2000FUN論壇

標題: 為何不能反代言人? [打印本頁]

作者: llppkk 時間: 10-2-25 12:35 AM 標題: 為何不能反代言人?

我唔明點解有咁多人要對反代言人的玩家作一個唔好的評價。
首先,我想說明一下代言人的意義:

有好多POST都話你依家係玩代言人定係玩遊戲。
第1,我想講雖然代言人唔係拎黎玩
但係代言人可以利用本身一定名氣而吸引玩家
為何不能?
以比較出名的跑ONLINE為例
我記得第一個代言人係鄧麗欣
佢本身唔係大紅大紫歌星,不過佢本身就係有一定名氣,宣傳左一排,
我相信有好多玩家都會記起鄧麗欣代言跑ONLINE/跑ONLINE代言人是鄧麗欣
呢D就係代言人作用。
可能你會話:你話姐..我都唔知鄧麗欣係邊個或者跑ONLINE代言人係邊個。
不過如果代言人冇作用,跑ONLINE會繼續請代言人?
第2個好似係張敬軒第3個好似係謝安琪,第4個係少爺占
我可以同你講,我冇玩過跑ONLINE,但係因為呢隻GAME請左咁多比較有名氣的代言人所以我先有咁深刻印象。
如果代言人冇效果,跑ONLINE會哂咁多錢係咁請唔同一星歌手/名人做代言?

第2,代言人同隻GAME當然係唔啦奸啦。
不過你都可以諗諗,咩叫廣告,就係要令人留下深刻印象
好似近日林志玲拍果個咩按摩小梳化,2者都冇咩關連
你買張梳化林志玲都唔會係隔離陪你坐啦。只不過該公司利用佢黎宣傳而要令到該產品有一定人認識。
這間廣告商起碼用幾十萬或幾百萬請林志玲係電視面前,係張梳化度坐幾下,讚下張梳化幾句~
咁就洗左幾十萬再加上電視廣告費,要賣幾多張梳化先回番呢個本呢?
好多公司都用巨額黎請代言人啦!咪就係因為代言人有作用囉!唔係TVB邊咁多廣告費賺呀!你邊有免費電視睇呀!

作者: llppkk 時間: 10-2-25 12:44 AM

跟住我想講就係,點解玩家唔可以批評代言人?
有D會員話你唔鐘意咪唔好玩囉,淨係識睇女。
又一個偏激行為。
以現實為例。
好多學生/青少年都對呢個社會有唔同意見啦~
咁唔通你話,你對社會完全冇貢獻,你冇資格批評。
錯了,青少年可能現在對社會冇任何貢獻,但你難保他朝佢地為呢個社會做咩貢獻。
因為青少年是社會的棟樑
正如反代言人玩家一樣。佢地反果陣對呢隻GAME付出過D咩,佢地仲要未玩過隻GAME。
但係正如樓上,你難保他朝佢地為呢隻GAME做咩貢獻!~佢地可能就係隻GAME的"生存來源、可能就是這遊戲的『棟樑』。
何況，所謂有批評先有進步，某ｄ會員連咁少批評都要以偏激行為反擊，我唔明～
你是該小女童的ｆａｎｓ嗎？

[ 本帖最後由 llppkk 於 10-2-25 12:47 AM 編輯 ]

作者: 蟹明 時間: 10-2-25 04:13 AM

我反而認為呢篇野先夠中肯

作者: alexpoon1234 時間: 10-2-25 10:28 AM

[秒殺]為何不能反反代言人那些人?[/秒殺]

作者: 88888888 時間: 10-2-25 12:11 PM

隻game 係爛既

就算你請埋四大天王黎

都吸引唔到人玩隻game啦

作者: llppkk 時間: 10-2-25 12:22 PM

原帖由 alexpoon1234 於 10-2-25 10:28 AM 發表
[秒殺]為何不能反反代言人那些人?[/秒殺]

對,你可以對那些反代言人的人投下反對票,
但何解閣下的post要對果d人進行人身攻擊~
年青人最鐘意講:香港係有言論自由
所有事件都有正面和反面,
唔鐘意就係唔鐘意,你X交叉Y果D反代言人會員,同80後憤青有咩分別,太偏激了。
人地發表自己意見,你可以對佢GE意見感到不滿,不過,你應該要有充分理由黎支持自己論點。
難道某會員說不喜歡該代言人,他就要被多人指責?
咁小市民成日罵特首咪要比人拉去坐監?

