2000FUN論壇

標題: 相愛6年,相處問題(比較長)-,- [打印本頁]

作者: ☆千影★ 時間: 10-1-14 03:32 AM 標題: 相愛6年,相處問題(比較長)-,-

講下背景先,我同我女朋友都2幾歲,一齊左6年..中學開始一齊..我係初戀,佢唔係..期間我地分開過一次..

問題黎喇..其實我深信我地都好愛對方(現時為止都係)..但係其實我地之間都有好多問題..

應該話可能我個人有問題..自問我唔係衰人..冇做過對佢唔住既野,女仔朋友都冇咁濟(認真-,-)

平時又冇不良嗜好...唯一唔好既地方就應該係我個人其實都幾自私,咩都諗左自己先,我認..

我知佢都係一個好女仔..對我都唔多要求..我地大家都有穩定既工作....雖然我地表面上冇咩問題,好多朋友都覺得我地好恩愛..

但其實一真有D問題係解決唔到...我女朋友EQ比較低...又或者可能係我冇EQ-,-

佢好容易就好唔開心...又或者係我咁覺得...佢成日會話我知你次次都覺得自己冇問題咖..又或者好小事者,你實會諗比我都唔會咁,大家思想唔一樣..你唔可能成日覺得比你唔會咁..唔會人人同你諗法一樣..你要識顧給別人感受..講真有時我真係覺得唔係好大件事...但係我好認同佢講法..

例如我成日都好冇記性...佢講過既好多野我都會唔記得-,-其實我真係有心去記住...認真咖...不過真係一轉頭就唔記得.........試過佢同我講完食咩..十幾秒後我就唔記得左-,-

所以佢成日都會覺得好灰....好心淡....其實我明既..因為真係成日都係咁.....

同埋佢話我好唔細心..冇風度...我都認...但係我唔想咁...我真係好少留意到佢需要咩...我又唔係好識關心人...有咩都諗左自己先........

但係認真講....我真係好愛佢....佢話佢都知....但係咁冇用...佢FEEL唔到....雖然我冇做任何咩傷害佢...不過佢就話:就係因為你咩都冇做...

我完全唔覺得自己有比人愛錫囉...我唔係要同人比較,但係人地女朋友有既野,我咩都冇...我都冇咩要求咩...係想有人關心下比到幸福感覺我,令我覺得你可以依靠...唔通我好有問題咩..

我同你講既野你永遠唔記得..諗野一定諗左自己先..自己唔口乾都唔會問我飲唔飲野...行街又唔幫我推門...叫你幫我拎個袋好似叫你去死咁...唔攰都唔叫你啦..(我個陣係度諗-,-大家都有袋..你個袋仲輕過我..點解要幫你拎姐..我夠攰啦,我都冇叫你幫我拎..唉..我個人就係咁..一D都唔似男人..事後就會好後悔..).應成左既野十年都唔做..

成日好似個細路咁...係女人都想比人錫咖啦..我唔想拍拖好似(臭)細路咁囉...完全諗唔到同你結婚會有幸福囉..

其實我完全明白佢既感受...我知自己真係好唔成熟...又自私...講真...我真係想改..我都想MAN D....但係唔知咩點解成世人就係咁....真係好似細路仔...

我好少野就可能好開心...好少好少唔開心....就算有咩唔開心訓醒就唔記得晒...我成日混身正能量...有好多野我都係:既來之則安之,為甚麼不能一笑至之~

我就係個咁野人..好少會情緒低落,覺得好多野船到喬頭自然直...

不過我女朋友又唔係...佢好少野都可以勁唔開心..係唔開心幾日個隻...好似有時我出晚街唔記得打比佢....佢會唔開心好耐,又會好嬲...

