百蚊，所以我同老公係2人共用一個飛空(有d浪漫)，不過都係有d唔方便,,其實依d野都係虛疑物品，以每一件物品黎講跟本無成本可言，無必要賣咁貴，平平地反而更加吸引人買。
要存好心，做好事，說好話...

作者: 越墮落越快樂 時間: 09-12-17 06:08 PM

雖然我都有..不過我都覺得其實都唔洗 130$架吧( 如果你唔以game形式合

有時分身沒有都不太方便..- -""""

作者: 水~ 時間: 09-12-17 06:20 PM

不贊成..

以前玩online game每個月月費就90...
宜家玩免費...百幾蚊(一次性).唔貴...
飛空都覺得貴..傢俱更不會買
平左你會買飛空..也不會買傢俱

唔想俾真錢..
可以放多d時間係遊戲到...練高等d...再帶升...一樣可以有錢買飛空...

作者: ctikw 時間: 09-12-17 06:30 PM

原帖由 MLY1314 於 09-12-17 04:06 PM 發表
差舵輪才有飛空的人路過;;撐一下

其實gc 都有做過野ga..
早前果個 [飛空庭箱子].. 385點就齊1套飛空
(可能大大錯過了)

不打緊.. 上城暗黑商人會抽到部份部件 (除引擎-_-;)

另外開集裝1 也能開到部份 ...

我抽過引擎

作者: auau123741 時間: 09-12-17 07:45 PM

支持呀!!(還沒有飛空真的很想有-v-''''
可是減價還只是減點價...沒有買點不能獲益..(本人也xd
也是支持的!!
加油!!支持樓主!!

作者: EFBY 時間: 09-12-17 09:39 PM

支持, 我窮到唔捨得買

作者: chunto-3- 時間: 09-12-18 08:36 AM

試問從遠方的大量複製品
又要鎖,又唔放去傷(商)城
係唔係搵個日子出個"複製品激賞券1"

?
p.s. 唔係刺激的激,係激氣的激

另外唔知幾時,開集裝箱定唔知咩箱出過飛空的引擎,係s7的時候-.-

[ 本帖最後由 chunto-3- 於 09-12-18 08:39 AM 編輯 ]

作者: TRINITY888 時間: 09-12-18 02:25 PM

原帖由 ctikw 於 09-12-17 06:30 PM 發表

我抽過引擎

OH...是最近定好久之前的事呢?

作者: yahoho 時間: 09-12-18 03:58 PM

不贊成飛空庭永久減價

不過我想飛空d野，整走個紅點佢，
咁人地都可以用game $收

作者: 穎乂 時間: 09-12-18 05:34 PM

希望可以用日版一樣用10000g洗點

作者: 摩羯座的貓 時間: 09-12-18 05:40 PM

我認為應該將飛空跟日本一樣
因為有好多不會用點數既人玩這隻game
如果佢不改
根本ECO既人數一日比一日少!!

作者: MLY1314 時間: 09-12-18 05:43 PM

原帖由 ctikw 於 09-12-17 06:30 PM 發表

我抽過引擎

@@原來會抽到引擎嗎? 上面的資料我是聽說得來的..(情報可靠喔)

原帖由 chunto-3- 於 09-12-18 08:36 AM 發表
試問從遠方的大量複製品
又要鎖,又唔放去傷(商)城
係唔係搵個日子出個"複製品激賞券1" ?
p.s. 唔係刺激的激,係激氣的激

另外唔知幾時,開集裝箱定唔知咩箱出過飛空的引擎,係s7的時候-.-

請問你的引擎是壞的嗎?有沒有看錯是渦輪引擎?

謝謝2位大大提供更多的引擎資料如小女更新data XD

作者: 小柴★ 時間: 09-12-18 07:18 PM

支持!
不過如果可以正常遊戲中取得飛空組件就最好
真的很想要飛空阿!! - -

作者: anohito 時間: 09-12-18 07:23 PM

如果可以將鎖了失蹤的家具全部開放仲好

作者: 魂切 時間: 09-12-18 07:32 PM

原帖由 小柴★ 於 09-12-18 07:18 PM 發表
支持!
不過如果可以正常遊戲中取得飛空組件就最好
真的很想要飛空阿!! - -

去大陸洞打集裝箱吧a a
會開到大部分飛空組件的(引擎除外)

作者: 小柴★ 時間: 09-12-18 07:36 PM

原帖由魂切於 09-12-18 07:32 PM 發表

去大陸洞打集裝箱吧a a
會開到大部分飛空組件的(引擎除外)

去過打的,,
次次開親d野都係冇乜用

機率有幾多..?

