2000FUN論壇

標題: 烏合歷史純粹分享 [打印本頁]

作者: 難民無晒影 時間: 10-2-22 08:03 PM 標題: 烏合歷史純粹分享

發呢個PO 純粹分享下過程

其實烏合之眾呢個團早係其他GAME已經存在
直到呢到FEZ 都已經係第三次用呢個團名

先講封測
可能有少部份人知道我地係紅國做發源地

仲記得當時新手既烏合  咩都唔識  連埋我地三兄弟加其他FD 十個八個亂咁黎
而我對本身對後勤興趣大D 加上我自己認為我地要攪團

必先要了解所有地圖  所以當時新手既我膽粗粗一打國戰就做指揮
當然唔洗幾耐已經比唔少人圍插  唔好係度扮大佬

之後日嘈夜嘈  有人好唔滿意我地係度充大頭鬼
的確~指揮係一個三煞位~你做得好唔好都好~總會有反對聲音
不過我一於少理因為我知道新手時候唔試多D 第時點知到邊D係好邊D係差?

我本人係好欣賞默戰
全靠呢個人整體水平先進步得咁快  將我地新手時期縮短
當時幻影叫做幻影旅團因為我地知道呢個團真係勁到痴晒線
之後最嚴重果次嘈交就係俾好多紅國人圍插我地做乜要打藍國內陸
我地既反駁就係「又唔係你地打我地要打關你地乜事?」

結果又俾成堆人圍插話我地惹藍國惹幻影攪到佢地要「受罪」
我靜係知  見到比自己強既對手一定要做多D炮灰
咁樣先會吸收多D 經驗學人地既長處改善自己既短處
新手既時間唔輸多D 等幾時輸?

當然係邊D人帶頭排斥我地  都廢事再講
只係記得俾人講過一句「難民好難教」諗起都笑左

公測果陣  當然係轉國
而我地選國既目的一向都係最少人最弱  咁樣先至有挑戰性
所以首選綠國
而且近紅方便開戰藍國就絕對唔會簡
因為有幻影
但係點知一公測果陣...綠國既人數竟然係多到咁誇張...

公測之後
人數急速上漲全部來自舊有班底加 FD拉FD入團
之後一有人就狂打紅
都幾過癮當然開火少不免之後同紅國D敵團打過無數咁多次之後
火花自然消失

換黎既就係槍頭向住藍國幻影
的確當時幻影長期50以上  而我地頂多2 3X人
而且不斷被打多5人優勢~加上默戰領軍....加一堆一直征戰既隊員
次次打親幻影例牌輸1條國血
而由做幻影炮灰既次數不下 200次
但每一次做炮灰之後我地都會不斷去撿討
我地既方向就係  今次輸1.5 下次要輸1.4
一直輸下輸下去到一條以下

雖然係外人眼中烏合都係輸好多  但係我地眼中我地距離不斷拉近~
直至一次有個團叫STK 有D 老朋入埋烏合
終於第一次包場  大約係公測個幾月之後
而當日更加直接打入藍國本土搵幻影開戰
我地既決戰場地就係  斯拉海峽硬爆場

結果零既突破終於出現
不過我地並冇自滿始終只係一場既甜頭
唔代表 D乜  平心而論當時幻影仍然優勝烏合成條街
當然虛火過後
又進入番炮灰時期...

然後再同H團交惡
都係老問題俾人笑我地扮大佬
仲挑埋團戰
但可惜當時訓練場關閉  團戰唔成不了了知

之後內部出現問題
烏合第一次主力流失
走左三十幾個活躍玩家
之後平均上線人數十個左右

之後再過多一兩個月再儲番人數
足夠包大半個場但舊有既烏合主力
大部份係入左幻影...

然後幻影繼續強勢
血染亦都突然強勢
戰力足夠同幻影爭一日既長短

神道、h團解體
烏合繼續默默耕耘
不過期間亦有人同烏合不和
不過好多都係背後小動作為多
間唔中出黎抽大水~
埋下烏合轉國伏線

之後C團浦頭同幻影勢不兩立
不過我地烏合都係隔岸觀火,,,,

然後烏合集合到一批綠國戰力上佳既人手
開頭係冇乜事
不過唔知係人既問題~定係本身國既問題
總會有好多好多人事問題要解決
你唔妥我我唔妥你
有D就係夢想家  煩到嘔電
所以我地一直同D會員講
「你做好自己已經足夠安份守己」
但可惜有D人連咁簡單都做唔到
只會怨天尤人

之後同C團交惡
內部d人又走下又入下
之後又有次關於職業問題一獲過走一堆主力
又一次低潮
之後所羅門既人加入填補番人力上既問題
但始終新埋班加上意識唔同
未經磨合一打團戰就暴露問題

之後一段日子之後所羅門整體退出
但係唯一一次唔係交惡之下退出

但足足三次既主力流失
加上好多麻煩友鐘意背後放箭
而且好多人都有1個心態就係
入左你個團  佢都仲係某某團既人
心態上已經唔得完整
而且覺得我地靜係得把口~
佢地既大概反抗心態就係
「一味叫人做好自己唔好理其他  人地團又點勁點勁我地呢? 真係好垃圾」
我只能說自己做唔好唔好要求其他人做得比你好

終於下定決心轉國

當時兩個選擇
藍同紅
紅國仲有血染撐住雖然戰力不如以前
但最起碼叫做仲有一個團係度
而且太近綠~ 我地預左一轉左國會俾人追打
好難升lv 會難捱
所以簡左藍
當時既藍國冇乜人玩幻影好多人都走得7788

轉國初期已經俾綠國雙棍  攪到勁多是非
本身未至於咁惡劣既情況俾佢地攪到完全極度惡劣

烏合再次被踩到冇還拖之力
始終人力未夠就局住忍
之後到左有次俾人話烏龜
果次真係忍無可忍結果一次過集齊足夠力量
打左4日對面團都散埋  原因不明(?)