作者: llppkk 時間: 10-2-25 12:23 PM

原帖由 88888888 於 10-2-25 12:11 PM 發表
隻game 係爛既

就算你請埋四大天王黎

都吸引唔到人玩隻game啦

對,只不過封面都是一個頗重要的因素吧~
所謂先敬羅衣後敬人。

作者: alexpoon1234 時間: 10-2-25 12:44 PM

原帖由 llppkk 於 10-2-25 12:22 PM 發表

對,你可以對那些反代言人投下反對票,
但何解閣下的post要對果d人進行人身攻擊~
年青人最鐘意講:香港係有言論自由
所有事件都有正面和反面,
唔鐘意就係唔鐘意,你X交叉Y果D反代言人會員,同80後憤青有咩分別, ...

對,你可以對那個代言人投下反對票,
但何解他們的post要對果個代言人進行人身攻擊~
年青人最鐘意講:香港係有言論自由
所有事件都有正面和反面,
Gameone鍾意就係鍾意,你X交叉Y果個代言人,同80後憤青有咩分別,太偏激了。
人地做代言人,你可以對佢感到不滿,不過,你應該要有充分理由黎支持自己論點。
難道他做個代言人,他就要被多人指責?
咁小市民成日罵特首咪要比人拉去坐監?

PS:我無人身攻擊佢地

[ 本帖最後由 alexpoon1234 於 10-2-25 12:45 PM 編輯 ]

作者: alexpoon1234 時間: 10-2-25 12:57 PM

樓主既意思即係佢地可以反代言人,我地唔可以反佢地既..
我地反對佢地果D叫人身攻擊,無理指責,
反對代言人果D叫合理表達

仲有咩叫"難道某會員說不喜歡該代言人,他就要被多人指責?
咁小市民成日罵特首咪要比人拉去坐監?"
請問有咩關聯..講野講到一舊舊

作者: llppkk 時間: 10-2-25 01:16 PM

我睇唔到有會員講粗口或者其他嚴重說話黎攻擊該代言人
大部份都是:她年紀太少、沒名氣。這是千真萬確的事實。
我冇講你唔可以罵果d反代言人,只不過請閣下提出理據。

仲有咩叫"難道某會員說不喜歡該代言人,他就要被多人指責?
咁小市民成日罵特首咪要比人拉去坐監?"
請問有咩關聯..講野講到一舊舊

你不明白,倒不如說你理解能力頗低。
咁我講到再清楚d,我意思,佢地表達自己意見,卻比某些會員進行人身攻擊。
咁低層市民就完全冇資格指責特首啦,因為特首都唔會我地選出黎、而且特首地位可以講係尚高。低層市民唔通罵特首,特首就可以搵人拉佢地,因為佢地對自己不滿。
咁樣就係叫專制,呢d只係古代比較昏庸君主先會做。

閣下發表多個意見,卻從沒有理由/論據。
一味只懂不斷以粗俗言語叫他們:收口!..請你問問自己:你是誰?特首都冇權利。

[ 本帖最後由 llppkk 於 10-2-25 01:17 PM 編輯 ]

作者: alexpoon1234 時間: 10-2-25 01:26 PM

你睇唔到佢地人身攻擊+睇到我地人身攻擊因為你立場本身已經企係果邊^^

難道某會員說不喜歡該代言人,他就要被多人指責?
咁小市民成日罵特首咪要比人拉去坐監

自論自由丫嘛,我地指責佢地唔得咩?佢地指責代言人就OK,HAHA
依家我地指責佢=拉佢地去坐監?你無野丫嘛..

相信你呢個比喻無咩人會明..

作者: llppkk 時間: 10-2-25 01:29 PM

原帖由 alexpoon1234 於 10-2-25 01:26 PM 發表
你睇唔到佢地人身攻擊+睇到我地人身攻擊因為你立場本身已經企係果邊^^

難道某會員說不喜歡該代言人,他就要被多人指責?
咁小市民成日罵特首咪要比人拉去坐監

自論自由丫嘛,我地指責佢地唔得咩?佢地指責代言人就 ...

起碼人地有理由講出點解唔鐘意呢個代言人
你問下自己有咩理由呢?請說出

作者: alexpoon1234 時間: 10-2-25 01:35 PM

原帖由 llppkk 於 10-2-25 01:29 PM 發表

起碼人地有理由講出點解唔鐘意呢個代言人
你問下自己有咩理由呢?請說出

haha,佢地D理由就係話人地樣衰,呢D就真係叫人身攻擊喇
不如你搵比我地睇,我地點人身攻擊果D反代言人既人仲好啦~~~~~~~~~~~

作者: llppkk 時間: 10-2-25 01:38 PM

原帖由 alexpoon1234 於 10-2-25 01:35 PM 發表

haha,佢地D理由就係話人地樣衰,呢D就真係叫人身攻擊喇
不如你搵比我地睇,我地點人身攻擊果D反代言人既人仲好啦~~~~~~~~~~~

如果有人話直接話該代言人樣衰,冇錯佢確係人身攻擊。但我相信9成反代言人都冇講呢2個字。
而你,傻仔/傻女,唔比錢小學雞仲唔算人身攻擊?

