2000FUN論壇

標題: 我在黑社會的日子I～＜完＞ [打印本頁]

作者: ~傳說中的傻仔︻ 時間: 10-4-1 11:16 PM 標題: 我在黑社會的日子I～＜完＞

此作將會於每個星期二與星期六更新請大家多多支持!!
同埋有任何意見，評語歡迎提出，方便以作改善～
最後希望支持開我既讀者們可以KEEP住支持小弟謝謝

＜終局篇＞
第一話:散落的記憶(第66頁)#1311
第二話:本能反應(第67頁)#1321
前傳上篇:『東英』凌戰軍(第67頁)#1331
前傳中篇:戰、情(第68頁)#1350
前傳下篇:失去(第68頁)#1358
前傳終篇:再見了(第69頁)#1365
第三話:混亂的碎片(第70頁)#1382
第四話:她是誰(第70頁)#1391
第五話:誤會(第71頁)#1402
第六話:愛人(第71頁)#1413
第七話:綁架(第72頁)#1421
第八話:浩飛來援(第72頁)#1433
第九話:再戰江湖(第73頁)#1443
第十話:隱瞞(第74頁)#1462
第十一話:急攻(第74頁)#1472
第十二話:古怪的情況(第75頁)#1483
第十三話:關世軒#1505(第76頁)
第十四話:改變嗎?#1519(第76頁)
第十五話:浩飛的實力#1536(第77頁)
第十六話:『謝記』折哥#1555(第78頁)
第十七話:林章(第79頁)#1567
第十八話:殺人(第79頁)#1573
第十九話:困獸鬥(上)(第80頁)#1586
第二十話:困獸鬥(下)(第80頁)#1597
殷采蜜外傳(上集)(第81頁)#1604
殷采蜜外傳(中集)(第81頁)#1610
殷采蜜外傳(下集)(第81頁)#1618

＜結局篇＞
第一話#757(第38頁)
第二話#767(第39頁)
第三話#773(第39頁)
第四話#780(第39頁)
第五話#784(第40頁)
第六話#790(第40頁)
第七話#796(第40頁)
第八話#811(第41頁)
犀牛外傳全一話#816(第41頁)
第九話#831(第42頁)
第十話#842(第43頁)
第十一話#851(第43頁)
第十二話#865(第44頁)
第十三話#879(第44頁)
第十四話#887(第45頁)
第十五話#891(第45頁)
第十六話#916(第46頁)
中秋節外傳全一話:#926(第47頁)
第十七話#931(第47頁)
第十八話#942(第48頁)
第十九話#951(第48頁)
第二十話#957(第48頁)
第二十一話:營救阿朗(上)#964(第49頁)
第二十二話:營救阿朗(中)#973(第49頁)
第二十三話:營救阿朗(下)#984(第50頁)
作者的信#985(第50頁)
周武傑外傳(上集)#990(第50頁)
周武傑外傳(下集)#994(第50頁)
第二十四話:契機#1001(第51頁)
第二十五話:昔日#1021(第52頁)
第二十六話:惡鬥#1032(第52頁)
第二十七話:惡鬥(II)#1039(第52頁)
第二十八話:圍剿#1046(第53頁)
第二十九話:血戰深水步#1054(第53頁)
第三十話:血戰深水步II#1060(第53頁)
第三十一話:心底#1068(第54頁)
第三十二話:合約#1074(第54頁)
第三十三話:從前#1078(第54頁)
第三十四話:醫院伏擊#1086(第55頁)
第三十五話:女人的心思#1102(第56頁)
第三十六話:女人的計謀#1113(第56頁)
第三十七話:女人的行為#1119(第56頁)
第三十八話:危機#1128(第57頁)
第三十九話:惡鬥金牌打手#1138(第57頁)
第四十話:問題#1145(第58頁)
第四十一話:棄車保帥#1152(第58頁)
第四十二話:犯錯的後果#1156(第59頁)
第四十三話:滅絕人性#1169(第59頁)
第四十四話:收復失地#1184(第60頁)
陳逸朗外傳-- 平安夜的狙擊(上)#1192(第60頁)
陳逸朗外傳-- 平安夜的狙擊(中)#1202(第61頁)
陳逸朗外傳-- 平安夜的狙擊(下)#1210(第61頁)
第四十五話:遊戲開始#1223(第62頁)
第四十六話:八方支援#1237(第62頁)
第四十七話:危急#1251(第63頁)
第四十八話:放下自尊#1264(第64頁)
第四十九話:命硬#1279(第64頁)
第五十話:生命的盡頭(第65頁)#1281
#1283更新<終局篇>預告

＜反擊篇＞
目錄:
第一話#468(第24頁)
第二話#478(第24頁)
第三話#484(第25頁)
第四話#495(第25頁)
第五話#506(第26頁)
第六話#516(第26頁)
葉偉外傳(上)#525(第27頁)
葉偉外傳(下)#533(第27頁)
第七話#543(第28頁)
第八話#553(第28頁)
第九話#561(第29頁)
第十話#572(第29頁)
第十一話#585(第30頁)
第十二話#615(第31頁)
第十三話#631(第32頁)
第十四話#642(第33頁)
第十五話#655(第33頁)
第十六話#673(第34頁)
第十六話#697(第35頁)
第十七話#704(第36頁)
第十八話#710(第36頁)
第十九話#722(第37頁)
第二十話#729(第37頁)
第二十一話#737(第37頁)
＜結局篇＞預告#７３８

＜兄弟死戰篇＞　　　　　　　　　　　　＜訣別、絕望篇＞                                                 ＜內鬨篇＞
目錄:　　　　　　　　　　　　　　　　　目錄:　　　　　　　　　　　　　　　　　　　　　目錄:
第一話#1　　　　　　　　　　　　　　　率先足料第一話 #147(第8頁)                               第一話#264(第14頁)
角色表#8                                              第二話#152(第8頁)                                              第二話#270(第14頁)
第二話#9                                              第三話#157(第8頁)                                              第三話#278(第14頁)
第三話#22(第2頁)                               第四話#161(第9頁)                                              第四話#294(第15頁)
第四話#31(第2頁)                               第五話#169(第9頁)                                              第五話#300(第15頁)
第五話#41(第3頁)                               第六話#180(第9頁)                                              第六話#309(第16頁)
第六話#43(第3頁)                               第七話#185(第10頁)                                           第七話#322(第17頁)
第七話#47(第3頁)                               阿朗外傳全一話#191(第10頁)                            第八話#331(第17頁)
第八話#51(第3頁)                               第八話#199(第10頁)                                           第九話#346(第18頁)
強哥外傳  全一話#59(第3頁)                第九話#205(第11頁)                                           第十話#354(第18頁)
第九話#67(第4頁)                               第十話#207(第11頁)                                           第十一話#367(第19頁)
第十話#74(第4頁)                               第十一話#213(第11頁)                                        第十二話#377(第19頁)
第十一話#78(第4頁)                            第十二話#223(第12頁)                                        第十三話#382(第20頁)
第十二話#85(第5頁)                            第十三話#226(第12頁)                                        第十四話#393(第20頁)
佳哥外傳  全一話#89(第5頁)                第十四話#240(第12頁)                                        第十五話#409(第21頁)
第十三話#94(第5頁)　　　　　　　　　第十五話#248(第13頁)                                           第十六話#421(第22頁)
第十四話#96(第5頁) 　　　　　　　　＜內鬨篇＞預告#249                                              第十七話#432(第22頁)
第十五話#99(第5頁)                                                                                                             第十八話#451(第23頁)
第十六話#103(第6頁) 　　　　　　　　　　　　　　　　　　　　　　　　　　　　　  　　　＜反擊篇＞預告#452
第十七話#111(第6頁)
第十八話#114(第6頁)
第十九話#123(第7頁)
第二十話#128(第7頁)
＜訣別、絕望篇＞預告#129

[ 本帖最後由 ~傳說中的傻仔︻於 11-5-25 03:45 PM 編輯 ]

作者: 下級生 時間: 10-4-2 12:04 AM

好正
由其係果d黑社會術語

作者: 鋼牙章魚丸 時間: 10-4-2 12:12 AM

淫波

作者: ~傳說中的傻仔︻ 時間: 10-4-2 12:15 AM

re下級生:感謝支持

re章魚:諗得太多啦你-.-

作者: 鋼牙章魚丸 時間: 10-4-2 12:23 AM

嘩
好正囉~~~

作者: ★小偷☆ 時間: 10-4-2 01:00 AM

首先進來的是我們的大哥---強哥,總是在把玩著右手的介指,

戒指

其餘既都好正

作者: ~傳說中的傻仔︻ 時間: 10-4-2 07:50 AM

感謝支持

但係唔知點解我禁入黎小說區會睇唔見自己個小說

可能係個IE有問題~.~ 不過<兄弟死戰篇>我已經作好哂

一日出一話應該20日到出完大家要多多支持同埋比多D意見呀@.@

作者: ~傳說中的傻仔︻ 時間: 10-4-2 08:12 AM

主要出埸角色:

(華興)

名字：凌成波（阿波）
年齡：２７
職位：紅棍
性格：冷靜擅長格鬥　重義氣  愛思考
外表：斯文　面上有一刀疤
背景：終於肯面對阿儀的愛但內心的難受卻仍然煩擾著他
      思想開始轉變其處事的行為正好反映他不再是以往的凌成波
      但是面前的危機已經慢慢湧現    他還可以承受得了嗎?