但係仍然有人死剩把口
不過一於少理反正都預左呢d人就係得把口吹嘯~

之後到左最近有人分析什麼十大排行
有人不甘被降評級
一直出言不遜
最好笑係將D唔相干既短片放上黎助聲威
的確烏合一直俾人既感覺就係人多聲大冇乜力
有呢種囂張態度對待我地都情有可原

但事實勝於雄辨實事求事就係我地一向既作風
口戰不如入場打過
總好過得把口係度叫人一打一
一係就抽水抽到出汁
就算最近好似我地態度囂張都好
我地也只不過以彼之矛攻彼之盾
以牙還牙...

到左呢度只係借住分享我地三兄弟開團既經過
同全部有心攪團既人分享
開團之前要決定究竟你想要個乜型式既團隊

而我地就係要一個戰鬥團體
平時就吹水~有團戰就全部人都投入
盡自己所能打一場好既國戰
呢個係呢一刻大部份烏合會員上下既統一概念

最重要就係做到包場
包到場領軍既人物先可以實戰之中實行自己既概念
唔好一味諗住  我國人手不足或其他人幫唔到我
呢D心態係錯的

我靜係用烏合做例子
我地轉國係有80人一齊轉
但係最後只餘下二十多人  咁岩當時既藍國人數真係少得可憐
但係少人唔代表冇人
兒家既人都係慢慢一個一個咁累積
真係有心一齊玩既團隊人數只會一直向上
一直怨天尤人既團隊永遠只會失敗收場
靜係講一樣好關鍵既就係

團唔需要  勝利玩家  只需要  做好本份既玩家  同埋堅持既領隊

或者有人只係想上黎打下機輕鬆下
其實冇乜所謂的
但當你覺得輸得多唔好玩
覺得想贏既時候
咁樣既話你係時候要決定
自己係創造團隊  定係  加入團隊
只有統一既團隊先至打得出真正刺激好玩既國戰
一班合作既街團極期量只可以做到基本既戰術
而大家之間對戰鬥方面既默契可以講係冇乜

覺得唔岩既可以唔理
而我只係見到咁多人都係度覺得
「我地等緊有人帶」
咁樣既情況之下  冇乜團體出現既環境之下\
會好悶

最後~靜係識係度抽水既只顯示你既吹蕭本事
有本事就入場打吧

作者: 天使得得BB 時間: 10-2-22 08:09 PM

期待星期五六的團戰^^

作者: 約翰尼 時間: 10-2-22 08:10 PM

好一個奮鬥史

不過比起某一個人O既事蹟,有不及而無過之

作者: jimmyboy814 時間: 10-2-22 08:15 PM

有咩好知？幻影仲多歷史啦

作者: hong6939 時間: 10-2-22 08:15 PM

字海啊

作者: kwong123 時間: 10-2-22 08:16 PM

星期五星期五! \^0^/

作者: lpc9999 時間: 10-2-22 08:16 PM

炮灰係好野黎,可以提升自己既實力

作者: Mr.膠 時間: 10-2-22 08:17 PM

好想睇埋小飯打血染歷史~.~'

作者: CloudzZz 時間: 10-2-22 08:23 PM

歷史好文

我亦很欣賞默戰 , 加快左好多人進步的時間(包括我自己)

團要有堅持既領隊 , 確係一件唔簡單的事
搞團人事最麻煩
亦都好認同包場先可以實行領軍人物的諗法和意念

要輸得起 , 不要怕比人自己強的對手
咁樣先會吸收多D 經驗學人地既長處改善自己既短處
失敗並不可怕 , 可怕的是失敗後不斷埋怨 , 而不從中學習 , 形成極負面心態

烏合經歷高低潮 , 現在回復強勢 , 可作為各團一個參巧借鏡的好例子

作者: jam322 時間: 10-2-22 08:27 PM

我入左烏合成年了

睇番都覺得好有感觸

(雖然d字真係好多

)

作者: thief 時間: 10-2-22 08:32 PM

原帖由 jimmyboy814 於 10-2-22 08:15 PM 發表
有咩好知？幻影仲多歷史啦

唔鍾意睇咪唔好睇咯-.-

作者: 固態蛇 時間: 10-2-22 08:34 PM

由一個團仔玩到咁大個團, 真係唔感觸都唔得 =]

唔知幾時可以見到其他團既歷史呢

其待中

作者: 醉孃 時間: 10-2-22 08:35 PM

第一次睇你D字睇得咁順眼

作者: BLITZ- 時間: 10-2-22 08:38 PM

敗仗哥

作者: 魔流星 時間: 10-2-22 08:38 PM

原帖由 約翰尼 於 10-2-22 08:10 PM 發表
好一個奮鬥史
不過比起某一個人O既事蹟,有不及而無過之

那人就是尼奧元

神愛世人

作者: 六ｂ 時間: 10-2-22 08:42 PM

大約係咁兒睇哂.
如果你地係藍國又出現「閒話」「圍插」「分裂」.
那你們又會繼續以轉國來逃避？

作者: Wingmiac 時間: 10-2-22 08:44 PM

樓主講溜左你十幾lv打國戰,第一次主水回血, 第一次亂礦都無人kick光榮事跡.

作者: tst607 時間: 10-2-22 08:44 PM

好文支持
a_a

作者: 魔流星 時間: 10-2-22 08:45 PM

原帖由 Wingmiac 於 10-2-22 08:44 PM 發表
樓主講溜左你十幾lv打國戰,第一次主水回血, 第一次亂礦都無人kick光榮事跡.

你沒新手過?

神愛世人

作者: 凡人一號 時間: 10-2-22 08:45 PM

最後呢句好正

有本事就入場打吧

作者: 十卜東小海 時間: 10-2-22 08:45 PM

字海, 望到就唔想睇=3=

一分入手-V-~

作者: sennes 時間: 10-2-22 08:46 PM

好有心打呢篇野
所以幫手推下^_^

作者: 難民無銀用 時間: 10-2-22 08:53 PM

=.=打d唔打d... 一舊舊咁叫史...含撚吧...

