2000FUN論壇

標題: 【4月29日上映】《葉門2》觀後感及討論集中區 (加分活動貼 ) [打印本頁]

作者: Fai704 時間: 10-3-29 12:43 AM 標題: 【4月29日上映】《葉門2》觀後感及討論集中區 (加分活動貼 )

[hdutube]prcU7bz29oM[/hdutube]
[utube]prcU7bz29oM[/utube]

演員：甄子丹、熊黛林、黃曉明、洪金寶
級別：IIB

上映日期：2010年4月29日

故事簡介：中日戰爭期間，葉問 (甄子丹 )以雙拳捍衛了中國人的尊嚴，不惜開罪日本皇軍逃離佛山。戰爭結束後，葉家三口於佛山生活艱難，葉問於是在 1949年帶同妻兒前往香港建立新的家園。葉問一家初來香港，幸得到在報館當主編的梁根(敖嘉年)借出天台予其教授詠春。一名青年黃樑(黃曉明)帶同數名西洋拳師兄一同向葉問拜師，葉問就此在香港收得第一批徒弟。年少氣盛的黃樑因意氣之爭，向洪拳弟子鄭偉基(杜宇航)提出挑戰！鄭偉基被打敗後不忿報復，率領手下把黃樑擄入魚欄。葉問直闖魚欄救人！此時魚欄的話事人洪師傅(洪金寶)與好友肥波(鄭則士)帶領多人來到，嚴聲追究打傷其徒弟的兇徒！洪師傅嚴斥並要求葉問須接受於一炷香時間內通過各門派挑戰才能在武術界立足！葉問心知一炷香挑戰不能不打，妻子張永成 (熊黛林)雖然暗自擔心，但亦未有阻撓。葉問於酒樓接受一炷香挑戰。最後一關由洪師傅親自把持，二人打得難分難解，直至香燒完仍未分高下！洪師傅欣賞葉問功夫，終允許葉問交會費後開館收徒。翌日，洋人警司是「西洋拳拳王爭霸戰」的主辦人。洋警司帶著綽號龍捲風的拳手好友泰勒‧米諾斯 (TylerMilos)，參觀負責籌辦拳賽兼保安的洪師傅等正在籌備的西洋拳賽場地。另一方面，一炷香之比武被周光耀(鄭家星)圖文並茂地連載於報章上！洪拳被寫成與詠春不分上下，洪師傅於是下令搗亂葉問的天台武館！梁根因街坊壓力請葉問搬離天台，眾人黯然，葉問決定在社區內繼續教授詠春！社區的小公園內，一眾街坊欣賞著葉問與徒弟大耍詠春。洪師傅對葉問的堅持感敬重，特送來「西洋拳王爭霸戰」的入場門券，暗示與葉問冰釋前嫌。葉問帶同周光耀與黃樑觀看西洋拳賽。擂台上龍捲風狀態大勇，力挫對手，終於摘下西洋拳王的寶座！比賽完畢，鄭偉基與眾師弟在台上表演套路助慶。龍捲風有感中國武術兒戲之極，竟上台戲弄鄭偉基等人！洪師傅怒極要龍捲風當眾道歉！龍捲風拒絕並揚言要挑戰洪師傅！洪師傅毅然應戰。拳王久戰不下越打越怒。洪師傅為著武術尊嚴寧死不降，終被龍捲風狠狠一記勾拳打倒地上！周光耀於報章大力筆伐報道，大罵警察包庇洋人、種族歧視等。報導惹起社會群眾的憤怒，反洋人的抗議不斷。洋人警司為平息紛爭，宣佈舉辦「華洋拳賽」，令拳王龍捲風在台上公開地打倒中國武術。記者會上，葉問現身挑戰龍捲風，誓要在擂台上討回民族尊嚴 ……經此一役，詠春的名聲於香港傳得更響，前來向葉問拜師的人不勝其數。葉問傾囊相授，令詠春在香港及東南亞等地急速發展。一九五六年，黃樑帶著一名青年來到葉問的武館拜師，來人正是把中國武術揚威海外、蜚聲國際的武打巨星──李小龍。

石琪評甄子丹：甄子丹憑後勁漸入佳境

【明報專訊】甄子丹是目前狀態最好的華人武星，在銀幕上很好打，演技也成熟了，他的新片《葉問2》能否符合影迷期望呢？

由李小龍到成龍到李連杰，都是香港影壇打造而揚威國際的「真功夫」武星，現在不能要求五十多歲的成龍再表演危險動作，李連杰也可能過了最搏殺階段。甄子丹則仍然當打，儘管他年紀不輕，但尚未出現有凌厲挑戰力的新進華人武星。