名字：蒙永強（毛強）
年齡：４８
職位：華興四大話事人之一
性格：穩重　忍讓　有大將之風
外表：成熟　男人味十足
背景：現暫代佳哥掌管『華興』  已經與『東英』連成一線
　　　對阿波的近況冷淡對待　只因不斷被社團的事煩擾著

名字：林勇佳(佳哥／戰神)
年齡：５２
職位：華興龍頭／雙花紅棍
性格：用人唯材　眼光遠大　手足情深
外表：威武　不怒而威
背景：下月將會重臨『華興』　將為江湖掀起風雨

名字：黃梓楓（王子）
年齡：２８
職位：白紙扇
性格：分析力強　善用頭腦　臨危不亂
外表：文質有禮　帶著眼鏡
背景：似乎發生了一點事情　使他對不起前度女朋友？

名字：凌浩飛（浩飛）
年齡：２１
職位：四九仔
性格：衝動　年少氣盛　重情重義
外表：高１米７５　一副運動員的體格
背景：替阿波接管深水步地盤　　渴望波哥能重掌大旗

名字：丁健（犀牛）
年齡：３１
職位：四九仔
性格：忠心　唯命是從
外表：壯健　
背景：與ｂｉｌｌｙ在另一地盤－－太子　　管理得有聲有色

名字：張鄰（billy）
年齡：３３
職位：草鞋
性格：有毅力  喜愛克服困難
外表：斷了一隻手
背景：與犀牛在另一地盤－－太子　　管理得有聲有色

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
（東英）
名字：霍驚天（天爺）
年齡：５１
職位：龍頭
性格：重義氣,城府深重
外表：健壯,有男人味,整天黑西裝出現
背景：與『華興』結盟　野心卻不止此
　　　

名字：姚盛康 (古惑康)
年齡：３５
職位：軍司／霍驚天近身
性格：聰明　不喜歡與笨人打交道　自負
外表：爽朗的短髮　左耳上有四隻耳環
背景：頗欣賞王子的智慧　　有心與他一較長短
　　　
　　　

名字：卓柏龍（皇龍）
年齡：７１
職位：前雙花紅棍
性格：處事狡猾　不喜生事　頗懂反駁別人說話
外表：一股皇者之風
背景：史王輝在十年前想殺掉自己　大命逃往中山鄉村隱居
　　　掛心其兒子－－龍仁　但卻脫離黑社會圈子
　　　拜託阿波完自己心願　堅決在異地終老

名字：陳逸朗（阿朗）
年齡：２７
職位：東英八掌舵之首　（四大當打紅棍之一）／警方卧底
性格：頗重義氣　念舊　有頭腦
外表：天生啡色眼珠　
背景：近日與阿波的對話顯得阿朗變得愈來愈奇怪    究竟他在想什麼呢?

名字：卓仁（龍仁）
年齡：２９
職位：雙花紅棍
性格：武痴　喜好武術　以打為生
外表：隱含一般威勢　令人望而生畏
背景：與史王輝發生一些事情　　使他堅決除去『盛聯』！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
（謝記）
名字：李偉都
年齡：３２
職位：紅棍
性格：沉默　只會按上頭旨示做事
外表：面上的刀疤
背景：恩將仇報在荃灣碼頭伏擊阿波
      後浩飛帶著人馬圍攻亦得以順利逃生
      其後卻無視自己旗下地盤被阿波破壞似乎有著某種意圖!?
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
(盛聯)

名字：史旺輝（史王輝）
年齡：４５
職位：盛聯雙坐館之一
性格：智謀為上　善於食腦　喜歡鬥智　唯缺容人之量
外表：雙眼總是很沉藏不露
背景：得悉『華興』與『東英』連成一線　不禁擔憂起來

名字：程谷飛（菊花）
年齡：４４
職位：盛聯雙坐館之一
性格：器量小　野心大　個性反骨　重金錢　輕視情義
外表：五尺欠一寸　
背景：得悉『華興』與『東英』連成一線　不禁擔憂起來

名字：吳展文（阿ＭＡＮ）／（鐵板）
年齡：２８
職位：紅棍／金牌四大打手之首
性格：陰險　口蜜腹劍　極深城府
外表：健碩　約高１米９　
背景：在深水步一役中重創阿波　被升為四大打手之首

名字：張進財（火柴）
年齡：３０
職位：大底
性格：反叛　喜愛出賣　見高拜　見低踩
外表：一副反骨的樣子
背景：『盛聯』大底之一　　與大師狼狽為奸　　為『盛聯』出謀獻計

會員人物： johnchc
社團：盛聯
名字：張軍豪(將軍)
年齡：２９
職位：四大金牌打手之一（四二六紅棍）
性格：好戰,有人性
外表：愛穿背心,左右手各紋了一把劍
背景：深水步一役中　　被龍仁說成手下敗將
　　　過去的生涯似乎與龍仁亦有關係　

會員人物：紫軾小樂
社團：盛聯
名字：殷采蜜
年齡：２５
職位:金牌打手
性格：忠心耿耿，做事心狼手辣，待人冷若冰心，對呀波有莫名奇妙的好感。 (到最後會唔會呀波背叛幫會，則由作者決定)
外表：五官標緻，清麗脫俗，美若天仙(眼睛帶有灰色con)。長髮。
      黑色緊身衣，黑高跟鞋，佩帶銀白色的項鍊，項鍊系有2隻指環。
背景：似乎在幼時已經與凌成波有著一定的緣分......

會員人物：肥蟲
社團：盛聯
名字：大師
年齡：２８
職位：近身
性格：非常博學冷靜沉著喜歡拿著紙扇(因為胖很怕熱) 平日言行舉止像個溫文儒生但認真起來就非常可怕
外表：較肥胖的體型背上紋有一幅海上怒濤的水墨畫畫上題有"翻江倒海"四字
背景：『盛聯』大底之一　　與火柴狼狽為奸　　為『盛聯』出謀獻計

人物格式:金牌打手
社團：盛聯
名字： sanchez anthony(菲律賓回流拳手)
年齡：２５
職位：四大金牌打手之一
性格：冷靜,重義氣,格鬥能力強
外表：健碩
背景：
菲律賓人,,在菲律賓有名的社團勝鈴作金牌打手,後來因社團內部分裂逃到香港,,,
一次在尖沙咀酒吧飲醉生事,,,以1敵4個手持開山刀既大隻佬,,,菊花剛好經過目到sanchez以一敵四既畫面,,
,因此對佢產生好感,,多番招攬佢後才加入盛聯..憑著高超拳法刀法,重義氣的性格在盛聯站在一個不可或缺既地位...

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
(普通角色)

名字：何靜儀
年齡：２５
職位：OL文職
性格：長情  有點兒痴心
外表：酒窩大眼  典形的美女
背景：被牽連在刀疤的伏擊事件在貨倉被凌辱
      此舉反而令凌成波面對自己的愛終於能盼回凌成波的心
      縱使再有更多的困難亦決心與對方不再分開

名字：周武傑
年齡：２９
職位：九龍區警署警長
性格：正義感十足  愛抱打不平  為加入警隊而自豪
外表：帥氣  渾身也散發出一股正義的氣息
背景：短短數月由警員晉升至警署警長，處事能力一流，
　　　將會成為香港黑幫的一股巨大阻力！！

名字：林章(章哥)
年齡：４０
職位：『東英』棄將
性格：極重怨氣　　認為世上所有人也欠了他
外表：癮君子　　手臂上有很多針孔
背景：數年前曾幫牛奶幹掉阿波　　最後牛奶卻被阿偉幹掉
　　　一年前幫助史王輝捉去阿偉　卻似乎被史王輝出賣而被『東英』追殺
　　　長期沉淪毒海　　　已經不能自拔
　　　把所有事情遷怒於阿波　　誓要將對方擊殺！！
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
（已死角色）

名字：葉偉（阿偉） [已死]
年齡：２６
職位：四九仔
性格：風趣　愛揶揄人　重情義
外表：花花公子
背景：他便是阿波的損友　由十五歲便踏入黑社會的路　至今已九年
　　　與阿波相識於校園　視其大家為兄弟手足
　　　死於史王輝的追殺中　　以自爆換取阿波的生機

名字：鄧濟明（矮仔明）[已死]
年齡：３１
職位：四九仔
性格：極有奴性　服從主人命令　愛狐假虎威
外表：四眼仔　人如其名是矮仔
背景：在荃灣碼頭巧遇阿波　最後亦捱不過半小時
　　　被阿波以鐵棍殺死　

名字：關世軒（細軒）
年齡：２０
職位：四九仔
性格：火爆　衝動　忠心
外表：充滿殺氣的雙眼　　　
背景：於血戰深水步一役奮身替波哥抵擋阿man致命的一刀
      被刺穿心臟    當埸死亡

名字：凌戰軍（軍爺）
年齡：４６
職位：前『東英』八掌舵之一／紅棍
性格：懶懶散散　　愛為兄弟出頭　　抱打不平
外表：有點白頭髮　高高的鼻樑　高一米８　有著成熟的男人味
背景：以往『東英』的紅棍之一　名氣之大僅次於皇龍
      真正身份為凌成波的父親其妻子為陳秀靈
　　　因為下一代著想　　決定退出黑道圈子
      可是二十多年前    被『謝記』張折的手下埋伏而死去

[ 本帖最後由 ~傳說中的傻仔︻於 11-5-3 07:57 PM 編輯 ]

作者: ~傳說中的傻仔︻ 時間: 10-4-2 08:16 AM

序:

黑社會從來都是在刀鋒口上過日子,少一點本事便會斷送生命,
可是在極其危險的道路上,永遠有著優厚的金錢作為回報,
金錢與生命兩者之間一但選錯,便會萬劫不復.....

