2000FUN論壇

標題: [善良男生]擔心的心魔 [打印本頁]

作者: ☆可兒☆ 時間: 10-2-18 11:36 PM 標題: [善良男生]擔心的心魔

其實任何事只要無得自我操控  人都係會幻得幻失..
對前景唔明朗亦都係好易亂諗野~
姐係好似我地唔知"鬼"其實係點
對"鬼"就有好多幻想空間甚至會恐懼..  呢d心態都係好正常!!!

以我觀察回來及本身唔係多既經驗..
熱戀期係唔會維持好耐...
當熱戀期過後..好多人都會質疑對方或自己究竟愛有多深??
善良既男生  往往會為自己既"花心"而擔心..怕傷害了對方

現代愛情"捱"到2年..d人已經"嘩~~好勁"
竟然用的是"捱" 去形容!!
唔好只係去睇反面既野!!

我地可以睇睇正面睇睇反面
d 白頭到老佢地擁有咩特質?
現代d人又擁有d咩特質去比較
從而知道... 究竟發生左咩事!!!!

上一輩  唔會有甘多咩野離婚分手個d
再上上一輩就更少當時兵荒馬亂..死人多過分手..
所以當時大多人因戰爭因死亡從而更懂珍惜!

因為時代唔同
亦因為宜家既人責任感根本唔及我地老豆老母果一輩
甚至係一代不如一代!!
其實感情有分年代咩??
只係唔同年代既人佢地既道德觀念唔同差別好大
先會有個假像認為現代愛情唔可靠!

其實唔可靠既唔係愛情而係人....
因為我地近代人習慣放縱自己  唔習慣去控制自己..
先會覺得好似好多野都難受自己操控 !
從而質疑愛情質疑對方質疑自己!!  甚至恐懼擔心!!

其實只要你願意.. 即使有個女仔除晒3褲訓埋上你張床  你都會有能力去踢佢落床!
其實只要我願意..即使面前有件絕頂靚衫我都唔會拎張 credit card 出來!

願意???  願意咩野丫???
就係願意控制自己既心魔慾念!!!!!!

只要你既心有佢  或是有某一種信念!
願意為佢去控制自己既心魔..實質係唔會有d咩野大難題
我地眼見d 貌似好恩愛既老人家  難道佢地既熱戀可以維持幾十年咩 ?
你會認為佢地中途冇出現過其他慾念或者心魔咩?? (佢地係完美既火星人化身?? )
佢地只係願意壓制心魔!! (亦可說佢地有一套道德觀念去支持去引導如何壓制心魔)
去尊重對方體諒對方愛護對方先可以維持到甘耐...
宜家d人唔得  唔係愛情/感情出現問題
而係d人在倒退緊 (亦可說道德觀念接近崩潰)
由人慢慢退化接近野獸... 唉~~~ 真係越諗越心up!!

人係可以控制慾念!!
野獸係比慾念控制!!

原來有一大部份善良既男生  會為自己既花心而擔心!!
質疑自己究竟能愛多久!!  害怕自己會替另一半帶來傷害!!

"花心"講得好聽叫"博愛"
其實算唔算花唔花心係取決一個人既行為!

花心可以叫係多心
呢樣又想要個樣又想食見到d  [o靚模車] =.= 模型車架架都想據為己有!!
呢樣"花心"思想  其實係冇得控制唔比佢出現!!
大家只可以控制當呢種思想出現既時候如何去處理!!
( 我好認同呢樣.. 其實我地女仔都係甘... 見到d靚衫會發晒狂!! )
(唔控制即係等破產)

我地需要去控制思想(慾念)
其實呢樣野將佢稱之為"慾念"會正確好多!!

當慾念出現得多  我地會突然發現原來慾念係有好多種!!
當習慣控制慾念  慢慢我地就會 "無慾則剛"
                                          ↑↑↑
呢樣係講笑!!  點會真係無慾啊!! 我地係人丫!
但係我地越識控制
甚至只係控制一樣野就可以擊退很多慾念心魔!!
" 呢樣就係貪心"

我地做到唔貪! d牛鬼蛇神都難以埋身!
貪念越少死穴就越少
自然比較起上來  唔貪既人比一般既人強得多~~
精進(上進)而不貪既人  得著還要更多!!

^^那麼即是好好的去將心靈強化
總好過斬腳指避沙虫!!!!

*ps
可能有人會~~~~ 超!!  關貪心咩事!!

貪心 = 貪念 = 慾念
裡面有  貪威貪食貪財貪權貪色貪睡貪便宜貪方便貪靚貪愛貪玩貪...