作者: TRINITY888 時間: 09-12-18 07:44 PM

原帖由 小柴★ 於 09-12-18 07:36 PM 發表

去過打的,,
次次開親d野都係冇乜用
機率有幾多..?

提示:十分十分之低.........

作者: lucky★star 時間: 09-12-18 07:54 PM

又會咁多2KF新AC嘅

作者: 魂切 時間: 09-12-18 08:00 PM

原帖由 小柴★ 於 09-12-18 07:36 PM 發表

去過打的,,
次次開親d野都係冇乜用
機率有幾多..?

我個飛空都響果度打出黎的a.a(除引擎)
機率唔太清楚
但齊料用左一個月
p.s. 當然我唔係24小時camp箱+每日打,只係得閒打下

作者: 死神的靈魂 時間: 09-12-18 08:34 PM

雖然有飛空了,但也支持1下吧

作者: TRINITY888 時間: 09-12-18 08:47 PM

原帖由魂切於 09-12-18 08:00 PM 發表

我個飛空都響果度打出黎的a.a(除引擎)
機率唔太清楚
但齊料用左一個月
p.s. 當然我唔係24小時camp箱+每日打,只係得閒打下

嘩.....用1個月時間也ok呀.
等我努力下先.

[ 本帖最後由 TRINITY888 於 09-12-19 04:53 PM 編輯 ]

作者: 魂切 時間: 09-12-18 08:54 PM

原帖由 TRINITY888 於 09-12-18 08:47 PM 發表

嘩.....用1個時間也ok呀.
等我努力下先.

有時RVR完左打1hr都出到一件

作者: jverz00 時間: 09-12-18 09:30 PM

我上黎留言﹒同時間唸到個問題…
呢家eco有幾多玩家有飛空﹒而且有部份玩家唔止一架飛空﹒
如果真係實行永久減價﹒對已買飛空套裝的玩家絕對不公平﹒

既然一件事本身係無壞﹒如果要因為部份人而改變﹒造成影響既話…
感覺唔多好囉。

作者: 夜叉之舞 時間: 09-12-18 09:32 PM

飛空減價我無咩意見
但係gc幾時先肯開放果d鎖左o既傢俱....?

作者: siuman0314 時間: 09-12-18 09:51 PM

原帖由 jverz00 於 09-12-18 09:30 PM 發表
我上黎留言﹒同時間唸到個問題…
呢家eco有幾多玩家有飛空﹒而且有部份玩家唔止一架飛空﹒
如果真係實行永久減價﹒對已買飛空套裝的玩家絕對不公平﹒

既然一件事本身係無壞﹒如果要因為部份人而改變﹒造成影響既 ...

依個都係gc要考慮既其中一點
將本身鎖左既物品重新開放都會有依個問題出現
所以結精回路禁書依d唔會解鎖，最多係活動度送比大家

作者: ATM 時間: 09-12-18 10:14 PM

飛空都覺得貴..傢俱更不會買
^
還是會有少量可以自己做的傢俱
到頭來為了想把庭整得更漂也還是忍不住買(過來人
再說就算不買傢俱只有飛空庭降價還是會令飛空庭的交易數上升

對已買飛空套裝的玩家絕對不公平
^
我覺得沒什麼不公平的
要是真的永久減價
之前已買飛空套裝的玩家已經比其他玩家早享用了
道理就像有新game出了有人第一時間去買而有人就等到價格稍降才買一樣
雖然不是所有人都不是這樣想...

==========================================

個人比較偏向支持減價
不過飛空庭原料減價可能換句話說就是傢俱不會開放/etc
只是覺得有減好過沒減而已
要是大量傢俱放商城的問題能解決的話飛空庭原料能否減價都沒什麼所謂

不過有時想同時製作另一個特色的飛空庭都不行...
雖然原料減價我也未必會買

飛空庭本來就大眾化是eco的特色 (雖然這邊是港版
多些人受惠不是更加好嗎
只是這樣想

[ 本帖最後由 ATM 於 09-12-18 10:15 PM 編輯 ]

作者: joshuakg123 時間: 09-12-19 03:24 PM

抽暗黑箱拎部件都得
唔一定要買點
買幣再抽a箱都得(逃)
最好解番d家私比人地自己合成吧

作者: 夏之小咁 時間: 09-12-19 04:28 PM

一半支持一半反對
話曬,除左港台版的eco是不可以在npc完全免費拿曬d部件!
不可以在npc免費拿都算,都不應該放商城,還要買咁貴
(新馬版的雲起都可以免費拿曬d部件,不用用點買!)<---講真雲起代理原本就是最吃$的代理,佢都識做,5放在商城買...gc真係5識做!

