2000FUN論壇

標題: 分享戀愛小技巧<<溝通篇>> (歡迎傾計) [打印本頁]

作者: ~傳說中的傻仔︻ 時間: 09-12-23 01:03 PM 標題: 分享戀愛小技巧<<溝通篇>> (歡迎傾計)

又係小弟我呀唔經唔覺差唔多到平安夜啦

唔知大家已經約左心上人未呢?(小弟就仍然毒男一個 )

今次我係想分享一下同女仔既溝通技巧---<溝通篇>

再鄭重一次我只係經常站在局外人既角度黎睇野所以希望可以幫到當局者迷既兄弟

兄弟們唔好誤會我係情聖同埋扮愛情專家多謝各位

而大家想重溫<<了解篇>>---http://www.2000fun.com/bbs/viewt ... &extra=page%3D1

重點討論:
次次一諗起打比心上人傾電話個腦就實哂點算好!!
同女仔傾計個時有咩技巧呢?
有冷埸出現點算好呢?
次次剩係好似得我講,佢剩係[嗯,哦,喔,係咩?],點攪呀!!

好啦,而家就等小弟分享下小技巧.

1.)唉,都唔知點解打比佢就淆哂底...

我相信呢樣野係全部男士都會有既問題,(當然,有經驗既例外)
一諗起打比心上人,就會不其然地緊張,
而且緊張既重點係在於:[打去唔知講乜好]/[個腦完全空哂]/[總之淆底啦!]
小弟我都明白呢個情況,因為我都係受害者之一.
但係有一日,我睇左本書,
入面就教我地點樣可以對第一次約會既對像減低緊張感,
就係我要分享既第一個小技巧.

呢個技巧叫做<老友>,咩係<老友>?
打比佢之前,你不斷催眠自己,你只係打比自己老友,
將你同老友傾計個種放鬆同埋唔緊張既感覺套落自己到,
係咁幻想只係打比老友傾計,或者係好難同埋無稽,
但係小弟我試過,對第一次約會對像既緊張感都有下降,
希望兄弟們都可以試下,畢竟係有幫助.

第二個小技巧係:死就死啦,怕咩!
頭先講左小弟都係會淆底,所以成日抱住打死罷就既心態去結識女仔,
但係當你係放膽去做之後,你就會發現打比心上人傾電話/出街/約會等等,
都唔係你想像中咁難,只因為我地成日驚埋d未知數既野,
先會令我地產生恐懼;
所以,放膽去做啦!你今日既勇敢,會換黎聽日佢對你既好感!

如果真係仲係淆底,試下聽d激情既音樂黎感染自己,
唔係講笑,小弟真係試過,聽完之後唔知點解夠彊打比個女仔;
所以,唔好覺得白痴同埋廢就唔去做,肯踏出勇氣既一步,
你既追女仔大計就會成功左一半.

2.)同女仔傾計個時有咩技巧呢?

好啦,終於夠彊打比佢,相信大家等佢聽電話個時,個心已經跳得好勁,
呢個時候記住:我打比老友姐,自然d,自然d,自然d......

一開始接觸既時候,當然唔好砰砰聲就問佢對自己有無好感,
否則你只會聽到佢收線既聲音.
由大家既基本認識開始,先講小小自己既背景,
但係唔好全部講哂,否則只會失去<神秘感>.(想知神秘感有咩用,請看<了解篇>)

要用一個歡樂既態度打比佢,用一種開朗既聲線同佢溝通,
雖然佢唔會見到你個開心樣,但係女人對聲線係好敏感,
你只要懷住開心既聲線同佢傾計,佢一樣感受到你既歡樂.

唔好淆淆底底咁係咁lag機,好似[係..咩..哈哈..呀..係啦..]
呢d lag機說話,比佢既感覺你係唔識溝通,令到佢想同你溝通既意欲都減低.

說話要爽快,明朗,有重點,切忌含糊無重點;
佢地唔鍾意聽廢話,但唔係叫你一句:你鍾唔鍾意我!
要係說話加上修飾,比佢感受到你既來意,
但係又唔會太明顯,咁就最好啦!

