2000FUN論壇

標題: 淺評高鐵一事 [打印本頁]

作者: 清君 時間: 10-1-19 06:22 PM 標題: 淺評高鐵一事

高鐵,一個大家都不會陌生的用字。
高鐵各有支持及反對者。

我所得知支持者的理據是興建高鐵是一項浩大而長久的工程,故此可保就業,安穩失業率。同一時間又方便內地人乘搭鐵路,直接到達香港經貿中心,促進與刺激本港經濟。

反對者的理據最主要的是耗資太大,投資回報不成正比。第二,興建高鐵會分薄了其他基建的人手,反而拖累其他工程,會造成更嚴重的失業問題。(而之前於財委會會議,有議員動議優先聘請本地工人,被否決了,從中可見此理據頗合情理。) 而且就菜園村村民而言,反對高鐵者就財政問題上,認為不需遷拆菜園村,因而騰出多一筆的補償費用。(而事實上,確有興建於新界少用數百億的方案。)

再就使用問題上高鐵是否必須興建呢？就以上反對的理據,再加上以下的論點,便可供大家分析。
目前新界與內地連接的交通已十分發達,如有巴士可於幾十分鐘內便到達大陸之境。若高鐵興建於新界,不合情理。而且居於市區的香港市民,亦不必耗個多小時到新界再轉乘高鐵。
相反,興建於市區,新界居民亦覺無使用價值,因為高鐵縮短行程約個多小時,新界與市區車程相距都是個多小時。亦即新界居民沒有必要乘搭高鐵。而用六百幾億公帑,去建設一條只快個多小時,而不是全民受益的鐵路,並不划算。而且總站設於西九,地產商有得益,故有官商勾結,利益輸送的嫌疑。

而且高鐵乘搭費用昂貴,能否確保興建高鐵後,不虧蝕呢？乘搭率會否很高呢？現今內地高鐵,乘搭率據報道不足四成。興建高鐵未免代價太高昂。再者,興建高鐵,不過是方便內地人。對於香港市民而言,這一鐵路意義不大。故此造價六百多億,荒謬之極,而且全用香港公帑,確實不公。

就行政層面上,過往中國王朝皆以開鑿運河,以便控制江南地區。高鐵的興建,使香港鐵路網與內地鐵路網連成一脈,自然方便中央政府管治香港。故此說,高鐵是出於中央的政治考慮。曾特首於連任之時,覲見國家主席,當時胡主席向他訓勉了一句：「鞠躬盡瘁,死而後已。」如此橫逆民意,於財委會會議裡面一眾保皇黨議員贊成高鐵落成,也大可能就是因為中央下的指令。

而對於示威反抗高鐵的舉動,我不作太多評論。若然和平示威,顯示不了人民激烈反抗情緒,太過擾攘則會被政府安以罪名。但政府官員、議員與警方卻多次想混淆視聽,反客為主實為人所不恥。

於電台節目中,梁振英先生指反高鐵情緒高漲,反映了其他社會問題,如貧窮、就業困難等,這根本就是轉移視線,反高鐵的目的,是不欲政府耗如此巨額去造一件虧本的事,浪費公帑。公帑乃人民血汗錢,如此糟蹋就猶如古代君主施行暴政建離官、阿房官。又如警方指責反高鐵人士擾亂社會秩序,當時乃深夜,雖則舉動擾民,但未至於破壞社會秩序,這罪名未免太苛刻,而且更將反高鐵人士陷入不仁不義的罪名。衝擊立法會是不智行為,而且有違和平示威的原則,但這舉動符合一眾人等的情緒。到最後反高鐵人士只是靜坐,圍堵議員出路,卻被警方以暴力清場。香港警察理應保護香港市民人身安全、保障香港市民利益,但卻助虐為紂。我知道,香港作為一個地方特區,於共產主義的管制下,本就無民主。但本著一國兩制的精神,保證五十年不變。現就高鐵一事,香港回歸僅十多年,便已政治倒退,變為一個間接獨裁的地方。高鐵事成,我相信是眾多香港市民不欲見到的一件事,亦是2010年第一件令港人失望的政治事件。

清君 2010年1月19日

[ 本帖最後由清君於 10-1-19 07:25 PM 編輯 ]

作者: 巫師 時間: 10-1-19 06:36 PM

上半部內容論點近日已有所聞,淡而無奇
不過提出政治上既興建動機值得咀嚼

作者: 動名詞 時間: 10-1-19 06:56 PM

古老王朝要控制該地區, 就係發展交通, 咁係因為權力係用人力計, 你要令人服你, 你一係鎮壓力, 繼而去果度殖民, 咁兩、三代之後果個地區就係你既

所以要起江南運河, 因為你未起, 你連派兵去都做唔到, 起左, 你可以派兵去
係你用左運河, 軍隊由行一年變成行兩個月, 咁本黎你第一聲叫造反你有一年時間去防守佈陣, 得返兩個月, 你就唔敢郁

今日, 權力唔係用軍隊計, 中共要派兵落黎, 洗唔洗用高鐵
其次, 就社會講, 中共要派特務黎, 暗有直升機, 有得坐走私船, 而要求快, 又洗唔洗快果個幾鐘?
今日權力應該係錢同資源, 兩樣野, 高鐵明顯係冇
而中共要控制香港, 錢應該係中共比, 唔係香港
就如同, 你要發展西九龍, 唔係地產商比, 係政府比, 尼個係中央如地方果個職權=.,=

高鐵係要令香港同內地融為一體, 尼個係就城市發展去講, 唔應該係政治, 中共衰到要起條鐵路先可以控制一個城市, 咁既政權, 死左九世=[

作者: 異地遊人 時間: 10-1-19 07:15 PM

去建設一條只快個多小時,而不是全民受益的鐵路,並不划算
高鐵係整個網絡, 號稱香港至北京十小時, 上海八小時
所謂慳o既個幾鐘,
如果冇高鐵而係一般邊界出境, 過完關要再轉車去高鐵站
最後又止唔止個幾鐘呢? 加埋其他邊際成本又點?