自從廿八年前從影以來，甄子丹一直好打，最初被導演兼武指袁和平提拔便大展身手，廿歲出頭就主演《笑太極》、《特警屠龍》等片。但當時他身手好卻無星光，直至三四十歲才發揮後勁，漸入佳境。

其實甄子丹與李連杰都生於1963年，同在八十年代被香港影壇看中，李連杰憑《少林寺》一炮而紅，他則沒有那麼幸運。有趣的是，他在1992年徐克導演、袁和平武指的《黃飛鴻之二：男兒當自強》與李連杰交手，成為精彩的雙雄決鬥。十年後他倆在張藝謀導演、程小東武指的《英雄》比劍，亦是該片最似高手較量的一場。

印象中，93年他與于榮光合演《鐵馬騮》好打好笑，是袁和平導演佳作之一。但甄子丹未能大紅，隨後演電視劇《洪熙官》、《精武門》等就受到家庭觀眾讚賞。接著他自導自演《戰狼傳說》和《殺殺人，跳跳舞》，映像與音樂很勁，顯出導演潛質，可惜人物劇情處理不好。

此後他曾合導Twins主演的《千機變》和《見習黑玫瑰》，並在不少華洋影片參演及擔任武指。2005年他的武星運程好轉，在徐克的《七劍》形象突出，在葉偉信導演的《殺破狼》更武打犀利，他與吳京、洪金寶兩場比武實感強，很出色。

到了前年《葉問》，他與葉偉信合作愉快，是甄子丹演得最有性格之作。他在《畫皮》以至《十月圍城》、《錦衣衛》等全國賣座片都打到飛起，當然毫不出奇，奇在《建國大業》讓他演文人田漢也不俗。

如果他再度正式自導自演，會不會文武雙全呢？這是未知之數。

石琪

甄子丹:唔會拍第三集 P2 31#

[ 本帖最後由 Fai704 於 10-4-27 08:37 PM 編輯 ]

[ 本帖最後由 Fai704 於 10-5-1 05:37 PM 編輯 ]

作者: 『亞月』 時間: 10-4-4 08:45 PM

正!一定要睇

作者: 火狼cool 時間: 10-4-4 11:34 PM

型爆0,0'''快拳~~~~~

作者: Fai704 時間: 10-4-10 02:37 PM

新增故事簡介

作者: 『亞月』 時間: 10-4-11 10:48 AM

黃樑帶著一名青年來到葉問的武館拜師，來人正是把中國武術揚威海外、蜚聲國際的武打巨星──李小龍。
不如大家估下邊個演李小龍

作者: Fai704 時間: 10-4-13 02:41 PM

原帖由 『亞月』 於 10-4-11 10:48 發表
黃樑帶著一名青年來到葉問的武館拜師，來人正是把中國武術揚威海外、蜚聲國際的武打巨星──李小龍。
不如大家估下邊個演李小龍

其實都唔知有冇李小龍這個角色
我估就算有出場機會應該好少

作者: 俠三仙劍 時間: 10-4-14 10:56 PM

甄子丹拍呢一輯....可以話係近代武俠片中既神著...==
係故事情節上未必話係最出色,

但係動作方面...係無得彈....簡直係視覺上既享受

作者: 火魂仔仔 時間: 10-4-15 02:45 PM

最後都係打雷台..

作者: 『亞月』 時間: 10-4-15 08:28 PM

原帖由 火魂仔仔 於 10-4-15 02:45 PM 發表
最後都係打雷台..

我覺有少少抄霍元甲霍元甲最後都係打擂台

[ 本帖最後由 Fai704 於 10-4-27 08:54 PM 編輯 ]

作者: alexlau18505 時間: 10-4-20 11:58 AM

正!一定要睇呀!

作者: 乂華少乂 時間: 10-4-27 03:21 PM

正呀!!!!睇完第一集已經覺得好睇!!!
支持甄子丹!!!

作者: Fai704 時間: 10-4-27 08:54 PM

原帖由 『亞月』 於 10-4-15 20:28 發表

我覺有少少抄霍元甲霍元甲最後都係打擂台

睇開d啦其實好多戲嘅風格元素形式橋段都會抄黎抄去
好聽d就係叫互相參考好多時d人隻眼開隻眼貶睇左就算
不過如果睇得影評多都會發現d人話某部大片(ex 亞凡逹)有d內容(橋段元素)
抄某部電影又或者好相似

其實抄黎抄去唔係唔好但係抄得黎要有自己嘅元素
欣賞價值與被抄個套有咩唔同

作者: bucien 時間: 10-4-28 10:24 AM

原帖由 『亞月』 於 10-4-15 08:28 PM 發表

我覺有少少抄霍元甲霍元甲最後都係打擂台

睇隻揪片唔打雷台?唔通打飛機啊?