我叫阿波,今年已經二十三歲,

在十七歲的時候因結交損友而踏入黑社會的圈子,

算算年數,今年已經是混古惑的第六年了,

我亦由當天的初生之犢變成今天有點老練的小伙子.

「阿波,聽講你琴晚跟住大佬強殺到班東英狗收哂皮,呢期上哂位啦.」

犀牛拿著一樽啤酒向我遞來,我接過後慢慢咀嚼啤酒的味道,

古惑仔的生涯就好像啤酒的味道,是苦或者甜便視乎你的心態,

而今天的啤酒便是甜的味道,因為又到社團三年一次的大典,

今年我應該能紮職吧,畢竟立下的戰功在四九仔內算是突出,

「牛,大佬強條LINE除左我之外,仲有邊個夠料上紅棍.」

犀牛側側頭,在認真地思考著我的問題,

「我諗仲有阿MAN,佢之前隊死東英渣FIT人呢單都已經紅到七彩...」

(係WOR..仲有個大隻MAN..)

「仲有佢條LINE不嬲同我地都唔妥,我睇你都係執生好D.」

心事重重的我從中環碼頭望出去,似乎有點迷失於現在的生活內.

「走先.」我向犀牛道別,為著明天的大典作好準備.

凌晨二時,碼頭附近的街道上本應了無人煙,卻傳來陣陣的腳步聲,

我回望後竟看見數名刀手正跑來,

(大獲!)

我馬上拔足狂奔跑進後巷內,

「你地兩個係個邊包抄,你同我一齊入去!」

帶頭的人想展開包圍,我只好從其中一邊突圍才能保命離開,

(唔可以由頭先條路出去,博一博去另一面走!)

下定決心後,我立刻動身跑向另外一面的出口,卻預期般撞上兩名刀手在伏擊!

「你係咁大先啦!」

其中一名刀手向我斬來,幸好我擅長近身格鬥,

一下曲身避開後右拳接上,「碰!」

正中他的面龐後馬上退後避過另一名刀手的斬擊,

我快步疾跳,壓著他的手腕後,

右手順勢把他整條手臂向後扭轉,再向前一推,

先前的刀手想起來時便被撞在一起再趺在地上,我把握時機立時逃去,

(邊個想斬我....唔通係...!)

跑出後巷後我沒有放慢速度,古惑仔的生命往往便是一線之差,

好運的如我便安然無恙,相反的只能橫屍街頭,無人可憐.

九龍灣長發工廠大廈,那裡表面是運輸公司,

但內裡卻是便是我們華興的分陀,

每年的大典也會在那裡舉行,如此喜慶的大事當然也吸引不少猛人到埸.

「阿波我睇好你,今年上哂位.」

一名叔父向我示好,我馬上報以微笑回禮,

「多謝比面.」

他拍拍我的肩膀後便獨自走開;

「嘩,波哥都係度WO.」

一句聽來諷刺的說話從身後響起,看見有數人正在走過來,

那名身形健碩的便是阿MAN而說話的是他的頭馬---矮仔明.

「嘩,有人定有鬼講野?睇唔到佢既.」

說話的正是我的兄弟---阿偉,他還特意把頭向上望來揶揄矮仔明的身高,

矮仔明自然一肚子悶氣,有苦自己知.

「細既亂講野姐,咪見怪.」

一人慢慢走過來,他身形龐大,

面上更帶著點輕挑,他便是矮仔明的大哥,

亦是我今年最強勁的對手---阿MAN.

只見他望我的眼神與那句說話毫不相稱,

(琴晚擺明係你想隊我..仆街仔..!)

「睇下點.」我與他的眼神就那樣對峙著,

整個就是<仇人見面,份外眼紅>的感覺.

阿MAN走開之後,阿偉便與我談談昨晚的事情,

「你知唔知琴晚邊個隊你?」

「本來未清楚,但係頭先個矮仔明擺明暗寸,一清二楚.」

只見阿MAN側側回頭地向我偷笑,我亦側頭地怒視他.

「知唔知老頂黎唔黎?」我問道.

阿偉的答案卻如我預期般,「呢D細單野佢點會黎呀?」

「阿大黎啦.」門外的『四九仔』大聲招呼,

「強哥!花哥!!」我們亦各自散去,坐回自己的座位.

首先進來的是我們的大哥---強哥,總是在把玩著右手的介指,

然後尾隨的便是阿MAN的大哥---菊花,還是一副令人討的樣子.

[強哥!!花哥!!] 眾人站起來向兩名大哥行禮,

二人坐低後示意眾人坐下,強哥首先開腔,

「今日係社團三年一次既大日子,亦都係紮三個最做得野既靚仔...」

強哥的話還沒有完,菊花便已經搶著來說,

「無錯啦!!所以大家可以推舉三個最做得野既名出黎再投票決定,

阿MAN就食硬一個位,另外兩個就強仔同你地話事啦.」

菊花此言就等於是壓著強哥,怎可能自己說了就算數?

但強哥不願生事,而且阿MAN的確又是有能之士,

所以便開始詢問眾人的意見,阿偉立刻高呼我的名字,

「阿波啦!掂呀!!」強哥亦表同意,

只見矮仔明等人對我投以不屑的目光,

但我亦視而不見,反正是『彩佢都有味』.
(待續)

補充資料:
四九仔:黑社會最低的位置，為最普通的會員。
紅棍:黑社會中的打手，為高級的會員。
大典：挑選低級會員以作晉升的儀式。

===================================================================================================

第二話：

經過一輪的發表後,由阿MAN,我與一名喚作王子的四九仔為最後三人,

而現在便是分配三個不同職位的時候.分別是紅棍,白紙扇或草鞋.

紅棍即是打手,代表格鬥能力強的人,

白紙扇便是軍司,代表頭腦靈活和講數了得的人;

草鞋是通訊員,代表人際關係廣闊,傳播與接收信息極快的人;

因為每個職位只可以任職一人,

而我與阿MAN也是擅長格鬥,故爭奪紅棍是避免不了.

「王子你咁有腦,之前又出去幫我地華興講數,白紙扇你無走雞啦.」

強哥吩咐王子向關二公行過禮後,便走回去座位坐下.

而重要的時刻終於降臨,究竟是我或者阿MAN能擔任紅棍一職呢?

「拿!強仔,我就覺得阿MAN絕對好秋過你個乜波,

之前又隊死左東英個屎忽龍,大家有眼睇.」

菊花點著香煙後,徐徐噴出煙圈,

但這次強哥並沒有讓步,

「我又唔係咁睇,阿波都好做得野姐.」

我向強哥投以感激的眼神,菊花看在眼內卻是大感不快,

「咁你即係幫自己姐,咁唔撚FAIR WOR.」

(你又咪係咁,痴線.)

我心中痛罵菊花為人不公,神憎鬼厭.

「一係咁啦,隻秋定輸贏,OK?」

強哥的眼神就像對我說:自己執生啦.

菊花亦只好答應,「好.」

我除下外套,阿MAN亦已經準備好熱身,

他那健碩的身軀之下顯得我有點瘦弱,但我卻是毫無懼色,

(琴晚條數同你條陷家祥計埋...)

「開波!」菊花一聲令下,我與阿MAN的隻秋亦拉開序幕.

阿MAN首先衝過來,我只知道他擅長關節技,

加上力大無窮,只要給他纏上便捱不了很久.

我不敢與他正面硬碰,只是以靈巧的步伐避開他的熊抱,

當我以為能夠順利避開的時候,他竟然能轉換方向衝過來,

(SHIT!)

他的雙手分別抓緊我的肩膀位置,只要一發力的話我便會給他鎖死,

「做瓜佢啦MAN哥!」矮仔明討厭的聲線再度響起,

「執生呀,阿波!」阿偉的打氣聲亦同時傳出,

一時之間四周響起我與阿MAN的呼喊聲;

我急中生智,雙掌從內向前繞過他的頸後,

這姿勢便能鎖死他的頭部,反客為主.

只要我的雙臂一伸直,他的手關節位會屈曲,

自然會失去位置能夠發力抓緊;

「仆街!」我大吼一聲之後發動攻勢,

我利用雙掌把他的頭部壓下,右膝蓋已經不斷向上撞過去,

本來同門師兄弟應該留一線,但是他昨晚找人伏擊我,

已令我怒火中燒,「擋!!!」

血流披面的他用手肘擋下我的攻勢,

「死開!」他發力推開我,力道大得使我差點趺倒,

他擦開面上的鼻血便向我撲過來,

我還沒有反應過來,情急之下使出側踢,

但他擋住之際,順勢拉起我的腿使我失去平衡,

再拉起掉向一旁,我整個人就如斷線風箏飛向旁邊的椅桌,

「咳..」痛得我面色變青,不斷掩住胸口呻吟,

(咁大力..條友食左偉哥咩..)

阿MAN並沒有停止攻勢,他走過來想拉我起來,

我的雙拳馬上連珠爆發地向他頭部轟炸,

只有這樣子才能拉開距離,避免給他機會再次抓到我;

[啪!啪!......]拳頭每打中他的面便會響起一次,

阿MAN已經中了我二十多拳,我捉著他的手向前拉來,

「食蕉啦你!」手肘向前撞他的面,他全盤承受後趺低,

(今次仲唔食滑你!!)

我以為他已經失去戰鬥力,但事實卻不是如我所料,

「哈!」一下怒吼從阿MAN發出,

沒料到阿MAN不是省油的燈,他雙臂護著頭顱向我衝來,

我正想重施故技,一時大意卻給他捉著我的左臂,

(食得屎!)