仲有你段野又打錯字啦~~

一陣馬嬲屎忽又走出黎串7你~

作者: 無極限 時間: 10-2-22 08:56 PM

樓上+1

作者: ificanfly 時間: 10-2-22 08:58 PM

樓上+1

作者: 3ffishball 時間: 10-2-22 09:00 PM

綠國雙棍係咩來~0.0

作者: happyfez 時間: 10-2-22 09:03 PM

原帖由 難民無銀用 於 10-2-22 08:53 PM 發表
=.=打d唔打d... 一舊舊咁叫史...含撚吧...

仲有你段野又打錯字啦~~

一陣馬嬲屎忽又走出黎串7你~

咁多烏蠅理得幾多~

有實力既人~唔會得把口講~

係講得出~做得到

作者: 小“六﹏感′ 時間: 10-2-22 09:04 PM

字海的心聲._.//支持

作者: ︴紫﹏藍〞 時間: 10-2-22 09:10 PM

支持ben隊長

睇完e個歷史(?)
唔知點解我入左咁耐烏合
e家諗返以前都有點淚水

作者: 『拉比安露絲』 時間: 10-2-22 09:15 PM

阿BEN係時候講句,阿媽,我得左喇

作者: matrixpig 時間: 10-2-22 09:38 PM

我想知你地綠國隻人有沒del到？

作者: 難民無晒影 時間: 10-2-22 10:18 PM

綠國隻人冇DEL到
始終玩左咁耐

至於呢個PO其實冇乜感觸
因為烏合目前距離我心目中既水平仲有距離....:smilie_:):

只不過係想借住近期嘈得咁勁既時候
打完呢個PO之後
會出現多D 大型團隊

作者: 封鎖心靈 時間: 10-2-22 10:21 PM

始終都係無字頭最多人

作者: 神喻BLACKCHOCO 時間: 10-2-22 10:24 PM

好d開心自己曾經都係一份子._.

作者: skytim 時間: 10-2-22 10:36 PM

打咁耐重要攪到個團咁大真係好難得
>有本事就入場打吧<

作者: 大亂碼 時間: 10-2-22 10:42 PM

以前既烏合就真係幾好 (前綠國時期)

依加既烏合?比某d人搞臭哂個名變左烏龜合lu

作者: 映川 時間: 10-2-22 10:42 PM

有本事就入場打吧<<大佬ben呢句好有型呀~
加油呀

作者: 君;] 時間: 10-2-22 10:44 PM

原帖由 jimmyboy814 於 10-2-22 08:15 PM 發表
有咩好知？幻影仲多歷史啦

都話純粹分享咯
唔識字就讀好d書啦仲打機

作者: JOkerJOe 時間: 10-2-22 10:45 PM

睇晒~ 你地都好有心不過要做到咁一定要有班不離戰友支持

作者: 卡焲. 時間: 10-2-22 10:51 PM

看完了推推以示支持

作者: 你的滑鼠點到我 時間: 10-2-22 11:03 PM

因乜解究係其他game識既fd會一齊咁多個轉黎fez-.-又轉黎轉去-.-
咁你地咪好fd?

作者: 星亂 時間: 10-2-22 11:06 PM

原帖由 Wingmiac 於 10-2-22 08:44 PM 發表
樓主講溜左你十幾lv打國戰,第一次主水回血, 第一次亂礦都無人kick光榮事跡.

人地講烏合歷史又唔係講自己既歷史
你理得佢講D咩

作者: MrEnjoy 時間: 10-2-22 11:07 PM

睇完好感觸推推

作者: xxlai 時間: 10-2-22 11:17 PM

原帖由 難民無晒影 於 10-2-22 08:03 PM 發表
以彼之矛攻彼之盾

果然有讀過書既人
用既字都吾同啲:D

作者: Nari_Wai 時間: 10-2-22 11:24 PM

樓主分享下團歷史都要抽水

純推當支持

作者: 碎翼〞 時間: 10-2-22 11:39 PM

係到講乜都比人抽水架喇

支持

作者: 沛↓ 時間: 10-2-22 11:44 PM

個人認為
烏合現時雖稱上最強部隊
但相比最強勢時的幻影及c團時
仍然有一段距離
希望烏合不要因一時的強勢而自滿
繼續提升實力
(真心話)
by 追憶身影

作者: happyfez 時間: 10-2-22 11:46 PM

原帖由 你的滑鼠點到我 於 10-2-22 11:03 PM 發表
因乜解究係其他game識既fd會一齊咁多個轉黎fez-.-又轉黎轉去-.-
咁你地咪好fd?

人既緣份就係咁奇妙

網友亦可以變成現實朋友

作者: o0LUNG0o 時間: 10-2-22 11:56 PM

原帖由 難民無晒影 於 10-2-22 10:18 PM 發表
綠國隻人冇DEL到
始終玩左咁耐

至於呢個PO其實冇乜感觸
因為烏合目前距離我心目中既水平仲有距離....:smilie_:):

只不過係想借住近期嘈得咁勁既時候
打完呢個PO之後
會出現多D 大型團隊

烏合歡迎各團挑戰

作者: 音符妹妹 時間: 10-2-22 11:58 PM

原帖由 o0LUNG0o 於 10-2-22 11:56 PM 發表

烏合歡迎各團挑戰

對阿~星期5-6就同v+f團打嚕

幾快有人挑

作者: a_yo 時間: 10-2-23 12:21 AM

全部睇完..... 幫推一下～～～

作者: kawah1111 時間: 10-2-23 12:30 AM

大部分都O係自己立場既事情,度度都發生緊
而且堅持先係主要因素,所以烏合o係今年跑出
可以開post挑機,係成功的=]

但係講其他團既野,散同唔散
又唔關事既

咁樣一樣引起誤會或抽水
有時有D野,打者無心,睇者有意

仲有人傳人呢個問題,
去到D大佬耳邊聽既,一定係是非多
搞事份子只會O係人地度?
先搞事既一定係人地先?
其實有好多時都要自覺下=[
一隻手係拍唔響

難道真的要烏合之眾?