就行政層面上,過往中國王朝皆以開鑿運河,以便控制江南地區。高鐵的興建,使香港鐵路網與內地鐵路網連成一脈,自然方便中央政府管治香港。
我完全見唔到個點=='

[ 本帖最後由異地遊人於 10-1-19 10:16 PM 編輯 ]

作者: 東方．真龍？ 時間: 10-1-19 07:21 PM

點解標題不用淺評
用輕評..感覺怪怪- -"..

[ 本帖最後由東方．真龍？於 10-1-19 07:26 PM 編輯 ]

作者: 清君 時間: 10-1-19 07:25 PM

原帖由 動名詞 於 10-1-19 06:56 PM 發表
古老王朝要控制該地區, 就係發展交通, 咁係因為權力係用人力計, 你要令人服你, 你一係鎮壓力, 繼而去果度殖民, 咁兩、三代之後果個地區就係你既

所以要起江南運河, 因為你未起, 你連派兵去都做唔到, 起左, 你可以 ...

其實都係一個較為有趣既見解=p

原帖由 異地遊人 於 10-1-19 07:15 PM 發表
去建設一條只快個多小時,而不是全民受益的鐵路,並不划算
高鐵係整個網絡, 號稱香港至北京十小時, 上海八小時
所謂慳o既個幾鐘,
如果冇高鐵而係一般邊界出境, 過完關要再轉車去高鐵站
最後又止唔止個幾鐘呢? 加埋 ...

你估下會唔會有人經常性日日搭高鐵過境而又係去果d地方呢
鐵路係每日運行,如果係講求時間性既快捷,都不過係有時d生意要盡快地落實,既然要搭車,點解唔用視像會議呢?咁咪重慳水慳力

原帖由 東方．真龍？ 於 10-1-19 07:21 PM 發表
點解標題不用淺評
用輕評..感覺怪怪- -"..

因為我中文水平低囉

作者: 東方．真龍？ 時間: 10-1-19 07:34 PM

原帖由清君於 10-1-19 07:25 PM 發表
因為我中文水平低囉

點會呢?"..
大家指教下姐:(
因為我諗緊有深究..亦有淺評
再有深入淺出..
睇到用輕評..感覺怪怪d..
其實我都理解輕評同淺評係同意..係我著眼係d無謂野姐

回正題..
小市民著眼點於經濟同利益
大政府著眼於整體既全國高速鐵路網..
小政府要跟隨大政府..小政府了解小市民..所以小政府用經濟效益利誘小市民..希望達到共識
我咁諗有冇錯?"

作者: 異地遊人 時間: 10-1-19 07:36 PM

原帖由清君於 10-1-19 22:25 發表

其實都係一個較為有趣既見解=p

你估下會唔會有人經常性日日搭高鐵過境而又係去果d地方呢
鐵路係每日運行,如果係講求時間性既快捷,都不過係有時d生意要盡快地落實,既然要搭車,點解唔用視像會議呢?咁咪重慳水慳力 ...

其實就算係而家,
好多打工仔或者做生意都成日要返大陸
我uncle 做地產幫李仆街打工,
個個禮拜都要往來上海,
好多會計, 律師人都是.....
如果以而家黎睇, 高鐵可能有少少多剩
但係以其他國家o既情況,
係城市之間來回好正常好頻繁
好肯定地, 如果中共唔亡國, 中港兩地都會係咁
當然, 由香港去廣州坐高鐵一定係多9剩
但係去更遠的, 10hrs 北京 8hrs 上海絕對好有競爭力
飛機唔坐大陸航空是很貴的
高鐵project 說了是50年發展
但係個個都係睇今年

[ 本帖最後由異地遊人於 10-1-19 10:37 PM 編輯 ]

作者: Fed's 時間: 10-1-19 07:38 PM

你覺得今時今日既香港仲值得中共重視咩?
係香港人自己仲覺得自己香喳
我係內地公幹  講真係充比香港更物質主義
但係就睇唔到比香港差D咩  而且呢十年只有香港唔掂
都無大陸唔掂  (唔係講人權)
香港愈黎愈唔俾大陸重視  仲要關左度門  果邊又要求上面幫手又點
最簡單一樣野  國家唔係屋企  好似雙普選
講真丫  唔見得民眾既目光就係雪亮  另外就係唔好以為呢個時代
權力仲會比所謂既"民心"影響
真係唔聽話咪由9你囉  到左果步香港就唔知點死

[ 本帖最後由 Fed's 於 10-1-19 07:39 PM 編輯 ]

作者: 清君 時間: 10-1-19 07:40 PM

原帖由 東方．真龍？ 於 10-1-19 07:34 PM 發表

點會呢?"..
大家指教下姐:(
因為我諗緊有深究..亦有淺評
再有深入淺出..
睇到用輕評..感覺怪怪d..
其實我都理解輕評同淺評係同意..係我著眼係d無謂野姐

回正題..
小市民著眼點於經濟同利益
大政府著眼於 ...

