2000FUN論壇

標題: 封魔幻想online - 副本攻略篇 ( 2 ) [打印本頁]

作者: 摩卡仔 時間: 10-2-10 04:42 PM 標題: 封魔幻想online - 副本攻略篇 ( 2 )

之前講咗副本一的BOSS 係鍊珠。到今次副本的大佬級敵人就係於漫畫內引發主角開啟招式 – 閃空的雙子獸『甲羅兄弟』。

今次副本地點就係位於商業大道最後的傳送點中。雖然途中都會遇到不少外型相似的雙子獸，但係實力就不能與副本內的魔物相提並論。

順帶一提，相信不少玩家都有別的網遊經驗。每個副本就算有難度設定，都離唔開只係怪的數目，怪的能力有所變化。但係係封魔的世界內，不同的難度，玩法都會有所不同。於副本的介面上的星數目，就係代表不同的難度。最初級為一星，其次二星、三星…..如此類推。

一星為最容易的級數。雖然被評為最容易，但都不能輕視。由於副本的怪能力本身為高，以今次副本為例。魔物的能力級數達20~25級。而且跟鍊銖副本不同，今次副本內所有的魔物都係主動攻擊。一進入副本就好容易受到猛烈攻擊，如果一個唔小心未能及時回避或作出攻擊。真係唔死都一身散~~~

好了~依家就開始封魔使 – 摩卡仔優先為你報導一下副本二 - 雙子獸『甲羅兄弟』的二星級情況。

一開始，步入戰場(一個睇嚟似工廠的地方) 已經見到一班甲羅小兵係到虎視眈眈….
”膽粗粗” 的封魔使-摩卡仔(即係我啦…) 一踏前幾步就比3至4隻甲羅小兵圍攻..
仲要一起身就被再度打底 ( 超屈機 = = ) 不過唔緊要，一把握佢地停手的一刻即時使出主角曦明的絕招 – 《六龍~~~~~~~》哈哈~3、4隻小兵即時重傷~~~當然於正常的流程，到第二副本時，大家係仲未學會《六龍》。而點解我有~ 咁梗係多得開發的同事們幫我作弊啦 ^0^~

(又有得睇摩卡仔既英姿^^)

(殺到班小兵片甲不留~!!)

好，繼續前進~~~~哎呀!? 行唔到….一起身就比人打返底但係又冇怪係到，唔通…..有BUG??? 等咗咁耐，仲有D咁嘅BUG~點同各大玩家交代~~~你地話係未?
原來唔係，仔細一睇。於工廠內上方會有幾隻以投擲攻擊的甲羅兵係到…..好彩冇問同事….唔係真係比人封魔都似 = =;

投擲式甲羅兵地點到達唔到，相信都係打唔到。所以我即時以本身最強的一式就係36著中最強一著 ~~~走為上著…不過愈入愈多怪，戰況愈激烈。好彩同場人士實力有返咁上下，再加上我地“出貓”最後都能成功到達第二層。

到達第二層後，雖然場景看似相同。但係特別有一身材高大，攻擊力超強的甲羅係到守候住，不論眾人使出任何招式都未能擊斃佢…..以封魔使 – 摩卡仔就係咁戰死咗= =

(真係一腳都比佢踩扁~.~)

大家睇完今期介紹係未好想感受一下雙子獸的威力呢??
好快~2月17日有封測註冊碼的朋友就可以優先進入了。

作者: 細咀鳥 時間: 10-2-10 08:11 PM

期待正式推出

作者: s061121 時間: 10-3-31 04:11 PM

多謝啦!!

作者: qwertyuiop559 時間: 10-3-31 05:16 PM

多謝哂呀

作者: 656zxc 時間: 10-3-31 11:03 PM 標題: 多謝

多謝多謝多謝

作者: ken741741 時間: 10-3-31 11:11 PM

個傳點問題都仲未搞好,點玩呀=.=

作者: pc4399 時間: 10-4-1 10:12 AM

3Q

作者: abcabc987159 時間: 10-4-1 07:55 PM

thz

:ro07:

作者: abcabc987159 時間: 10-4-1 09:16 PM

thank for you

作者: googlebaidu 時間: 10-4-27 05:26 PM

GM???

歡迎光臨 2000FUN論壇 (https://www.2000fun.com/)