作者: Fai704 時間: 10-4-28 03:08 PM

影片《葉問2》將於8月正式開機，除葉偉信、甄子丹、洪金寶和熊黛林的原班人馬繼續並肩合作之外，李小龍也將作為全片重要角色出現。從前日（7月1日）開始，為期一個月的「尋找李小龍」活動正式啟動，甄子丹表示，很期待和這位從民間尋找到的「李小龍」過過招！

四大主創做評審選出兩個「李小龍」

在電影《葉問2》中，李小龍與葉問十歲相識、十八歲拜師，劇組也將根據這兩段劇情選出兩個年紀的「李小龍」。據製片方介紹，這一名為「尋找李小龍」的徵集活動將通過三個媒體渠道展開報名：河南衛視《武林風》欄目，BTV青少頻道日播欄目《8區幫幫忙》以及視頻網站土豆網。

導演葉偉信表示，「李小龍」的人選，首先考慮的形似，然後是神似，然後才是表演基礎和武術功底。在年齡方面，8到12歲，18到22歲的男生都可以報名，條件特別突出者則可以放寬限制。《葉問2》劇組將最後選出兩個年齡段各10名選手參加7月底在河南衛視《武林風》欄目錄製的總決選，屆時《葉問2》導演葉偉信、出品人黃百鳴、「葉問」扮演者甄子丹以及動作指導兼主演洪金寶四位影片主創都將作為評審嘉賓親臨現場，見證兩位「李小龍」的最終勝出。

葉偉信：李小龍不是噱頭第三集繼續合作

眾所周知，葉問成就了李小龍，同時李小龍也成就了葉問和詠春拳在業界的地位。在電影《葉問》的結尾，李小龍只是以照片的方式短短現身，但據導演葉偉信介紹，在《葉問2》中李小龍將是很重要的角色，「絕不僅僅是走過場」。這無疑也令影迷更加期待葉問一代名徒李小龍在影片《葉問2》中的正式登場。

葉偉信表示，「尋找李小龍」的網絡徵選絕對不是噱頭，劇組的幾位副導演將全程參與此次「尋找」的活動。他還透露，《葉問》第三集的故事已在籌備當中，「李小龍」的戲份比重將比《葉問2》更多，特別是這一集中的青年李小龍，他更為看重這個角色的人選。如果在第二集中的表現讓觀眾滿意，他會在未來可能拍攝的《葉問3》中繼續與「李小龍」合作。

（來源：百度娛樂）(時間:3/7/2009)

作者: 『亞月』 時間: 10-4-28 06:44 PM

原帖由 bucien 於 10-4-28 10:24 AM 發表

睇隻揪片唔打雷台?唔通打飛機啊?

睇隻揪片一定要打雷台既咩
街頭打架唔得咩

作者: bucien 時間: 10-4-29 12:39 AM

原帖由 『亞月』 於 10-4-28 06:44 PM 發表

睇隻揪片一定要打雷台既咩
街頭打架唔得咩

你估你e+睇緊古惑仔啊?

作者: Fai704 時間: 10-4-29 03:03 PM

上面2位睇完葉問2再來討論吧
套戲真係值得一睇
睇完再來寫觀後感
寫得好good同積分一定送上

[ 本帖最後由 Fai704 於 10-4-29 03:10 PM 編輯 ]

作者: Fai704 時間: 10-4-29 04:56 PM 標題: 觀後感

哈~哈~哈~今日好開心
睇左一套其待過而且好滿意嘅電影

首先我要講我好鍾睇武打片
而且要講明係港式武打片
因為港式武打片唔單止有打
仲會講精神感情形式劇情
唔似《拳霸》一味打
如果一套戲有120分鍾佢有110分鍾都係到打
第一次睇好新鮮
見到泰拳d招式好靚好凌厲好恨
睇到我有衝動去學一份
但係去到《冬蔭功》《拳霸2》已經厭倦
因為劇情裡面最大內容就係打完全缺乏其他元素
或者你會問武打片唔係主要睇打咩?
但係我要反問《風雲2》夠係魔幻動作片
裡面有好多特技+動作但係有幾多人接受到‧

