2000FUN論壇

標題: 唔明男生的心~ [打印本頁]

作者: 柑桔人 時間: 10-2-6 01:51 AM 標題: 唔明男生的心~

咁總結黎講,本人只有兩個問題~
咁係咁既...咁我同我男朋友拍左拖半個月有多~
初初好甜蜜既...佢日日sd信息比我,問我點呀?
但當佢搵到一份文職,之後佢就開始冇咩sd比我!
佢咩事,我都唔知...
一個星期有可能冇得見~
但有陣時佢又會日日都想見我!
對我忽冷忽熱咁!
咁我第一個問題係想知佢對我忽冷忽熱,係正常既,定係有其他野呢?
第二個問題就係,我開始有D對佢心淡啦,咁我咁做岩嗎?

作者: sunnydoll 時間: 10-2-6 02:22 AM

原帖由 柑桔人 於 10-2-6 01:51 AM 發表
咁總結黎講,本人只有兩個問題~
咁係咁既...咁我同我男朋友拍左拖半個月有多~
初初好甜蜜既...佢日日sd信息比我,問我點呀?
但當佢搵到一份文職,之後佢就開始冇咩sd比我!
佢咩事,我都唔知...
一個星期有可能冇得見 ...

多口想問...
你同佢係點識?
成年人都冇理由咁快就過左熱情果段時期
你同佢住得好遠?? 相信不會吧

你心淡..唔出奇啦
你都冇被愛既感覺..
你又搵唔到佢..

作者: intermethk 時間: 10-2-6 02:22 AM

好似碟菜沒落鹽一樣沒味係人之常情沒話岩唔岩

係人都想人錫咁妳知唔知佢公司係點? 多唔多野做?

係咪真係連幾個鐘都分配唔到妳呢? 拍拖要見面係正常

但係真係忙不開支既話怪佢定公司呢? 如果我話佢對妳忽冷忽熱

唔岩妳會唔會又舒服點? 每個人到一個時間就會力不透支想休息一下

可能連個電話都唔想打沒得解釋真係累妳都試過提唔起勁時候嗎?

其實男人忽冷忽熱不過係種熱情用盡需要時間去補充之後再對妳熱情過

再用完再補充妳可以話佢呼之則來揮之則去男人就係男人構造就係咁

唔係無賴事實係咁妳鐘意既就應該配合佢當然妳都可以照板煮碗一樣咁做

不過個結果都係極端一係佢緊番你一係大家繼續各自各其實佢可能剛剛返工

需要時間適應想專心一點熟識工作運作熟識哂運用自如先再放心同妳見面

男人係咁咩都埋係心等成功既一刻先同妳講好聽d既唔想擔心其實都有少少私心

但係諗清楚如果佢講出來佢做野好辛苦大路既妳會支持佢/哄佢但係呢樣可以話

係一種壓力工作本身已經係一種壓力再加上妳每日問佢做成點咪雙重壓力

拍拖半個月姐仲係熱戀期仲有得救搵日佢day off 約埋一齊傾傾囉沒野係傾唔到

只有唔想傾如果佢唔得閒既咪等下星期等待就係咁辛苦咁妳/佢追/等被追大家果時

辛苦定個一星期辛苦先? 等都等到佢對自己表白假設沒理由個一星期都等唔到既

妳又會唔會太武斷一對自己冷少少就諗住淡機械都需要修理何妨一個人

問心自己仲鐘唔鐘意佢鐘意既等都係一種有期限既幸福唔鐘意每一秒既等待都係痛苦

[ 本帖最後由 intermethk 於 10-2-6 02:25 AM 編輯 ]

作者: ☆可兒☆ 時間: 10-2-6 03:15 AM

比上面位大佬講晒~

甘我唯有送一篇文章比你睇下啦 !!!

http://www.2000fun.com/bbs/viewthread.php?tid=3976507&extra=page%3D1

作者: Yu-影 時間: 10-2-6 07:07 PM

感情既付出係雙方,佢可以忙到唔搵你
你可以得閒等佢搵你點解你唔可能做主動的一方呢
再說,有問題只上黎跟網友說沒有用,為何不直接跟他直接聊一聊?
感情需要體諒需要接受
如果佢真係工作忙無時間陪你,我覺得需要接受,而且體諒

第二,心淡如果因為一個人長時間無陪到你無理到你
而令你對佢既愛會慢慢變淡,anyway 我唔覺得呢一種係愛

作者: 紫靈姬 時間: 10-2-6 11:14 PM

文職都有好多種
你要清楚知道佢返幾點放幾點屬於咩類型既文職
因為有陣時OT起上黎就唔知幾點先走得
始終你男朋友岩岩入行無幾耐好多野都未熟識
可能有時做錯野比人話心情唔好還是做野太攰導致陪你時間少
始終每個人既表達方式唔同你可以好直接表達不滿但佢會唔會係咁呢
你會心淡既原因係佢未有工作既時候就係咁主動搵你有工作既時候就唔搵你
你可以換轉去做返佢既角色想一想一人讓一步你真係鐘意佢係咪應該要體諒佢多啲
有冇諗過你有冇盡過力呢你可以知道佢得閒既時間內同佢傳下訊息傾下電話
如果真係盡力過都唔得你就需要同佢溝通講出你心裡所想再聽聽佢既想法
先可以維持到關係事關每個人都必需要工作同埋最重要係信任體諒對方多啲

[ 本帖最後由紫靈姬於 10-2-6 11:15 PM 編輯 ]

作者: 柑桔人 時間: 10-2-7 01:52 AM

多口想問...
你同佢係點識?
成年人都冇理由咁快就過左熱情果段時期
你同佢住得好遠?? 相信不會吧

你心淡..唔出奇啦
你都冇被愛既感覺..
你又搵唔到佢..

