2000FUN論壇

標題: 徵人教我玩十三張 [打印本頁]

作者: kinhing111 時間: 10-2-9 05:33 PM 標題: 徵人教我玩十三張

徵人教我玩十三張
唔識想學~"~

作者: 【翔少】 時間: 10-2-9 05:34 PM

十三張是撲克遊戲的一種，也稱作為中國撲克。通常由四人一起玩，經常被用來賭博。玩法如下：

四人中一人為莊家（也可以四人對比），莊家把牌分成四份，每份十三張。
開牌前，各閒家向莊家下注。
各人把十三張牌排成三段(道)，稱頭、二道及尾。頭有三張，二道及尾各五張。頭必須小於二道，二道必須小於尾，否則稱為「擺無對」。凡「擺無對」者全賠。
頭因為只有三張牌，因此不算順、花。只可能是不成花式（稱無頭）、一對或三條。
各人排好牌後，打開牌跟莊家比較大小。頭跟頭比，二道跟二道比，尾跟尾比。
比較時，先比牌型。牌型相同時，比點數。
部分玩法的規則，比點數時由最大點數的牌比起，相同時比第二大的牌，如此類推。倘若完全相同，比最大點數牌的花色。
部分玩法的規則訂成對莊家稍為有利：只比點數最大的一隻牌。倘若相同，一律由莊家勝。
賠率：頭、二度或尾，每段勝出得最少一注，以下情況得超過一注（留意不可以擺無對！）：
三條擺「頭」：勝出得三注。
夫佬（滿堂紅）擺「二道」:勝出得兩注。
四條擺「尾」：勝出得四注。作「二道」：得八注。
同花順擺「尾」：勝出得五注。作「二道」：得十注。
任何一方得遇上以下的組合（例牌）通吃，稱為「報到」
「三順」：二道及尾為順子，頭亦為三張連續的順子。勝三注。
「三花」：二道及尾為同花，頭亦為三張相同的同花。勝三注。
「六對半」：牌中有六對。勝三注。
「一條龍」：A.K.Q.J.10.9.8.7.6.5.4.3.2　各一張。勝十三注。(出現機會約為9,462分之一。)
「一條青龍」：全同花的一條龍，勝注有爭議，出現機會只為158,753,389,900分之一。
倘若莊家及閒家同時報到，由莊家賠閒家。

作者: 小神話 時間: 10-2-9 05:41 PM

咁不如玩德州撲克=.

作者: 吳樹喜 時間: 10-2-9 05:51 PM

原帖由 小神話 於 10-2-9 05:41 PM 發表
咁不如玩德州撲克=.

2種玩法都唔同
13張可以用腦例如沖唔沖頭,估對手一貫作風
擺法唔同弱牌有機會殺靚牌

作者: kinhing111 時間: 10-2-9 05:57 PM

德州撲克已經識玩
想學下d 5識架嘛!!
同埋吳樹喜
13張可以用腦例如沖唔沖頭,估對手一貫作風
擺法唔同弱牌有機會殺靚牌

5明點解...解釋一下

作者: 小貓x花嫁 時間: 10-2-9 05:58 PM

原帖由 kinhing111 於 10-2-9 05:33 PM 發表
徵人教我玩十三張
唔識想學~"~

神來也 13 支幫到你

去玩下啦 ~ 玩得多就明

作者: 吳樹喜 時間: 10-2-9 06:03 PM

原帖由 kinhing111 於 10-2-9 05:57 PM 發表
德州撲克已經識玩
想學下d 5識架嘛!!
同埋吳樹喜
13張可以用腦例如沖唔沖頭,估對手一貫作風
擺法唔同弱牌有機會殺靚牌

5明點解...解釋一下

如果有2啤可以選擇擺無頭,二道two啤
但係都可以拆散擺啤頭,啤二道
周時殺到無頭,一啤,夫佬
另外二道,尾既擺法都有好多變局,隨時擺笨局但贏錢
因為13張要對哂三道,有時有夫佬唔擺,走去沖大個頭同二道反而贏左
三個碌殺莊家一注周時發生
即係頭中尾都係得一啤
另外有d口訣都有d幾岩架
例如細夫宜拆沖二道,逢蛇縮two啤

[ 本帖最後由吳樹喜於 10-2-9 06:09 PM 編輯 ]

作者: kinhing111 時間: 10-2-9 09:12 PM

5該晒
我開始明白點玩

作者: SIoHoHIn 時間: 10-2-9 09:42 PM

問你老豆....一定識!

作者: 觸不到的戀人 時間: 10-2-9 10:24 PM

其實十三張玩法係好似話事啤咁，不過最大唔同就係用十三隻牌玩。

十三張會分有頭賭、二賭、尾賭，

頭賭有三隻牌、

二賭有五隻牌、

尾賭又係五隻牌，

頭賭三隻牌唔可以大過二賭個五隻牌，如頭賭有三條五，二賭就唔可以得一對八；or 頭賭如果有三條五的話，二賭要比佢大一定要有三條六以上，重差個兩隻牌係咩都得！

一樣二賭牌唔可以大過尾賭牌。

至於注數就系咁分：

尾賭 - 同花蛇 = 五注、

----------四條加一隻 = 四注、

----------三條加一對、同花、蛇、三條同兩隻唔同牌、兩對或以下 = 一注

二賭 - 同花蛇 = 十注

----------四條 = 八注

----------三條加一對 = 兩注

----------其它就只得一注

頭賭只得三隻牌，所以頭賭有三條就會有三注，

不過頭賭唔會有花或蛇，只得三條、一對或以下，

一對或以下就只得一注。

至於點嬴就系睇比數，如頭賭嬴一注、二賭同尾賭各輸一注，你就系輸二比一，就系輸一注； or 頭賭輸一注、二賭輸一注、尾賭嬴五注的話，妳就嬴五比二，就系嬴三注。

玩十三張系會有報到，即系即嬴，

就係頭賭、二賭、尾賭都出現花或蛇

例如三花就系頭賭三隻一樣花、二賭五隻一樣花、尾賭五隻一樣花；

-------三蛇就系頭賭 456、二賭 56789、尾賭 10JQKA。

呢個情況唔理莊家有無報到，都會即嬴三注。

如果十三牌連住落，就系 23456789 10 J Ｑ K A(唔同花，如果同花就一定係出千)，就系一條龍，即嬴七注。不過妳要注意，莊家有一條龍的話，就算妳有都會莊家嬴。

不過妳要留意係邊個人做莊，做莊可以食(夾棍)，即系，如果是旦一賭都出現一樣的牌，呢個時候系唔計花，莊家會嬴妳。

如果系對賭，就系個個人都系莊，如果是旦一賭都出現一樣的牌，呢個時候先會計花，邊個大邊個就嬴。不過你都可以事先講明唔計花，唔計花就和牌。

玩十三張唔識就最好唔好玩，識D唔識就同人夾份玩，最緊要系識可而止，玩下好啦，唔好同人賭身家呀。

小賭可以怡情，大賭可以亂性呀！

六啤半都可以報到家！即系六對牌加一隻牌

歡迎光臨 2000FUN論壇 (https://www.2000fun.com/)