好講完廢話
係時報候入返主題
講明先lee套戲唔係用黎神化詠春神化中國武術
一開始葉問為左收徒弟而煩腦
(無徒弟無收入係其中一個笑點)
為免擔心無同老婆講
作為老婆亦都體諒
就係咁簡單用窮形造一個溫馨家庭

洪金寶係lee套戲係武術指導
(睇過殺破狼嘅人一定要睇埋葉問2)
亦佔了一個角色
一開始我以為佢係個貪錢小人
然後劇情一轉又係一個溫馨家庭
我feel到我誤解左... ...
佢同葉問枱面對打一定要落足心機去睇
真係正到爆係戲院睇先有個種效果
全場因為這一場戲而靜哂
然後同鬼佬對打
好似真係拳拳到肉睇到我有d肉赤
不得不讚洪金寶嘅武術指導真係好精彩

清泉一個可有可無角色
但係你又唔可以唔讚任達華嘅演技

幾場對打必須留心睇
詠春vs洪拳
洪拳vs西洋拳
詠春vs西洋拳

李小龍同我預期一樣尾未先出現
而且係個小孩演技......浮誇

葉問2同葉問1一樣同樣有笑點

金山找一個有爭議角色
葉問1時係個奸角
黎到葉問2已經有老婆有女兒
因為有家庭佢變得踏實有負擔

睇個陣請留心戲裡面嘅道具
可以睇到製作人係好用心

劇情雖然唔係最好
但係成套戲評分
十分保守有八分
當然分數仲有上調空間

[ 本帖最後由 Fai704 於 10-4-29 05:04 PM 編輯 ]

作者: 『亞月』 時間: 10-4-29 06:27 PM

原帖由 bucien 於 10-4-29 12:39 AM 發表

你估你e+睇緊古惑仔啊?

咩古惑仔呀
你有無睇到葉問有一場
係街市到打架
都唔知你有無睇電影預告

作者: jasonleungtsz 時間: 10-4-30 01:09 AM

各位大家好我好少黎這個區發言，但今日睇完葉問2一定要黎留言

首先，我其實都鐘意睇打鬥片/動作片，成龍，李連杰果d 一定睇過
係度講下咁耐有邊套係講中國人物的武打片，大家最熟我諗係
王飛鴻，霍元甲，同埋而家最hit Ip man

感覺係咁:睇霍元甲你會覺得好有中國情懷feel 同埋有住一個悲慘的結局
而最好睇在於由開頭一個鐘意打/殺人的元甲到為中國同胞生存的元甲
我相信好多人都為之動容。(好像離左題)

葉問1 我買VCD 葉問2 我今日入場睇，首先大家見到葉問2個宣揚片已經覺得好鬼正，係未先!!!
首先洪拳俾人一種剛猛強勁的拳法對女人拳詠春究竟會係點
未入場睇之場我以為最後打鬼佬拳王只係一個過渡好少而科，原來我估錯左..... 這個情節非常豐富
首先一開頭大家會覺得驚奇的在於幾個位置
1. 任達華的遭預
2. 大哥的角色究竟有咩野要交代
3.究竟係台上面大哥對Ip man 誰勝誰負
4. 而最後的一幕大戰鬼佬究竟係咩一回事而葉問又會點樣拆解
觀後感:首先一早已經覺得葉問2 會更加有水準，葉問個角色做得好好，充滿果種無奈無錢開飯果隻感覺
而且今集打鬥場面係一幕接一幕，係絕對唔會有機會去廁所 (所以大家最好去清先入去)
我好同意板主講的幾場必睇，同埋最後的一幕一定會令大家氣都喘唔到，因為係有重要人物會死，
從而激發係葉問去搵鬼佬單打獨鬥，葉問打鬼佬都差d俾佢打死，究竟葉問點樣係第3回合擊敗鬼佬
，請大家支持本港電影入場支持
(順帶一提如果大家BT/ download 我相信絕對唔會感受到果種高漲情緒)------>已下的就俾睇左的人睇

我覺得唯一有小小弱點在於大哥死係西洋拳之下，而且無作出一兩下好強勁的反抗，雖然明白如果洪唔死的話
好難引發到最後果幕，洪拳同詠春合而為一的景界，但感覺始終有小小美中不足。
值得一讚的在於係各大師博鬥技果一部份，真係勁度好睇，尤其詠春對洪拳，打到天昏地暗，台都打到爆開，
真係好鬼正，葉問2 真係好好睇