3.)有冷埸出現點好呢?

傾完基本背景資料,就係時候入戲肉,點可以傾得深入d呢?
而兄弟們通常唔知點開口好,而佢更加唔會主動同你主動深入,
(當然有例外),咁就會有冷埸出現,
好多時大家都比冷埸嚇到,跟住就收線,
收線之後就懷住想跳樓既心情後悔緊點解頭先唔傾多d計.

所以,避免有呢個情況出現,
我鼓勵大家放膽打比女仔之前,試下睇下報紙,
睇下一d攪笑既趣聞,諗定你既校園/公司趣事,
同埋搵定/作定1-2件你既悲情心事,
咁樣,你就會有足夠既材料去同女仔開始溝通,
畢竟要萬事準備充足,先可以得心應手.

傾完背景資料,你就要合時切入第二個話題,
呢d話題就係小弟頭先叫大家搵既資料,
可以係趣聞,心事,乜都得,只要你搵到出黎講就得.

彼此既關係係要透過溝通增進,而溝通係需要話題去維持,
只要你搵到好既話題,就可以令溝通加深,關係自然亦都會前進一大步.

但記住,唔好搵d廢既話題,好似:樓下個師奶死左呀!
佢只會無言以對,因為呢樣實在勾唔起佢既興趣,
所以,一個好既話題,就已經係令你地關係成功增進既一個重要點.

而兄弟們分享話題個時,不彷將事情誇大化,
eg:[我今日個同學賴屎]變成[今日我食完飯,聞到陣臭味,原來係我同學賴屎,我差d噴番d飯出黎呀.]
係唔係成個句子好笑左?但係又不失個含意,所以合適既誇大化係可以令事情有趣化,
個女仔既回應度都會得到提高,對你既好感亦會上升.

記住:
即使有幾好既話題,即使係幾好既老友,
都會有冷埸出現,所以唔好比冷埸嚇到;
冷埸個時諗下仲有無野想講,有既咪講落去,
無既就收線,咁樣會比個女仔覺得你唔係一個煩人,
係一個值得交既朋友,咁樣你得手既機會又會增加.

4.)次次剩係好似得我講,佢剩係[嗯,哦,喔,係咩?],點攪呀!!

呢樣又係一大難題,而家d女仔好似成日講以上幾個發音,
令我地唔知點算好,但係唔洗驚,小弟分享一個技巧比你地.

呢個技巧就係做一個<分享者>,
佢唔出聲都無問題,你咪同佢講要佢做一個聆聽者既角色,
你就開始分享你既心事,最好直情係將件心事講到有幾慘有幾慘,
女人對慘情既事特別敏感,(因為佢地有母愛),
自然就會回應番你/比意見你,到時你咪可以令到佢同你之間有溝通,

所以,當你發現到佢剩係識發幾個音個時,你即刻用分享者既角色黎同佢溝通,
可能都係無咩改善,但係你起碼比佢知道你想講乜,
你打比佢係因為你想佢聽你既心事,你想佢明白佢係你心目中既位置,
講完咪收線lor,反正你已經達成<<目的>>---打比佢傾電話.

而一個好既打電話時機都係重要,打之前諗下對方而家得唔得閒,
如果唔確定既,咪即管打去試下,對方係忙既自然會搵籍口推卻你,
到時你咪再搵第二個時間打lor,都係無傷大雅.

總結:一字記之曰<勇>

夠膽打比心上人,你已經係成功既一半,
只因為你夠膽嘗試,心上人就一定離你不遠.

打之前記住做足功課,否則盲目打電話,換黎既只會係無情既收線同埋後悔既心情.

