2000FUN論壇

標題: [轉帖] 香港35個拍拖熱點推薦 [打印本頁]

作者: ＭＡＮＤＹ 時間: 10-1-12 04:47 PM 標題: [轉帖] 香港35個拍拖熱點推薦

1. 黃金海岸:好多地灘逛, 夜間可以食埋 dinner buffet

2. 塔門: (黃石碼頭坐船去)綠草茹茵 + 無敵海景 + 景色怡人夜晚睇星星

3. 飛鵝山無敵夜景  方圓五十米隻得你兩個可將你們的愛意表露出來夜晚睇星星浪漫一下

4.東涌由東涌巿中心踩單車, 沿機鐵直入迪欣湖, 另一邊又有海景, 夕陽斜照, 水面上泛起一片片金光閃閃仲要係無乜人經過  一定醉哂

5. 赤柱: 俾大家拍拖有浪漫Feel 既地方, 通常首選係向海邊 ~ 而赤柱個地方除左有個長長既海灘之外, 仲有個黑媽媽既碼頭仔, 可以坐向下計計 feel下對方既呼吸; 聽下海浪聲... 當然海灘之外, 最為吸引呢... 就係赤柱好多遊客,又有好多外地人居住d 餐廳仲有不同既bar 令人好似去左外國一樣2個人好似去左個小旅行

6. 舂坎角:個海景勁靚, 夠少人, 睇日出仲正

7. 去汀九:在荃灣乘234B到汀九落車~~可租舢舨 (日租$50(閒日)、$70(假日))，又可釣魚、傾偈、泛舟水上、行沙灘、看看日落，仲可沿海邊行45分鐘就回到荃灣市中心，回到荃灣就大把野食啦~~交通又方便

8. 林村許願樹:還有甚麼比到大埔林村的許願樹，跟愛侶誠心許下一生一世的願望更令人動心

9. 大潭水塘- 好靚靚架 ,大潭水塘位於香港島東南面的山谷之間，四周有重重山巒環抱。這次行程較為輕鬆，而且大都以下坡漫步為主，沿途山光水色，更設有野餐地點，可以停下腳步，細意賞景

10. 新城市既最頂樓.有條橋出去一個露天公園..個度有個噴水池..幾張搖搖凳地方幾闊落..幾舒服嫁~真係幾好夜晚拍拖一定好浪漫, 個度仲有D指定時候有噴水池表演..仲有既就係大會堂下面有個草地..雖然唔係算好大..但如果冇乜人靜雞雞入去坐住傾計

11. 南丫島租間房大約＄３３０有廁所有電視雪櫃有ｄｖｄ機 ,唔算太貴！又可以去影下相，去沙灘遊水！行下山咁～一路漫步一路傾下計，正！岩曬做緊野既人去ｒｅｌａｘ下～又可以減下壓！個度食野唔貴．．．唔想洗錢既可以玩煮飯仔夜晚食飽飽返去睇ｄｖｄ．．．２個人靜靜地！真係幾sweet

12. 新娘潭+鹿頸享受一下林景,少人到, 個湖景都好靚架,仲可以睇下d人釣魚..不過就最好係渣車入去

13. 流浮山下白泥係個淺灘仔行下, 影下相, 睇日落, 好正

14. 西貢碼頭附近茶座不貴，又可乘船到附近道仔，10蚊雞，非常經濟.近海邊氣氛本身已經一流，如果好彩見到月色既話就更加浪漫,對於冇車一族黎講呢度既交通都算方便丫

15. 長洲一日遊 ,可以坐下船,食下海鮮,踏下單車,仲玩足一日tim,睇埋日落先走........ 幾Sweet Sweet

16 鯉景灣海旁餐廳夠浪漫啦,食完飯可以漫步海旁,近mtr, 方便

17. 珀麗灣可以口係葵芳新都會同青衣搭巴士入去冇得摣車入去架果到夜晚好靚可以睇哂汀九.青馬大橋夜色珀麗灣出左名靜個FEEL好好

18. 尖沙嘴海旁ar旺中有靜的角落, 左近又有好野食,豐稔由人,仲有渡輪坐, 幾蚊雞野, 幾浪漫

19. 粉嶺香薰園,可以享受下大自然風味,一大片紫色的花可以行入去影相...十分值得留念動態:喂小山羊, 喂魚......靜態:可以自制香薰蠟,欣賞其他植物,入場費$5入面可以BBQ(要BBQ要預先book位)但唔可以自備食物
   觀光士多啤梨園預約查詢：2674 6198 預約「專車接送」: 2674 6198 地點: 新界粉嶺打鼓嶺李屋新村嶺坪輋泥路( 即以前鶴藪中華園藝士多啤梨園，已遷往現址 )

