2000FUN論壇

標題: 戀愛小技巧--- <<表白篇>> (一齊傾下計啦~) [打印本頁]

作者: ~傳說中的傻仔︻ 時間: 10-2-28 01:46 PM 標題: 戀愛小技巧--- <<表白篇>> (一齊傾下計啦~)

小弟好似好無都無分享過小技巧  見今日幾得閒

就決定出個表白篇  都係個句啦

大家學到野我都好開心  如果唔係當笑話睇都OK~

之前三個篇:
<<溝通篇>>http://www.2000fun.com/bbs/viewthread.php?tid=3895257&extra=page%3D1
<<約會篇>>http://www.2000fun.com/bbs/viewthread.php?tid=3902473&extra=page%3D1
<<了解篇>>http://www.2000fun.com/bbs/viewthread.php?tid=3886343&extra=page%3D5



好啦  到左萬眾期待一刻既表白篇

究竟表白需要既係咩呢?勇氣?時機?

係呢度  我會盡量為大家解答

1.)表白前你需要去考慮..

考慮下佢係唔係已經對你都有一定既好感度?

好多人都將表白當成自殺既行為  因為佢地根本無深入考慮過對方

當你表白之前  你需要去考慮佢係唔係已經準備好同你成為情侶?

如果係既咁你唔洗猶豫快D睇埋我跟住落黎分享既技巧

如果唔係既  我勸你唔好玩命  同個女仔再發展落去先再考慮表白呢一個步驟

只因為表白=打機既最後一關  你贏左固然係開心  你一輸左=GAME OVER

切記唔好意氣用事而諗住博一博  係極度ON居同埋唔理智的

2.)地點

當你肯定左佢對你都係有好感  咁你唔洗諗啦

搵定浪漫得黎又有情調既地方  開始佈處你既表白計劃

每個人浪漫既定意都唔同有人認為沙灘係浪漫

有人認為海洋公園係浪漫有人認為公園係浪漫

所以你應該一早已經了解左呢個女仔最鍾意既係咩地方

再盡量配合番佢  然後又可以有機會比你表白既地方

除非你係膽大過天否則一般黎講都係少人既地方先表白

而邊個地方係最好呢?就需要各位同志自己諗下

建議地區有:[[山頂/海旁/沙灘]]>>實無死架啦

3.)時間

日光日白你未訓醒就有人同你示愛

相信大家係覺得條友應該係傻既

所以表白既最好時機就係夜晚

夜晚總係有一種特別既魔力  就係充滿著神秘而又浪漫既氣氛

只要表白既行動配合上夜晚  再加上地點正確

<天時  地利  人和>三者配合夜晚就會發揮佢自然既魔力

令你既表白成功的機會得以大大增加

4.)勇氣,語氣

表白個時唔好LAG機亦都唔好連珠爆發一輪咀

但係要直接  將個重點講出比佢知

咪講完一大輪之後佢都唔明你講乜

開始講個時唔好毫無感情  將你既眼神望實你既心儀對像

然後將你想講既野加入感情  一字一字咁流暢地表達出黎

最後結尾一定要係:可唔可以?/你願唔願意?/比次機會我好嗎? 等等...

要以佢為中心  將結尾變為一個問題比埋個主導權佢

佢就會覺得你尊重佢之餘佢又有FACE

自然得手既機會又上升  表白又順利得多

總結:

其實去到表白呢一步  真係無乜技巧可言

因為呢一步係確認彼此既關係去到咩地步

如果佢對你無好感就真係無好感  斷唔會無啦啦話肯做你女朋友

佢係鍾意你既  就算你點樣衰/淆底/LAG機  佢都係鍾意你架啦

所以表白其實最需要既係<勇氣> 有時就係小小既錯誤而令良緣斷送

希望幫到大家啦祝大家元宵節快樂~

作者: 熒兒 時間: 10-2-28 06:46 PM

我想問
係咪有D男仔會好被動? 點都吾會主動呢?
即使佢對果個女仔有好感都好。

作者: ~傳說中的傻仔︻ 時間: 10-2-28 08:15 PM

咁緊係會有啦

呢D男仔叫佢表達自己好感個時好似叫佢自殺

所以要練下勇氣女仔先會留意到你

作者: 憂鬱 時間: 10-2-28 08:29 PM

白一定要親口表~

作者: ~傳說中的傻仔︻ 時間: 10-3-1 10:27 PM

我讚成親口表白先係最有誠意/感動

SMS/MSN/電話個隻表白係超假...

作者: mathew802 時間: 10-3-1 10:57 PM

MSN會唔會冇咁驚呢..同埋係現實生活中表白,無啦啦同佢表白咁,
佢可能會講2隻字:痴線
就行開左.....~_~

作者: ☆可兒☆ 時間: 10-3-1 11:53 PM

原帖由 mathew802 於 10-3-1 22:57 發表
MSN會唔會冇咁驚呢..同埋係現實生活中表白,無啦啦同佢表白咁,
佢可能會講2隻字:痴線
就行開左.....~_~

^^ 三九唔識七去表白一定會話你痴線

一路都係朋友關係突然表白佢都一定會嚇親..

大家有冇諗過可以陰d陰d甘表現心意睇佢既反應再去想表白呢??

作者: ~傳說中的傻仔︻ 時間: 10-3-1 11:58 PM

我而家情況係..

佢根本明哂我心意又肯同我出街只不過我仲係完全無向佢表露我既心意係隻字不提個隻

作者: ☆可兒☆ 時間: 10-3-2 12:03 AM 標題: 回復 8# ~傳說中的傻仔︻的帖子

原帖由 ~傳說中的傻仔︻ 於 10-3-1 23:58 發表
我而家情況係..
佢根本明哂我心意又肯同我出街只不過我仲係完全無向佢表露我既心意係隻字不提個隻

^o^ 甘樣幾好呀~~!!!