市民係著眼於自己既利害,古書《大學》亦有云民之所好好之;民之所惡惡之。
一個好既國家政府,唔應該著眼於自己既政權控制,而係要顧人民之利益,按人民心向黎施政
將中國與香港以鐵路貫通達到融為一體,只是表面象徵,點解只動用香港公帑?重要用咁多?
聖儒思想就係天下人之天下非一人之天下
非一人之天下更唔係一個政府既天下
地方政府要遵從中央政府,我冇異議,呢個亦都係高鐵能成功通過之因由
但中央政府要以人民為施政之本,先至係人民想見到既野
雖然話理想層面上人民係統治者,但現實始終係被統治者,我地只能夠抒洩不滿,而不能從根本改變

作者: Fed's 時間: 10-1-19 07:48 PM

最重要一點高鐵其實起唔起唔係對香港有影響
對內地  當施舍個站俾我地  當然要自己拎錢黎起
因為人地本身只係打算國內建立高速網絡
可以令廣州華南對上海華北有更好既網絡  互帶利益同時都為開發西部能源作一步發展
呢點利益足以令中共有決心去起  但係今日既香港一來帶唔到咩商機
二來仲要市場內地化  所以香港就算真係唔係佢地既目標都係好正常

最最緊要係  你話每月有分交稅既人就話有資格出聲姐
成班中下層  仲要住公屋既每個月交唔到咩稅仲要用既政府住既政府
卻偏偏係呢班人出黎搞事最多  我甚至見到有D大學生都未有話對社會有咩貢獻
又出黎叫餐死  我真想知700億入面你地占幾多?  1個億?
其他唔在講  就呢點黎睇  香港人已經愈黎愈無腦  只係人做我做
覺得可以反下政府係件有趣且有"意義"既事

作者: 清君 時間: 10-1-19 07:48 PM

原帖由 Fed's 於 10-1-19 07:38 PM 發表
你覺得今時今日既香港仲值得中共重視咩?
係香港人自己仲覺得自己香喳
我係內地公幹  講真係充比香港更物質主義
但係就睇唔到比香港差D咩  而且呢十年只有香港唔掂
都無大陸唔掂  (唔係講人權)
香港愈黎愈唔俾大 ...

你前半部所講既我都認同,係經濟繁榮之下,的確內地既「大城市」比香港繁華
但鄉村、中部同西部地區如何,大家都見到。
而權力唔會受民心所影響,呢句我不能苛同
或者呢個年代,或者叫時代叛亂、革命既發生次數比以往少好多
但仍然會有可能發生,縱使最終無法將當權者拉下台,都會影響其國家基礎

原帖由 異地遊人 於 10-1-19 07:36 PM 發表

其實就算係而家,
好多打工仔或者做生意都成日要返大陸
我uncle 做地產幫李仆街打工,
個個禮拜都要往來上海,
好多會計, 律師人都是.....
如果以而家黎睇, 高鐵可能有少少多剩
但係以其他國家o既情況,
係城 ...

如果以長遠黎睇,高鐵可能係好有用
依你所講既經濟發展,來往越趨頻繁黎估計既話
高鐵亦會令其鐵路線附近地方收到其帶黎既成果
但一黎造價真係太昂貴,而且對香港不公。
二黎涉及房地產商利益,未免惹起人民不滿

但你所講既行業,生意,對於乘搭率黎講,會唔會造成80-90%既乘搭率呢?
鐵路本來就係為左便利人民,但唔係便利中產階層做生意既人,係便利普羅大眾
既然高鐵唔係平民化,而係高檔野,重點樣說服到以納稅人(尤其有部分無必要用高鐵的人)之公帑去興建高鐵?

作者: 清君 時間: 10-1-19 07:53 PM

原帖由 Fed's 於 10-1-19 07:48 PM 發表
最重要一點高鐵其實起唔起唔係對香港有影響
對內地當施舍個站俾我地當然要自己拎錢黎起
因為人地本身只係打算國內建立高速網絡
可以令廣州華南對上海華北有更好既網絡互帶利益同時都為開發西部能源作一 ...

我唔知高鐵原意係點,亦唔知中央係咪"施捨"一個站比香港人
所以我唔談論。

成班中下層仲要住公屋既每個月交唔到咩稅仲要用既政府住既政府
卻偏偏係呢班人出黎搞事最多

每人交既稅,稅率都係一樣,你賺得多錢,梗係要交多d稅,計番落去,中下階層我計佢最多20k一個月
可能20k都冇,但係咁樣變相加稅,對於佢地既生活壓力你又知幾多?
交多一個半個錢,對於中產黎講梗係唔旨在,因為佢地根本唔明白低下階層係咩一回事
古代民變大多數係農民發起,點解呀?因為佢地係最低果級,佢地受既壓榨最多,政府既民生施政對佢地影響亦都係最深呀
而且而家起高鐵,係對中產,巨富果班人有利,幫佢地製造商機,佢地有利而無害,點解要反對?
你竟然可以掉調黎講d野

作者: Fed's 時間: 10-1-19 07:53 PM

原帖由清君於 10-1-19 07:40 PM 發表

市民係著眼於自己既利害,古書《大學》亦有云民之所好好之;民之所惡惡之。
一個好既國家政府,唔應該著眼於自己既政權控制,而係要顧人民之利益,按人民心向黎施政
將中國與香港以鐵路貫通達到融為一體,只是表面象徵 ...

