2000FUN論壇

標題: 父母虐兒兵器譜 [打印本頁]

作者: laukeiyam520 時間: 10-3-21 07:47 PM 標題: 父母虐兒兵器譜

;;1.雞毛掃此兵器柔中帶剛，狠勁異常，手握處又有天然雞毛製作的防滑系統，既能吸收打仔過於激烈而滲透出黎的手汗，又能起到保護手部的作用，且能夠消除擊中衰仔後嘅回震~防止手磨出泡或者過滑。不得不提嘅系佢價格便宜，便於收藏，實在系居家旅行，打仔出氣必備武器。雞毛掃實可稱為打仔兵器之首！

2、拖鞋（或同門武器：鞋）攻擊範圍窄，威力大，反應速度快，聲音效果震撼，系追唔上嘅情況下仲可以做暗器，而且可以二連發。百年曆久不衰兵器

3、皮帶隨身攜帶，一抽即有，而且鞭鞭有力，多年來叫眾多英雄豪傑聞聲喪膽。簡直就係必備暗器

4、衫架此武器重3兩、長40公分，雖然輕，但打得系最痛，而且速度快。非專業被虐待人士實在難以躲避，系師奶打仔必備架撐！各大超市均有發售。記得留翻幾個黎晾衫

5、飛搖控器隨手羅到，而且飛個陣，電池會跟住飛出，命中率高，殺傷力高。由於成本過高不推薦使用，買定一打後備遙控做兵器比較好，原裝無保修

6、開片竹支（70－80公分長，開片長20公分）攻擊範圍廣，威力大，靈活，而且一舉兩得，系打嘅同時仲有將肉夾起嘅作用，效果只會出現一遍紅腫，唔會有藤條印。 80後開始絕跡

7、柴速度中等，威力大，表面唔光滑，可以當狼牙棒用，不過依家呢種武器已經絕跡。 70後專用

8、如果實屬情急之時，又無兵器在手，這時我建議各位家長修煉“ 兜巴星” 此招陰險，出招快且狠，通常會以配合口中七十二式鬧仔法增加氣勢和威力。個衰仔準備駁嘴嘅時候，以出奇不易的角度，氣運丹田，同衰仔塊面夾角成45度左右出招掌摑其面部（夾角為180度時，此招POWER MIX），同時使出左右互刮，增加HIT數，並且口中大叫：“駁嘴吖哪，駁吖哪。”增加此招的氣勢及華麗程度！

啊啊
說得還真專業啊..

作者: bensonchu38 時間: 10-3-21 09:17 PM

哈哈

勁wo同幾齊

作者: babby1992 時間: 10-3-21 10:43 PM

= =喱D都唔係最強..最強係出口術..:
當家長罵個仔生個叉燒都好過生你等語言時,會令到細佬不單會作出反應(留淚)同時都會令到細佬長大GA時候 GA一個陰影

作者: 問題少年2 時間: 10-3-23 11:10 PM

細個果時都係見到衫架多ｄ．．．．
兜巴星既介真係好正斗．．．

作者: q379001915 時間: 10-3-24 11:16 AM

以口傷人，，，哩下你仲未講，，
每個ｃ奶都好似有讀心理學，，講完個心好似比刀砍開２邊