我想推開他之時已經太遲,他一下過肩摔把我摔得站不起來,

「咳..咳..!!!」

而他並沒有放開我的手臂,更順勢連接一下<車輪轉>,

把我硬生生從地上扯起,旋轉後再拋開,

「砰!!」一下清翠的落地聲,

我已經痛得站不起來,他利用雙膝壓著我的下盤,

雙拳像雨點的不斷向我頭部施襲,

頭部往往是最需要保護的一個部份,只因為一下重擊便足以使我敗北,

但久守便失,「碰!」我頭部中拳了,暈眩侵占我的腦袋,

大局已定,我清楚這埸比賽已經輸了,

就是少許的錯誤,便會令你趺入不能翻身的洞穴內,

不但打架,處事或是生存,『小心駛得萬年船』永遠是至理名言.

（待續）

補充資料:
食滑:食住上咁解

[ 本帖最後由 ~傳說中的傻仔︻於 11-5-8 06:31 PM 編輯 ]

作者: 戰心 時間: 10-4-2 09:48 AM

有冇大佬d女搞野?

作者: 鋼牙章魚丸 時間: 10-4-2 11:11 AM

好精彩啊
d術語都咁清楚

作者: ~傳說中的傻仔︻ 時間: 10-4-2 11:48 AM

RE戰心:好可惜我SKIP哂攪野精節-.- 因為主要講權力鬥爭同埋古惑仔既生活

RE章魚:多謝支持我會盡量描寫得似黑社會多D

作者: 鋼牙章魚丸 時間: 10-4-2 07:21 PM 標題: 回復 12# ~傳說中的傻仔︻的帖子

波仔唔夠揪

作者: ~傳說中的傻仔︻ 時間: 10-4-2 07:52 PM

原帖由 鋼牙章魚丸 於 10-4-2 07:21 PM 發表
波仔唔夠揪 ?

最憎主角威能A_A

所以我會好寫實咁去作該死就該死亦都係呢部小說既賣點

作者: DAVIS123456 時間: 10-4-2 08:12 PM

幾正快d作@@@@@@

作者: ~傳說中的傻仔︻ 時間: 10-4-2 09:04 PM

其實我作好哂-.-

只不過堅持一日出一話吊下大家癮A_A

作者: 亞洛斯 時間: 10-4-2 09:11 PM

主題跟香討的黑道小說大同小異

作者: ~傳說中的傻仔︻ 時間: 10-4-2 09:32 PM

原帖由 亞洛斯 於 10-4-2 09:11 PM 發表
主題跟香討的黑道小說大同小異

因為呢度太多魔幻/古代/魔法/異能小說

所以先有想法作一D比較少見既主題小說還望了解~

作者: 下級生 時間: 10-4-3 07:25 AM

man做左紅條咁阿波味仲慘過之前??\
追睇落去先..

作者: MICHAELlo 時間: 10-4-3 07:46 AM

我接過後慢慢咀嚼啤酒的味道
品嘗會唔會好點=]

作者: ~傳說中的傻仔︻ 時間: 10-4-3 08:24 AM

RE下級生:嘿嘿  咁又未必既  做紅棍唔只得一條路

RE MICHAELO:咀嚼個意思就好似你唔知佢係苦定甜經過你既舌頭先會慢慢分辨到
                           相反  品嘗好似比較正面咁樣唔係幾符合我想帶出個意思

意思就係:你既心態好壞  就要透過好多事先會領略到  就係我用咀嚼既原意

感謝你既意見

作者: ~傳說中的傻仔︻ 時間: 10-4-3 08:39 AM

第三話:

阿MAN殺紅了眼,想向我再施以毒手,

「停手!」強哥一下喝令,

阿MAN縱萬不情願,亦只好停手.

菊花這時卻露出一絲的笑意,

「點呀強仔,話左阿MAN有料,係都要打,影衰埋自己.」

阿偉過來扶起我,「死得未呀?」

我推開他的手自己站起來,但全身痛得要死,

畢竟不可以再掉強哥的面子,也只好死忍下去.

「結果出左黎,阿MAN係今年既紅棍,而阿波自己衰仔唔夠料,三年後再黎過啦.」

強哥縱然無奈,但事實上我就是輸了,

眾兄弟也只好苦笑,三年一度的大典亦這樣完結.

晚上,我獨自在家裡擦著鐵打酒.

電話這時響起來,「喂.」

「阿波,出唔出黎飲杯野.」

原來是阿偉,看來他是想關心我,怕我輸給阿MAN後心情有所失落,

「唔啦...痛到我死..柯尿都無力啦.」

「有食唔食呀你,今晚又要我起雙飛.」

「睇住腎虧呀.」

「講埋D咁唔老泥既野,咁你早D抖啦,BYE~」

「BYE~」

我把電話放回桌上,卻不小心把一個相片架掃趺在地上,

我拿回一看,原來是當年我與『她』的一張合照,

想不到我還保留這張照片,『她』現在還好嗎?

(三年都無見過佢,一切都應該變哂啦.)

距離大典後兩個月,社團又有大事發生,

強哥急召我們集合,大家立刻趕去拳館待命.

「喂,咩料.」阿偉向犀牛問道,

「強哥同東英個泥鰍傾唔掂條數,咪開片LOR.」

只見眾人在磨利他們的武器,有鐵通、開山刀、棒球棍等等,

看看人數也有一平馬之多,強哥亦在此時到達,

他到達便即招手叫我過去,我不敢怠慢,

「強哥.」

「今次唔洗比面我,盡情掃班仆街!!」

「OK.」

強哥下了追殺令,我們便要盡力去執行命令,

古惑仔的生涯,便是上頭有指示,

我們不理危險與否都要把任務完成,

用生命賭博的日子,用鮮血達成上頭的意願.

「強哥,洗唔洗借D兵比你呀..哈哈.」

一陣令人討厭的聲線響起,那是阿MAN,

他好像特意來贈興似的,眾人看見他都立刻充滿敵意;

一來他不但自出自入,態度更是囂張得反感,

二來自從他當起紅棍之後便自以為是,更數次踩線去干預其他話事人的地盤,

風頭一時無兩,氣焰大得驚人.

強哥心情已經不好,現在有出氣對象當然歡迎之至,

「關你撚事咩?你咩身份同我講野?」

想不到強哥這麼好性子也忍不住責罵,

四大話事人之一的地位令阿MAN閉起口來.

「我既事唔洗你條盲毛黎理,OK?」

強哥的氣勢完全展現出來,「番屋企睇AV啦,大隻佬.」

阿偉帶領一班兄弟起哄,阿MAN帶著『吃了屎』的表情離去.

身份地位永遠是古惑仔所追求的榮耀,因為它帶來的用處多不勝數,

也是為何願意用珍貴的生命來作交換原因,一切看似平等......

到達荒廢的舊市區後,眾人拿起刀便衝出去,

「殺!」

「咪比班仆街走!」

「你係咁大先啦,東英仔!」

「收啦,華興仔!」

撕殺隨著眾人的挑釁而掀起序幕,

血不停在我眼前飛灑,但這並不是令人振奮的戰爭,

而是踏著別人屍體往上踩的行為,究竟我在做什麼?

六年來沒有過的猶豫,竟然在這血肉橫飛的情況中使我遲疑起來,

「睇鬼!!」阿偉的一聲驚叫,我才發覺有人從後襲擊,

「嗚..」很痛!!刀鋒在我的背脊劃下一道血痕,

回過頭時他已經把刀高舉,我要死了嗎!?

(待續)

補充資料:
一平馬:100人的術語, 如此類推,兩平馬即係200人

作者: DAVIS123456 時間: 10-4-3 12:28 PM

你死得啦

作者: ~傳說中的傻仔︻ 時間: 10-4-3 12:32 PM

原帖由 DAVIS123456 於 10-4-3 12:28 PM 發表
你死得啦

咁又唔會咁快香既-.-

話哂都係主角之前已經衰左一次又要死仲慘過D二打六

作者: DAVIS123456 時間: 10-4-3 12:34 PM

個「她」係咪主角以前條女?

你話主角同佢以前搞過生左個仔

之後你就死個時佢黎左幫拖

作者: ~傳說中的傻仔︻ 時間: 10-4-3 02:05 PM

原帖由 DAVIS123456 於 10-4-3 12:34 PM 發表
個「她」係咪主角以前條女?

你話主角同佢以前搞過生左個仔

之後你就死個時佢黎左幫拖

嘿嘿個劇情無咁簡單遲D你咪知A_A

作者: 阿唷 時間: 10-4-3 05:03 PM

正啊 !!!!!!!!1

作者: ~傳說中的傻仔︻ 時間: 10-4-3 05:12 PM

原帖由阿唷於 10-4-3 05:03 PM 發表
正啊 !!!!!!!!1

多謝支持A_A

可惜<兄弟死戰篇>我已經作好哂D人物所以未招人住

等我出下一篇個時再招人到時希望大家多多捧埸

作者: 西門●吹峰 時間: 10-4-3 06:34 PM

我有個問題丫...以我了解
如果你係真實的話...
應該會係 415 426 438 49 .... 嫁喎
但係你又講到有 49 咁 49 點都唔會係最細丫?
49 再對落個d 應該都唔洗講 ... 係而家社會黎講個d 名無人理...

作者: ~傳說中的傻仔︻ 時間: 10-4-3 06:56 PM

原帖由 西門●吹峰 於 10-4-3 06:34 PM 發表
我有個問題丫...以我了解
如果你係真實的話...
應該會係 415 426 438 49 .... 嫁喎
但係你又講到有 49 咁 49 點都唔會係最細丫?
49 再對落個d 應該都唔洗講 ... 係而家社會黎講個d 名無人理...