作者: 惡魔獵鷹 時間: 10-2-23 12:35 AM

成功背後總是十分痛苦

作者: 難民無晒影 時間: 10-2-23 12:52 AM

原帖由 kawah1111 於 10-2-23 12:30 AM 發表
大部分都O係自己立場既事情,度度都發生緊
而且堅持先係主要因素,所以烏合o係今年跑出
可以開post挑機,係成功的=]

但係講其他團既野,散同唔散
又唔關事既

咁樣一樣引起誤會或抽水
有時有D野,打者無心,睇者有 ...

如果對面同你講

「我唔玩果日你都贏我唔到啦垃圾」
「你玩左咁能耐都仲係咁垃圾好心你收皮啦」
「如果包場我地食緊你我講的」
我相信你會明白我地點解咁做^___^

作者: Taka 時間: 10-2-23 12:53 AM

原帖由 kawah1111 於 10-2-23 12:30 AM 發表
大部分都O係自己立場既事情,度度都發生緊
而且堅持先係主要因素,所以烏合o係今年跑出
可以開post挑機,係成功的=]

但係講其他團既野,散同唔散
又唔關事既

咁樣一樣引起誤會或抽水
有時有D野,打者無心,睇者有 ...

BEN這篇的確讓我很感觸
你這番話讓我更感觸
不同的是...
BEN也好自己人也好我也好
我覺得一向也是槍口對外對自己人永遠是護短
我只知道....在任何地方
不是我踩著你就是等著你踩著我的日子來臨
......我一直心裏有話想說的就是
...你們說不上尊重我 (推及至我們)
那我又何需禮待你/你們?
我從被幻影一個就殺掉開始偷塔
偷到默戰拉幾隻來也殺不了我
再到後面我反嗆跟我我後面的十餘人
我不需要禮待任何敵人
因為我從默戰時候已經被問候過祖宗十八代
整整一年多的時間
我完全感覺不到所謂的正義和公平
在我有絕對戰力的情況下
從逃跑逃到我一個追著三個人來殺殺完再嗆
我不介意把你們所謂的"正義"
一步步回饋給你們
你們散我就說你們廢
就這麼簡單
有種可以來打
少在旁邊裝正義裝大道
我從來不是好人但我也從來不希望當個假君子
沒實力永遠是靠邊站
假如你有實力的話也不用說這些話
假如BEN要說我們是起起跌跌的團隊
那我覺得更像是血肉磨煉出來的團隊
所謂的血肉...
是曾經的很多人來踐踏過我們累積下來的
我很賤...有仇必報
....沒仇....也要報仇
不行嗎? 抱歉....我有實力 .你有嗎?
不怕嗎? 抱歉....我有兄弟...你有嗎?
不繼續抽水下去了嗎?
抱歉你們需要面子我毋需
抱歉你們還是怕死我不怕
有甚麼能讓我看得起你!?
難道單單是你說的"道理"和"真理"
我從來不靠隊友因為我只想鍛鍊好自己去"配合"別人
而不是等別人來配合自己
我是其中一個被虐出來的人仕
以前平死有五有六
我可以再問你一句嗎?
你憑甚麼說我們?
憑你一個永遠躲在人群中間不知道甚麼叫被強姦一千遍的人來說話嗎?
分享就是分享...
你這樣的回覆已經沒有尊重的成份
所以我不必對你禮貌
^^

難民一生
以上

作者: 紅豆湯丸＊QQ 時間: 10-2-23 01:00 AM

原帖由 Taka 於 10-2-23 12:53 AM 發表

BEN這篇的確讓我很感觸
你這番話讓我更感觸
不同的是...
BEN也好自己人也好我也好
我覺得一向也是槍口對外對自己人永遠是護短
我只知道....在任何地方
不是我踩著你就是等著你踩著我的日子來臨
..... ...

原帖由 kawah1111 於 10-2-23 12:30 AM 發表
咁樣一樣引起誤會或抽水
有時有D野,打者無心,睇者有意

我個人認為kawah1111並沒有針對烏合
他也說出了你回文的誤會

作者: ｃｋ 時間: 10-2-23 01:00 AM

好一篇奮鬥史
最重要係"零粗口"
淨係呢點我就忍唔住俾左gd

作者: kawah1111 時間: 10-2-23 01:01 AM

原帖由 難民無晒影 於 10-2-23 12:52 AM 發表

如果對面同你講

「我唔玩果日你都贏我唔到啦垃圾」
「你玩左咁能耐都仲係咁垃圾好心你收皮啦」
「如果包場我地食緊你我講的」
我相信你會明白我地點解咁做^___^

岩架!
我會明你點解咁做
但係
真係只係人地出口先?
我答:我看未必了

烏合咁多位,我唔係抽你地水
但事實係,就要認=[
一生既道理,你都見到了吧
每個團有每個團既問題
如果以一生既講法
似乎還是說有人唔尊重
尊唔尊重,唔係自己講或話人地
更什唔洗用口講
而我,冇話過要做乜野正義人士

ben你呢段分享係好野黎!
但其他既隊員,係唔係想太多?

[ 本帖最後由 kawah1111 於 10-2-23 01:09 AM 編輯 ]

作者: 謝曬 時間: 10-2-23 01:01 AM

個個團都出個歷史就爽囉,弄番個[fez團歷大全]

作者: skytim 時間: 10-2-23 01:06 AM

原帖由 Taka 於 10-2-23 12:53 AM 發表

BEN這篇的確讓我很感觸
你這番話讓我更感觸
不同的是...
BEN也好自己人也好我也好
我覺得一向也是槍口對外對自己人永遠是護短
我只知道....在任何地方
不是我踩著你就是等著你踩著我的日子來臨
..... ...

回post 都打咁多字...
d人會唔會睇ga...

作者: Taka 時間: 10-2-23 01:20 AM

原帖由 紅豆湯丸＊QQ 於 10-2-23 01:00 AM 發表

我個人認為kawah1111並沒有針對烏合
他也說出了你回文的誤會

那你不就是正正是一個裝正義的好例子麼?
你要個人立場好!
我也個人立場
想問一句
我和他的對話....
與你何干?
我只是表達實力至上的感受
從來沒有想過誰針對誰
再進一步
我沒有誤會

"仲有人傳人呢個問題,
去到D大佬耳邊聽既,一定係是非多
搞事份子只會O係人地度?
先搞事既一定係人地先?
其實有好多時都要自覺下=[
一隻手係拍唔響

難道真的要烏合之眾?"