作者: 吳樹喜 時間: 10-4-30 12:12 PM

套戲係好好,拍得出葉問既宗師風範
但係街市圍毆一幕就過份神化左,有dd超乎常理
試問下一班苦力個個恐武有力仲要成30人以上
個個又西瓜刀又鐵勾
葉問用一塊卡板可以力敵咁多人仲要絲毫無損
仲要打完連件衫都唔巢下
呢點難以服眾

作者: Fai704 時間: 10-4-30 01:02 PM

原帖由 吳樹喜 於 10-4-30 12:12 發表
套戲係好好,拍得出葉問既宗師風範
但係街市圍毆一幕就過份神化左,有dd超乎常理
試問下一班苦力個個恐武有力仲要成30人以上
個個又西瓜刀又鐵勾
葉問用一塊卡板可以力敵咁多人仲要絲毫無損
仲要打完連件衫都唔巢 ...

編劇問題~~~
對四周環境唔熟識
加上幾十人圍歐居然能夠游刃有餘
真在太過

但係對洪拳平手
對西洋拳手都係險勝

所以整體上都唔算係神化

講到尾都係電影黎jar
睇嘅人覺得爽就得架啦
太過認真你就輸...

作者: 吳樹喜 時間: 10-4-30 01:08 PM

原帖由 Fai704 於 10-4-30 01:02 PM 發表

編劇問題~~~
對四周環境唔熟識
加上幾十人圍歐居然能夠游刃有餘
真在太過

但係對洪拳平手
對西洋拳手都係險勝

所以整體上都唔算係神化

講到尾都係電影黎jar
睇嘅人覺得爽就得架 ...

岩呀編劇真係有d問題
套戲係想平實描寫葉問都係一個常人,一樣要為生活惆悵
所以果欄圍毆一幕減少d嘍囉數目會比較易接受d
打完交之後仲官仔骨骨咁
成間戲院d人都話.......神到咁?

作者: 小洋少 時間: 10-4-30 02:29 PM

觀後感

今集比上集打鬥的確多左感情位同埋笑位都多左

今集總覺得感染左英雄主義...有所犧牲才得最大勝利

洪金寶出場到尾都好有氣勢同甄子丹係圓桌比武真係精髓之一
打拳賽果度真係好感人拼死都唔比外國人侮辱中國武術
結果就真係可惜可惜......
同埋佢個仔個樣真係好Q XD"

任達華就真係唔抵走緊比日本人打左槍咁就冇哂記憶
真係好想佢同葉問聚舊
同埋光耀都冇打鬥戲分仲以為今集有佢既打鬥發展

黃曉明學武今集交帶得唔夠詳盡...時間太快
感覺同葉問學左一陣詠春就打贏左洪震南d徒弟...有d似開外掛feel-.-

樊少皇上集做左配角今集真係做大配角-.-...冇哂打鬥戲分
敖嘉年個look真係由頭笑到尾-.-個頭整得超正

今集甄子丹打得激左拳賽亦都冇好似上集結尾咁一陣就ko左個boss
終於有返d苦頭先至贏到場賽事
不過估唔到勝利既必殺一招會同上集打d日本人一樣-.-失望左

打鬥場面故然好睇感情線亦都好感觸人

希望會去睇葉問2既朋友唔好剩係主睇打鬥
留意下佢地既說話同埋當中意思真係會有所得著

結局李小龍出現就意料之內不過葉問就咁搵返妻兒就有d覺得不足

[ 本帖最後由小洋少於 10-4-30 02:31 PM 編輯 ]

作者: Fai704 時間: 10-4-30 08:07 PM

原帖由 小洋少 於 10-4-30 14:29 發表
不過估唔到勝利既必殺一招會同上集打d日本人一樣-.-失望左

係唔係話不斷打頭個下
其實係想表達葉問好憤怒
真正原因係上一集出來嘅效果好
所以今次再用

不過真正打win唔係一招
當佢係連技
葉問最後一次被打落地
之後諗起洪金寶
再諗起之前洪金寶vs西洋佬嘅情形
而諗起破綻
之後就係一氣呵成
............連技

作者: 天馬座 時間: 10-4-30 09:20 PM

觀後感
原本沒有打算入去睇葉問2 但跟朋友入埋去睇埋@@
劇情鋪排和動作場面不錯
最記得有一幕係一柱香時間挑戰各位師父
動作連接鋪排感覺良好最後洪師父挑葉問相互角技非常精彩
但有一點就係想指出打到最後爆桌子爆開桌子的切口太齊啦比我感覺唔夠真實
而另一幕是葉問前往洪師父叫佢唔好搞佢班徒弟期間2人打起上黎突然洪師父兒子出左黎好在葉問救左個小朋友而期段講一番說話好有意義家人還是勝利重要!!
另外有一幕跳得實在太快- - 葉太生小孩一幕一轉鏡頭就收工-_-
最後拳賽對決都非常好代入感強又緊張
最重要的是最後一番說話非常有教育意義阿~~還有一段葉問對黃樑的一番訓話何謂中國武術 !!使人重新明白止戈為武的本義 !!
一套有品質又富教育意義的電影