其實我係用統稱  點解用統稱呢?  係為左方便

四九就係基本會員    紅棍就紅棍白紙就白紙  草鞋就草鞋    起碼有個名係度

下下用415  426 會好易令人混淆又要搵番426係乜    415係乜

所以係呢部小說入面我用最簡單既方法分開唔同LV既人

四九仔 < 草鞋/白紙/紅棍 < 話事人 < 龍頭

咁當然啦  事實上當然唔只咁少仲有大路元帥  二路元帥雙花紅棍等等

不過為左方便同埋統一所以先唔用數字  而且仲將職位減少左  大家都無睇得咁辛苦

至於四九仔點都唔會最低我都知道

不過既然個故事係圍繞住四九仔我索性將佢變成最低可能有小小混淆視聽不過都係為左故事可以發展順利

希望可以解決你既問題

[ 本帖最後由 ~傳說中的傻仔︻於 10-4-3 06:58 PM 編輯 ]

作者: ~傳說中的傻仔︻ 時間: 10-4-4 10:11 AM

第四話:

一把不知從那裡來的開山刀,突然穿過那名刀手的心胸,原來是阿偉!!

阿偉把刀拔出來後向前一踢,那名刀手死得很不甘心,

他的雙眼猶如金魚眼般突了出來,不肯相信自己已踏進死亡的國度.

「你係唔係傻撚左!!差D就打柴!!」

阿偉的罵叫聲令我清醒過來,

(要生存就要殺...!!)

我現在不應該著緊沒有意義的事情,要生存便不能猶豫!

清醒過來後,我狠心除掉眼前的敵人,

我捉著其中一名刀手的手腕,而右手的利刃早在他的頸部亂劃,

「嗚呀!」

他的痛苦聲線並沒有使我留情,

我把刀快速地推入他的肚內,再向右一拖,

一連串的動作很流暢,鮮紅的人血便這樣染上我的面龐.

「一個都咪比佢地走!」

我也開始瘋狂起來,獸性似乎已經覆蓋我的人性,

「挑,我唔信你咁勁!!我叫......!」

又一名不知死活的人過來送死,他的名字還在嘴邊,

我的刀卻早已送進他的頭顱裡,他只能帶著他的名字進入黃泉路上;

我們愈戰愈勇,對方開始潰不成軍,

再過多十五分鍾,東英很快便敗下陣來.

經過點算,泥鰍這次是損兵折將,相反強哥的生意再次回復起色,

強哥很滿意我們的戰績,故請眾兄弟往夜總會慶功.

夜總會內,

「你今日做咩無啦啦呆左,係唔係食左屎?」

阿偉在取笑我,我馬上向他的『小弟弟』還擊,

「我比你呢度嚇傻左.」

「拿,咪攪個度,生小偉偉都係靠佢架啦.」

阿偉看我只是在喝啤酒,而沒有左擁右抱,

便招手喚媽媽生過來,

「媽咪~!你今晚D女我地波哥唔係太鍾意WO,有無D仲正D既先.」

一名濃妝艷抹的中年女人走過來,她架起一個機械式的笑容,

「偉哥仔,有就緊係有啦,只不過...」

她好像有點難言之隱,阿偉立刻發作,

「咩料呀,波哥要既女你都吱吱左左.」

「唔係呀偉哥仔,D女比你地兄弟落哂鍾,就係個邊咋MA.」

她向前方指一指,我與阿偉便望望是誰,

原來是阿MAN,只見他與一眾手下玩得不亦樂乎,

「我小,個基佬MAN.」

矮仔明好像看見我們,阿偉立刻裝了一個鬼臉回敬,逗得我也笑起來,

「算啦,你去招呼其他人啦.」

「係既係既,玩得開心D啦.」

中年女人便好像如釋重負地走開.

正當我們在談天的時候,有人卻過來掃興,

「咦?呢個咪係比MAN哥收左一次既波哥!!?」

原來是矮仔明,他應該是看見我們後,想過來挑釁一番,

「你傻撚左呀?你同邊個講野呀?」

阿偉不甘我被『單打』,立時發作,

我拍拍阿偉示意他坐下,阿MAN這時又走過來,

「細既又亂講野啦,哈哈,阿波唔好見怪.」

阿MAN一如以往的佛口蛇心,真他媽的虛偽.

他在我桌面上倒了兩杯酒,然後遞了一杯給我,

「以前D野,飲左佢當無數啦.」

他自己則便拿起酒杯在等我,「好呀.」

(等我玩下你條契弟先.)

我亦拿起酒杯,「波哥即係波哥,特別大量.」

阿MAN的樣子實在令我很討厭,

當快要『CHEERS』的時候,

我裝作拿不穩酒杯,把酒倒向他的衣服,

「嘩..」阿MAN避不開,眼神立時變得憤怒,

「係唔係玩野呀!」矮仔明馬上發作,

「啪!」他大力拍往桌面,

十多人立刻從阿MAN的桌上過來圍著我倆,

「唔好意思WO,MAN哥,隻手唔聽話,

我地今晚就玩夠啦,你慢慢玩啦.阿偉走啦.」

還沒有等阿MAN回答我便離去,圍著我們的人也不敢作出阻攔,

阿偉刻意碰撞數人的肩膀,這時我高舉食指擺了一擺,

意思便是:總有一日我會替你收屍.

(待續)

補充資料:
打柴:死亡
落鍾:金錢交易(性行為)

[ 本帖最後由 ~傳說中的傻仔︻於 10-4-4 10:16 AM 編輯 ]

作者: DAVIS123456 時間: 10-4-4 11:53 AM

個波哥係咪你簽名個個

作者: ~傳說中的傻仔︻ 時間: 10-4-4 12:51 PM

原帖由 DAVIS123456 於 10-4-4 11:53 AM 發表
個波哥係咪你簽名個個

你覺得係咪係-.-

你可以當自己係都得架A_A

作者: DAVIS123456 時間: 10-4-4 01:03 PM

我係強哥wo

作者: ~傳說中的傻仔︻ 時間: 10-4-4 01:09 PM

原帖由 DAVIS123456 於 10-4-4 01:03 PM 發表
我係強哥wo

咁你注定無好下埸-.-"

作者: DAVIS123456 時間: 10-4-4 02:20 PM

WHY

作者: ~傳說中的傻仔︻ 時間: 10-4-4 04:53 PM

原帖由 DAVIS123456 於 10-4-4 02:20 PM 發表
WHY

因為係之後既劇情強哥會......(賣個關子先)

作者: MICHAELlo 時間: 10-4-5 10:01 AM

原帖由 ~傳說中的傻仔︻ 於 10-4-3 06:56 PM 發表

其實我係用統稱  點解用統稱呢?  係為左方便

四九就係基本會員    紅棍就紅棍白紙就白紙  草鞋就草鞋    起碼有個名係度

下下用415  426 會好易令人混淆又要搵番426係乜    415係乜

所以 ...

咁你又話要真實..又要刪減..

作者: MICHAELlo 時間: 10-4-5 10:04 AM

原帖由 DAVIS123456 於 10-4-4 11:53 AM 發表
個波哥係咪你簽名個個

哈..佢果個係山下忠秀(立花)XDXDXD

作者: ~傳說中的傻仔︻ 時間: 10-4-5 10:58 AM

原帖由 MICHAELlo 於 10-4-5 10:01 AM 發表

咁你又話要真實..又要刪減..

咁法律都不外乎人情我盡量將個故事簡化係方便大家睇

而家當中大部份都係真實只不過有小部份我無寫出黎

如果真係跟足<古感仔>既架構無番十幾年都唔洗作完個故事希望可以體諒體諒

作者: ~傳說中的傻仔︻ 時間: 10-4-5 11:08 AM

第五話:

離開夜總會後,我與阿偉分道揚鏢,

「聽日上唔上深圳?」

「唔啦,你自己單飛啦.」

「妖,無D情趣,係呢,呢期有無上網?」

「做乜.」

「上2千分論壇睇下,有條傻仔拎我地既名黎作故仔,比我刮到佢實打佢一身.」

「哈哈,睇路呀,粉皮.」

道別後,正當我在替電單車開鎖時,

「呀!!做乜呀你地!!」一下的尖叫聲使我注意,

我看見在不遠處,有數名金毛飛向一名女人毛手毛腳,

(我頂,攪埋D咁既野?影衰哂D古惑仔.)

這時我身為古惑仔的正義感也散發出來,

「喂,咩事!」我邊走過去邊向他們大喝,

其中一名金毛飛在指著我,「關你撚事呀?你邊度架!!」

「你又邊度呀?」

「我地謝記,跟火柴哥既!!」

(火柴!!你老味好跟唔跟,跟火柴!!)

「格勒..!!」我默不作聲,把充滿頓怒的一拳擊出,

那金毛飛被我打得鼻血也流下來,

「你玩野呀!!」

其餘的金毛飛馬上過來助陣,把我重重包圍,

(死靚仔想同我玩圍毆......)

當快要出手的時候,「差人!!咩事!?」

一名警察卻在此時經過,「哨啦!」金毛飛們立時雞飛狗走.

警察過來了解發生什麼事情,他好像認識那名女人,

「阿儀..!!無事呀MA?」

我對警察卻好像有一種無形的抗拒感,可能是古惑仔的身份,

這兩種職業就好像貓與狗,有天生的敵對本能;

所以我便選擇馬上離開,但被他叫停,

「呢位先生,我諗你要交待番件事先走得.」

(妖,煩!!)