我相信這一小段和上面所謂"解釋"
是完全無關
相信你身為版主
能夠清楚明白他說
"咁樣一樣引起誤會或抽水
有時有D野,打者無心,睇者有意"
是在說BEN打的分享文
那麻煩你睜開你"雪亮"的雙眼
"正義"的心房
再看一次後面說的
"...
先搞事既一定係人地先?
其實有好多時都要自覺下=[
一隻手係拍唔響

難道真的要烏合之眾?""

是我近視嗎還是我中文能力差
我就是嗆這類包括你
裝"正義"的人
正正在自相矛盾在旁邊抽水
堂堂正正講沒差說我爛說我笨
沒差我接受
但請不要戴上面具說這樣"不正義"的說話

更不論在我眼裏...你這個符號帶來的意味是甚麼
我不用解釋不需要其他人明白
你自己知道就好
(我可以理解為間接抽我水嗎? 自以為抓到甚麼?)

作者: Tsuna34416912 時間: 10-2-23 01:22 AM

前排冇時間睇樓主打乜..

依家睇哂我個心就覺得..失敗的確係乃成功之母

只要起失敗的時候唔放棄..努力不懈地改進..總會有個成果出黎..

如果選擇逃避同放棄的話..依家已經有個好例子比大家睇到..

希望烏合可以繼續努力不懈地改進..更上一層樓

作者: jackjacksun 時間: 10-2-23 01:24 AM

原帖由 Taka 於 10-2-23 01:20 AM 發表

那你不就是正正是一個裝正義的好例子麼?
你要個人立場好!
我也個人立場
想問一句
我和他的對話....
與你何干?
我只是表達實力至上的感受
從來沒有想過誰針對誰
再進一步
我沒有誤會

"仲有人傳人呢 ...

其實你打咁多字回...無乜人會睇晒...變相有d晒鳩氣

(拿!我話你回得多字晒氣咋!個鳩字係多手打落去既-,-sor)

作者: Tsuna34416912 時間: 10-2-23 01:25 AM

原帖由 jackjacksun 於 10-2-23 01:24 AM 發表

其實你打咁多字回...無乜人會睇晒...變相有d晒鳩氣

(拿!我話你回得多字晒氣咋!個鳩字係多手打落去既-,-sor)

這個其實可以說是助語詞-_,-"

作者: 難民無晒影 時間: 10-2-23 01:28 AM

原帖由 kawah1111 於 10-2-23 01:01 AM 發表

岩架!
我會明你點解咁做
但係
真係只係人地出口先?
我答:我看未必了

烏合咁多位,我唔係抽你地水
但事實係,就要認=[
一生既道理,你都見到了吧
每個團有每個團既問題
如果以一生既講法
似乎還是說有人唔 ...

基本上冇必要去繼續同你討論有雞先定有蛋先

反正你唔係當時人....

作者: jackjacksun 時間: 10-2-23 01:30 AM

原帖由 Tsuna34416912 於 10-2-23 01:25 AM 發表

這個其實可以說是助語詞-_,-"

但係真係無乜人會咁好心機睇晒-,-我係其中一個放棄唔睇晒既 lol

作者: Tsuna34416912 時間: 10-2-23 01:34 AM

原帖由 jackjacksun 於 10-2-23 01:30 AM 發表

但係真係無乜人會咁好心機睇晒-,-我係其中一個放棄唔睇晒既 lol

冇恆心-_,-"

作者: jackjacksun 時間: 10-2-23 01:36 AM

原帖由 Tsuna34416912 於 10-2-23 01:34 AM 發表

冇恆心-_,-"

返學咩大佬-,-
口語都話好d...書面語真係...死左佢算-,-

作者: Tsuna34416912 時間: 10-2-23 01:37 AM

原帖由 jackjacksun 於 10-2-23 01:36 AM 發表

返學咩大佬-,-
口語都話好d...書面語真係...死左佢算-,-

用下你個腦黎翻譯is ok..

作者: 天使得得BB 時間: 10-2-23 01:39 AM

我好有心機睇曬的!!!

作者: jackjacksun 時間: 10-2-23 01:39 AM

原帖由 Tsuna34416912 於 10-2-23 01:37 AM 發表

用下你個腦黎翻譯is ok..

即係想話我唔用腦-,-?
算喇...總之唔係好想睇 lol
(

)

作者: kawah1111 時間: 10-2-23 01:40 AM

原帖由 難民無晒影 於 10-2-23 01:28 AM 發表

基本上冇必要去繼續同你討論有雞先定有蛋先

反正你唔係當時人....

呢樣野,我覺得係好多人,團都會經歷到
要分享既,點解唔一齊討論一下?

或者咁講,
要做得分享,心得交流都好正常
我自己入黎睇,都係想知多d,你地成功既因素
而有唔了解既地方,都會發問

問多一次
真係得人地出口,自己友冇出口?

前者我了解你地點點做,而後者有咩方法搞呢樣野?
(還是一樣,有料/好打就來?)

作者: kawah1111 時間: 10-2-23 01:42 AM

原帖由 Taka 於 10-2-23 01:20 AM 發表

是我近視嗎還是我中文能力差

中文理解能力差

作者: a_yo 時間: 10-2-23 01:51 AM

好多野都講得好～～～～

作者: 難民無晒影 時間: 10-2-23 01:54 AM

原帖由 kawah1111 於 10-2-23 01:40 AM 發表

呢樣野,我覺得係好多人,團都會經歷到
要分享既,點解唔一齊討論一下?

或者咁講,
要做得分享,心得交流都好正常
我自己入黎睇,都係想知多d,你地成功既因素
而有唔了解既地方,都會發問

問多一次
真係得人地 ...

我諗你誤會了

我要分享既係一個團經歷既過程起跌
然後希望借住呢個方向引起多d 其他人既共鳴
等其他人可以集結多D玩家一齊組團一齊感受團戰既樂趣...
而唔係一直盲目做上榜神手

更加唔係詳細分享點樣同 d人交惡既過程....