^^ 戒貪心可保平安!!
因為貪字真係好易變個"貧"字!!

[ 本帖最後由 ☆可兒☆ 於 10-2-19 05:54 AM 編輯 ]

作者: SnTkHo 時間: 10-2-19 12:43 AM

好認同樓主所講既野-----貪念/慾念要靠自己個人去控制

【原來有一大部份善良既男生會為自己既花心而擔心!!
"花心"講得好聽叫"搏愛"
其實算唔算花唔花心係取決一個人既行為!】<--完全認同~

作者: 咖啡♂噗≧▼≦ 時間: 10-2-19 09:32 PM

我都自己善良男生我擔心既係
我既另一半會唔會好花心當愛情玩玩下咁

作者: 雲吞餃 時間: 10-2-19 09:34 PM

可兒幾時做左思想家

作者: ☆可兒☆ 時間: 10-2-19 09:52 PM 標題: 回復 4# 雲吞餃的帖子

唔準蝦我!!! 否則我會用滔滔不絕既口水

來浸死你!!!

作者: ☆可兒☆ 時間: 10-2-19 10:02 PM 標題: 回復 3# 咖啡♂噗≧▼≦ 的帖子

.... 在這世紀誰不擔心呢!!!

以前社會鼓吹  從一而終
人只會怕 ( 男入錯行  女嫁錯郎 )
人發現因不敢擁有自我(封建思想)  而發生了很多近似的悲劇
繼而.... 產生了後一代的思想
這就是 "自我"

前一社會  鼓吹自我    自由戀愛
當鼓吹自我之餘 ..... 某些人開始將"自我"變質
把自由歪曲化.... 惡變成放縱!!

現在社會  放縱自我  鼓吹 " 邦民 "  先享受!!

在你接受享受邦民思想
同時你也發現邦民之後的問題後果 (美女廚房食左先講)
卻又在埋怨!!擔心! 害怕!
或是害怕以寡敵眾甘願隨波逐流
矛盾得人人都把問題避之則吉怕去面對
徨恐自己也跌入萬劫不覆的境地
卻又對這種"放縱"的吸引難以抗拒! 弄得自己神智不清神經衰弱!

我差不多日日同邦民開戰!!

大家~~~ 其實大多人心中想要什麼???
你的心中也有一把尺!!

這個世界你也有份的!!!!

[ 本帖最後由 ☆可兒☆ 於 10-2-20 12:57 AM 編輯 ]

作者: 雲吞餃 時間: 10-2-20 05:06 AM

原帖由 ☆可兒☆ 於 10-2-19 09:52 PM 發表
唔準蝦我!!! 否則我會用滔滔不絕既口水來浸死你!!!

何以見得我蝦你

只不過係近期...見親你回post仲開post都好似成篇論文咁

係咪受左d咩刺激

作者: ☆可兒☆ 時間: 10-2-20 09:33 AM 標題: 回復 7# 雲吞餃的帖子

係丫~~~~ 好刺激丫~~~

因為無雲吞食 \口/" 吼~~~~~

作者: 蝶戀花乂 時間: 10-2-20 10:27 AM

問題係
唉- -

[ 本帖最後由蝶戀花乂於 10-2-20 06:59 PM 編輯 ]

作者: ☆可兒☆ 時間: 10-2-20 02:16 PM

原帖由 蝶戀花乂 於 10-2-20 10:27 發表
問題係
我而家唔信佢愛既係我
我覺得佢同我一齊係為左激佢條舊仔當我水泡
跟住佢好灰咁收線...
之後佢又同我個fd講話佢好想喊
因為我唔信佢
唉- -

=.="""

首先呢~~~~ 我想問你既女友蠢5蠢 ga ???  =oo=?

如果係蠢女人一個我冇野好講~~~~~

如果唔係蠢....

你諗下  佢點會甘昂居  因為要激條仔而受你溝?
甘咪姐係無彎轉?  激黎無彎轉  緊加無得反轉頭!!
有冇覺得好唔成立呢!!!!

佢唔受你溝由得你追仲好啦~!!
一來可以真係激到條仔亦有機會返轉頭
二來又可以嘆下比人追  又有觀音兵  齋嘆  唔洗負責!!
三來... 你睇下~~~ 你唔要我  我都大把人追
四來... 唔受你溝  佢仲有大把空間去選擇唔洗斷左自己條路  又唔洗下下要交代  點fever都得!!
五來... 分分鐘仲多d人追  多d人陪仲多水泡啦!!

你自己諗下係5係??