我同佢係同事囉~
唔係住得好遠既...

作者: 柑桔人 時間: 10-2-7 01:55 AM

原帖由 Yu-影 於 10-2-6 07:07 PM 發表
感情既付出係雙方,佢可以忙到唔搵你
你可以得閒等佢搵你點解你唔可能做主動的一方呢
再說,有問題只上黎跟網友說沒有用,為何不直接跟他直接聊一聊?
感情需要體諒需要接受
如果佢真係工作忙無時間陪你,我覺得需 ...

我相信佢唔會係太忙個種囉...
因為佢自己都話好得閒,只係聽電話同執貨囉~
咁之前有問過佢,但佢話我咁樣問佢令佢覺得辛苦~
我一時唔知點做姐~

作者: louislee0a0 時間: 10-2-7 09:38 AM

維繫一段感情係雙方面都要努力既佢唔搵你你咪搵佢話掛住佢囉
一開始有d忽冷忽熱都係正常既可能係未適應大家既生活習慣
或者佢係一個講feel既人想你既時候先會話你聽咁囉
唔好咁快諗佢有野住^^~

作者: ☆可兒☆ 時間: 10-2-7 01:33 PM

難於操控的信任:

有某一個帖我也說了.. 人有時就是這樣..
『想就是想..唔想就是唔想』..真係冇特別既原因!!
(其實係有原因只因並不是特殊原因..人就不會去細心分折自己的行為)
( 除特別原因  普遍其實只是一種精神狀態或是情緒下的表現而已)

信任不代表我什麼都不問!!
什麼都不問 .. 這是什麼?
漠不關心?  事不關己己不勞心? 絕對信任? 太愛對方怕失去??

但問也要有個[譜]...
追問代表了什麼? [真的不想凡事說穿  希望大家自己去想一想]

追問後果是
令對方有壓迫感 /
迫對方講大話 /
令大家被"不信任"的假象膠著.. 漸漸真的互相不信任了!

凡事都盡量洽到好處... 但沒有人幫到你如何"洽"
說的也說了去體驗.. 去實習一下吧!!

[ 本帖最後由 ☆可兒☆ 於 10-2-7 05:40 PM 編輯 ]

作者: 紫靈姬 時間: 10-2-7 07:37 PM

我曾經看過好多篇關於熱戀期既文章內容大概說熱戀期為三個月至六個月
熱戀期間日見夜見會對伴侶產生依賴既感覺幾乎無時無刻諗住對方
遇到開心快樂既事想同對方分享遇到唔開心既時候又想搵對方分擔
幾乎係佔據哂對方既私人時間但對方當時係熱戀期唔會對你有太多怨言
但當熱戀期過左其中一方就會開始想擁有多一點私人空間覺得之前見面次數太多
開始厭倦互相攻擊對方既缺點之前既所有甜蜜都幻滅
呢個時候你就會開始懷疑對方對你既愛只係習慣而唔係愛亦都唔係鐘意
認為而家既佢既心好難以捉摸同以前認識既佢好唔同開始胡思亂想覺得佢心中已有別人
呢個時候一方開始思考呢段感情應唔應該繼續落去還是尋找一個方法去突破目前所遇既困境
可惜你卻發現自己好易對佢產生嫌惡煩厭自責好想搵人傾下心事發洩下情緒想別人聽你既心聲
呢個時候你需要先冷靜一下諗下問題徵結所在細心思考彼此係咪適合繼續一齊
諗清楚自己真係愛上佢呢個人還是愛上被愛既感覺
其實戀愛是需要雙方共同付出努力的若果雙方唔用心經營呢段戀情就好易過期
熱戀過後發現只有你一個人在努力維繫咁就要有分手既心理準備
我地都知道一廂情願既愛情得來既結果往往都唔係咁好
大部份既人都係通唔過熱戀情過後既階段而選擇分手真係太可惜
好多事只要好好溝通都會無事唔好再耍任性唔好再諗太多要互相信任
呢個階段既時間就會縮短與所愛既人相遇相戀係非常唔容易唔好輕言放棄
因為過左呢一關就會進入穩定期就會係成熟既戀愛
P.S你真係有心經營呢份愛情就應該細心看完你就會明白了

[ 本帖最後由紫靈姬於 10-2-7 07:39 PM 編輯 ]

歡迎光臨 2000FUN論壇 (https://www.2000fun.com/)