2000FUN論壇

標題: (轉貼) 而家D父母個個都貪錢,狗眼看人低,唔怪得咁多女仔嫁唔出啦 [打印本頁]

作者: 樹熊佬佬 時間: 10-1-31 10:45 PM 標題: (轉貼) 而家D父母個個都貪錢,狗眼看人低,唔怪得咁多女仔嫁唔出啦

http://www.[此內容已被過濾].com/viewthread.php?tid=9072653&extra=page%3D1

我今日真係好憤怒,真係唔明點解而家呢個社會會變成咁樣??係咪我地呢D窮等人家就註定一世要單身??
永遠唔能夠有愛情,有另一半,甚至唔能夠建立自己家庭呢??
廢話少講,事緣尋晚終於能夠同拍左拖3個月的女友雙親見面啦,事前梗係要做足準備啦.我已經在我能力範圍
之內細心挑選左一支我認為最好紅酒同埋一合燕窩給女友父母,但點都估唔到,呢一切只係惡夢GE開始...........
到左尋晚食飯時間,我地2個滿心歡喜咁拎住見面禮去見他們,仲笑笑口咁同佢地打招呼,點知...............
女友阿媽一見到我手上的紅酒,我已經感覺到佢當堂面色一沉,跟住開始用很不友善GE眼光望住我...當時我都不以為意,仲
笑騎騎咁同女友去廚房開飯,點知到開飯後,戲肉上演了...
首先係佢母親開始發炮,不過我都仲未為意..因為最初只係問下我地點樣識,我幾歲,住係邊度咁呢D好COMMON GE話題,
咁我咪照常咁答話今年28歲,同父母和妹妹住公屋,同佢個女係幾個月前係KARAOKE一個共同朋友GE聚會邂逅啦...係呢個
過程裡面,我都覺得佢老母越聽就面色越沉架啦..果然之後就開始講D越來越侮辱,令人非常難堪GE說話....
"你揾幾錢個月呀???"
"8000左右啦.."
"8000??咁你有冇諗過同我個女結婚呀??"
"暫時未有計劃,因為我覺得我地拍左唔係好耐,仲未了解得夠.."
"冇計劃???咁你同佢拍黎仲咩??"
呢個時候我已經覺得好唔妥架啦....咪話:
"咁我覺得我地情投意合..咁咪一齊囉,但至於結婚,我仲未想咁快,要好好考慮一下.."
"OK,咁你話同父母住公屋,係咪??"
"係呀."
"係??仲話係..住公屋想同我個女一齊??咁你地第時想係邊度住呀??冇樓仲想同佢拍拖??你憑咩養佢呀???
仲有呀,我地得佢一個女咋,第時旨意佢養我地架...你而家咁樣,又冇錢..你憑咩養佢呀???我地點指望第時我地老左
可以養到我地呀???我唔該你,食完呢餐飯好走啦,唔好再揾我個女,知道未呀??"
嘩,果一刻聽到我,真係即時忍唔住發炮, "x@@臭x呀..你講乜x野呀???你地係d咩新鮮羅白皮呀???你個女好巴閉呀???
塊野鑲金架???你地都痴膠花GE...你食x啦..仲有,呢兩合野我當俾乞兒啦....x@@杏加橙.."
果一刻我真係頂唔順啦....就連女朋友叫我,都阻止唔到我奪門而去....我真係好心up..點解而家會變成咁......
尋晚成晚就係咁自己一個係咁隊到啤啤夫..真係.........天啊..點解呀??????
就係咁,今朝瞓醒,我就忍唔住打呢篇野上黎向大家控訴啦......我唔係想要大家同情,只不過我真係想各位明白我此刻
的感受.......呢個世界係咪已經變得咁樣..個個都狗眼看人低呢??

作者: loveyoujj520 時間: 10-1-31 11:24 PM

冇計啦.人地得一個女係咁架啦.有多幾個女可能就唔會咁樣.但佢講到名得佢一粒女.等時等佢養.跟係睇錢啦.架下d人嫁女同賣女都冇咩分別架啦.見家長都係錢時行頭.一係你就e+比d心機.搵多d錢.第時叻比佢地睇.等佢地覺得走寶

作者: ☆可兒☆ 時間: 10-1-31 11:38 PM

轉貼內容很難去回應... 因為內裡有很多問題都不能由作者去作答

因為不能單單從一篇文章去理解所有~~~~

但單是看文章...

那個老娘也是很難頂甚至出口傷人

碓是有不對的地方

但內裡還有很多可商確的地方!!

如他的女友今年多歲呢???
假如確是到了適婚年齡
而作者又沒有結婚計劃
況且只是認識 3個月 only
假如時間一拖再拖
個女就真係會變老姑婆

另外女家的家低背景如何

究竟那支紅酒是什麼牌子??

當時作者的衣著裝扮? 談吐行為?

也足以可以令一個愛女的媽說出難聽的說話

或者動機並不是如她所說的一樣

反而極大可能為了目的而不擇手段

為求一擊即中什麼說話都可以說出來!!