佢會覺得點解我可以咁冇交帶...(你知唔知我等到你1,2點...我一打比你你就話...唔記得同你講...你拍得拖就有責任啦.你唔係自己一個囉...唔係唔比你出夜街..講聲姐,好難

咩?你唔係第一次啦...好多次啦...次次SORRY完你又係咁..SORRY有意思咩...我真係好失望囉對你..你個心到底有冇我姐...我好需要被愛感覺,你比誰都清楚...我覺得同你一齊好冇安全

感,好冇存在感...好冇價值...你有當過我係你女朋友咩...我永遠都影響唔到你..你腦內只有自己...你成日話好愛我..但係成日冇諗過我...我唔打比你你成日可以一個電話都冇..咁係拍拖

咩..一有朋友就完全唔記得我存在囉..不如我地做朋友啦..其實你最愛係你自己...)

聽到(我好需要被愛感覺,你比誰都清楚)真係好窩心又心痛...我知佢真係好愛我...佢真係一個好女朋友..講真...只不過佢可能比較容易唔開心...我真係唔想咁....我

知自己有問題...但係我唔知點解成日真係淨係識諗自己...自己想點就點...好多時想改...轉個頭大家好返D又冇左件事....唉....

不過我有時又係比較賤...我有時覺得點解男仔一定要有風度姐....唔可以女仔有風度...唔可以女仔照顧男仔既...點解我要幫女仔拎野先..佢幫我拎野唔得咖...女仔大晒咩.所以我對女朋

友以外既女仔都特別抗拒..因為我覺得你又唔係我女朋友,我點解要點點點先..邊個話男仔就要幫女仔...唉....我都唔知點解自己有D咁既思想...認真的...

我到底應該點做...我真係好想好好維繫我地既感情..我知咁落去最終一定分手...但我唔想...我想解決問題...我真係好愛佢...但我更愛自己....

[ 本帖最後由 ☆千影★ 於 10-1-14 12:20 PM 編輯 ]

作者: ＊禾確特＊ 時間: 10-1-14 07:50 AM

呢d系經驗問題姐..
不過男仔幫女仔正常..

作者: hoyin2234 時間: 10-1-14 06:16 PM

要讓一個人知道你愛她單憑口講是沒有用的要讓人知就一定要用行動來證明

男人應該要有紳士風度推門拿手袋看起來很像很小事但女生卻很在意

要讓女生覺得有安全感就得經常匯報你在做什麼

好像你多次出夜街都沒有致電給她打來後聽到的就只有你一句的對不起

相信連我都不會原諒你

要讓她知道你會改就要記得下次出夜街時先致電給她

要女生有風度的確很難

因為風度一般是來形容男人

一個男人有沒有風度就能看出他有沒有禮貌及修養

這點我覺得你需要學習一下

本人也是很沒有記性所以我隨身都會有本記事簿

事無大小都會寫下去

你也可以試試

畢竟你們都已經相處六年了這樣就結束你捨得嗎?

要維繫這段感情必須由你主動做起

[ 本帖最後由 hoyin2234 於 10-1-14 07:02 PM 編輯 ]

作者: loveday0924 時間: 10-1-14 06:23 PM

你好牙(本人係女仔)..其實我同我男朋友都3年了,我地都係2幾歲. 其實我地同你而家既情況有D相似.

第一:冇記性
我男朋友同你一樣都成日無咩記性, 我地岩岩開始個陣, 佢連情人節, 我生日都要我提先記得.. 開始個陣真係有D嬲, (有無攪錯, 最重要個2個日子你都可以唔記得既= =") 咁我比既意見係搵本SCHEDULE,電話,MARK低你地重要既日子, 事情. 同時你都要佢明白,記性人人都唔同,有人會好D, 有D人無咁好.

第2: 女朋友好易唔開心.
我自己既EQ都唔係咁好. 開始一齊時,佢一做錯野, 就算小小錯都好, 我都會好嬲. 最主要都係因為講完佢都唔記得, 有時候明知係我講得唔清楚, 令佢理解錯左, 都會怪佢. 因為要面子既關係. 要解決的話, 最緊要你唔好一開始同佢一齊嘈, 因為係解決唔到事情. 你可以聽完佢講, 發洩完, 先同佢講問題, 出錯既地方係邊, 最後可以討論下次點樣可以做得更好, 防止再有咁既情況. 如果係小事既, 就算啦. 但係如果係太過份, 一定要出聲. 如果下下都忍, 最辛苦個個點都係自己. (E個係我地既溝通方式, 因人而異,不過可以一C) 多D傾計, 自然會明白佢咁樣做, 咁樣講既理由. 之後就找出問題所在, 幫助佢去改. (因為人人既過去會導致佢現在既做人處事方式)