幣在E家"人"己經無話事權  到左有事  你覺得人數可以決定到咩
E家係科技決定一切既時代

簡單D講  再過一個世紀  世界會變到人只係廢物  就算人口一時間無左三分一
反而仲好

而且E家社會好明顯係靠自己  下下要政府幫無用
係眼紅身邊一個個有車樓  自己偏偏走去覺得政府唔夠力
其實外力始終係外力  自己既生活係要自己去爭取唔係靠其他黎幫包括政府

作者: wind1214 時間: 10-1-19 07:54 PM

其實高鐵事件亦反映出一些問題呢...
就是香港會否被邊緣化,
面臨上海的急促發展,
雖說中央表示香港與上海有一後距離(地理位置),
上海的發展或不會威脅到香港;
但另一方面隨著科技的發展,
世界各地的人之間的距離愈拉愈近,
說沒有威脅?總會有些吧.
香港政府聲稱,高鐵落成則可避免香港被邊緣化,
這在某個程度上是成立的,
但是否真的興建高鐵,便可避免香港被邊緣化呢?
而假若不興建高鐵的話,又可以用什麼方法避免香港被邊緣化?
現在香港還有什麼獨有的優勢,可以讓別人選擇本港而非上海呢?
2010年,上海的世博便會正式開幕,
面對這個衝擊,香港政府什至香港人,又可以做什麼來自救?
掟蕉?衝擊立法會?絕食? 相信答案早已在每個港人的心中....

作者: 異地遊人 時間: 10-1-19 07:57 PM

原帖由清君於 10-1-19 22:48 發表

如果以長遠黎睇,高鐵可能係好有用
依你所講既經濟發展,來往越趨頻繁黎估計既話
高鐵亦會令其鐵路線附近地方收到其帶黎既成果
但一黎造價真係太昂貴,而且對香港不公。
二黎涉及房地產商利益,未免惹起人民不滿

但你所講既行業,生意,對於乘搭率黎講,會唔會造成80-90%既乘搭率呢?
鐵路本來就係為左便利人民,但唔係便利中產階層做生意既人,係便利普羅大眾
既然高鐵唔係平民化,而係高檔野,重點樣說服到以納稅人(尤其有部分無必要用高鐵的人)之公帑去興建高鐵?

...其實, 香港起自己果段, 理論上好公平
但香港人要環境要求高, 拉高左成本
有幾多人會坐車, 唔知,
但係你比我揀, 8hrs 高鐵去上海, 同飛機, 諗得過
普羅大眾, 是唔是基層冇錢坐飛機就唔駛起赤蠟角?
問題係, 帶動o既整體經濟...
而且, 好明顯返大陸公幹會基層化
什至大陸同香港會變成同一條division line
高唔高檔, 是比較....
高鐵比唔上飛機, 但係比一般陸路快, 但而家有幾多人坐火車上北京
問題唔係一定要受惠"而家" o既納稅人
如果是咁, 阿聯酋政府唔駛起大學, 唔駛發展第二三工業了
而且, 我都唔多見反高鐵係社會佔的是壓倒性, 某程度上是聲比撐高鐵o既人大, 比較活躍

作者: 小神話 時間: 10-1-19 07:59 PM

唉..
成班工人支持佢地..
都係想有工開
點知開完個會
話唔係全部職位比香港人
幫助d旅遊業
但對工人個方面就冇咩幫助囉..
大陸話就話人工平
如果唔想咁哂錢咁不如係新界個邊起喇..
咁個成本平一半= =

作者: 清君 時間: 10-1-19 07:59 PM

原帖由 wind1214 於 10-1-19 07:54 PM 發表
其實高鐵事件亦反映出一些問題呢...
就是香港會否被邊緣化,
面臨上海的急促發展,
雖說中央表示香港與上海有一後距離(地理位置),
上海的發展或不會威脅到香港;
但另一方面隨著科技的發展,
世界各地的人之間的距 ...

香港既優勢,在於曾受英治,受到西方文化既薰陶
對於民主、自由、平等這些觀念有概略認識。
就係由於香港比較自由開放,貼近西方,初時香港先至被揀為國際公司既據點
但香港受專權所約束,優勢已經漸漸枯萎。
點救香港,呢d已經唔係我可以諗到既事.

原帖由 Fed's 於 10-1-19 07:53 PM 發表

幣在E家"人"己經無話事權  到左有事  你覺得人數可以決定到咩
E家係科技決定一切既時代

簡單D講  再過一個世紀  世界會變到人只係廢物  就算人口一時間無左三分一
反而仲好

而且E家社會好明顯係靠自己  下下要政府幫無用
係眼紅身邊一個個有車樓  自己偏偏走去覺得政府唔夠力
其實外力始終係外力  自己既生活係要自己去爭取唔係靠其他黎幫包括政府

人冇話事權,咁政府入面果d係咩人黎
美國眾議院有咩功能?
科技點樣決定一切,科技發達,係全世界no.1就係世界第一強國?

人係廢物,對於自然規律裡面,生態環境而言,人的確只會破壞環境,係廢物
但呢樣野你扯開左又關議題咩事呢?

社會係靠自己呀,但一個無為而治既社會,漢初施政既局面你有眼見。政府唔施政唔監管,到最後受害既不過係你自己

作者: 動名詞 時間: 10-1-19 08:00 PM

原帖由 Fed's 於 10-1-19 07:38 PM 發表
你覺得今時今日既香港仲值得中共重視咩?
係香港人自己仲覺得自己香喳
我係內地公幹  講真係充比香港更物質主義
但係就睇唔到比香港差D咩  而且呢十年只有香港唔掂
都無大陸唔掂  (唔係講人權)
香港愈黎愈唔俾大 ...

香港更文明=整個中國更文明, 香港暫時應該未失指標既地位

好大喜功黎講, 一定係刷最多人睇既地方, 咁香港係其一, 所以佢唔跌
香港跌, 會比所有人話中國唔識資本主義世界既玩法, 咁對佢國際形象唔係咁好

作者: Fed's 時間: 10-1-19 08:01 PM

原帖由清君於 10-1-19 07:53 PM 發表

我唔知高鐵原意係點,亦唔知中央係咪"施捨"一個站比香港人
所以我唔談論。

每人交既稅,稅率都係一樣,你賺得多錢,梗係要交多d稅,計番落去,中下階層我計佢最多20k一個月
可能20k都冇,但係咁樣變相加稅,對於佢地既 ...