而且係呢度並唔適合用上成功...
呢個詞彙太言重...

再者如果真係詳細回答你既問題
我相信又會罵戰
之後鎖po
咁我想帶出既原本意義就失去...

作者: 紅豆湯丸＊QQ 時間: 10-2-23 01:55 AM

原帖由 Taka 於 10-2-23 01:20 AM 發表

那你不就是正正是一個裝正義的好例子麼?
你要個人立場好!
我也個人立場
想問一句
我和他的對話....
與你何干?
我只是表達實力至上的感受
從來沒有想過誰針對誰
再進一步
我沒有誤會

"仲有人傳人呢 ...

的確團入面既事未必人人都能夠了解或者大家既立場都會唔同
但我認同"人傳人"同埋"先搞事既一定係人地先?"依兩個point
有好多事未必係各團既大佬自己親身經歷
大佬們好多時都會因為要維護自己既團友而槍頭向外
好似有d事咁
A團既123同B團456有所爭執
好多時團友們都會直指對面既團
而唔係某個人
當兩團既大佬都想了解發生咩事既時候
自然就會信123同456既說話內容
但到底123同456有無加鹽加醋
又或者本身123同456對A團/B團有偏見呢?
依D都係"人傳人"同埋"先搞事既一定係人地先?"既例子
123可能會因為唔衰得而誓要打456/B團
中間可能有意無意咁對A團大佬講左一D與事實不乎既內容俾A團大佬知
456又可能為左掩飾自己所犯既錯而同B團大佬講係A團挑機先既
咁兩團大佬為了自己團既名譽又或保護自己既團友而向對方開戰
人人都會相信自己既團友而唔會相信對方既團友
但當中有無發生一D小問題而引導一D敵對情況既出現
真係當時人先知
而當無數個有意無意講出黎既野就會結集成一件敵對事件既出現
所以"人傳人"同埋"先搞事既一定係人地先?"依兩個POINT係人生中一定會出現
只在乎你會唔會面對現實而睇清楚依個問題
團友的確要信
但不能麻目既去100%相信
我打依D野出黎唔係要去令你信服
某程度上係一個ONLINE GAME必然出現既定律分享
而你有權繼續針對依個回覆而去講你既意見
事出必有因世事總有因果
如果因為自己係出生於烏合之眾而見自己大佬既回覆被人評論
又或者同大佬所講既野有分歧就要立即樹敵
某程度上係正常既現象
但你要明白人人身處既位置同埋所經歷過既背景都會唔同
觀點與角度更加會不一致
要所有事情講出黎做出黎都要所有人贊同係唔可能既事
更何況並非針對性既回覆
何苦要即刻「起鋼」呢

我欣賞烏合轉國而變強既決心
更佩服難民無晒影對團既執著同埋對團友彼此間既信任
但眼見烏合之眾有不少言行過於出眾或者令自己大佬需要收拾攤子既言行而感到惋惜

符號一事令我回想到
^_^ 就是認真的意思?

我沒有固定的部隊也沒有固定的國家
那我為啥要裝正義?
帖子不能回覆不能討論不能表達自己的意見
要論壇來幹麼

本來就無爭辯之意那為啥要咄咄逼人呢
就是要等待到回覆"對不起你完全正確我輸了"才會放手吧?

作者: 夜鶯 時間: 10-2-23 01:57 AM

很多辛酸史,支持一下發展成功的大團
團同團中間總有磨擦
咁先有國戰,依家C團打烏合,其實幾精彩

希望各國都有一樣既大團

作者: kawah1111 時間: 10-2-23 01:57 AM

原帖由 難民無晒影 於 10-2-23 01:54 AM 發表

我諗你誤會了

我要分享既係一個團經歷既過程起跌
然後希望借住呢個方向引起多d 其他人既共鳴
等其他人可以集結多D玩家一齊組團一齊感受團戰既樂趣...
而唔係一直盲目做上榜神手

更加唔係詳細分享點樣 ...

好~
再次感謝你既分享!

作者: -SAKITO- 時間: 10-2-23 01:58 AM

第一次主力流失走左1x個姐-.-頂盡廿個
冇3x個咁多既..不過見到烏合衣家既強勢的確係非常感動

作者: 音符妹妹 時間: 10-2-23 01:58 AM

原帖由 難民無晒影 於 10-2-23 01:54 AM 發表

我諗你誤會了

我要分享既係一個團經歷既過程起跌
然後希望借住呢個方向引起多d 其他人既共鳴
等其他人可以集結多D玩家一齊組團一齊感受團戰既樂趣...
而唔係一直盲目做上榜神手

更加唔係詳細分享點樣 ...

[而唔係一直盲目做上榜神手] << 中POINT!!
未入烏合之前..我都好多時為左肓目上磅~追求殺人快感~
雖然我入黎時間五長~但令我搵番國戰既真正味道!!
同埋成班人一齊做一樣野..無論成功定失敗個感覺..真係同以前差好遠!!
加油~烏合~

作者: Taka 時間: 10-2-23 02:03 AM

原帖由 kawah1111 於 10-2-23 01:40 AM 發表

呢樣野,我覺得係好多人,團都會經歷到
要分享既,點解唔一齊討論一下?

或者咁講,
要做得分享,心得交流都好正常
我自己入黎睇,都係想知多d,你地成功既因素
而有唔了解既地方,都會發問

問多一次
真係得人地 ...

單單以我為例
是我先出口又怎樣?
執著先和後? 有差?
執著對和錯? 有差?
都是我錯都給你對
但我還是會嗆你
如何?
我毋需口舌之上執著勝和負
給你贏
但依舊還是我殺你
如何?
你問這個先後相當於我問這個如何
我也可以說
我對於你這個回覆我也不理解所以我也問這個"如何"
有意思嗎? 裝客觀又要放主觀意見
沒意思麼? 那你為甚麼還是要問
我討厭這種耍文字的遊戲
這是我認為"有種就來" 合理的原因
我該說: 我在理性分析請勿誤會 <<這樣你會覺得舒服一點麼?