作者: pkplpok 時間: 10-4-30 09:24 PM

觀後感

中國武功博大精深
柔既,剛既,都非常精彩
我最鍾意就係睇呢D拳拳到肉,打得有節奏,有快感既戲
仲記得上集講到丹哥打WIN左個日本字黎到香港
真係非常精彩,打到佢聲都無得聲
最出名果句,當然係:我要十個!!!

雖然葉問2我未睇,但係預告講佢黎左香港,仲收埋徒弟
仲要同洪金寶打,一定更精彩,因為佢地都係真功夫!!
除左丹哥,洪爺 2位識打之人
仲有位我都好鍾意既,當然係吳京

作者: Fai704 時間: 10-4-30 10:00 PM

原帖由 pkplpok 於 10-4-30 21:24 發表
觀後感

中國武功博大精深
柔既,剛既,都非常精彩
我最鍾意就係睇呢D拳拳到肉,打得有節奏,有快感既戲
仲記得上集講到丹哥打WIN左個日本字黎到香港
真係非常精彩,打到佢聲都無得聲
最出名果句,當然係:我要十個! ...

等你睇後觀後感

作者: jasonleungtsz 時間: 10-4-30 10:18 PM

觀後補充2:

其實睇返之前的post 有人唔明點解佢會係咁打佢個頭

其實大家可能睇漏左小小野我覺得打頭果個意思同埋葉1係有d唔同

首先葉問2 最後打個鬼佬個死人頭原因係因為佢回想返洪死果刻係俾鬼佬重拳打死
所以佢先用返同一招打個鬼佬而且詠春最強的串勁及中路攻擊正正係 Ip man 真正演釋詠春的真正功夫

同埋唔知大家有無留意 round3 , 即係有洪師博果個鏡頭，葉問打佢果下並唔係用緊詠春的功夫
即係 (用2拳打斜咁撞擊同埋用虎「學」打個鬼佬隻耳，其實佢這個意思唔單止係話連消帶打，詠春用左
洪拳個招式係因為佢想講果個「中國武術同為一源」的這個大道理同埋更加能夠扣緊最後一節台上講的一夕話

作者: Fai704 時間: 10-5-1 12:46 PM

原帖由 jasonleungtsz 於 10-4-30 22:18 發表
觀後補充2:

其實睇返之前的post 有人唔明點解佢會係咁打佢個頭
其實大家可能睇漏左小小野我覺得打頭果個意思同埋葉1係有d唔同

首先葉問2 最後打個鬼佬個死人頭原因係因為佢回想返洪死果刻係俾鬼佬 ...

寫得比我仲要深入...good

作者: Fai704 時間: 10-5-1 05:35 PM 標題: 甄子丹﹕返屋企比票房重要《葉問2》開畫收372萬

【明報專訊】甄子丹主演的《葉問2》開畫大收372萬港元，是子丹從影以來，開畫單日票房最高的一部；但接下來要面對來勢洶洶的西片《鐵甲奇俠2》，但子丹卻以妙句回應票房勝負，他引用戲中的對白說﹕「分勝負重要，抑或返屋企重要？我當然會選後者。」

甄子丹以電影《葉問》的角色造型進駐香港杜莎夫人蠟像館。昨日甄子丹主持揭幕儀式，太太汪詩詩偕同父母、妹妹圓圓和表妹來撐場，甄子丹覺得蠟像的眼神最神似。

《葉問2》前日開畫收372萬，內地上映3日收3500萬元人民幣。子丹對票房十分滿意，表示該片是他從影以來，開畫單日票房最高的一部，首集開畫票房是百幾萬，今次的票房是首集的3倍。

堅持不拍第3集

他稱票房好，一定會請食飯，還希望票房過4000萬，老闆黃百鳴請全組人去日本旅行。他之前堅決不拍第3集，現在成績那麼好，會否心動？他稱不會，角色演繹已差不多，想不到有什麼新元素加入角色中，而且太多人一窩蜂拍這個人物，像當年《黃飛鴻》一樣，拍到爛晒，他不會跟其他人一樣。西片《鐵甲奇俠2》今日開畫，該片來勢洶洶，可有信心打贏《鐵》片？甄子丹表示很難說，《葉問2》口碑是有的，內地觀眾看到拍手掌，說超越第一部，有這基礎，應該有一定票房；但正如戲中的對白「分勝負重要，抑或返屋企重要？」子丹說當然會選後者。