其實身為小市民既我都好鍾意你咁講

但係當換係世界既角度黎睇
其實真正活既係利益  人先係死物
六成中下層對社會做成既利益比起果一成超富層面做既一半都無
好似你話中國仲有D好落後既地方
問題係  只要佢地唔打擾到中共  咁佢地如終唔會係著眼點
除非好似香港咁  中國近九億人都可以享受香港人既福利
咁先至叫影響到政府

其實一D低層市民無非都覺得  寧願政府將D錢幫下佢仲好過搞呢D
但係點解唔唸下  你又幫到政府D咩
如果香港人自己可以靠自己  當中咩九年免費啊  居屋啊  家庭福利啊最緊要係醫療
都可以自己俾哂  咁又第2回事
情形好似中國D落後地方
佢地係生活得苦又無政府點幫  都係食自己  但係就因為基本唔洗中共幫(中國真係無人情味  但係拋開呢樣野先)
佢地已經幫到政府唔少

作者: 動名詞 時間: 10-1-19 08:02 PM

原帖由 Fed's 於 10-1-19 07:38 PM 發表
你覺得今時今日既香港仲值得中共重視咩?
係香港人自己仲覺得自己香喳
我係內地公幹  講真係充比香港更物質主義
但係就睇唔到比香港差D咩  而且呢十年只有香港唔掂
都無大陸唔掂  (唔係講人權)
香港愈黎愈唔俾大 ...

尼個時代, 如果民心影響唔到政府, 咁你叫美國佬係伊拉克發展到佢成為美國咁款, 好冇

作者: 清君 時間: 10-1-19 08:04 PM

原帖由 小神話 於 10-1-19 07:59 PM 發表
唉..
成班工人支持佢地..
都係想有工開
點知開完個會
話唔係全部職位比香港人
幫助d旅遊業
但對工人個方面就冇咩幫助囉..
大陸話就話人工平
如果唔想咁哂錢咁不如係新界個邊起喇..
咁個成本平一半= =

問題就係,市區既人有必要搭車去新界搭高鐵咩?

原帖由 異地遊人 於 10-1-19 07:57 PM 發表

...其實, 香港起自己果段, 理論上好公平
但香港人要環境要求高, 拉高左成本
有幾多人會坐車, 唔知,
但係你比我揀, 8hrs 高鐵去上海, 同飛機, 諗得過
普羅大眾, 是唔是基層冇錢坐飛機就唔駛起赤蠟角?
問題係, ...

總而言之,起高鐵係長遠黎睇,係好事。
高鐵唔係唔起,但一定要周長規劃,而唔係而家倉卒咁諮詢過一陣
而之後由保皇黨議員加速推行高鐵上馬
而且呢6百幾億,係咪用得其所呢
點解要反高鐵,有d人短視,有d人係基於不同因素考慮,亦有由於造價太高昂既
但起高鐵點解唔可以再參詳下路線,而係必要拆菜園村然後另花一筆補償費
既滅殺田園風光面貌,更損害利益

作者: Fed's 時間: 10-1-19 08:04 PM

香港人愛既係自己定係香港?

作者: Fed's 時間: 10-1-19 08:06 PM

原帖由 動名詞 於 10-1-19 08:02 PM 發表

尼個時代, 如果民心影響唔到政府, 咁你叫美國佬係伊拉克發展到佢成為美國咁款, 好冇

美國總統最後都係靠背後十三個家族同埋D軍火商先做到

咁你叫美國佬係伊拉克發展到佢成為美國咁款<---呢句我唔係好明

作者: 打機是我的生命 時間: 10-1-19 08:08 PM

原帖由清君於 10-1-19 08:04 PM 發表

問題就係,市區既人有必要搭車去新界搭高鐵咩?

總而言之,起高鐵係長遠黎睇,係好事。
高鐵唔係唔起,但一定要周長規劃,而唔係而家倉卒咁諮詢過一陣
而之後由保皇黨議員加速推行高鐵上馬
而且呢6百幾億,係咪用得 ...

邊個短視~ 幾十年之後自有分曉~

作者: 清君 時間: 10-1-19 08:09 PM

原帖由 Fed's 於 10-1-19 08:01 PM 發表

其實一D低層市民無非都覺得  寧願政府將D錢幫下佢仲好過搞呢D
但係點解唔唸下  你又幫到政府D咩
如果香港人自己可以靠自己  當中咩九年免費啊  居屋啊  家庭福利啊最緊要係醫療
都可以自己俾哂  咁又第2回事
情形好似中國D落後地方
佢地係生活得苦又無政府點幫  都係食自己  但係就因為基本唔洗中共幫(中國真係無人情味  但係拋開呢樣野先)
佢地已經幫到政府唔少

老實講,你首段係引入,但我睇唔到個重點,所以唯有拎後面果段黎回應

無錯,的確好多民智未開發既人,例如政府用3k去做A,但A短期對果d人係冇影響,效用要十年之後先出現,到時可能佢地可以得益到3k既幾十倍
但佢地永遠只係睇果3k對自己可以做到d咩,呢d叫自私
幫政府做d咩,基本上你每一日返工返學就已經對政府有貢獻
如果一個社會裡面人人都可以無政府狀態下咁樣生活,咁呢個已經唔係一個社會
若果你要話唔做野/唔表達自己已經係幫左政府既話,呢個觀點我絕對唔同意,呢個係一個受扭曲受歪曲既概念

作者: 異地遊人 時間: 10-1-19 08:11 PM

原帖由清君於 10-1-19 23:04 發表

問題就係,市區既人有必要搭車去新界搭高鐵咩?