目的是什麼? 就是只要他們分手而已 !!!

作者: sunnydoll 時間: 10-2-1 02:59 AM

鍾意一個人
係唔會理人地個家底點
睇低自己果d人係最蠢
重點係
陪你過一世果個又唔係佢地
理得佢點睇你..

但最基本忍字..呢篇野果個人都做唔到..仲講出呢d說話
人地一開波咁去針對佢咁..冇話人地錯得哂呢

作者: ^^STM^^ 時間: 10-2-1 04:00 AM

佢會唔會係係到試緊你為人呢?

以上純粹亂估

作者: ☆可兒☆ 時間: 10-2-1 04:55 AM 標題: 回復 4# sunnydoll 的帖子

嗯~~~ 鐘意一個人真係未必會去睇家底

but 父母就未必了!!!!

如果女方父母家底好的

知道個女用慣  嘆慣!!

都真係唔想個女去捱

況且物以類聚...

父母d類聚當中  亦會有父母心中既女婿存在!!

係甘既話  女方既父母就未必錯得晒!!

因為個女確實有比作者更好的選擇

這並不是攀龍附鳳而是身邊確實有這些人存在!!

相反...
如果父母既家底  同個男家既家底係差不多

甘就真係冇野講我都會覺女家既方面衰硬!!

[ 本帖最後由 ☆可兒☆ 於 10-2-1 05:25 AM 編輯 ]

作者: mandm 時間: 10-2-1 10:17 AM

依家d家長好似賣女禁嫁啦人地又得一個女緊係想釣金龜啦算啦唔好要你個女朋友難做佢都好慘嫁你要體諒下佢希望你明白啦

作者: 為口奔波 時間: 10-2-1 12:42 PM

傻仔...中計啦....
小小野就奪門而走....
而家係同佢個女做人世...又唔係同佢老母,佢講乜由佢啦
就咁走左去...又無理過女友感受???

[ 本帖最後由為口奔波於 10-2-1 12:43 PM 編輯 ]

作者: 樹熊佬佬 時間: 10-2-1 04:04 PM

哈,無計啦,鬼叫個男仔咁都忍唔到呀??

作者: loveyoujj520 時間: 10-2-1 08:55 PM

原帖由 樹熊佬佬 於 10-2-1 04:04 PM 發表
哈,無計啦,鬼叫個男仔咁都忍唔到呀??

你架下係到講只係紙上談兵.到個主角你係既時間你都會好似e+講咁易?
講就易.但做就難啦

作者: ×呠呠天× 時間: 10-2-1 09:27 PM

w[]w男ge做得好比著我係女我x左佢好耐ava
不過都係某d丫媽丫爸先會咁姐我諗~

作者: 樹熊佬佬 時間: 10-2-1 10:35 PM 標題: 回復 11# ×呠呠天× 的帖子

我覺得好多都係咁諗喎

作者: 樹熊佬佬 時間: 10-2-2 11:32 AM

我真係覺得好多都係狗眼看人低架

作者: 銀河戰國 時間: 10-2-2 12:32 PM

原帖由 樹熊佬佬 於 10-1-31 10:45 PM 發表
http://www.[此內容已被過濾].com/viewthread.php?tid=9072653&extra=page%3D1

我今日真係好憤怒,真係唔明點解而家呢個社會會變成咁樣??係咪我地呢D窮等人家就註定一世要單身??
永遠唔能夠有愛情,有另一半,甚至唔 ...

佢地住邊先,佢地又搵幾多一個月先,佢地係咪搵十萬銀一個月架,佢老母咁q大口氣既,你叫佢食SXXT
邊有人第一次見面就咁同人講野
你唔叫佢地問下李家誠要唔要西x,我地有個女呀比你x比返一千幾百萬就得
佢老母都膠膠地

[ 本帖最後由銀河戰國於 10-2-2 12:34 PM 編輯 ]

作者: 樹熊佬佬 時間: 10-2-2 12:45 PM 標題: 回復 14# 銀河戰國的帖子

佢老母唔會當自己個女係雞卦??

作者: 紫靈姬 時間: 10-2-2 12:56 PM

世上真係有好多呢種父母
出法點其實都係為子女好
每個家長想法唔同
有部份認為只要子女開心就無問題
有部份家長認為你都未到結婚為前提先見家長你係唔係對我子女認真
一齊左三個月就帶去見家長呢樣野已經太突然
所見女方家長係想個女係結婚對象先可以帶返屋企
而且人地只係得一個女當然會想個女好
無錯兩個人係埋一齊係兩個人既事如果係想結婚就唔同講法
搵錢多唔多係一回事係要睇你平時有冇積蓄亦要視乎你玩夠未
其實講係咁講姐未真正了解對方父母佢地父母又點會知道你對佢地子女認真
你連一點努力都唔想付出就去見家長咁真係唔好見家長

[ 本帖最後由紫靈姬於 10-2-2 12:59 PM 編輯 ]

作者: mr.pong 時間: 10-2-2 01:37 PM

樓主..我想問下你..呢個POST係咪聊天室個板入面嫁呢