■有片睇﹕http://ol.mingpao.com/entvideo.htm

記者﹕柯美

作者: 枯葉 時間: 10-5-2 03:29 PM 標題: 讀後感

葉問２我琴日就睇左，一睇完之後，一班朋友就即刻耍詠春．．．

說回正題，原先一開場的葉問給我一種為錢、為利益所以才去教授別人武術的一種感覺，
更打破了武術一直以強身健體才習武的氣氛。
直至去到故事中段，洪金寶講了一句：我可以為生活而忍，但係中華武術被人侮辱就唔得。
剎那間我仿然大悟，故事中段與故事做了一很好的襯托／對比，令人沒齒難忘。而且，
電影更反映出當時的貪污及香港人被鬼佬欺壓場面，加強我（讀者）對國家的情懷。

整體來說我覺得葉問２所帶出的道理比葉問１更多，仲有今集都有唔少既笑點位，
例如電影最後的地方講李小龍去請葉問做師父一段又或者大家留意下開場時影街道四周的路牌吧，
最後大家好趁有時間真係要下睇下。

[ 本帖最後由枯葉於 10-5-2 03:31 PM 編輯 ]

作者: 希索嘉 時間: 10-5-2 09:59 PM

原來李小龍搵左八兩金黎做=.=

作者: Fai704 時間: 10-5-2 10:40 PM

原帖由 希索嘉 於 10-5-2 21:59 發表
原來李小龍搵左八兩金黎做=.=

你點睇似八兩金???

作者: ikillyou 時間: 10-5-3 10:47 PM

多謝樓主的分享

作者: 異界之睡魔 時間: 10-5-4 12:57 PM

捕左好多日都冇位
終於尋晚比我捕到個靚既單丁位

笑位令到整套片都幾輕鬆
洪金寶出場加埋配樂好有霸氣
丹爺照舊都打得精彩
略嫌編劇麻麻,,故事平淡,,冇乜高潮位
但導演安排得好好,,拍攝手法有力,,加上配樂搭救,,營造到氣勢,,救返晒套戲

其實唔駛講乜野影評啦
係男人點可以錯過呢套片呀?

作者: ``kwan 時間: 10-5-4 09:46 PM

觀後感

相信好多人睇完戲都有好多感慨個人覺得葉問二更甚
好多人都話今次武打場面不俗故事內容卻平淡
其實我覺得各有各睇法
其實今次內容都有好多令人值得反思既野
劇中「身份有高低之分人格無貴賤之別」類似這樣吧
反思葉問一當中主角出生不愁衣食
在葉問二當中卻是三餐不繼只收徒兒三兩五蚊為生
但卻不因而放棄更與有財勢的洪震南互有神交
可見希望帶出其無貴賤之別
他跟黃曉明的一句對話更令人發而心醒
中國武學並不只於手腳功夫
乃精神一份令中國團結的精神
有片中開頭時與葉問的對頭可不少
在他桌上一柱香與眾掌門師傅切磋對方卻各懷異眼
但在洋鬼子大罵中國功夫重傷洪門徒弟卻即一眾團結齊上
在洪震南死後卻全武師甚至鏡頭中所有的市民都團結起來
支持葉問在葉問的那個年代在港英政府的那個年代
中國人或許如戲中曾被待以不公平中國人卻團結得起
或許編者希望帶出一些訊息
另外在片近尾部那可惡的英藉警官被肥波的証據而被捕
不禁令人一想
他是被同樣是英藉的另一警官拘捕可見其無私
假如發生在葉問一的中國彿山裡卻不知那些巡捕隊長會不會如此
大公與無私

作者: bucien 時間: 10-5-5 01:04 AM

今日睇完覺得套戲無葉1果陣咁熱血,可能我無咁僧鬼佬...........
但不得不讚就係個c儀,佢帶動到d氣氛出黎!!!!!!!!!!
任達華出場戲份唔小,但係可以係果幾分鐘入面比到影帝級ga戲比你睇到
仲有拍洪金寶比人連環拳果到好心痛
最後人無分貴賤帶出到當時社會ga問題

作者: 9738 時間: 10-5-5 01:18 PM

許久沒看洪金寶的武打電影~依舊是那麼的靈活~個人覺得還不錯看

[ 本帖最後由 9738 於 10-5-5 01:21 PM 編輯 ]