總而言之,起高鐵係長遠黎睇,係好事。
高鐵唔係唔起,但一定要周長規劃,而唔係而家倉卒咁諮詢過一陣
而之後由保皇黨議員加速推行高鐵上馬
而且呢6百幾億,係咪用得 ...

諮詢唔夠我都同意
但係香港地, 可以咩都郁就起,
都唔是咁簡單...

作者: 清君 時間: 10-1-19 08:13 PM

原帖由 異地遊人 於 10-1-19 08:11 PM 發表

諮詢唔夠我都同意
但係香港地, 可以咩都郁就起,
都唔是咁簡單...

唔係好明,你係咪漏左d野-.-

原帖由 打機是我的生命 於 10-1-19 08:08 PM 發表

邊個短視~ 幾十年之後自有分曉~

時間證明一切,此時此刻既爭拗是沒有結論的,事未就而論結果,不過是白談.

作者: 動名詞 時間: 10-1-19 08:43 PM

原帖由 Fed's 於 10-1-19 08:06 PM 發表

美國總統最後都係靠背後十三個家族同埋D軍火商先做到

咁你叫美國佬係伊拉克發展到佢成為美國咁款

試問一個地方既反動力量強如伊拉克又點樣發展?
而反動力量主要成員係大眾

作者: 異地遊人 時間: 10-1-19 09:06 PM

原帖由清君於 10-1-19 23:13 發表

唔係好明,你係咪漏左d野-.-

香港地, 好難咩都唔郁黎起
sorry, 我中文唔好
清君大文豪又唔教我

原帖由 打機是我的生命 於 10-1-19 23:08 發表

邊個短視~ 幾十年之後自有分曉~

短唔短視我唔知,
不過我近視

作者: 異地遊人 時間: 10-1-19 09:07 PM

原帖由 動名詞 於 10-1-19 23:43 發表

試問一個地方既反動力量強如伊拉克又點樣發展?
而反動力量主要成員係大眾

伊拉克是唔係好同香港

作者: 麥艾克斯 時間: 10-1-19 09:16 PM

我覺得政府係起高鐵呢件事上的確係好屈機, 真係有d蠻橫
不過反高鐵示威人士最後的舉動其實都唔係咁好
撇除拆鐵馬, 丟樽呢d唔講
圍住就係唔想俾人走, 咁就算俾人圍到又可以點呢? 搶佢份文件撕斕佢? 打鄭汝華一身?
基本上我覺得如果現場無警方戒備的話, 肯定會有d激進人士衝入去...到時真係唔知點
不過又難怪, 政府咁都強行通過. 好多人都接受唔到
係了...社會秩序係一個廣泛性用詞, 泛指所有既公眾行為. 就好似普通襲擊, 唔一定真係要碰到先叫襲擊. 刻意係人地耳邊大聲叫喧令人不適, 亦有可能入罪.

[ 本帖最後由麥艾克斯於 10-1-19 09:43 PM 編輯 ]

作者: 東方．真龍？ 時間: 10-1-19 09:33 PM

原帖由 麥艾克斯 於 10-1-19 09:16 PM 發表
我覺得政府係起高鐵呢件事上的確係好屈機, 真係有d蠻橫
不過80後最後的舉動其實都唔係咁好
撇除拆鐵馬, 丟樽呢d唔講
圍住就係唔想俾人走, 咁就算俾人圍到又可以點呢? 搶佢份文件撕斕佢? 打鄭汝華一身?
基本上我覺 ...

唔該...
咪人地話80後..你又講80後啦
你講喇
80後代表咩野?"
你都好似80後喎..你話你d舉動唔好..好討人厭?"..
如果只係話反高鐵果班人..咪反高鐵人士囉
如果話圍垃圾會班人..咪垃圾佬囉
乜都入晒80後..學埋晒d大陸分化香港人既用詞..好咩?"..

[ 本帖最後由東方．真龍？於 10-1-19 09:35 PM 編輯 ]

作者: 異地遊人 時間: 10-1-19 09:36 PM

原帖由 東方．真龍？ 於 10-1-20 00:33 發表

唔該...
咪人地話80後..你又講80後啦
你講喇
80後代表咩野?"
你都好似80後喎..你話你d舉動唔好..好討人厭?"..
如果只係話反高鐵果班人..咪反高鐵人士囉
如果話圍垃圾會班人..咪垃圾佬囉
乜都入晒80後..學埋 ...

又中g point ....
中坑話80後唔good
80後又話90後更頹
年齡隔離算

作者: 麥艾克斯 時間: 10-1-19 09:46 PM

原帖由 東方．真龍？ 於 10-1-19 09:33 PM 發表

唔該...
咪人地話80後..你又講80後啦
你講喇
80後代表咩野?"
你都好似80後喎..你話你d舉動唔好..好討人厭?"..
如果只係話反高鐵果班人..咪反高鐵人士囉
如果話圍垃圾會班人..咪垃圾佬囉
乜都入晒80後..學埋 ...

