2000FUN論壇

標題: 好煩個心好亂 [打印本頁]

作者: 靜寂懷緒 時間: 10-3-19 02:13 AM 標題: 好煩個心好亂

我1年前0係隻ONLINE GAME度識左個女仔
0個晚已經係凌晨1,2點仲當晚就交換左電話
自0個晚之後就一路不停咁SEND MESSAGE 傾電話
識左2星期左右雖然只係睇過對方既相但係我依然同佢講我鍾意佢想佢做我女友佢仲應承左
自此之後 MESSAGE既頻率仲高左我仲約佢2月14出黎行街佢語氣表現得好開心好期待
0個日我地講好左0係佢樓下等佢點知等左好耐都唔見人
我打俾佢又冇人聽明明0個朝都仲有SEND緊MESSAGE..
當時我就諗唔係咁樣衰俾人玩丫嘛..
之後2,3個月心情都好差跟住佢又聯絡番我..
佢話佢手機俾阿媽收左...
雖然我有諗過既然係收左手機唔可以用FD OR街既電話打俾我架咩..
不過我都係冇追問落去..
跟住同佢又係維持近似網友既關係一段時間
想約佢出黎表面上應承但係到左當日都係會唔見人..

6月我同FD去長淵CAMP幾日 0個幾日佢俾我既感覺比平時更加痴我傾到唔肯收線0個種
我0的FD聽倒我講電話大叫阿嫂佢聽倒都好似好開心咁..
CAMP既最後一日晏晝落雨整壞左我部手機冇聯絡佢一日
結果番到屋企用我阿媽部機插番張SIM卡收倒好幾個MESSAGE 開頭兩個話我唔應佢跟住就話掛住我
MSN收OFF LINE MESSAGE 話呢幾日係痴我痴得多左唔鍾意既話就話佢知唔好唔理佢..

跟住打落到而家..我同佢都係咁樣提親出黎見面佢一係應承跟住當日唔見人一係就話學校有課後活動唔得閒..
早半年問親佢點解冇出現佢又好似有苦衷唔想講咁
近排我問佢係咪純粹惡作劇..佢又好似盤啤咁話我鍾意點諗就點諗冇所謂..

我真係好唔明..佢到底係想點..
同埋..網戀真係冇結果架咩?
我有2個網友明明都係網上識..點解人地好地地..我就搞成咁..拖左成年都未見過面..
我有時係度諗佢到底係咪要玩我..但係我由始到終除左不斷咁得到希望再到絕望又冇咩金錢肉體既損失丫..
同佢傾電話0個陣明明兩個人講將來講得好開心咁但係就連見個面都咁難..
明明早半年就算佢失左蹤都試過冇幾耐就SEND MESSAGE過黎話掛住我之類..
而家我見倒佢ON MSN主動搵佢問番佢咩事佢話我唔應該遇倒佢
冇遇倒佢既話我會更加幸福更加開心
我對天發誓..遇倒佢之前我從未試過咁開心未搵倒過兩情相悅既未搵倒過咁夾既女仔..
遇倒佢之前我都仲係覺得我既人生只係為左屋企而過每日都只係為左兩餐
日做夜做每日番工俾人屌收工打機訓教..
有佢我既生活先會有動力..
上年我遇倒佢之前我都仲係遊緊雲打緊散工懶搵長工
遇倒佢之後我先有動力有慾望搵長工增值搵錢
希望將來如果真係同佢結左婚既話佢可以生活得好0的..
我真係唔明佢係度諗緊咩..

最後一句..我唔介意有人走入黎睇完就爆笑我
但係爆笑既同時唔該俾0的有建設性既留言
冇既唔該死番出去

作者: loveyoujj520 時間: 10-3-19 07:31 AM

網戀唔一定冇結果既.係睇你地既愛夠唔夠深點解佢成日唔同你出街一係就真係屋企人唔比因為唔係個個屋企都比d仔女出街既一就就佢唔想同你見臉因為驚同你見左臉之後驚唔會好似之前咁愛佢因為佢冇自信會覺得出黎見左你會覺得佢冇咁好會唔要佢聽2炵月 8次次開同佢出街都好開心我諗佢都好想既.但因為對自己冇信心驚你唔會好似e前咁愛佢先唔出你事下比多d信心佢啦可能會出呢到唔會有人笑你架!因為呢到係幫人解決戀愛既煩惱唔係笑人既