警察權力是大於古惑仔,儘管現在警察給予別人的印象是『拿正牌的古惑仔』,

但我亦只好站在原地,回過頭去交待事情,

近看之下他還頗年輕的,應該也是與我差不多歲數吧.

「阿SIR,我見到條女嗌哂救命,我先過黎睇下乜事姐.」

我無好氣地解釋,反正就是不想與警察有任何接觸,

「阿儀,佢講既係唔係真?」

這名女士整理好衣服,眼中好像還有點淚珠,

「係呀..唔該哂...你!?」

她慢慢望過來,樣子使我十分驚訝!!

(係佢..!!!)

她看見我之後也是露出驚訝的樣子,警察看見我們好像相識,

「你地識既?」

她慢慢點頭,我亦同時點頭,我又怎會不認識她,

她是我相片架中合照的女主角,亦是我第一段愛情的另一半---何靜儀.

「原來你地識架?你好,我叫周武傑.係呢...」

名叫周武傑的警察想與我再傾談下去,我卻沒有理會他們便立刻離去,

(點會撞到佢架....)

我的心神變得極為混亂,只想快點離開此地,

「轟..轟!!」

坐上電單車後再望過去,我瞄到她的眼神並沒有變,

她看著我的眼神與三年前的眼神還是這樣,一模一樣的表情.

回到家後,我走到雪櫃前拿出啤酒,

希望藉以酒精來麻醉自己的思緒,桌上的相片架卻好像跟我作對,

把一幅甜密溫馨的相片對準著我,「啪!」我急忙把它蓋下,

(唉...明明都過左咁耐,點解我仲咁心虛呢..)

那一晚我醉了,但其實由三年前的那一天起,我已經沒有清醒過......

(待續)

補充資料:
哨:即係走佬

作者: DAVIS123456 時間: 10-4-5 08:00 PM

正a_a
----
宣傳:
禁我簽名去留個cm+推薦

作者: ~傳說中的傻仔︻ 時間: 10-4-6 10:50 AM

第六話:

自那一天起我絕少再踏進尖沙咀,只因為很害怕再碰見她.

而黑社會的日子永遠是瞬息萬變,風光與否都是在快速地變化;

近期『華與』與『東英』吵得熱哄哄,為的是『和記』所剩下的地盤;

『和記』近期被警察連根拔起,連他們的龍頭也被捕,可見氣數已盡.

還真是諷刺,『和記』在前年才有勢力狀大的氣勢,今天卻變成全盤散沙.

「阿波,呢期和記謝哂皮,睇怕我地都差唔多要同班東英仔片過.」

「兩睇啦,話唔定同佢地拍住上呢.」

阿偉這時把頭放近我的耳邊,我馬上反應,

「做乜尻.」

「細聲D,同你傾下心事啦.」

阿偉帶我往拳館後巷的洗手間外面,

他吸了一大啖的香煙,

「有咩就講啦.」

「我琴晚見到哂啦.」

他把聲線壓得很低,我差點就聽不到,

「講乜呀你.」

「哈哈,何靜儀呀!」

這三字就像一個恐怖的咀咒,每次聽到都使我緊張莫名,

阿偉還特意把聲線拉高,恐怕沒有人聽到似的.

我立時掩住他的口,「頂你個肺.」

他撥開我的手,「唏,咁騰雞做乜.」

「過去既事咪提啦.」

阿偉把煙噴向我的面上,

「妖,睇佢既眼神都唔慌憎得你去邊啦,洗唔洗咁淆?

三年前我地唔係比謝記條火柴陰到,個單野都唔會發生啦,

錯不在我地WO.....」

「唔好再講.」

「咁係呀MA,你問心啦,自己仲係係咪LIKE佢先,係既咪再搵番人LOR......」

「碰!」我把憤怒的拳頭打在牆上,

阿偉亦感覺到氣氛不妙,慌忙打圓埸,

「一埸兄弟都係為你好姐,有咩唔好放係心底啦,拎出黎同我嗲啦,兄弟!!」

阿偉走回拳館內,後巷只剩下我一個人懊惱著.

(火柴...!!總有一日我會親手收你皮.)

究竟火柴與三年前的那件事,有什麼關係呢?

晚上九時,荃灣碼頭......

(你問心啦,自己仲係係咪LIKE佢先......)

我不知道,兒女私情一向不是我擅長的,

況且三年前的那件事已經使我無地自容,我又有何面目去面對她呢?

我腦中不斷在回想阿偉的說話,雙腿卻向著舊日的老地方走去,

稍稍集中注意力後便感到很不妥,(我點會行到黎呢度?)

荃灣碼頭是昔日與『她』談情的地方,而這刻我似乎有點懷念的感覺,

獨個到7-ELEVEN買了一枝啤酒,便找個椅子坐下.

(三年前我日日都黎呢度..或者個件事無發生既話...)

這時我腦袋浮現數句中四時候所學的文學句子,

『舉杯邀明月對影成三人. 月既不解飲影徒隨我身...』

不是讀書材料的我只能記得開首四句,古惑仔也有詩意,真是可笑.

「HI,呢度有無人坐呀?」旁面響起一把聲線,

我轉過面去卻差點令我噴出酒來,何靜儀!!

(待續)

[ 本帖最後由 ~傳說中的傻仔︻於 10-4-6 12:15 PM 編輯 ]

作者: 三★六 時間: 10-4-6 12:03 PM

上2千分論壇睇下,有條傻仔拎我地既名黎作故仔,比我刮到佢實打佢一身

咁你死硬了

作者: ~傳說中的傻仔︻ 時間: 10-4-6 12:15 PM

原帖由 三★六 於 10-4-6 12:03 PM 發表
上2千分論壇睇下,有條傻仔拎我地既名黎作故仔,比我刮到佢實打佢一身

咁你死硬了

都幾難刮到我-.-""

作者: 鋼牙章魚丸 時間: 10-4-7 01:22 AM

「上2千分論壇睇下,有條傻仔拎我地既名黎作故仔,比我刮到佢實打佢一身.」

勁好笑

作者: ~傳說中的傻仔︻ 時間: 10-4-7 12:26 PM

第七話:

(唔係WOR..好似唔係佢黎...)

再看清楚一點,原來是我醉意揮發,

根本只是一個普通男人,又何來靜儀?

近期與她的重遇,似乎使我的生活節奏開始邁向混亂.

接近龍頭生日,社團裡的眾人均視作頭等大事,

而今年是我初次參與龍頸的生日派對,但是埸面與我想像中有點出入.

「唔係掛..得一間房仔?」只見夜總會的房間外,

只是隨意掛著「林生專用」的牌子,欠缺任何氣派.

「阿波,黎左啦?」強哥與我打招呼,

「係呀,強哥.」

「大佬!」

阿偉亦是被邀的其中一人,

「強哥,點解好似咁少人?」

強哥吩咐我們坐下,一邊倒酒一邊解釋,

「你以為有幾多人,今日老頂剩係約我一條友,帶埋你兩個算係多.」

「老頂唔鍾意攪大佢?」阿偉問道.

「攪你個頭,佢不嬲好低調,不過我見你地都幾做得野,

咪帶埋你地黎,睇下有無機會比佢欽點你地上位.」

「欽乜話?」阿偉又在說笑,

「欽你老母.」我拍打阿偉的頭.

阿偉馬上縮開,「係呢,老頂其實叫咩名?我地都想八掛下.」

「林勇佳.」

「老頂即係老頂,個名都POWER過人,佢今年幾大呀?」

「今年先係岩岩五章野,FIT到出汁個隻.」

強哥細嚐著杯中物,面上帶著微微笑意,

「聽講老頂以前打交打到出哂位,好似比人叫做....」

阿偉說著說著好像不記得,

「戰神呀MA,逢打必贏,我以前跟住佢由大角咀打到落尖沙咀,

獲獲都掃到人地陷家產,先有今日既華興.」

然後強哥拍拍我肩膀,「上次單野唔洗咁愁,係有料既你遲早都上位.」

我有點受寵若驚,強哥還是一如以往的關照,

「OK啦,跟住強哥都夠哂.」

「收皮啦你,扮正經,哈哈.」強哥偷襲我的『小弟弟』,

但那種與手下打成一片的態度,也是他能夠成為四大話事人之一的原因.

「阿強!」一把沉厚的聲線響起,

能夠身為一個龍頭,究竟有什麼條件呢?

只見一名中年男士走進來,皮膚呈古銅色,

口中雪茄散發出的煙圈,也掩不住他的氣派,

比我高出半個頭,雖說不出健碩但卻給人難以言喻的壓力,

白茫的髮鬢與深刻的魚尾紋,更是印證他是黑道的天之驕子.

「佳哥!」強哥走過去與佳哥祝賀,

佳哥一看見強哥,便顯得很高興的樣子,

接著搭著強哥的肩膀一起坐下,

「好耐無見啦WO!」

「仲係咁啦,祝你龍馬精神啦!」

「幾十年老友仲講呢D把春咩,坐低叫野食啦!」

「老頂!!祝你身體健康!!」我與阿偉立時站起來向佳哥行禮,

「強仔,呢兩個係?」

「我兩個馬仔黎,阿波同阿偉,幾做得野既,帶埋佢地黎食餐便飯姐.」

「OK,坐低呀.」佳哥吩咐坐下,而我們顯得戰戰兢兢.

「唔洗咁緊張WOR,大家自己人.」佳哥在紓緩我們的壓力,

「哈哈,兩個傻仔係咁上下.」

「哈..哈..!!」

連一向嬉皮笑臉的阿偉也認真起來,龍頭的氣派果然與別不同.