雖然這樣,都有好多玩家,用點買左...所以過左咁奈
如果gc轉返其他版本的eco的"飛空庭部件拿法",
又會令用點買左飛空庭的玩家反對(當然有些會支持...
所以如果學上次完全學曬DEM 活動咁實死緊...

如果學上次完全學曬DEM 活動咁實死緊,
不過學其他版本的eco可以在闇黑商人購買咪得o羅!
我相信一定有人會話我聽物價問題
以飛空庭基臺價錢來說日版買三百萬,我地港版三千萬或以上
不過如果將原本(日版)闇黑商人的所有飛空庭部件價錢增加10~15倍
我估比較令大家容易接受
賣開部件的人又5會蝕咁多,
想買飛空庭部件的人(不用點買的人)又5用找很奈先可以買一個部件(少人賣)
講真一句e家d物價咁高,想有新手入黎玩,很難...

題外話:我在港版上城那個闇黑商人抽過6次飛空庭引擎

[ 本帖最後由夏之小咁於 09-12-19 04:34 PM 編輯 ]

作者: TRINITY888 時間: 09-12-19 08:19 PM 標題: 回復 36# 夏之小咁的帖子

你話"我在港版上城那個闇黑商人抽過6次飛空庭引擎"
你又抽咗多少次?
花咗多少錢?

作者: 鑰匙 時間: 09-12-20 01:30 AM

原帖由 MLY1314 於 09-12-17 04:06 PM 發表
早前果個 [飛空庭箱子].. 385點就齊1套飛空

其實文中有提及過有關 7 折飛空庭活動，
所以本人才把價錢建議於 7 折，
因為活動進行過，證明到 GC 同意這個價格，
而且也有不少玩家因此購買飛空庭，
證明 7 折的價格是雙方能接受。

原帖由水~ 於 09-12-17 06:20 PM 發表
不贊成..

以前玩online game每個月月費就90...
宜家玩免費...百幾蚊(一次性).唔貴...
飛空都覺得貴..傢俱更不會買
平左你會買飛空..也不會買傢俱

以前豈能以現今相提並論呢？
在過往只有數款網絡遊戲推出的時候，
選擇自然少，花百多塊可能是理所當然。
然而，現今打著免費旗號的遊戲過百款，
百多塊這個數目確實較多，
而且網絡普及化時遊戲市場已日漸由過去成年人市場轉到青年市場，
減價純粹迎合市場需要，有問題？

從經濟角度解釋，替代品數目的上升會使其需求價格彈性上升，
價格下降怎樣也會對總收益有提高作用，
固然這只適用於完全競爭市場，但一般市場也或多或少乎合此理論。

而且，人類的慾望是無止境的，
當你做到一件事之後，會追求另一件目標，
飛空庭只是短期目標，美化飛空庭自然是長期目標，
若言第一個短期目標已令你卻步，後期又如何會出現呢？
我個人的理論就如以上。

固然，依你所見高級的玩家就能帶升賺到飛空，
這也是正確的，任何有實力的人也能從貿易或遊戲免費方式去得到原料，
不過個人提議的方法純粹是為眾玩家改善一個取得途徑，
即使減價也不會對遊戲取得原料的方式有所影響，
這會對你造成壞處麼？

原帖由 jverz00 於 09-12-18 09:30 PM 發表
我上黎留言﹒同時間唸到個問題…
呢家eco有幾多玩家有飛空﹒而且有部份玩家唔止一架飛空﹒
如果真係實行永久減價﹒對已買飛空套裝的玩家絕對不公平﹒

既然一件事本身係無壞﹒如果要因為部份人而改變﹒造成影響既 ...