作者: alexpoon1234 時間: 10-2-25 01:39 PM

原帖由 llppkk 於 10-2-25 01:38 PM 發表

如果有人話直接話該代言人樣衰,冇錯佢確係人身攻擊。但我相信9成反代言人都冇講呢2個字。
而你,傻仔/傻女,唔比錢小學雞仲唔算人身攻擊?

相信9成反代言人都冇講呢2個字
相信相信相信相信相信相信相信
笑左~~

作者: advances 時間: 10-2-25 05:15 PM

由始至終，大家都係純粹為娛樂而打機。
我相信，絕大部分打機既人既著眼點都係在於本身隻遊戲是否好玩。
若然如此，又何必針對個代言人呢？
無錯，在商言商，合適既代言人的確可以提高大眾對game既認識，從而吸引更多玩家去玩。
但係問題在於你係因為game好玩而玩，唔係因為代言人能夠吸引人而玩。
簡單說明，若果隻遊戲本身根本無可玩之處甚或是只係爛game一隻，不論個代言人有幾多支持者，最後都係留唔住玩家，變相倒米。
所以，歸根究底，game好唔好玩先係我地主要既焦點，代言人只係eye-candy，實在無必要聲討反對代言人，將兩件事關聯起來，就如畫蛇添足，多此一舉。

作者: joe93054961 時間: 10-2-25 09:16 PM

嘈乜姐嘈= =
代言人不嬲都冇乜用
所以佢先用cheap價請呢位妹妹仔做代言人咋麻
何必俾十幾萬請個明星仔返黎?
自己又唔會賺多d錢

宜家咁咪幾好~用cheap價都吸引到d人入黎睇下
本身呢隻game我完全未聽過~
係我對呢位小妹妹極度反感
係某個討論區見到有人話呢位妹妹仔竟然代言左呢隻game....咁就入黎睇下

p.s.我係唔會玩o既= ="因為想搵遊戲畫面,遊戲snap shot暫未開放....又唔想睇片,一開波就hello,我係....已經忍唔住禁停左
雖然介紹職業度張相唔錯....不過太少職揀

[ 本帖最後由 joe93054961 於 10-2-25 09:19 PM 編輯 ]

作者: 乂耀仔乂 時間: 10-2-26 12:05 AM

無論邊個代言人我都唔會受影響囉!
佢又唔會影響隻GAME既運作,豆豆唔錯呀,我係佢FANS
夢之樂章夠走個如花出黎啦,大家咪一樣照玩
唔可以咁樣評擊人地囉

作者: wc123 時間: 10-2-26 03:56 AM

咁e+呢隻game咪好成功囉..個個都知到係邊個代言夢夢online..夠出名..夠名氣啦@o@

作者: wc123 時間: 10-2-26 04:02 AM

巴士阿叔夠冇人識啦..出完段片名氣幾大丫..扒王之王都請埋佢做經理..雖然最後都炒左..同樣地..都係有人鍾意有人唔鍾意嫁啦..老闆鍾意佢就請佢..但係老闆娘唔鍾意就炒佢..如果唔鍾意..我相信遲d都會好似跑online咁換代言嫁啦..佢邊有可能代言一世呢隻game丫..gameone冇記錯好似代理(定整)古龍online既..隻game都換左10幾廿次代言人啦=.=又twins又cookies..反正遲d都轉嫁啦..你反佢咪又係晒時間..

作者: wc123 時間: 10-2-26 04:08 AM

原帖由 llppkk 於 10-2-25 12:44 AM 發表
跟住我想講就係,點解玩家唔可以批評代言人?
有D會員話你唔鐘意咪唔好玩囉,淨係識睇女。
又一個偏激行為。
以現實為例。
好多學生/青少年都對呢個社會有唔同意見啦~
咁唔通你話,你對社會完全冇貢獻,你冇資格批評 ...

正如你所講..你難保豆豆他朝有一日紅過謝安琪啵..呢d事冇岩同錯..你可能覺得佢唔好..但係唔代表冇人覺得佢好啵..

歡迎光臨 2000FUN論壇 (https://www.2000fun.com/)