[ 本帖最後由 ☆可兒☆ 於 10-2-20 02:42 PM 編輯 ]

作者: 蝶戀花乂 時間: 10-2-20 02:24 PM

原帖由 ☆可兒☆ 於 10-2-20 02:16 PM 發表

=.="""

首先呢~~~~ 我想問你既女友蠢5蠢 ga ???  =oo=?

如果係蠢女人一個我冇野好講~~~~~

如果唔係蠢....

你諗下  佢點會甘昂居  因為要激條仔而受你溝?
甘咪姐係無彎轉?  激黎 ...

係..不過係佢同我講佢中意我先

作者: ☆可兒☆ 時間: 10-2-20 02:29 PM

=.= 唔明~~~~~你想講咩?

係乜野 =.=?

中意你先甘姐係有咩問題 =.="?

乜野事又"不過"???

我一頭霧水中

[ 本帖最後由 ☆可兒☆ 於 10-2-20 02:31 PM 編輯 ]

作者: 蝶戀花乂 時間: 10-2-20 06:58 PM

原帖由 ☆可兒☆ 於 10-2-20 02:29 PM 發表
=.= 唔明~~~~~你想講咩?

係乜野 =.=?

中意你先甘姐係有咩問題 =.="?

乜野事又"不過"???

我一頭霧水中

算啦已解決

作者: 承仔哥 時間: 10-2-20 10:14 PM

今日未上黎之前個心就由收工到屋企都係驚驚地...不安!!
但係呢上親黎都係去睇game既-.-
點知比樓主呢個標題吸引左我...禁入黎睇!!
睇左之後...諗左唔少野!!
我發覺小弟我對女朋友可能真係要求太多- -""
依家先知都未遲...我一定會努力比改走d壞習慣><
(我有睇樓主其他既post...睇左唔少道理...有排吸收- -")

作者: `　　Silent★ 時間: 10-2-20 10:18 PM

SUPPORT
講真.. 好多野都係比自己既心魔而吸引&改變
我都成日用一個唔信任既心態去懷疑人..
直到知道真相先知道自己既懷疑係多餘

作者: ☆可兒☆ 時間: 10-2-21 03:15 AM

原帖由 蝶戀花乂 於 10-2-20 18:58 發表

算啦已解決

凸=.=凸" 雙龍出海~~!!!

作者: ☆可兒☆ 時間: 10-2-21 04:42 AM

原帖由 `　　Silent★ 於 10-2-20 22:18 發表
SUPPORT
講真.. 好多野都係比自己既心魔而吸引&改變
我都成日用一個唔信任既心態去懷疑人..
直到知道真相先知道自己既懷疑係多餘

... 呢樣真係...好難講~~~~

因為宜家既環境同人  比上幾輩更複雜...品類更多!!

當中[ XXX ] 確實是存在!! (且不分男女老幼)

本是純良既我地  被傷害過..或是被周遭嚇怕了
於是採取了"拒絕相信"成為我地既"盾"亦很正常!
(但想深入一層.... 這原來是不正常.. 原來我地都有病態了)

"拒絕相信"  同 "斬腳指避沙虫"  有咩分別???

其實.... 我地可以點做 .. 先可以跳出呢個困境....

諗到差d 痴左線........

^^" 我再唔知醜甘  ....送小妹既一篇[文海]比你睇!!

口水多到浸死人

人要學懂認真亦要學懂保護自己

可以將[相信] 代入 [認真]

其實..大家唔信  唔認真  放縱..
我地真係永遠都唔會跳得出呢個困局...
目的只係唔想受傷害...
反而大家在互相傷害....
唔會再有"真正既擁有" 只有虛有其表 ...既"好似擁有"
實質係咩都冇... 我地既生命.. 就係甘虛耗渡過...
甘心嗎???

我地操控唔到人  但係我地可以操控到自己..
你既另一半除非一開始就係立心不良
否則... 佢對你存在既愛...
你既認真  你既相信  係可以影響到佢...

就好似我同我男朋友甘...
原本... 我係活在沙漠..  佢係失去味覺既人..
我地兩個遇上了..........算吧~~ 都係唔講我同佢^^"

因為我地"人"根本就係好易受周遭影響...
就由自己開始吧 =.=

[ 本帖最後由 ☆可兒☆ 於 10-2-21 06:07 AM 編輯 ]

作者: 白色幽默 時間: 10-2-21 10:32 PM

樓主好有心機打.. 雖然我冇睇晒.. 不過我都會support你.
ps:樓主你個簽名好正= =

作者: ☆可兒☆ 時間: 10-2-21 11:53 PM 標題: 回復 18# 白色幽默的帖子

這個簽名是借回來的!!