作者: TEL 時間: 10-3-19 10:05 AM

對唔住..
我睇到同佢結左婚既話佢可以生活得好0的..個度我真係笑左...
原諒我既白痴

試下再傾多一排再約啦~

作者: ~傳說中的傻仔︻ 時間: 10-3-19 10:25 AM

首先網戀唔係話唔得  但係有幾個問題你要注意

第一:你了唔了解個女仔先始終見都未見過性格各方面佢可以透過電話作出黎  女仔對於講大話係易過借火

第二:幾次都甩你底幾次咁岩都有藉口有無咁岩呀? 我諗你要去分束下個女仔係唔係真係想見你  定只係想維持傾下電話就算

第三:我睇完你篇野  比我感覺佢係拎你黎攝時間  反正又唔洗同你見面  咪KEEP住同你網戀落去

第四:佢有無男朋友你根本唔知情都係個句  你同佢未見過  對人地既一切都係零對你係好不利

總結: 預期係網上面識女仔  倒不如大膽D識現實既女仔  起碼你都知個女仔係咩樣/咩性格

網上好多騙子就算有相片都可能係假相黎  我唔係叫你放棄同個女仔有CONTENT

只不過你咪KEEP住同人傾下電話咪算  何必咁認真最後受傷咪又係自己

作者: 紫靈姬 時間: 10-3-19 03:13 PM

我唔會反對網戀
但你都應該會想將網戀變成真實
有同佢真真實實咁傾計行下街食個飯都好
最主要既係你自己心目中鐘意咩類型既女仔
會唔會介意樣貌身材呢樣先係最重要
再拖落去只係會令大家都繼續纏綿係電話與網絡上
你有冇曾經問過佢想唔想同我認真變為現實
睇完你成篇內容個女仔搵不同藉口
我能夠推斷既只有兩種可能性
1.一係佢已經有男朋友想搵你做水泡
(但呢個可能性極低因為你都識講佢成日痴住你)
2.一開始個張相並非佢本人
(唔敢見你係怕你見完之後唔會再好似電話咁陪住佢)
我都曾經嘗試過網戀無錯傾電話既時候好開心
但當一出到黎既時候就完全兩回事因為之前只係透過電話
唔需要面對面但當面對面就會有少少唔習慣自然就會令對方誤會
可能覺得對方同電話所有既親蜜對話完全無哂
對方係咪真係鐘意自己呢還是對方介意自己外貌
好多可能性所以有啲人往往都係會選擇避而不見
寧願選擇係空氣中對話令到自己開心
但問心開心得幾耐收左線既時間其實隔離都係空虛
所以我建議你直接同個女仔講
比次機會佢亦都比次機會你自己真真正正咁同佢開始
但要講明你真係唔會介意任何野關於佢外表
佢真係愛你的話應該會見面如果都係堅決唔見
你點都要考慮一下想唔想繼續過呢種開心了

作者: 陳手跛 時間: 10-3-19 06:42 PM

-.-睇完咁多位回覆同樓主既post

得一個感想 ..樓主你想太多喇佢只係係你人生入面既其中一個路客
假若你地始終都未見過了解既程度一定唔會深得去邊
即係相見好同住難呢句話好多人識講但係真正既領悟每個人既情度都唔同
就好似好多人結左婚先知道原來佢唔岩我
你對人地既了解都唔多你唔會知道佢夾唔夾你唔好將d幻想當係真實咁下定論先
同埋兩情相悅我真係唔覺...我唔知你地點樣相處啦佢為你付出d咩姐..你又付出d咩姐..
我真係唔知..若果你話電話費既話我輸左..
每個人對愛情既見解每個人對付出包容都有一套既見解
但係我好肯定唔係講電話打字講甜言蜜語就係愛情
唔係佢唔開心你哄佢就叫關心
唔係佢嬲你做出氣袋就叫包容...
唔係同佢一齊傾得開心就叫夾...

你諗清楚佢係玩伴定係情侶啦=.=

以上發言絕無惡意全部所屬個人主觀意見樓主三思

作者: 靜寂懷緒 時間: 10-3-19 08:07 PM

原帖由 ~傳說中的傻仔︻ 於 10-3-19 10:25 AM 發表
首先網戀唔係話唔得但係有幾個問題你要注意

第一:你了唔了解個女仔先始終見都未見過性格各方面佢可以透過電話作出黎女仔對於講大話係易過借火

第二:幾次都甩你底幾次咁岩都有藉口有無咁岩呀 ...