第3:男人要有風度!?
男人方面好不了多少，由於社會風氣鼓吹男人要大量，有風度，於是無數男人有小不滿時不敢說出來，得到一堆小不滿累積成大不滿時，就爆大鑊。爆大鑊可以是大罵，可以是跟伴侶長期無野講，也可以是跑去找第二個女人。問題係在於大多數人跟對方相愛時，根本沒有想過任何人都有自己的獨特的性格和習慣，所以金童玉女也有惹對方不滿的時刻，我們應該從一開始學習用理性的協商方法處理雙方的不滿。由於大部分人不知道會有不滿的一天，或不知道問題會有多嚴重，得到對方真的令自己光火時，自己已經收唔住火，控制不了情緒，於是習慣性地用一些一般人慣用的傳統方法。由於是對方的行為弄出禍，所以當時人從沒想過是自己的協商方法出問題，反而一味說是對方不好.

所以有時間, 可以多同對方溝通, 討論一下溝通的問題，傾下點樣傾，當大家傾出一個共識後, 就可以坦然處理. 先由抽象再談到實際,

「甚麼場合？發生事件後馬上跟你說？還是待大家心情好時再說？」

「我可以提出解決方法嗎？還是讓你自己去想？如果你想到的方法我不滿意，我可以怎辦？」

「如果我說出問題時，你會否不答？假如你不回應，我可以做甚麼？」

「另一方面，如果我有些事情做得不好，你不高興，你會怎辦？你會跟我說嗎？你會怎樣說？」

支持你 =)

[ 本帖最後由 loveday0924 於 10-1-14 06:39 PM 編輯 ]

作者: hoyin2234 時間: 10-1-14 06:26 PM

原帖由 loveday0924 於 10-1-14 06:23 PM 發表
你好牙(本人係女仔)..其實我同我男朋友都3年了,我地都係2幾歲. 其實我地同你而家既情況有D相似.

第一:冇記性
我男朋友同你一樣都成日無咩記性, 我地岩岩開始個陣, 佢連情人節, 我生日都要我提先記得.. 開始個陣真 ...

閣下好像還沒有說完...

作者: loveday0924 時間: 10-1-14 06:39 PM 標題: 回復 5# hoyin2234 的帖子

係牙XD" 按錯左.

作者: ＭＡＮＤＹ 時間: 10-1-14 07:27 PM

原帖由 loveday0924 於 10-1-14 06:39 PM 發表
係牙XD" 按錯左.

辛苦哂你打咁大段野幫助樓主

作者: loveday0924 時間: 10-1-14 07:33 PM

無所謂 =). 其實同左男朋友3年, 我地一齊住, 經歷左好多野, 所以希望用自己既經驗幫人.

我之前都打過幾遍文, 多謝你地欣賞就真

作者: 紫靈姬 時間: 10-1-14 10:20 PM

因為你地兩個一齊左六年大家都有深厚既感情唔捨得輕易放棄
你仍想繼續與佢一直落去就需要改變一下自己既想法
畢竟兩個人一齊就應該要理對方感受
無記性呢方面可以用手提電話既記事簿黎記錄亦可以用日歷鬧鐘方式提醒自己重要日子就可以解決
風度來說男仔一定要有風度女仔亦都一樣要有風度風度係一個人細心既表現你係咪真心愛對方拍拖係需要互相尊重互相學習
你應該要同佢討論呢個問題
看得出你女朋友有點嬌生慣養感覺不過你真心愛佢都無辦法
你就應該要間唔中幫佢拎遷就一下對方
無人唔會自私的你都會佢愛我多於我愛她你會想佢改變成你心中所要的人
最重要你女朋友都係想維繫你地之間既關係先會講咁多
無心的話都無可能維繫到六年不是嗎?