謝謝!!!

作者: 白色幽默 時間: 10-2-22 03:19 AM

其實有時既問題,只要用唔同既觀點/角度黎睇,可以好容易就解決到..問題係你願唔願意咁做者..

作者: 矇豬仔 時間: 10-2-23 09:42 AM 標題: 回復 18# 白色幽默的帖子

樓主個簽名的確好正＞＜
我記得之後路過既時候專登等睇佢一次完整版.....

睇完篇字海.....我要控制我既慾呀＞＜(去溫書先~應承左女朋友溫的...唔hea啦><)
篇字海的確好中point=3="

作者: 紫靈姬 時間: 10-2-23 09:35 PM

哇可兒寫呢篇文章最正點
現代愛情"捱"到2年..d人已經"嘩~~好勁"
竟然用的是"捱" 去形容!!
唔好只係去睇反面既野!!

我地可以睇睇正面睇睇反面
d 白頭到老佢地擁有咩特質?
現代d人又擁有d咩特質去比較
從而知道... 究竟發生左咩事!!!!

上一輩  唔會有甘多咩野離婚分手個d
再上上一輩就更少當時兵荒馬亂..死人多過分手..
所以當時大多人因戰爭因死亡從而更懂珍惜!

因為時代唔同
亦因為宜家既人責任感根本唔及我地老豆老母果一輩
甚至係一代不如一代!!
其實感情有分年代咩??
只係唔同年代既人佢地既道德觀念唔同差別好大
先會有個假像認為現代愛情唔可靠!

其實唔可靠既唔係愛情而係人....
因為我地近代人習慣放縱自己  唔習慣去控制自己..
先會覺得好似好多野都難受自己操控 !
從而質疑愛情質疑對方質疑自己!!  甚至恐懼擔心!!

真係眼見好多父母既一代都係盲婚啞嫁要用相親黎結婚毫無感情既婚姻都可以維持到現在
亦都有部份父母因為維持唔到婚姻而選擇離婚收場
令到好多年青既一輩認為婚姻不再可靠只係想拍下拖就算

作者: ＭＡＮＤＹ 時間: 10-2-24 12:22 AM

原帖由 紫靈姬 於 10-2-23 09:35 PM 發表
哇可兒寫呢篇文章最正點
現代愛情"捱"到2年..d人已經"嘩~~好勁"
竟然用的是"捱" 去形容!!
唔好只係去睇反面既野!!

我地可以睇睇正面睇睇反面
d 白頭到老佢地擁有咩特質?
現代d人又擁有d咩特質去比較
...

妳都打得好好,注意到依家青年人對婚姻既態度,

依家社會雖然唔同舊時上一代咁,

但仲有好多結左婚既人都有珍惜兩個人之間既相處,

我相信人會隨著年齡大會識諗往後既日子佢地係需要咩既愛情幸福,

適者生存,所以又唔洗太擔心既.

作者: ☆可兒☆ 時間: 10-2-24 12:40 AM 標題: 回復 23# ＭＡＮＤＹ的帖子

係丫~~~ ^o^

幸好還有借鏡呢~~!!

作者: Ka~家 時間: 10-2-24 05:02 PM

唉,而家d人都未玩夠,拎真心出黎hurt既就係自己!!世上變質了,也許沒有愛情會更好

作者: ＭＡＮＤＹ 時間: 10-2-25 01:58 AM

原帖由 Ka~家 於 10-2-24 05:02 PM 發表
唉,而家d人都未玩夠,拎真心出黎hurt既就係自己!!世上變質了,也許沒有愛情會更好

所以識人必定要睇清楚同了解先好做下一步既關係.

作者: 紫靈姬 時間: 10-2-25 03:31 AM

其實好多時有啲人都無辦法將心比心
某些人會單靠外觀黎衡量係咪鐘意一個人太過膚淺
根本連真正既佢都唔了解就話鐘意到最後受傷係咪有點活該
有些人經歷左無數挫折都還沒想得通遇到壞情人傷害自己
令到對愛情產生恐懼認為每個人一樣對待自己
開始變得唔相信任何人包括自己都唔敢相信
對愛情失去信心會以報復心態去對待愛情呢個方式係咪正確呢
有冇諗過人其實每個性格都唔同
你可以感受到對方係咪對你付出緊真心
無錯做受害者好慘但應該要懂得反醒下自己
有冇帶眼認人夠唔夠了解對方先會有咁既結果
可惜現在呢個觀點真係好難改變只要做好自己就足夠了

歡迎光臨 2000FUN論壇 (https://www.2000fun.com/)