最後預祝大家平安夜快樂

[ 本帖最後由 ~傳說中的傻仔︻於 09-12-23 01:10 PM 編輯 ]

作者: 蝶戀花乂 時間: 09-12-23 01:14 PM

好有用...不過我實戰經驗卻沒有

作者: ~傳說中的傻仔︻ 時間: 09-12-23 01:59 PM

經驗靠行動累積既姐

你肯做既自不然就會有經驗架啦

作者: 蝶戀花乂 時間: 09-12-23 02:22 PM

我想聽下你既愛情故事

作者: ~傳說中的傻仔︻ 時間: 09-12-23 02:48 PM

點解對我愛情故事咁有興趣呢-.-

作者: 蝶戀花乂 時間: 09-12-23 05:22 PM

原帖由 ~傳說中的傻仔︻ 於 09-12-23 02:48 PM 發表
點解對我愛情故事咁有興趣呢-.-

唔知
總之快D講黎分享下

作者: ~傳說中的傻仔︻ 時間: 09-12-23 06:21 PM

有機會先A_A 你聽晚肯定有街去啦

作者: 毒狐狸 時間: 09-12-23 08:51 PM

哈,,
點解冇同男仔既溝通技巧既

作者: 蝶戀花乂 時間: 09-12-23 09:45 PM

原帖由 ~傳說中的傻仔︻ 於 09-12-23 06:21 PM 發表
有機會先A_A 你聽晚肯定有街去啦

唉
雖然你d 方法係好
不過都要搵時間練習
聽晚冇街去丫...
失望

作者: ~傳說中的傻仔︻ 時間: 09-12-23 09:56 PM

咁呢個主要係幫兄弟們追女仔架MA
就緊係主要寫同女仔溝通啦

我聽晚有街去了 YO A_A

作者: 蝶戀花乂 時間: 09-12-23 10:59 PM

原帖由 ~傳說中的傻仔︻ 於 09-12-23 09:56 PM 發表
咁呢個主要係幫兄弟們追女仔架MA
就緊係主要寫同女仔溝通啦

我聽晚有街去了 YO A_A

平安夜失身夜, take care yourself

今晚老子都要行動...!

作者: 波波腸 時間: 09-12-23 11:20 PM

平安夜係男人既作戰夜xdxd

作者: ~傳說中的傻仔︻ 時間: 09-12-24 10:01 AM

傻啦先唔係失身=.=

女朋友岩岩醫院出黎佢話唔食野我又可以節省番一筆

剩係周圍行同埋影下相就OK 我D錢唔使好似水咁流走啦

作者: 卡卡．鐘 時間: 09-12-24 03:42 PM

其實我覺得,你有咩想講咪講囉
讀咁多書做咩,,,打去最實際,

作者: 蝶戀花乂 時間: 09-12-24 05:19 PM

原帖由 卡卡．鐘 於 09-12-24 03:42 PM 發表
其實我覺得,你有咩想講咪講囉
讀咁多書做咩,,,打去最實際,

個個都好似你咁講咁易就好囉

作者: LoSeRbyy 時間: 09-12-25 02:02 PM

成日抱住打死罷就既心態去結識女仔!!
同我一樣..hehe..

開頭會唔慣..而家慣哂lu..
我有時會咁諗..就算講左出口又唔會死既..
咁諗就算有咩說話刀講到出口.xD

作者: henry0047 時間: 09-12-25 04:06 PM

你們可知道LATUALATUKA的意思是什麼嗎?
也一樣有一個有關LATUALATUKA的信息

內容大概如下：
於一九四五年，一位非藉少女名KatuLataKulu，乘坐一艘灰色小船由非洲漂遊到美國，一位神秘男人殺死了她，而且在背脊割了"LATUALATUKA"幾個字母。一星期後，這消息傳到亞洲。現在，你已看完這篇訊息，她會在一星期後飄到家中奪取你最重要的家人性命。現在你已看完這篇訊息, 她會在一星期後飄到你家中奪取你最重要的家人性命。解咒方法只有完成以下指示：將此訊息貼在其他三個留言版的回應內發佈著個的好無聊

作者: ming777888 時間: 09-12-25 05:01 PM

最難我覺得係打開話題..
有時打開左..對方又回1,2個字無得接下文就慘..

作者: hugoor1119 時間: 09-12-25 06:12 PM

好驚打過去會比人話唔得閒...搞到我好似成日阻住人咁...

作者: cla01104 時間: 09-12-25 11:42 PM

哈,都幾好.吾錯吾錯,
最緊要都係勇啦,, 冇勇真係咩都做吾到=],,
驚就多D同女仔傾下計,, 等自己習慣D,
媾女都易D!=]""

作者: hugoor1119 時間: 09-12-26 07:41 PM

同女仔傾計唔係問題...好驚打過去之後，搞到佢比家人罵...

