2000FUN論壇

標題: 香港人真係好大重戾氣 [打印本頁]

作者: OKAY~ 時間: 10-1-2 08:22 AM 標題: 香港人真係好大重戾氣

2010年，新一年開始，但我最近發覺香港人真係好重戾氣。
香港係一個民主社會，我地有人權，有自由。
但係我發覺我地開始有點濫用左我地ge自由
就以1月1日遊行為例，冇錯，我地係有表達意見同遊行ge權利
但係衝擊政府總部，搬官材去示威，會唔會有點過火?
一月一日，普天同慶，出動官材。
搬個官材去可以解決問題嗎?

再以近日東亞運動會為例，香港足球隊打敗日本拎金牌。
香港足球界好似出現曙光，但係不少人依然一貫作風，香港足球廢ge!!
其實諗諗下又真係幾無奈。
贏左的話，"超!人地出二隊ja，你試下人地出一隊佢地會唔會贏丫拿??"
輸左的話，"唉，人地出二隊都輸，廢!!"
即係輸贏，都係廢ge!
可唔可以比d勉勵自己人?可唔可以比d掌聲香港ge運動員??
如果連自己人都唔支持自己，人地又點會重視我地??
係香港做運動員好多都係一邊返工，一邊練習，而且港府投放資源唔多
而且一個禁細ge香港出ge人才點可能會比一個國家多呢??
香港運動員最需要唔係金牌，反而係自己人ge支持同肯定。

相似情況亦出現係本港樂壇。
歌星走音，被人造成短片，被罵到狗血淋頭。
歌星樣貌不討好，被加工，加倍醜化。
"廣東歌全部都係垃圾，日文歌，英文歌先係王道"
論壇好多人都係禁講，冇錯，你係有權鍾意外國歌，有權唔鍾意廣東歌
但係冇必要踩多腳落去，亦冇必要因為某歌星表現唔好而一口咬定香港樂壇係廢。
何況因為咬字關係，要唱好一首廣東歌，填一首廣東詞比英文日本都要難。

再講下工作上，特別係服務性行業。
只要有一點不合乎要求，即被投訴。
例如，某論壇某會員在網上大罵醫院人員。
佢詳細闡述自己當時如何用粗口去罵個護士，因為護士未能即時把佢家人病情清楚解釋佢知。
罵完人算啦，仲要上網再罵。
護士人手嚴重不足，輪更工作，人地倒數新年，十號風頭係屋企訓教，佢地可能仲係病房做野。
"超，佢地拎人工架!!唔洗做ar??"

香港人就係禁，所有野都係應該得到的，
一份人工=萬能。

以前中國古代行君主政體，官字兩個口，
宜家香港現代行民主政體，官只係市民公僕。
"我有地權去做乜乜乜"

冇錯，我地真係有權去做以上的一切，但對事情會有一點幫助嗎?
適當的表達是必要的，但何須大過尖酸刻薄?
就係民主政體比左呢種自由同權利我地，
香港人睇事開始變得從批評角度去睇，
聽歌，好，等我睇下你邊粒聲走音先。
睇波，好，等我睇下你同西甲差幾多班先。
政府，好，等我睇下你做野合唔合我心水先。

樣樣野都從批評角度去睇，整個社會氣氛愈來愈充滿火藥味。
無可否認，香港好多野都有待改善。
但吹促改善ge方法同途徑唔一定係批評。
大家可唔可以寬容一點，等呢個社會多一點和諧。
如果自己人都唔撐自己人，香港真係會好似大家禁講，愈來愈廢。

[ 本帖最後由 OKAY~ 於 10-1-2 08:25 AM 編輯 ]

作者: marco456456 時間: 10-1-2 09:33 AM

佢地衝擊既地方係中聯辦唔係政府總部

換個角度

點解被批評既人比人話左咁多年都改唔倒

作者: OKAY~ 時間: 10-1-2 10:39 AM

原帖由 marco456456 於 10-1-2 09:33 AM 發表
佢地衝擊既地方係中聯辦唔係政府總部

換個角度

點解被批評既人比人話左咁多年都改唔倒

呢個亦係因為民主政體ge其中一個漏洞，就係因為每進行一樣改革或改善都要收集各方面ge意見
但係各界都只係為顧全自己利益而行事，意見未能一致，令整個行政效率下降。
禁當然，其實你禁講都有道理，但係我只不過係覺得解決問題有好多方法，唔一定要禁激進遮

[ 本帖最後由 OKAY~ 於 10-1-2 11:10 AM 編輯 ]

作者: =.=攪錯 時間: 10-1-2 02:16 PM

我都留意到, 重有社會風氣, 道德上既差異都好大.
例如援交, o靚模, 後生仔女愈來愈開放.
香港乜人都有, 心水清既人亦都大有人在.
學習接受別人啦

作者: ZOE_SO 時間: 10-1-2 03:18 PM

現在的社會風氣都有賴於教育制度
連那位什么局長，都將自己的子女送去國際學校，
真可笑。。。
香港人從來只會批評，
但從來沒於批評後給予任何实际的建議。
這就像楼主所說的一樣，尖酸刻薄。

香港人靠著所謂的民主政制，
以為什么都會自由，有人權，
但從來沒想過背後還有中國政府。
連行政長官都是由中國遻的。。
如普X..以為遊行便可以，
但中國會願意嗎？
香港政府都有自己的苦处。。。

個人意見，，勿惡意批評= =""

作者: 不知不覺的 時間: 10-1-5 01:51 PM

原帖由 OKAY~ 於 10-1-2 08:22 AM 發表
2010年，新一年開始，但我最近發覺香港人真係好重戾氣。
香港係一個民主社會，我地有人權，有自由。
但係我發覺我地開始有點濫用左我地ge自由
就以1月1日遊行為例，冇錯，我地係有表達意見同遊行ge權利
但係衝擊 ...

好唔開心,e個係社會既錯!無得報仇,解決唔到,未能了結....到最後,e個世界咩都係錯....就算去解決錯誤,都係錯.....

作者: 不知不覺的 時間: 10-1-5 01:57 PM

原帖由 ZOE_SO 於 10-1-2 03:18 PM 發表
現在的社會風氣都有賴於教育制度
連那位什么局長，都將自己的子女送去國際學校，
真可笑。。。
香港人從來只會批評，
但從來沒於批評後給予任何实际的建議。
這就像楼主所說的一樣，尖酸刻薄 ...

世上某d人期待世界末日將一切善惡刪除.....其實佢地已經明白到生物既悲哀....黎個空手格鬥大戰,將一切用自己肉體爽快解決,唔需要再忍耐....直至將世上人類全部消滅...

作者: OKAY~ 時間: 10-1-5 09:39 PM

原帖由 不知不覺的 於 10-1-5 01:57 PM 發表

世上某d人期待世界末日將一切善惡刪除.....其實佢地已經明白到生物既悲哀....黎個空手格鬥大戰,將一切用自己肉體爽快解決,唔需要再忍耐....直至將世上人類全部消滅...

其實都岩..世界上太多悲哀同邪惡ge事，如果世界再冇悲哀同邪惡，我覺得世上根本唔需要開心同快樂，平淡是福

作者: tam23648969 時間: 10-1-6 10:23 PM

現在既香港人只有怨言~有時見到都覺得好心酸
人做每一樣野都唔係會完美~
可能很多人對政府要求太高了

歡迎光臨 2000FUN論壇 (https://www.2000fun.com/)