而在我近看之下,歲月在佳哥的面上劃過痕跡,當天的戰神也敵不過時間的魔力.

「阿波,你覺得我地而家既前景係點?」

佳哥突然向我發出一條問題,似乎有心考驗我.

(點答好呢..呢個係上位既好機會..)

「嗯...我覺得而家和記收左檔,得番我地同東英夠料,

好既方面睇,我地可以同東英拍住上,咁樣就可以一港兩團;

但係壞既方面黎睇,我地雖然得番一個敵人,但係亦都係最強既敵人,

相比以前三分天下,而家既導火線直接連繫我地兩個社團,

亦都可以話危險好多,只要一個唔小心就可能比東英食埋......」

我答得小心翼翼,不想有任何一個錯處,

而佳哥一面聽一面點頭,應該也是頗認同我的觀點,

看見他們的反應後我便說下去,

「東英同我地不嬲管開九龍同新界,但係而家香港仔個面既地盤空哂出黎,

我地遲早會因為爭地盤而有爭執,而且仲有好多檔口想借火打劫,

所以當務之急係決定我地究竟用咩姿態去面對東英.」

佳哥面帶微笑地再次發問,「咁你認為用咩姿態最好.」

「嗯..我覺得要後發先至,東英諗既同我地一樣,

如果邊個打人先,邊個就係衰仔,所以就係呢個原因大家都未開拖,

但係不論雙方,遲早都會搵藉口開片;

所以呢段時機我覺得最好要先招兵買馬,裝備好自己,

到左真係黎料個陣,都有一定既本錢去同佢地死過.」

佳哥與強哥同時點頭,似乎很受落我的回應.

「唔錯WO阿強,條靚仔睇野幾遠.」

「唔做得野點敢帶黎比你睇下,哈哈.」

阿偉也向我投以讚賞的眼神,我總算放鬆下來.

過了一個小時後,強哥吩咐我們先離去,

「我同佳哥傾D野,你地走先啦.」

我與阿偉當然不敢異議,「走先,老頂.」

「嗯.」佳哥也向我們招手道別,

「阿波!」突然佳哥叫停我,

「係..!」我只好回頭看看什麼事,

「我紮你做大底,比D心機.」

我開心得連忙道謝,然後便滿心歡喜地離去.

走出酒樓後,阿偉好像如釋重負,

「嘩..嚇撚死我..老頂真係老頂..氣派真係唔同D..」

他拍拍我,「你就掂啦,真係比人欽左.」

「兄弟比面姐.」

「你條粉皮之前仲愁爆,而家就係度寸柒柒.」

得以被欽點晉升為大底,當然令人值得歡喜,

代表我又離權力核心走進一大步,但是另一角度來看的話,

我又離死亡走近一大步、樹大招風,這就是古惑仔上位的代價.

(待續)

補充資料:
大底:紅棍/白紙/草鞋的統稱

作者: 朗2 時間: 10-4-7 11:41 PM

唔錯唔錯,有啲笑位
我想睇阿波同阿偉反面..
又或者阿波比阿偉背伴(為爭上位)另阿波比華興追打

作者: 鋼牙章魚丸 時間: 10-4-8 12:46 AM 標題: 回復 48# 朗2 的帖子

咁既劇情好q悶喎

等樓主自由發揮啦

好正囉呢個小說...

作者: DAVIS123456 時間: 10-4-8 12:28 PM

我想睇呀波同MAN

作者: ~傳說中的傻仔︻ 時間: 10-4-8 12:43 PM

第八話:

往後的日子裡,我們與東英的磨擦果然慢慢增加,

而零星的街頭鬥爭也開始蔓延,暗湧遲早會變成把人沖走的海嘯.

是夜,我被強哥派予去與東英恰談地盤的分配,

強哥事前特別交代我,底線是要拿回三份一的夜總會來經營,

但對方恐怕是不會輕易就範,即是談不攏的話便打!!

「帶左黎未?」我拍拍腰間,

「帶左啦.」

「你地係出面等,剩係我同阿偉入去就夠.」

我安排兄弟在外面等待,這也是表現誠意的做法,當然對方會否領情便是另一回事.

「但係東英班友好似唔多老泥WO...」

數名兄弟有點擔心我們的安危,

(點會有事...狗仔都帶埋黎)

「放心啦..」我給阿偉打眼色,阿偉拍拍他的腰,

「一定無事.」我們便走向茶餐廳.

快要到達的時候,阿偉卻叫停我,

「阿波.」

「咩料.」

他從褲袋裡拿出一條頸鍊給我,「比你.」

「屌,你唔係攪基呀.」

「收啦你,拎住.」

頸鍊有點像子彈形狀,但拿著時卻有點重,

「咁重既?」

「嘿,純銀做架MA.」

「多謝WO.」

「多乜Q謝呀,大家出黎行,做兄弟既小小心意姐,話唔定會救到你」

「呢條頸鍊有乜咁勁,可以救到我?」

「遲D你咪知LOR,大佬波.」

「屌,入去啦.」

「沙...沙...」我慢慢拉開茶餐廳的鐵閘,

早已有十數名東英仔在等候我的到達.

有人想過來搜身,「你唔係呀,兩條友都搜?」

阿偉馬上拒絕,那名肥仔說,

「唔洗啦,兩條友唔慌玩得出咩花樣.」搜身的人便退回後面.

我坐下後便開始今晚的目的,

「葡萄哥,大家四四六六拆掂咪GOOD,唔洗刀刀叉叉.」

我要接觸的名叫葡萄,是一名自大成狂的傢伙,

但為了強哥的生意與社團的勢力,我也要硬著頭皮上.

「挑,你教我做野呀??邊撚個唔想,ON99.」

他那囂張的神情真的很討厭,

要不是為了社團,我早已選擇『開拖』.

「拿,我知你黎想做咩,夜總會你就唔洗旨意諗,

D架步你就可以拎走兩成,就係咁多.」

「嘩,跟葡萄哥搵食掂呀,好過去搶.」

阿偉在旁聽到都感到不公平,

「關你撚事咩?四九仔.」

「拿,我今晚就唔想攪事,上頭柯打就拎番三份一夜總會姐,葡萄哥就比下面,大家好來好去.」

我堅決我的立埸,亦即是強哥的命令.

「你痴左邊條線?我比面你班華興仔做乜?」

葡萄與手下在恥笑我們,

「你唔係第一日出黎行呀,死靚仔.」

我的神情變得很認真,「即係無計傾?」

「傾你條毛,而家老子唔LIKE你,連兩成架步都收番埋,你吹咩?」

我與阿偉也變得很憤怒,眼神直視著葡萄,

「望乜撚野呀,我就係唔妥華興仔,即係唔妥埋你!!」

葡萄一拍桌面,十數名人馬上圍著我們,

「兩條柒頭扮撚哂老江湖,阿叔出黎行個時你地都唔知係邊.」

他慢慢行過來,把食指按向我的面,

「番去同你大佬講,要傾野唔好搵兩條華興西黎,要拎地盤?得!!做我條靚咪得.哈哈哈.」

「寸我好啦,唔好拎華興兩隻字玩.」

「我係鍾意呀,吹咩??華興係有料既,洗乜叫你兩條精蟲同我傾呀.」

他那個笑容不斷刺激我的腦海,我忍受不了!!

(你老味!!)

我一手抓緊葡萄的食指,大力地屈曲,

「呀,放手呀!!仆街仔!!」

然後快速地從腰間拔出手槍對準葡萄的頭部,

「叫左你咪寸華興,係唔聽,咁你食屎啦!」食指按下槍鍵,

「砰!!!」

子彈瞬間穿過他的頭顱,他還沒有反應到什麼事情便已經倒下,

他是那麼驚恐,好像意想不到死亡會突然降臨,

血從半空散開,猶如煙花般的燦爛,

他剩下的只有失去半邊頭爐的屍體,連表情也沒有.

「葡萄哥!!!」其餘手下跑到他的屍體旁,

「阿偉做野!!」阿偉馬上拔出手槍,

「砰!!砰!!砰!!」

子彈不斷橫飛,嚇得葡萄的手下找地方躲起來,

「波哥,偉哥!」

門外的兄弟馬上過來看看發生什麼事情,

「無事,哨啦!!」

「阿偉,哨啦!」

阿偉也不再糾纏下去,與一眾兄弟立時逃去.

這就是古惑仔的生活,葡萄又怎料得到會成為槍下亡魂,

離去時不禁回頭看看葡萄的屍體,終有一天我也是這個下埸嗎?