作者: ~傳說中的傻仔︻ 時間: 09-12-26 09:03 PM

其實我即使再分享多既技巧

大家唔肯比膽去實踐都只係徒勞

所以我鼓勵大家係追女仔方面少D幻想多D實際行動仲好

作者: ＭＡＮＤＹ 時間: 09-12-27 12:10 AM

原帖由 ~傳說中的傻仔︻ 於 09-12-26 09:03 PM 發表
其實我即使再分享多既技巧

大家唔肯比些膽去實踐都只係徒勞

所以我鼓勵大家係追女仔方面少D幻想多D實際行動仲好

很同意,實際行動先係重要既一關,

同埋你分享比會員既技巧可使佢地有充份既準備,

令到唔少既位可以成功衝破到/有進步既空間,

所以我相信會員係有膽去實踐,

最緊要唔好怕失敗,努力做好自己就可以.

作者: ＭＡＮＤＹ 時間: 09-12-27 12:17 AM

原帖由 hugoor1119 於 09-12-26 07:41 PM 發表
同女仔傾計唔係問題...好驚打過去之後，搞到佢比家人罵...

如果你驚佢比屋企人罵既話,

你可以係佢唔係屋企先打比佢,

咁就唔洗為左呢個問題而煩惱,

同埋一日有24小時,我相信點會有些時間佢屋企人會唔係佢身邊的.

作者: ~傳說中的傻仔︻ 時間: 09-12-27 12:36 PM

我都希望我分享比大家既技巧係有用

畢竟發覺而家年輕一代既戀愛問題都係差唔多

黎黎去去都係個幾樣

所以大家如果真係比心機做好自己同埋放膽去做

就會發覺個D問題根本就唔係問題黎

作者: p445hkk20001 時間: 09-12-27 12:47 PM

我都明其實好多時都係自己比自己阻力。所以我多數用msn,sms

作者: ＭＡＮＤＹ 時間: 09-12-27 01:56 PM

原帖由 p445hkk20001 於 09-12-27 12:47 PM 發表
我都明其實好多時都係自己比自己阻力。所以我多數用msn,sms

努力加油啊

作者: p445hkk20001 時間: 09-12-27 05:38 PM

原帖由 ＭＡＮＤＹ 於 09-12-27 01:56 PM 發表

努力加油啊

盡力而為啦

作者: dennisko01 時間: 09-12-28 12:10 AM

講真~正如樓主所講,溝女真係要好似清兵咁~心口掛個勇字~without你係一個女人見到就愛你的靚仔

作者: kenny6624 時間: 10-1-9 05:07 PM

謝謝大大的分享:P

作者: 常山趙子龍 時間: 10-1-11 12:12 PM

我最想問下呢
點先可以提升到同女仔講野既技巧
先唔講心理
例如sms果時,點先可以將同1個意思既野,但講出黎會比女仔覺得好關心佢咁
我唔洗要把口甜過蜜糖
但我想知女仔鐘意聽咩既說話多

作者: ~傳說中的傻仔︻ 時間: 10-1-11 11:29 PM

溝通既技巧真係需要訓練
試下睇多D書每次同佢講野之前諗下一句句子點組織
女人唔鍾意聽廢話但係太直接又唔好
呢個就係我地需要練習既地方

女人鍾意聽咩話?無女人唔鍾意聽讚美既說話
試下係佢身上搵幾個優點係一後對話完左之後好自然咁帶出黎
咁樣反而比佢感覺到你係注視緊佢

作者: rjj87on9 時間: 10-1-19 12:30 AM

我岩岩試下 , 點知佢訓左仲嬲左我...

作者: Shaorin 時間: 10-2-12 09:01 PM

點解咁好既POST...
冇人回嫁...
我一個月都會睇一次的- -...