捉字蝨下話...
改左了龍哥

作者: apoon123a 時間: 10-1-19 10:20 PM

原帖由 Fed's 於 10-1-19 07:48 PM 發表
最重要一點高鐵其實起唔起唔係對香港有影響
對內地  當施舍個站俾我地  當然要自己拎錢黎起
因為人地本身只係打算國內建立高速網絡
可以令廣州華南對上海華北有更好既網絡  互帶利益同時都為開發西部能源作一步發展
呢點利益足以令中共有決心去起  但係今日既香港一來帶唔到咩商機
二來仲要市場內地化  所以香港就算真係唔係佢地既目標都係好正常

最最緊要係  你話每月有分交稅既人就話有資格出聲姐
成班中下層  仲要住公屋既每個月交唔到咩稅仲要用既政府住既政府
卻偏偏係呢班人出黎搞事最多  我甚至見到有D大學生都未有話對社會有咩貢獻
又出黎叫餐死  我真想知700億入面你地占幾多?  1個億?
其他唔在講  就呢點黎睇香港人已經愈黎愈無腦  只係人做我做
覺得可以反下政府係件有趣且有"意義"既事

見到 " 高鐵其實起唔起唔係對香港有影響"
紅字深表認同
咁既野都講得出新一代愈來愈低能

新一代視金錢如草芥
真達觀

另外

本港迪士尼錄13億虧損

(明報)2010年1月19日星期二 18:00

香港迪士尼樂園上年度入場人次460萬，比上年度增長2%，但錄得13.15億元的淨虧損。
迪士尼的營業額卻減少1%，降至25.4億元，錄得13.15億元的淨虧損，前年為15.7億元。而在營運層面，香港迪士尼樂園去年仍有7000萬元的經營虧損，較上一個財政年度的1.6億元減少57%，負債亦降低。樂園由開幕至去年底，共接待1900萬名訪客。
（即時新聞）

政府係港迪士尼最大股東你一定知
虧損13.億對你 700億 =no object 一定又如雲煙

[ 本帖最後由 apoon123a 於 10-1-19 10:24 PM 編輯 ]

作者: apoon123a 時間: 10-1-19 10:26 PM

原帖由 Fed's 於 10-1-19 07:53 PM 發表

幣在E家"人"己經無話事權  到左有事  你覺得人數可以決定到咩
E家係科技決定一切既時代

簡單D講  再過一個世紀  世界會變到人只係廢物  就算人口一時間無左三分一
反而仲好

而且E家社會好明顯係靠自己  下下要政府幫無用
係眼紅身邊一個個有車樓  自己偏偏走去覺得政府唔夠力
其實外力始終係外力  自己既生活係要自己去爭取唔係靠其他黎幫包括政府

嘩你價值觀好特別你小幾?

你咁鐘意自認廢物(你係廢物係人都知) 都唔好拖埋下一代落水la
人地出都出未出世就比人罵廢物好慘ga

你日後生唔生廢物 ?

[ 本帖最後由 apoon123a 於 10-1-19 10:29 PM 編輯 ]

作者: 異地遊人 時間: 10-1-19 10:29 PM

次次見到 apoon我都想串佢,
so sad =[

作者: apoon123a 時間: 10-1-19 10:33 PM

原帖由 Fed's 於 10-1-19 07:38 PM 發表
你覺得今時今日既香港仲值得中共重視咩?
係香港人自己仲覺得自己香喳
我係內地公幹  講真係充比香港更物質主義
但係就睇唔到比香港差D咩  而且呢十年只有香港唔掂
都無大陸唔掂  (唔係講人權)
香港愈黎愈唔俾大陸重視  仲要關左度門  果邊又要求上面幫手又點
最簡單一樣野  國家唔係屋企  好似雙普選
講真丫  唔見得民眾既目光就係雪亮另外就係唔好以為呢個時代
權力仲會比所謂既"民心"影響
真係唔聽話咪由9你囉  到左果步香港就唔知點死

[ 本帖最後由 Fed's 於 10-1-19 07:39 PM 編輯 ]

嘩獨裁主義者
北韓岩你住

北韓貨幣改革引民怨軍隊奉令格殺叛逃民眾

法新社首爾７日電）媒體報導今天指出，北韓軍隊已接獲命令，可槍殺任何非法跨越國界者，以防止北韓人民因不滿貨幣改革而爆發集體逃亡潮。北韓實施震撼市場的貨幣改革，導致人民的辛苦積蓄付諸流水。
南韓「朝鮮日報」（Chosun Ilbo）報導，這項命令是北韓政府先發制人之舉，以防堵北韓中產階級因積蓄化為烏有，大量逃往中國。
朝鮮日報引述不具名南韓情報官員指出：「我們並未接獲北韓騷亂或大量脫逃消息，但北韓人民沒有採取集體行動的經驗，因此如果情勢繼續惡化，他們很有可能選擇脫逃。」
南韓統一部（Ministry of Unification）不願針對這項報導發表評論。該報導是有關北韓民怨與不滿的一系列報導之一。
南韓專門報導北韓消息的網站「Daily NK」今天指出，北韓兌換新幣的期限到昨天截止，但民眾的不滿和混亂情況仍未消退。
北韓舊幣換新幣的兌換比率是100比1，但當局限制兌換總額，因此許多人害怕辛苦積蓄將會不保。
朝鮮日報指出，繼在數個城市的垃圾堆中，發現印有北韓國父金日成（Kim Il-sung）肖像的舊紙幣遭撕毀或破壞後，北韓軍隊進入緊急戒備狀態。

作者: apoon123a 時間: 10-1-19 10:35 PM

原帖由 異地遊人 於 10-1-19 10:29 PM 發表
次次見到 apoon我都想串佢,
so sad =[

我次次見到你都想串你

不過見你
今晚約左女神, 應該點做
http://www.2000fun.com/bbs/viewt ... B%B2%A7%A6a%B9C%A4H
廢青心聲
http://www.2000fun.com/bbs/viewt ... B%B2%A7%A6a%B9C%A4H
毒男大改造~~求救
http://www.2000fun.com/bbs/viewt ... B%B2%A7%A6a%B9C%A4H
今次大檬樂, 有咩工岩我
http://www.2000fun.com/bbs/viewt ... B%B2%A7%A6a%B9C%A4H

串都冇雅興串

[ 本帖最後由 apoon123a 於 10-1-19 10:37 PM 編輯 ]

作者: 動名詞 時間: 10-1-19 10:46 PM

原帖由 apoon123a 於 10-1-19 10:35 PM 發表

我次次見到你都想串你

不過見你
今晚約左女神, 應該點做
http://www.2000fun.com/bbs/viewt ... B%B2%A7%A6a%B9C%A4H
廢青心聲
http://www.2000fun.com/bbs/viewthread.php ...

