2000FUN論壇

標題: 【Mar】越光寶盒+石琪影評:《越光寶盒》玩三國搞笑 [打印本頁]

作者: Fai704 時間: 10-2-13 10:58 PM 標題: 【Mar】越光寶盒+石琪影評:《越光寶盒》玩三國搞笑

導演：劉鎮偉
演員：鄭中基、梁詠琪、孫儷、朱茵、鍾欣桐、曾志偉、譚耀文、黃渤、郭德綱
上映日期： 2010年3月18日

故事簡介： 都是大話西遊惹的禍…紫霞仙子很酷的在蘆葦河上輕舟而行，冷不防被一根大麻繩絆下水，原來是山賊清一色設陷阱打劫。清一色在紫霞身上找到紫青寶劍，打算賣掉。冬邪、西獨、男帝、北蓋出手用音波功相救，四人爲爭與紫霞成婚，鬥得天昏地暗，清一色趁機想溜，志尊寶突出現，暗中爲清一色拔出紫青寶劍，紫霞立馬認定清一色就是她等待的人。清一色看形勢不妙趕緊溜，紫霞追，二人盡顯奧運精神，全力你追我趕。冬邪等人報官捉賊，紫霞與清一色追逐至竹林遇上官兵，紫霞維護愛郎，三方展開《十面埋伏》式的竹林大戰。《西遊記》的唐僧、白晶晶、春三十娘、菩提老祖、二當家等一幫人窮追牛魔王至要牛用月光寶盒送他們回去本來的時空，清一色趁機跳入，誰知去了三國，捲入了出人意表的赤壁戰場…

[utube]F-n0_jqysMg[/utube]

《越光寶盒》玩三國搞笑

【明報專訊】劉鎮偉上兩部《情癲大聖》和《機器俠》一古一今，都大搞電腦特技，卻弄巧反拙，無法和荷李活超級特技相比。今次他「大話三國」，恢復純無厘頭搞笑，反而夠癲夠放，至少可以得啖笑。

很多明星助陣的古裝笑片《越光寶盒》，片頭字幕便鬼馬惹笑，全片一味烏龍傻瓜，整蠱作怪。劉鎮偉再玩十多年前《西遊記第壹佰零壹回之月光寶盒》的時光旅行器，以及《射雕英雄傳之東成西就》的武林大惡搞，坦白說仍然烏厘單刀，幸而由頭至尾都有抵死滑稽之處。

此片其實拿吳宇森《赤壁》、周星馳《功夫》、陳嘉上《畫皮》等華語賣座片開玩笑，還玩玩西片《石中神劍》和《鐵達尼號》，東拉西扯。妙在還諷刺北京奧運會的「鳥巢」及毒奶粉，可算大膽。

鄭中基和孫儷飾演一對「情癲」冤家，跨時光追來追去，追到《赤壁》三國戰場，膽小怕死的鄭中基無端端變為猛將趙子龍，當然離譜，但漫畫化笑料不少。

曾志偉演孔明，內地「瘋狂」系列笑星黃渤演周瑜，元彪演劉備，樊少皇演張飛，方力申演關公，都有妙趣，甚至比《赤壁》的演員配搭似模似樣。

梁詠琪演西域美女亦有趣，其中畫皮充氣最惹笑。元秋就再扮《功夫》的包租婆形象，特別生猛是梁小龍演「火雲邪神」，捉子彈一場很趣怪。又有神醫華佗，鐵扇公主和活佛神仙，都搞出惡作劇。

劉鎮偉是八九十年代香港無厘頭片的主將，促成周星馳大紅，亦拍出懷舊奇趣佳作《九二黑玫瑰對黑玫瑰》。1995年《西遊記》兩集和《回魂夜》之後，港片低迷，不過隨後《西遊記》在內地奇蹟吃香（內地改名《大話西遊》），劉鎮偉就重出江湖，著眼內地市場，重施港式故技。

《越光寶盒》比他前幾部鬼馬好笑，回歸純詼諧，不搞黑色悲情，增添皆大歡喜的愛情喜劇感，然而始終兒戲胡鬧。只能說，比起上月賀歲期幾部華語古裝大片，這一部較為開心，可以解悶。

石琪

[ 本帖最後由 Fai704 於 10-3-18 06:20 PM 編輯 ]

作者: 不敵...+＋ 時間: 10-2-14 12:43 AM

呢套野真係惡攪得好緊要!
睇落都幾好笑!

作者: 人非草木 時間: 10-2-16 01:35 PM

又係劉鎮偉哩條友
自從兩集西遊記，回魂夜最高峰之後...真係乾哂塘
乜野情顛大聖，機器俠真係睇到流汗
都唔知係咪要管埋大陸個市場搞成咁

[ 本帖最後由人非草木於 10-2-16 01:45 PM 編輯 ]

作者: 人非草木 時間: 10-2-16 01:44 PM

睇埋條trailer...有幾part幾有創意
不過佢哩種方式有d似外國《搞乜鬼系列》個種大雜燴
好多史提芬周既電影既影子...連外國電影都惡搞埋

題外話：原來套戲有瘋狂的石頭/賽車個主角黃渤參演:smilie_:):

作者: 月亮說 時間: 10-2-17 12:42 AM

唉...香港既電影真係無得救.....呢D 戲真係失禮人....唔知點解可以拍出黎

作者: Fai704 時間: 10-3-18 06:23 PM

原帖由 月亮說 於 10-2-17 00:42 發表
唉...香港既電影真係無得救.....呢D 戲真係失禮人....唔知點解可以拍出黎

失唔失禮真係見人見智

好睇嘅一定有人入場

作者: 越南團長 時間: 10-3-27 12:10 AM

唔好去睇 , 睇完你會想喊!

超惡頂!

作者: 1367328680 時間: 10-3-28 03:55 AM

哈哈，好搞啊

歡迎光臨 2000FUN論壇 (https://www.2000fun.com/)