作者: ~傳說中的傻仔︻ 時間: 10-2-12 09:45 PM

咁比面?-.- 可惜小弟我能醫不自醫又陷入失戀既狀態

作者: CenterOneM 時間: 10-2-13 05:53 PM

多謝你GE分享
我真人/MSN 個D同人傾計都冇問題
但唔知點解我係電話唔知點講野-_
點解會咁

作者: 鋼銀河♂ 時間: 10-2-19 12:20 PM

小弟既意見
可以從佢或你既興趣入手-_-"
事關小弟同佢講爆旋陀螺*O*"
佢拎左我其中一隻返屋企玩-.- 佢話而家訓教就會拎住佢訓出街就袋落袋-_-""
我尋日同佢去完海湕公園比埋個爆旋器佢

作者: 黑月~ 時間: 10-3-3 04:48 PM

我成日都唔識搵話題呢下先死=.="
我鍾意既女仔話想讀書咁會唔會真係想讀呢(最後一年會考)

作者: qq20052006 時間: 10-3-3 06:28 PM

唔錯唔錯

作者: fwk2551 時間: 10-3-5 07:35 AM

試下自己比D信心自己

作者: ＊ＣＨＵＮ＊ 時間: 10-6-26 07:01 PM

原帖由 ~傳說中的傻仔︻ 於 10-1-11 11:29 PM 發表
溝通既技巧真係需要訓練
試下睇多D書每次同佢講野之前諗下一句句子點組織
女人唔鍾意聽廢話但係太直接又唔好
呢個就係我地需要練習既地方

女人鍾意聽咩話?無女人唔鍾意聽讚美既說話
試下係佢身上搵幾個優點 ...

樓主有什麼書介紹?

作者: c.h.m.s.tomma 時間: 10-12-12 10:46 PM

學到野了!
謝謝!

作者: 神月天風 時間: 11-1-25 10:23 PM

多謝樓主解決左我一直以來話題 e個問題

:thup: :thup:
即刻

左=]

作者: 力!! 時間: 11-2-14 10:51 PM

好有用

作者: ~傳說中的傻仔︻ 時間: 11-2-15 08:59 PM

大家有所得著就好估唔到咁耐之前既post大家仍然肯比耐性睇完

攪到我都好鬼感動

唔知大家有無興趣睇下<維持戀愛篇> 又或者<重燃愛火篇>呢?

如果有興趣既我都可以同大家分享下心得架@.@

作者: 力!! 時間: 11-2-16 06:54 PM

維持戀愛篇

作者: ＭＡＮＤＹ 時間: 11-2-17 04:14 AM

原帖由 ~傳說中的傻仔︻ 於 11-2-15 08:59 PM 發表
大家有所得著就好估唔到咁耐之前既post大家仍然肯比耐性睇完

攪到我都好鬼感動

唔知大家有無興趣睇下又或者呢?

如果有興趣既我都可以同大家分享下心得架@.@

我支持你再開多D關於愛情上既POST

作者: 你好-6呀! 時間: 12-9-6 08:45 PM

睇完,,,,推推

作者: 日本佬 時間: 12-9-12 04:52 PM

實戰算吧

作者: ilyinyin0526 時間: 12-9-16 02:11 AM

CHING 收到曬
thz

作者: hkgold888 時間: 12-9-25 07:32 PM

提示: 作者被禁止或刪除內容自動屏蔽

作者: ENJOY1843 時間: 12-9-26 02:07 AM

溝通歸溝通對方要聽得進去才有用
我和我男友最近常吵架
事後溝通了也講好了
不在為了小事情鬧到不快樂
但遇到事情時他還是吵起來了

作者: zero0080 時間: 12-11-18 11:58 AM

有緣份的，就算你幾唔識傾電話都會增進關係
冇緣的，就算靠勇表達心裡所想都冇可能一齊
同人傾電話，除左表達自己目的，製造話題
亦都要問下對方有冇野想講，如果現實中大家係合作共事的就更好
冷場呢樣野成日都有，既然呢刻冷場大可以遲D再傾，反正有緣的日後大把機會(有別於約會)
抱著朋友心態去同對方通話呢個係岩，因為咁樣唔會比自己有強烈期望

歡迎光臨 2000FUN論壇 (https://www.2000fun.com/)