作者: 難民無晒影 時間: 10-2-23 02:09 AM

原帖由 -SAKITO- 於 10-2-23 01:58 AM 發表
第一次主力流失走左1x個姐-.-頂盡廿個
冇3x個咁多既..不過見到烏合衣家既強勢的確係非常感動

或者我應該詳細d講
入左幻影既人 maybe得十幾個
但係我地流失既人的確係三十幾個
我地係睇會員數目黎計...

作者: kawah1111 時間: 10-2-23 02:10 AM

原帖由 Taka 於 10-2-23 02:03 AM 發表

單單以我為例
是我先出口又怎樣?
執著先和後? 有差?
執著對和錯? 有差?
都是我錯都給你對
但我還是會嗆你
如何?
我毋需口舌之上執著勝和負
給你贏
但依舊還是我殺你
如何?
你問這個先後相當於我問這 ...

冇人想理會你既感覺,你咁大反應係因為你都係烏合一員好易明
我依家quote住你答你
係因為比你quote住,答左一乍你自己覺得我諗既野
冇問題的
每個人都有每個人既睇法,
我阻止唔到你
不過
我問緊ben,唔係你
一話你就代表住烏合黎答?
係既,
咁了解了,唔該你
唔係既,
辛苦你啦,打咁多野,諗咁多野去考慮我既諗法

丫!!!!後加先!!!!!!!!!
ben唔想有罵戰或錯誤討論問題
我尊重,因為呢個係令其他團或玩家重新了解自己立場同團之間既事件
其他嘛,我都唔知quote黎做乜

[ 本帖最後由 kawah1111 於 10-2-23 02:14 AM 編輯 ]

作者: Taka 時間: 10-2-23 02:15 AM

原帖由 紅豆湯丸＊QQ 於 10-2-23 01:55 AM 發表

的確團入面既事未必人人都能夠了解或者大家既立場都會唔同
但我認同"人傳人"同埋"先搞事既一定係人地先?"依兩個point
有好多事未必係各團既大佬自己親身經歷
大佬們好多時都會因為要維護自己既團友而槍頭向外
...

正是如此
我的角色和能力需要樹敵才能體現
我是明著干黑著臉得罪部隊以外的人
敵人更多對我個人而言非常歡迎
我只是再一次想說
我做的....只是將我累積的
回饋給你們而已
我不需要兄弟為我背包袱
假如我真的是一個包袱
隨時離開沒差
我一向沒在乎過你說對不起或是認輸了怎麼樣
只是有時看到你在掩飾自己
一時火大而已

送回給你
第一直覺解釋到的意思
就是我想說的
(其實我覺得你很帥) <<我心裏是這樣想的
^^ 相信配合你豐富的想像力絕對能同意我真的覺得你很帥

作者: Taka 時間: 10-2-23 02:27 AM

原帖由 kawah1111 於 10-2-23 02:10 AM 發表

冇人想理會你既感覺,你咁大反應係因為你都係烏合一員好易明
我依家quote住你答你
係因為比你quote住,答左一乍你自己覺得我諗既野
冇問題的
每個人都有每個人既睇法,
我阻止唔到你
不過
我問緊ben,唔係你
一 ...

難得有一天晚上我有空
當然慢慢來比較快
好吧隨你
至於我的回覆
只是對你提出的問題
不是認為你是想甚麼的言論
我帶的...是問號不是句號
只是向你印證你說的
誰先挑起的問題而已
我單單只是解說你第一篇回覆內的文字的意味
"難道真的要烏合之眾?"
很抱歉....
這句真的看不出友善
說我作為烏合的一員也好
說不同人有不同立場也好
我相信.....任何人看到這句
也不會覺得是想友善的感覺吧?

純綷討論 ^^ 不喜歡拉倒
我很隨性....你想怎樣也阻止不到你
辛苦你還要回覆我的爛文字阿
哈哈哈.....

(我只是在用同樣的方法在說你說的話
假如你覺得不友善的話我也沒辦法 -v-)

作者: Taka 時間: 10-2-23 02:40 AM

好...我玩夠了^^
這點程度也要在意的話
(我這樣裝"成熟"..紅豆跟極夜你肯定不會介懷的)
可是不行的喔呵呵
(話說這樣抽身而言真的蠻不錯我應該好好學習 ...又不用負責任)
好拉兩位可愛的大大
我這禍端該死的身體累了
先殺去睡了喔
自便

作者: 賤仔 時間: 10-2-23 02:43 AM

PK影-.-點解唔提我名<--NEAL

[ 本帖最後由賤仔於 10-2-23 02:57 AM 編輯 ]

作者: 紅豆湯丸＊QQ 時間: 10-2-23 02:50 AM

原帖由 Taka 於 10-2-23 02:15 AM 發表

正是如此
我的角色和能力需要樹敵才能體現
我是明著干黑著臉得罪部隊以外的人
敵人更多對我個人而言非常歡迎
我只是再一次想說
我做的....只是將我累積的
回饋給你們而已
我不需要兄弟為我背包袱
假如 ...

對
你就是對著干的成功人士
聽說你也是部隊中被信服的其中一員
有沒有為部隊帶來什麼也只是烏合之眾的事
敵人有多少也是跟旁觀者沒差
但有的沒的都先跟非部隊人士對著干就是對部隊有良好的影響嗎?
作為一個在部隊有信服能力的人物
的確會為自己部隊帶來不少喜出望外的結果
對遊戲也是一個十分良好的行為
你是在遊戲中不可多得的人才
沒有你的存在FEZ或許沒現在的多娛樂性和樂趣
相信gm們也需要忌你三分
不然有一天你突然對遊戲失去興趣而離開
這遊戲一定就會倒下去
因為大家都已經沒有戰鬥的原因了