好有高手風範!!

作者: ~傳說中的傻仔︻ 時間: 10-3-2 01:25 PM

咁都叫高手..其實係我淆底- -

只不過女仔明知我既心意都肯同我出街咁又係唔係代表佢對我都有好感呢?

我真係想知道我地之間係唔係爭一句說話..

作者: loveyoujj520 時間: 10-3-2 01:48 PM

原帖由 ☆可兒☆ 於 10-3-2 12:03 AM 發表

^o^ 甘樣幾好呀~~!!!

好有高手風範!!

可兒大師係神手級

作者: 憂鬱 時間: 10-3-2 03:17 PM

表白跟求婚一樣
不是隨便來的
雖說不及求婚隆重
但也不是所謂的[無啦啦]

作者: billy2466 時間: 10-3-3 12:09 AM

咁我想問...如果條女夜晚唔出我街...咁可以點呢!?

作者: ☆可兒☆ 時間: 10-3-3 02:50 AM

原帖由 ~傳說中的傻仔︻ 於 10-3-2 13:25 發表
咁都叫高手..其實係我淆底- -

只不過女仔明知我既心意都肯同我出街咁又係唔係代表佢對我都有好感呢?

我真係想知道我地之間係唔係爭一句說話..

其實真係無乜野實質既代表...^^

AT LEAST... 佢係對你絕對無反感...

有好感...( 先莫理此種好感屬那一種 )

甘樣.. 真係幾好~~~

在大家都沒壓力下  (你唔去諗"表白")(大家詐傻扮矇甘)

相處會自然好多...

係呢個"曖昧"期間.. 真係好正..

感情亦可慢慢陪養出來!!

(愛情/友情..以感情作根基..會"木禁"  好多)
(亦即是 "萬丈高樓從地起")

呢段時間... 就好似...一個藝術家...

作品於初始時的 ....初型...

成敗得失... 呢段時間好重要!!!

好好的去鵰索吧!!!  加油!!

作者: ☆可兒☆ 時間: 10-3-3 02:53 AM

原帖由 loveyoujj520 於 10-3-2 13:48 發表

可兒大師係神手級

神經級就差唔多!! 咪玩野唷~死仔!!

作者: loveyoujj520 時間: 10-3-3 12:17 PM

原帖由 ☆可兒☆ 於 10-3-3 02:53 AM 發表

神經級就差唔多!! 咪玩野唷~死仔!!

都係潛水先.廢時又比你帶我出海

作者: ~傳說中的傻仔︻ 時間: 10-3-3 03:01 PM

原帖由 ☆可兒☆ 於 10-3-3 02:50 AM 發表

其實真係無乜野實質既代表...^^

AT LEAST... 佢係對你絕對無反感...

有好感...( 先莫理此種好感屬那一種 )

甘樣.. 真係幾好~~~

在大家都沒壓力下 (你唔去諗"表白")(大家詐傻扮矇甘)

相處會 ...

其實我覺得大家都好唔知點

次次出街都只係傾埋無關相要既事  但係我總會逗佢笑

而且我感覺到有互動係度如果同心儀對像出街係勁冷埸我真係想死

幸好佢都肯主動搵話題傾計  令我覺得大家既關係好似增進左

有好多機會我可以拖佢手但係我淆哂底

如果係一早諗住拍散拖  我真係死就死拖左先算

但係今次係想長遠...我好驚拖落去  但係一諗到佢甩開我就GAMEOVER  即時收番埋自己隻手

平時同佢又無基礎既溝通..只不過係近期先同佢先熟絡番

我就諗緊  佢係唔係都比機會睇下可唔可以同我發展落去

上次出街真係就想表白我又驚佢覺得我係玩玩下

所以又錯過左一次機會  都唔知好定壞..

其實我都唔知自己想講乜唉=.=

[ 本帖最後由 ~傳說中的傻仔︻於 10-3-3 03:04 PM 編輯 ]

作者: ☆可兒☆ 時間: 10-3-6 01:38 PM

原帖由 ~傳說中的傻仔︻ 於 10-3-3 15:01 發表

其實我覺得大家都好唔知點

次次出街都只係傾埋無關相要既事但係我總會逗佢笑

而且我感覺到有互動係度如果同心儀對像出街係勁冷埸我真係想死

幸好佢都肯主動搵話題傾計令我覺得大家既關係好 ...

甘係好正常 =.=  同埋你都盡力已經做到足

長期都逗佢笑... 你小心有天你會累....

累了.. 你想停一停.. 那麼她很易會誤會你變了!

況且.... 人是有習慣性的...

當你每天都給糖她...

吃得她味道慣了  習慣了~

自然會要求你更多...
或是再感受不到你對她的疼
這是叫..."習以為常"!!

要是..她不開心你能更加逗嗎??

自自然然.. 舒舒服服...

給一點保留.... 萬一出什麼事~

你便可以用你"殺手楝"來 tum 佢.....

難道... 大家每天要傾國家大事  之乎者也嗎?

什麼關係都好.... 都是隨意說隨意笑的!!

你只需多留意她的本質/性格  喜好愛惡...
同埋唔好太悶.. 就可2了!

留在 "中庸"之地...    你便足以進退自如

[ 本帖最後由 ☆可兒☆ 於 10-3-6 01:44 PM 編輯 ]

作者: Shaorin 時間: 10-3-7 03:47 PM

等左兩年先表白XD

作者: 傻少乂培 時間: 10-9-16 11:42 PM

十卜十卜.....

作者: 流水星月 時間: 10-12-12 09:07 AM

想問下樓主點識個位女仕

歡迎光臨 2000FUN論壇 (https://www.2000fun.com/)