作者: 新手= 時間: 10-5-5 02:00 PM

今日睇完真係幾正
1開波係咁叫人交學費

之後係圓桌同洪金寶隻dup 好激
可惜洪金寶帶傷同個鬼佬打如果唔係應該有機會嬴
最尾丹爺做低鬼佬之後講果堆野都幾發人深省
總結套野都唔錯

作者: 東方．真龍？ 時間: 10-5-10 01:06 AM

葉問2
岩岩睇完葉問2
有個感覺就係版長近兩小時既電影..但感覺只係睇左不夠一小時=.="
是內容貧乏嗎?"..是場面一再重複之故嗎?
洪金寶在台上跟鬼佬打完..之後又來子丹跟鬼佬再台上搏拳
鬼佬一拳擊倒子丹,一貶眼又是一拳擊倒子丹-.-"
好看嗎?"..

葉問係一位近代人物
佢既歷史佢既故事,我地可以好多地方睇得到
佢電影將佢塑造得如此之神..實在感覺跟現實大相逕庭-___-"..

再講整個故事中穿插既人物戲份如此之少
黃曉明,熊黛林,任達華,肥貓,樊少皇,敖嘉年等人..每人看似只有丁點戲份
對白數上也只有寥寥幾句
洪金寶戲份雖算多..但也不感到豐富
肥貓又是當警察..說實在..我厭了-___-"
任達華..除了食燒鵝..有何做過-___-"..
敖嘉年..佢做過d乜..無甚印象了-___-"..
黃曉明..後半部只是一名路人甲-___-"
最可悲是樊少皇..於第一集如此顯眼
今集居然毫無武打戲份-___-"失望

總括黎講..呢套戲睇下無妨..但不要對劇情上有過份期待..
動作場面可取,有看頭,有吸引力..
但只限葉問電影上半部份..結尾對鬼佬拳王果段絕不及上半部份
黃曉明,子丹係漁市場混戰子丹挑戰各大師父果兩段搶眼=)

呃下分先=)

作者: abcd824 時間: 10-5-14 04:08 PM 標題: 今年最xc強暴雨襲擊江西湖南2010x株洲嚴重內澇

提示: 作者被禁止或刪除內容自動屏蔽

作者: 27537703 時間: 10-5-15 11:46 PM

岩岩至睇完..滿坐咁滯,坐到一二角

宇宙第一,呢個稱號果然冇錯
不過真係神化左咁滯,對成班友,同洪大哥,都只係打和
相反對住個泰拳佬差d出現壓力
講真洪大哥俾條鬼佬打死左,真係好傷心
超級丹打返佢p街,果種感覺好痛快

作者: wongyinho 時間: 10-5-17 12:31 AM

一開始洪金寶成個bad man咁- -
之後佢講個句好正- -
為生活我可以忍為中國武術唔可以
佢真係一個能屈能伸的硬漢
我好支持佢佢令人明白尊嚴在一d地方好重要
同時
葉問win左之後佢講出左成個film的重點
人唔應該分高低
大家是一起活在這世上

我支持佢地

同埋個境好正
好似50年代@!!!!!!!!!

作者: ERRE 時間: 10-5-18 02:24 AM

超級好睇　
睇丹哥　有保證
洪金寶真係好有霸氣

作者: kenmak99199 時間: 10-5-20 02:14 PM

我都打算呢個星期去睇

希望比第一集更好睇

我要打廿個!

作者: yipkaho2465 時間: 10-5-21 03:47 PM

其待

作者: FREEMAN2466 時間: 10-5-27 08:59 PM

每次看他的快拳打到最後都有點得理不饒人的FEEL

作者: 睡瞳王子 時間: 10-5-29 02:39 AM

【4月29日上映】《葉門2》觀後感及討論集中區 (加分活動貼 )

請問點解叫葉門--?唔系葉問咩?

作者: Fai704 時間: 10-5-29 07:53 PM

原帖由 睡瞳王子 於 10-5-29 02:39 發表
【4月29日上映】《葉門2》觀後感及討論集中區 (加分活動貼 )

請問點解叫葉門--?唔系葉問咩?

勁wor~終於有人發現

作者: ◇俊◇Chun 時間: 10-5-30 05:08 PM

洪師博大戰葉師博~~

作者: marklau8530 時間: 10-6-1 06:59 PM

好想幾好睇....聽日去睇

歡迎光臨 2000FUN論壇 (https://www.2000fun.com/)