早前 7 折的活動有玩家出來聲言大叫不公平麼？
固然每一個改動也對人造成影響，難以兩全其美，
所以才發內本文期望各位多給意見，
達到各界的共識。

原帖由 lucky★star 於 09-12-18 07:54 PM 發表
又會咁多2KF新AC嘅

個人不太喜歡在討論區上發言，引疑閣下懷疑在此對歉
而且發內此帖有要重新申請新用戶的必要麼？我看沒有這個需要。

=================================================================
先感謝樓上各玩家的支持，
期望各位能多加發表意見去完善飛空庭問題，
也期望官喵能對我們作出回應，
「盡力」爭取我們的要求。

始終官喵也身不由己，只是員工，要保飯碗，不能決定一切。

另外亦注意到部分玩家的留言，
期望能免費取得，固然這是最佳的處理方法，
始終飛空庭系統是遊戲一大特色，
官方放在商城確實扼殺了遊戲特色之一，
但立即免費確實過分激進，
官方也難以妥協，
期望各位能體諒。

願各位繼續提出更好的方案，
讓飛空庭定價問題得以改善。

某窮玩家

作者: 喵小月 時間: 09-12-20 02:08 AM

原帖由鑰匙於 09-12-20 01:30 AM 發表

其實文中有提及過有關 7 折飛空庭活動，
所以本人才把價錢建議於 7 折，
因為活動進行過，證明到 GC 同意這個價格，
而且也有不少玩家因此購買飛空庭，
證明 7 折的價格是雙方能接受。

以前豈能以現今相提並 ...

你等GC 7折
不如試下打集箱1先
我都係成架打翻黎

作者: dragonairex 時間: 09-12-20 12:01 PM

原帖由穎乂於 09-12-18 05:34 PM 發表
希望可以用日版一樣用10000g洗點

嗯~
飛空都只不過係買一次
洗素質先係無底洞...

作者: 肥銘 時間: 09-12-20 12:55 PM

原帖由 jverz00 於 09-12-18 09:30 PM 發表
我上黎留言﹒同時間唸到個問題…
呢家eco有幾多玩家有飛空﹒而且有部份玩家唔止一架飛空﹒
如果真係實行永久減價﹒對已買飛空套裝的玩家絕對不公平﹒

既然一件事本身係無壞﹒如果要因為部份人而改變﹒造成影響既 ...

早買早享受
遲買多折扣

作者: 夏之小咁 時間: 09-12-20 01:40 PM

原帖由 TRINITY888 於 09-12-19 08:19 PM 發表
你話"我在港版上城那個闇黑商人抽過6次飛空庭引擎"
你又抽咗多少次?
花咗多少錢?

我抽左50個暗黑禮物箱B(用商人買所以有折扣),原本想抽飛空庭基臺 ,但係就抽5到=.="
反而微微的微風連身裙同微微的輕風皮靴比我抽中左=v=(講講下變左曬運~~)

作者: ||°小嬌子~| 時間: 09-12-20 11:51 PM

我反而希望一些必需品能放回遊戲中, 如禁書,記沙
仲有希望祝福能夠減下價
呢d物品, 很多玩家都必需吧

作者: TRINITY888 時間: 09-12-21 03:26 PM

原帖由 夏之小咁 於 09-12-20 01:40 PM 發表

我抽左50個暗黑禮物箱B(用商人買所以有折扣),原本想抽飛空庭基臺 ,但係就抽5到=.="
反而微微的微風連身裙同微微的輕風皮靴比我抽中左=v=(講講下變左曬運~~)

oh....我仲以為你抽既係....暗黑禮物箱A.

作者: 為什麼開不到 時間: 09-12-22 01:37 AM

原帖由 夏之小咁 於 09-12-20 01:40 PM 發表

我抽左50個暗黑禮物箱B(用商人買所以有折扣),原本想抽飛空庭基臺 ,但係就抽5到=.="
反而微微的微風連身裙同微微的輕風皮靴比我抽中左=v=(講講下變左曬運~~)

飛空基台打集箱1應該最易有:p

作者: CTPS 時間: 09-12-23 09:35 AM

雖然我已有飛空...

都支持一下....

作者: 辰星。默語 時間: 09-12-23 06:25 PM

路過～支持一下（飛空好費貴．．．無錢買Ｔ＾Ｔ）

作者: 藍流星 時間: 09-12-23 06:49 PM

雖然我都已有飛空庭, 但都想官方可以減價!!

作者: 笨月Ku 時間: 09-12-27 04:59 PM

支持!!!!!!!!!商科激夯!!!!!!!!!

作者: nightmare2 時間: 09-12-27 11:31 PM

減價啦
飛空太貴了

歡迎光臨 2000FUN論壇 (https://www.2000fun.com/)