作者: 紫靈姬 時間: 10-1-14 10:22 PM

原帖由 loveday0924 於 10-1-14 19:33 發表
無所謂 =). 其實同左男朋友3年, 我地一齊住, 經歷左好多野, 所以希望用自己既經驗幫人.

我之前都打過幾遍文, 多謝你地欣賞就真

我都係同我男朋友一齊住2年^^你提供裡面有好多我都想講但已經被你講了.
不過多謝你既分享^^

作者: foreverplay 時間: 10-1-15 03:25 PM

我成日混身正能量...有好多野我都係:既來之則安之,為甚麼不能一笑至之~
你講就得...幫女仔呢d事又唔見你用呢個態度去面對?
有時女仔係需要甜既....

[ 本帖最後由 foreverplay 於 10-1-15 03:27 PM 編輯 ]

作者: pkpalk 時間: 10-1-16 12:54 AM

大家都俾左好多好意見你...我只係想分享一件事...

我同你一樣...記性極度唔好....返工果陣好努力記啊頭叫我做咩...轉過頭又要問多次...

結果...我就準備左筆同紙.成日都放係身到...樓主...真係想改變...唔難...咪從生活入手o...

如果你連呢樣野都唔肯做...find...你去死啦...

仲有....我同你一樣...如果諗到d野...又唔去做...我會懶得去做...不過係多麼的簡單...

想改變...更容易...諗到就去做...情人節既禮物...依家諗到就去準備...到時咪唔會嘈嘈嘈o....

愛一個人好容易...最重要睇你肯唔肯去改變....

你成身正能量都冇用...因為你到最後都係解決唔到件事...

作者: ☆千影★ 時間: 10-1-16 12:58 AM

好多謝你地比左咁多意見我...其實我都明女仔同男仔係好唔同既...女仔真係好需要被愛既..
我諗我真係應該認真D同佢溝通多D,改下自己D唔好既習慣...
我同佢而家又冇野了..而家又幾好,我都好想同佢一直落去咖...希望得啦

作者: 紫靈姬 時間: 10-1-16 12:27 PM

原帖由 ☆千影★ 於 10-1-16 00:58 發表
好多謝你地比左咁多意見我...其實我都明女仔同男仔係好唔同既...女仔真係好需要被愛既..
我諗我真係應該認真D同佢溝通多D,改下自己D唔好既習慣...
我同佢而家又冇野了..而家又幾好,我都好想同佢一直落去咖...希望得 ...

嗯^^加油
六年感情應該要更加好好珍惜
唔好輕易讓她離去你喔

作者: ★飯團仔★ 時間: 10-1-16 11:41 PM

真係想鬧你
你自己知自己有咩問題
但你就話自己就係咁改黎改去改唔到
你算吧啦係到講有咩用?
你唔去習慣+刻意去改變一下你自己唔得GA BO
唔好話你自己係D咩咩咩人
人會變你可以變更好是乎你想唔想變同有冇恆心去變
否則你就去搵個同你一樣思想既人唔使煩夾唔夾

有時有D野你真係要諗多D
畢竟你地係兩個個體
體貼多一點兒定時做D野 EG 一小時後就問下佢口渴唔口渴 ~
或者有時嘈都要有幾句安慰說話之後睇情況佢需唔需要冷靜……
唉!

作者: 乂死神 時間: 10-1-17 03:17 PM

我覺得2人相愛系要就對方-.-""
你就下我我就下你..
話說樓主你以經好過好多人--"" 包括本人在內..
你有色果PART=/=""
我仲衰過你拉=.=""
而差吾多個個女仔都系有個共通..
有FD時當你冇撚系度...
SO我都有自己1套做法..
就系佢有FD系度我就同晒男GE去劈酒吹水..
理佢都ON撚9..
最後咪又系度對屌話吾撚理佢,,,
試問邊個女仔吾撚系自私--
乜都要仔理埋佢... 系咪先

歡迎光臨 2000FUN論壇 (https://www.2000fun.com/)