我唔係唔想現實咁識女仔問題係現實我識既基本上都冇咩感覺
我亦都唔係想沉醉0係網絡世界度
網絡度識倒佢只係一個契機我真係好想同佢現實發展
唔係既話我仲會一次又一次咁約佢?
老實講我真係唔介意佢同張相一唔一樣靚唔靚
我只係鍾意同佢相處既0個種感覺
老土0的講句再靚既女都會老都會殘啦

其實以上咁多位講既可能性我都有諗過
只係唔多想去承認亦都冇辦法證實..
佢0的fd我又唔識被動性太高..

作者: s02284 時間: 10-3-19 11:21 PM

我覺得可能係個女仔想玩你。以為係game到講d野係講笑就算數。佢同你傾電話都係想找人同下佢傾計姐。我之前都試過下..不過最後期。係game見到佢見人都打老公個d就冇理佢了。就當做經驗。因為game入面有好多女都想找人傾下計。但係又冇人可以同佢吹水。所以佢會同你講d你希望既野。個d..當佢一唔得閒就唔會找你。你打比佢既時候。可能都唔會聽你既電話。之後同你講。佢同緊人傾電話d借口..真係好無奈..所以我覺得game上d女真係要小心。我猜佢同之前我識個個差唔多...

作者: 靜寂懷緒 時間: 10-3-20 10:16 PM

原帖由 s02284 於 10-3-19 11:21 PM 發表
我覺得可能係個女仔想玩你。以為係game到講d野係講笑就算數。佢同你傾電話都係想找人同下佢傾計姐。我之前都試過下..不過最後期。係game見到佢見人都打老公個d就冇理佢了。就當做經驗。因為game入面有好多女都想找人 ...

最斃我個心傾向想信佢有苦衷先會咁做呢..
你估我希望一次又一次咁落空好過癮咩..

作者: ci4a27 時間: 10-3-21 12:56 AM

原帖由 靜寂懷緒 於 10-3-20 10:16 PM 發表

最斃我個心傾向想信佢有苦衷先會咁做呢..
你估我希望一次又一次咁落空好過癮咩..

既然選擇相信就要繼續去信,選一條唔後悔既路,若是愛她就去愛。若然對這份愛沒信心,那你為可要信她有苦衷才這樣做!?你的耐心等待或會成為她的勇氣,若然真的沒可能又如何!?so what!?沒有痛過愛過,就此完結了一生,你甘心嗎!?懂得去愛,學會等待是一種福份曾經愛過一個人,總比那些對愛沒信心總是沒嘗過去愛一個人的更好吧!?愛不在乎結果,只在乎曾經擁有,這已經足夠了,成功了愛情得意,失敗了當成吸取經驗,有了笫一次的經驗,往後即使失敗了也不太難過,要冇遺憾地轟轟烈烈的愛一次,或是終身抱著一個遺憾,樓主自己念了

作者: TEL 時間: 10-3-21 09:09 AM

原帖由 陳手跛 於 10-3-19 06:42 PM 發表
-.-睇完咁多位回覆同樓主既post

得一個感想 ..樓主你想太多喇佢只係係你人生入面既其中一個路客
假若你地始終都未見過了解既程度一定唔會深得去邊
即係相見好同住難呢句話好多人識講但係真正既領悟每個人 ...

神呀~
你一句佢只係係你人生入面既其中一個路客~
好似解開左我心結

作者: 無名．小駒 時間: 10-3-21 08:04 PM

可能個女仔 .. 吾係相中人 .. '

作者: 華千代 時間: 10-3-21 09:59 PM

我昨天在網上面才得知劉德華跟張學友是同母異父的

----------

請運用閣下的理智及智慧想清楚

有些事情的可能性

作者: 靜寂懷緒 時間: 10-3-23 01:30 AM

原帖由 ci4a27 於 10-3-21 12:56 AM 發表

既然選擇相信就要繼續去信,選一條唔後悔既路,若是愛她就去愛。若然對這份愛沒信心,那你為可要信她有苦衷才這樣做!?你的耐心等待或會成為她的勇氣,若然真的沒可能又如何!?so what!?沒有痛過愛過,就此完結了一生,你甘 ...