20. 南生圍一日遊,可以坐下橫水渡影風影相，超靚,踏下單車,黃昏可賞鳥,放風箏,睇埋日落.........超Sweet

21. 白泥或流浮山附近的小山 (元朗天水圍人必去，因為真系好靚)

22. 機場2號客運大樓,小商店, 環境寧靜,大樓天花設計獨特,2人世界好去處

23. 青龍頭一帶,在荃灣街市乘94號小巴到青龍頭,行廿分鐘到深井水塘,可以野餐 or BBQ,食完野仲可以沿郊遊徑行山,環境清幽

24. 海洋公園一齊坐吊車，睇海景，好浪漫呀

25. 南丫島遠離繁囂果度好多外國人同狗狗,無時間錢去外國都可以幻想下自己去左係山上有好多風力發電風車,好正架!有沙灘可以漫步

26. 會展海徬夜晚係好多拖友ge拍拖勝地黎加，望住尖沙咀科學館、星光大道果邊，個景都算ok，最正係夜晚無乜人，靜靜地，又可以坐係D石級度，吹下海風，聽下海水聲咁浪漫ge地方去邊度搵呀

27. 九龍寨城公園亭台樓閣, 小橋流水, 影相談心都幾好景~同埋九龍城大把好野食~eg.泰國菜~行過隔離街就係九龍城商場, 夠曬就腳~

28. 深水灣環境清幽,沙灘踱步,交通方便,

29. 數碼港:先到商場逛街, 睇戲,飯後到商場附近的公園談心..你可以在銅鑼灣坐綠Wan來回

30. 澳門,有搭船時間傾下計，又可以離開hk到個新地方,,有野食有野睇=]

31.東平洲個度比較荒蕪,隻係得d士多做生意,推介過夜兩日一夜行程, 睇完日落睇日出,遊水浮潛睇珊瑚,行山睇岩石, 真係非常充實!!係大學火車站行15分鍾到馬料水碼頭,船程around1個鐘頭45分鐘, 來回船飛$80,記得隻有星期六, 日, 公眾假期先有船島上有士多提供床位, 可包食

32. 大坳門放風箏!! 將軍澳有小巴入...未入清水灣前落車, 步行15至20分鐘直入,沿途境色優美... 拍拖至o岩~大坳門是全港最適合放風箏的地方,很容易成功!又有一大片草地...適合野餐、躺臥、談心~超relax!亦有燒烤區同士多。

33. 石澳 - 石澳海角郊遊區
首先,去山仔村要係石澳海灘附近行一段去既去到果到你會見到個牌寫住"石澳海角郊遊區"..行一段石階落去就會見到一條粉藍色既小橋..
係果到可以見到天連海,海連天既境(可以好清楚見到水平線)..又有石,又有海浪聲..個境都唔錯下..你都仲可以行下山..山頂有一個涼亭仔..另一選擇係去石澳海灘..石澳d沙真係好幼,好舒服..沙灘談心或者遊下水都唔錯!! 建議:個郊遊區都幾多蚊下..要記得做足防蚊措施..

34. 大尾篤上面的水霸好好ga...夜晚坐係水霸去睇下星...真係好靚..又浪漫而且又有巴士到 (不過要行少少路).....好方便,拖手仔行船灣淡水湖個水霸, d景好靚, 又可以踏單車, 同bbq

35. 梅窩
有一個好大好長既海灘,拖手漫步,好有feel有得踩單車..租兩架好平... 唔算多人去....又冇鬧市....搵d地方好靜既,可以談心, 乘船去個陣...可以睇下大海...晚上走個陣又可以睇下夜空和美麗的月色

作者: 迅豬 時間: 10-1-12 11:56 PM

塔門&東涌單車唔錯直得推推