再說
觀點與角度完全不一
雖說是正常的現象
但也不應破壞原作者的意向
分享經歷我想不是從這類回覆來交流吧?
作為一個版主並不希望一篇如此良好的文章被回覆帖所影響
現在看到的是烏合之眾的精神/意向/堅持還是執著
還是看到烏合之眾其中一員的個人意見?
兩者對旁觀者也是一個不同的睇法
你可以說那只是一個人的個人意見
但可惜你是背著部隊的名字回覆當中的辛酸
旁觀者會嘗試去了解
但不代表已經對人/團/事有所改變良好或者改變得更加惡劣
所有事情都會有正反兩面
你看的會是烏合之眾一直以來所經歷來的喜與樂
我們看的是難民無晒影分享部隊歷史、烏合之眾成員對部隊的忠心及對外的見解和態度
有人會敬佩有人會認為裝大佬
有人會感動有人會說是狗
有人會認同有人會反感
樓主分享他的文章或者是希望其他人不再對烏合之眾有所誤會或是偏見
也可能是希望其他人作為一個參考
現在有點違反原意呢
我是感到十分可惜

p.s. 當帥的女生也不錯啊

OOPS 回覆完原來你已經睡了
祝安眠好睡吧

[ 本帖最後由紅豆湯丸＊QQ 於 10-2-23 02:55 AM 編輯 ]

作者: 難民無晒影 時間: 10-2-23 02:56 AM

原帖由賤仔於 10-2-23 02:43 AM 發表
PK影-.-點解唔提我名

如果要提名
我諗要用最少30分鐘去打人名 kakaka

作者: 賤仔 時間: 10-2-23 02:57 AM

PK影-.-點解唔提我名<--NEAL
難民愛女人,果仁知古力是也..話哂STK包場都係我提出..無我邊有咁多女當時...
再講一次-.-我係今次玩番先有入幻影~之前我係無玩/玩番愛女人ONLY..
不過咁丫TING~起碼我都有出席你生日丫個次哈~但見到烏合而家咁~~都登你地開心O既~
UM..我只可以講機緣係當年令我地某D人同你好不歡而散...但最後咪又一齊係番藍國~
諗番起我地以前嘈O既野係咪覺得大家都係太細路JA...都無話對與錯~
仲有BEN IF有活動都可以叫我去的!_!好耐無見~

作者: 難民無晒影 時間: 10-2-23 03:00 AM

只係大家都有執著
所以先至咁
其實大家都冇錯的=.=

丫...禽日班友仔自己攪左個活動
成村人走左出去

下次有局叫埋你._.

作者: chunwailui 時間: 10-2-23 03:01 AM

原帖由 Taka 於 10-2-23 12:53 AM 發表

偷到默戰拉幾隻來也殺不了我
..... ...

其實我想講..

你pp地

好幾次見你係據點後面衝擊斬

紅圈捉落地冰b都可以唔中囧rz

作者: 賤仔 時間: 10-2-23 03:01 AM

有波打叫我OK~-

作者: 賤仔 時間: 10-2-23 03:02 AM

我知-.-單車MA~涼有叫我~但我唔SHOW 9佢ONLY

作者: kawah1111 時間: 10-2-23 03:06 AM

原帖由 Taka 於 10-2-23 02:27 AM 發表

難得有一天晚上我有空
當然慢慢來比較快
好吧隨你
至於我的回覆
只是對你提出的問題
不是認為你是想甚麼的言論
我帶的...是問號不是句號
只是向你印證你說的
誰先挑起的問題而已
我單單只是解說你第 ...

用番#73
中文理解能力差
只係對你黎講而已~
要自圓其說
那你大可努力下去,
而你既藍字"難道真的是烏合之眾?"
其實你既回覆
同我O係第一個同無哂影講既野
你都係要幻想人地(我)同你樹敵/抽烏合水
我都冇計=[

就正如我第一個回覆講既野
令人誤會
"打者無心,睇者有意"
唔係單單講一生你
烏合咁多人,
你又咁有代表性,馳騁烏合場成年
咁新入黎既人
一睇你既回覆,咁係咪代表我抽烏合水?
樹敵?!

所以我咪講
中文理解能力差囉

BTW,無哂影唔知會唔會多謝你幫手推呢個POST呢
你打咁多野

(我認我推POST架,比多D人睇都好)

作者: bear._. 時間: 10-2-23 03:18 AM

haa,一向知大佬大你感性,
打篇文睇到小熊都好受感染.
好文._.b

"團唔需要勝利玩家只需要做好本份既玩家同埋堅持既領隊"

呢句說話我諗對好多隊長都有用.
其他國我唔知.,不過藍國好多團都係用好多唔同既野去衝量自己個團.
而且好多人都話帶一個團好辛苦,d人唔聽話.
其實可以點._.?
好想知大佬大點解可以咁服眾.
除左大佬大仲有d副隊小熊真係好服佢地
唔知點解好聽話-3-
但係其他團唔會.真係想知點解.
如果藍國有多個咁強勁既團就好>_<

其實大家打得好一場國戰大家享受結果唔太重要玩得開心最緊要
場場爆龍同QML 打得多都悶.
係要爭少少爭少少果下先開心.
小熊都好鐘意打呢D場可惜自問未夠實力,
同團的人未夠識配合, 團戰冇得打.
就算係同街人打都有呢D國戰但真係好少好少.

不過係烏合就算唔係團戰都真係學到好多野.
可能因為多人同埋個個都好肯教新人.
得閒冇野做住個vent都會有好多得著!

最近都唔少人入左黎, 希望大家以後多點火打國戰吧^__^!

作者: kuok1234 時間: 10-2-23 05:03 AM

加返d發生時間，我地抽水都方便d

作者: HYDEEE 時間: 10-2-23 07:19 AM

我公測時係玩綠國..我係烏合當時第一次走30個主力既時候發生咩事都唔知,轉左去紅國既人@____@

作者: 賤仔 時間: 10-2-23 07:48 AM

乜HYDE 本身都係綠國?無咩印象-.-個陣我地走主要都係我同千里右手絕淚佢地個堆...-.-其實唔關我地事

作者: 斯法 時間: 10-2-23 08:17 AM

原帖由賤仔於 10-2-23 02:57 AM 發表
PK影-.-點解唔提我名

你老鼠...又唔見依嫁多女既!!!!

歡迎光臨 2000FUN論壇 (https://www.2000fun.com/)