好地地離乜題?

作者: apoon123a 時間: 10-1-19 11:19 PM

原帖由 動名詞 於 10-1-19 10:46 PM 發表

好地地離乜題?

原帖由 異地遊人 於 10-1-19 10:29 PM 發表
次次見到 apoon我都想串佢,
so sad =[

作者: kath 時間: 10-1-19 11:40 PM

高鐵,一個大家都不會陌生的用字

跟「我,是一個小學雞」一樣,都是英語文法

原帖由 東方．真龍？ 於 10-1-19 09:33 PM 發表

唔該...
咪人地話80後..你又講80後啦
你講喇
80後代表咩野?"
你都好似80後喎..你話你d舉動唔好..好討人厭?"..
如果只係話反高鐵果班人..咪反高鐵人士囉
如果話圍垃圾會班人..咪垃圾佬囉
乜都入晒80後..學埋 ...

一班唔識字的盲毛總愛跟隨一些突然爆出來的「時髦」字眼
學識越低,抗反智力越弱,這是很合理的事

東方‧真龍?你咁有學識,當然會知道哩個世界,尤其係香港發生緊咩事,可惜孤掌難鳴
-- 嗚呼哀哉

作者: 東方．真龍？ 時間: 10-1-20 01:50 AM

原帖由 麥艾克斯 於 10-1-19 09:46 PM 發表

捉字蝨下話...
改左了龍哥

以事論事
強國部份國民認為高鐵出現是被提速..
而我認為80後這字眼是被加諸
事件裡只有80年代後出生既社運份子嗎?"..
80後這字眼是以偏蓋全加諸到所有80時代後出生既少年...你又點睇呢?

早兩年我記得強國有件事..就是一位90後小妹妹..
在網上發佈自拍全裸照..呼籲振災..內文說希望大家可以繼續為四川捐款,也願意多發照片來鼓勵大家捐款.
早兩年我記得日本也有標榜平成後出生既AV...平成元年即是1989年開始..

所以在我眼裡...認為80後這字眼..是醜惡..妖魔化..色情化..我地香港80時代後出生青少年...
難為你跟傳媒一樣也可以輕鬆地說出口..可恥可悲!

[ 本帖最後由東方．真龍？於 10-1-20 01:59 AM 編輯 ]

作者: 東方．真龍？ 時間: 10-1-20 02:11 AM

原帖由 kath 於 10-1-19 11:40 PM 發表

一班唔識字的盲毛總愛跟隨一些突然爆出來的「時髦」字眼
學識越低,抗反智力越弱,這是很合理的事

認真感覺香港呢一年
係字詞變左好多...
從年經新一代產生既潮語..再到官方潮語..再有大陸字詞入港
呢幾日睇新聞..
煙花..變成煙火,杜拜..變迪拜,瘋狗症..變成狂犬病,諾沃克病毒..變成諾如病毒等
成日都共同打造乜乜物物= ="..
到底咩野事..乜都變晒><"

[ 本帖最後由東方．真龍？於 10-1-20 02:19 AM 編輯 ]

作者: Ｓｕｎｎｙ｜｜ 時間: 10-1-20 02:20 AM

知否世事常變

作者: kath 時間: 10-1-20 02:22 AM

原帖由 東方．真龍？ 於 10-1-20 02:11 AM 發表

認真感覺香港呢一年
係字詞變左好多...
從年經新一代產生既潮語..再到官方潮語..再有大陸字詞入港
呢幾日睇新聞..
煙花..變成煙火,瘋狗症..變成狂犬病,諾沃克病毒..變成諾如病毒等
成日都共同打造乜乜物物= = ...

由大陸收返香港,變做香港回歸大陸o個一刻,香港o既中文已經開始變質,近年更加係體無完膚

早說了東方‧真龍?才是2000fun最深蔵不露的一股清泉
明明身懷絕學,卻要裝成傻頭傻腦,誘使無知者自以為成為智者,公然大聲指罵一番,露盡其底,越罵越露底
果真深不可測

作者: 東方．真龍？ 時間: 10-1-20 02:26 AM

原帖由 kath 於 10-1-20 02:22 AM 發表

早說了_ _ _ _才是2000fun最深蔵不露的一股清泉
明明身懷絕學,卻要裝成傻頭傻腦,誘使無知者自以為成為智者,公然大聲指罵一番,露盡其底,越罵越露底
果真深不可測

_ _ _ _ 請填上異地遊人或 kath
這才算是正確答案

作者: 大刀奇俠 時間: 10-1-20 10:27 AM

凡事不是非黑即白
建高鐵一事,總不會是只有好處而沒有弊端
只有害處而沒有利吧?..........
個人感觀:
不論反高鐵人士抑或支持高鐵人士
大多（不是全部）只是著眼於某一方的觀點
而不會全面的考慮這件事背後所做的一切
若要真的認為一件事是利多於弊或弊多於利
都必先清楚了解這計劃的內容，背景
但往往有人則只會偏執
甚至為反而反........那真的是真正的抗爭嗎?
不只是反高鐵人士,支持高鐵人士的一方
當有亦有人只是認為高鐵速速上馬一定對香港百利而無害
政府亦沒有充分的資詢，議會一通過便拍板
也不就跟部份盲目反高鐵的人相差無幾嗎?
以上只是個人的感觀，或許是廢言
但這只是抒發自己對是次高鐵的感受...........

歡迎光臨 2000FUN論壇 (https://www.2000fun.com/)