其實我都好想絕對信任佢
但係我真係好支力..
長期維持住呢種虛無既感覺..
呢一年內我已經經歷過不下5次佢消失..
長期係諗緊佢會唔會消失..
有時佢時間長左冇覆我MESSAGE 我仲會諗係咪我講晒0的咩又令到佢消失..

作者: 紫紫sS 時間: 10-3-23 09:18 AM

睇咁多回覆..我淨係諗到1個理由= =假相
成年都有咁岩得咁橋...

網戀..吾好擺太多感情落去...結果未到你都吾知會點
最後傷哥個係自己~.~ ... 將來會點將來先算吧
順其自然開開心心咁愛過就夠
即使冇結果都賺到一段回憶一個教訓@.@

作者: 靜寂懷緒 時間: 10-3-27 02:11 AM

原帖由 紫紫sS 於 10-3-23 09:18 AM 發表
睇咁多回覆..我淨係諗到1個理由= =假相
成年都有咁岩得咁橋...

網戀..吾好擺太多感情落去...結果未到你都吾知會點
最後傷哥個係自己~.~ ... 將來會點將來先算吧
順其自然開開心心咁愛過就夠
即使冇結果 ...

假相就唔見得..
不過..部份結果就出左..
雖然佢消失左但係我想拎份禮物俾佢
照佢俾我既地址去搵佢結果..冇呢個人..

作者: ☆可兒☆ 時間: 10-3-27 02:18 AM

http://www.2000fun.com/bbs/viewthread.php?tid=4048365&extra=page%3D1

作者: 雲吞餃 時間: 10-3-27 03:05 AM

我諗到最大可能係...
個位女仔一定唔係相中人
即係比相樓主睇個時...並非相中人
如果我識到個女仔好似我簽名既Sohee咁似樣就好啦=[
真係好可愛

作者: nike56 時間: 10-4-2 04:13 PM

網戀有點不可靠，要小心點。我覺得可能係個女仔想玩你。

作者: ws05134926 時間: 10-4-3 04:26 PM

" - 其實我覺得網戀真係5可靠"!!!
" - 樓主小心d拉 5好比人呃

作者: laichui 時間: 10-5-14 10:18 AM

有好多可能性..如果你自問唔介意外表戈D,
你可以同佢傾,問下佢有冇野呃緊你.
同佢講你唔會介意囉,(如果你真係唔會既話)

作者: ╣愛╠ 時間: 10-5-16 04:00 AM

原帖由 ☆可兒☆ 於 10-3-27 02:18 AM 發表

 http://www.2000fun.com/bbs/viewthread.php?tid=4048365&extra=page%3D1

可兒姐你...節省成咁-0-

答番個問題先網戀唔一定冇好結果or成功

某電視台節目都有講過一段網戀... 仲要異地果隻
成功!!!

仲要結埋婚添... but.... 只係一個萬中無一咁解
如果你個人覺得... 值得既...咪等下or去馬囉- -唔值得既咪game over囉

唔好理他人眼光... lee d野要信自己

假相都有可能 but... 你真係真心鍾意佢既.. 會為個樣...... 咁不如直接game over算啦

無謂搞到唔拖唔水哂時間哂青春

ps:只是個人意見立場.. 不喜勿插

作者: 冰玥藍晴 時間: 10-5-16 03:07 PM

一齊一年都唔肯見你.一定有佢既原因

可能佢驚你見到佢會介意佢某D野

佢可能怕見到你會影響原本同你既關係

但最重要你地認識左一年都未見過

我覺得有點兒那個.....= =

青春不留人呀^^不如直接問佢想唔想出黎見你

作者: +W-INDS+ 時間: 10-5-16 08:08 PM

原帖由 無名．小駒 於 10-3-21 08:04 PM 發表
可能個女仔 .. 吾係相中人 .. '

我都覺得係... 又有可能佢有男友 ..最大可能呢2樣野..

作者: Ｎｅｓｔｓ 時間: 10-5-17 07:21 AM

睇左咁大段
我只想話
我見過咁多呢的遊戲既網戀中
只有孚少有好結果者
其他都不歡而散
網上遊戲是一種遊玩或溝通既渠道
而不是一個俾你成家立室既程式

歡迎光臨 2000FUN論壇 (https://www.2000fun.com/)