(待續)

補充資料:
狗仔:手槍
架步:妓院

[ 本帖最後由 ~傳說中的傻仔︻於 10-4-10 06:33 AM 編輯 ]

作者: ~傳說中的傻仔︻ 時間: 10-4-8 12:46 PM

RE朗:好難反面-.-  咁樣好炒古惑仔既劇情
   同埋笑位好難先會有-.-  個句係我求其加上去  估唔到有唔錯既效果

RE章魚丸:多謝支持A_A　仲怕你地會覺得悶

RE DAVID:你想睇斷背?-.-  算吧啦-.-

作者: DAVIS123456 時間: 10-4-8 01:16 PM

咁快第八話啦

作者: DAVIS123456 時間: 10-4-8 01:22 PM

笑左

用手槍幫拖

作者: ~傳說中的傻仔︻ 時間: 10-4-8 03:02 PM

原帖由 DAVIS123456 於 10-4-8 01:22 PM 發表
笑左

用手槍幫拖

唔用手槍兩條友唔通主角威能挑十幾個

除非比你把夢幻之劍我啦:smilie_:10:

作者: DAVIS123456 時間: 10-4-8 03:45 PM

主角都未搵到何來比到你

作者: ~傳說中的傻仔︻ 時間: 10-4-8 05:01 PM

原帖由 DAVIS123456 於 10-4-8 03:45 PM 發表
主角都未搵到何來比到你

咁我唯有用手槍仔頂住先

作者: 三★六 時間: 10-4-8 11:31 PM

支持，正野

作者: ~傳說中的傻仔︻ 時間: 10-4-9 11:57 AM

強哥外傳全一話:

「阿強,上哂青未!!」

「掂哂!!」

「淆唔淆先.」

「痴線,佳哥你1打10,我打2件姐,怕咩!!」

我與佳哥被十多人埋伏,在後巷中與對家展開生死博鬥,

「咁沖出去殺死班仆街!!」

佳哥的強橫戰意能夠傳染給我,我在這刻也變得豪氣起來,

「渣渣林個隻!!」

此時,十多人不斷在找尋我們,

「兩條仆街仔去左邊,快D搵!!」

「我地係度!!」

佳哥一聲怒喝,把對方的視線吸引過來,

帶頭的人慢慢走出來,是一名阿叔,

「你兩條傻仔都幾夠彊,得兩丁友都夠彊同阿叔十幾人撐?」

「挑,兩丁友夠做.」

佳哥拍拍心口,這就是少年的狂傲,

再加上他胸口的龍頭紋身,整個就猶如戰神下凡.

「殺左個兩條仆街仔!!」

「阿強,有咩事就叫我,一定無事個隻!!」

「掂呀佳哥!!」

是次我們把對方斬死兩人,斬傷六人,

四人不戰而逃,阿叔更被嚇得回了大陸,

一時之間我們的名號響遍黑道,

那年我正值二十二歲,而佳哥卻是二十六歲.

蒙永強,這名字是我媽媽取的,

為什麼是媽媽呢?因為我的爸爸是後父,從少便不喜歡我,

他也不許妹妹與我玩耍,我便在缺乏父愛的環境下長大,

而永強二字喻意能永遠強壯,可是我卻把這名字扭曲成永遠強大,

知道佳哥想在黑道打響名號後,我二話不說便願意追隨他,

但當家裡知道我混黑道時,傷心得跟我脫離關係,

剛好後父在英國有房子,也想給妹妹有更好的教育,

再加上一九九七年香港回歸中國,便順勢移民去英國,

可是我沒有後悔,因為黑道這條路從來不允許後悔.

「阿強,你以後要生生性性啦...」

媽媽哭成淚人,我也忍不住流淚,

「媽..你過到去要保重身體..」

「阿強,路係你自己選擇,係你唔跟我地一齊移民,

我就盡左做老豆既責任.」我沒有理會後父的說話,

後父感到不是味兒,便獨自走到出境櫃台等候,

「強仔,袋住佢..」

媽媽從衣袋裡拿出一枚戒指,是琥珀色的,透明而亮麗,

「媽..呢隻係..?」

「係你死鬼老豆剩落,我又要飛去英國,你帶住佢,就當見到阿媽啦..」

「多謝阿媽...」

「阿哥,你以後都要小心啦.」

「知啦,妹頭,你要聽阿媽話,如果阿爸蝦你,記住寫信比我.」

「知道.」

「順風呀.」

他們與我揮手道別,我亦目送他們離開,

「轟....!!」飛機緩緩前進,

我一直在外面看著它起飛、離去,直至沉沒在天際之中.....

那年我二十三歲,正是踏入了黑道剛一年,

自此,香港裡我再沒有親人.

「阿強,華興個朵響唔響就睇呢獲.」

「佳哥,唔洗講咁多,水裡水裡去個隻.」

「好兄弟!!」

我拿起開山刀,跟隨佳哥的背影步行至今,

經過一番努力,華興終於成立,那年我二十九歲.

如今我已四十有六,想法亦變得成熟,

我想大概六十歲便會退休,淡出這個圈子,

但人在江湖、身不由己,

未來會是如何,又有誰會知道??一切隨緣吧......

(強哥外傳完)

補充資料:
上青:拎武器

[ 本帖最後由 ~傳說中的傻仔︻於 10-4-9 12:00 PM 編輯 ]

作者: ~傳說中的傻仔︻ 時間: 10-4-9 12:03 PM

唔好意思-.-"

強哥既歲數之前打錯應該係46先岩

先前打左42 如果仲係用42 就會有BUG

希望多多體諒另外有咩意見歡迎提出我會改善的

作者: 鋼牙章魚丸 時間: 10-4-9 02:38 PM

戰神超強大
1打10

作者: ~傳說中的傻仔︻ 時間: 10-4-9 03:12 PM

話哂都係龍頭 1打10就由佢啦-.-

而且唔係成日出埸唔好捉得我咁嚴

作者: DAVIS123456 時間: 10-4-9 10:50 PM

已閱

啦啦啦~~~~~~~~

作者: 朗2 時間: 10-4-9 11:22 PM

第八話>>「拿,我今晚就唔想攪事,上頭柯打就拎番三份一衣總會姐,葡萄哥就比下面,大家好來好去.」
係咪夜?

作者: 朗2 時間: 10-4-9 11:31 PM

故事清楚,內容寫實
我好鐘意呢個故事
推薦推薦推薦

作者: ~傳說中的傻仔︻ 時間: 10-4-10 06:32 AM

原帖由朗2 於 10-4-9 11:31 PM 發表
故事清楚,內容寫實
我好鐘意呢個故事
推薦推薦推薦

多謝支持我改番個錯字先@.@

作者: ~傳說中的傻仔︻ 時間: 10-4-10 06:51 AM

第九話:(呢話賣大包有成6段咁多慢慢睇啦)

早上打開報紙,全是昨晚葡萄被殺的新聞,

整個A1板面也給『黑道撕殺』四個大字霸佔,

「鈴..鈴..」電話響起來,

「喂.」

「阿波,琴晚單野做得好.」是強哥的慰問,

「強哥落得ORDER,我地緊谷行哂.」

「升左做大底係唔同D,講句野都有POWER.」

「咪笑我啦.」

「一陣去我間寫字樓,有計傾.」

(強哥叫我去吹水??睇怕都有野要攪.)

「咁一陣我差唔多到比個電話你.」

「OK,你鍾意可以叫埋阿偉.」

我致電給阿偉,但他卻沒有接,應該是要在風花雪月中.

換好衣服,我便向著強哥的公司出發.

「蒙生,有位凌生搵你.」

「比佢入黎.」

「你入得去啦,蒙生已經係入面.」

門外的秘書小姐邀請我入內,

「唔該.」

我推開木製的大門,大門邊著有龍紋的圖案,散發著與別不同的氣派;

「強哥.」

「阿波,坐坐坐.」

環望四周,辦公室不但充滿著格調,更突顯出強哥的富有.

「強哥即係強哥,間房都型過人.」

「碎料黎姐,第日你搵到錢都可以好似我咁.」

「呵,都唔知要幾耐.」

「呢D遲D再傾,搵你上黎係想同你傾少少野.」

我點點頭,聚精會神地等著強哥的發言,

「想問下你想唔想參加今年個社團名次爭霸戰.」

「咩黎架?」

「講白D,即係自己環頭派人出黎隻DUP,贏左就省靚個牌頭,

亦有D人就藉呢個比賽解決社團恩怨;年年都有架啦,你之前未夠班,今年你都二十三,諗住比你見下世面姐.」

「好多社團都會玩埋一份?」

「係呀,我地同東英就落硬埸,另外有中星,謝記個D細野都會玩下.」

(謝記!!)

一聽到這個名字,便會令我想起火柴那個賤人.

「另外贏左冠軍條友,就會成為公認既雙花紅棍.」

(雙花紅棍!!!)

「咁堅!?」

「嘿,預左你係咁既反應,你都知雙花紅棍係全香港都得兩個,

係我地呢輩黎計,得佳哥同埋東英個皇龍;

而我地呢D都變做老野啦,所以諗住係D細既入面,

睇下搵唔搵到一兩個都好,順手問你會唔會參加.」

「緊參加啦!」

能夠見識到不同的格鬥好手,我才不會錯過這樣的盛事,

「但係我地琴晚先隊死左葡萄,東英個邊又會肯算數?」

「挑,個葡萄出哂名貪威識食,東英班幹部一早想做瓜佢啦,

而家你幫佢地收左條友檔,多謝你都黎唔切;不過你要小心個史王輝.」

「史王輝?」

「葡萄既親生大佬,五幹部之一,條友勁有腦;葡萄做到掌舵個位都係史王輝攬佢.」

「嗯,收到.」

『東英』與『華興』是不同的社團,內部分級亦有分別;

沒有分別的是「龍頭」當然是最大,

「龍頭」之下,華興便是以『四大』來作分支,

東英則分開了五大幹部與八區掌舵,

史王輝便是其中一名幹部,葡萄與泥鰍便是其中一名掌舵,

能夠升上掌舵的位置,沒有一定時間與彪炳的戰績是絕對當不了;

亦因為『華興』與『東英』的勢力同樣強大,所以亦有云:

『華興四大隨勇龍,東英五幹全掌舵』

可見東英五幹部的實力與華興四大話事人不分上下,

亦因此力證東英便是華興最大的敵人.

強哥走過來拍拍我肩膀,

「GOOD,仲諗你之前衰過比阿MAN會謝皮.」

「邊個未輸過呀,識企番身咪得囉.」

「哈哈,我就係欣賞你自強不息,你順便睇下仲有人想參加,

下星期三之前比個LIST我.」

「咁菊花個面係唔係都會...?」

「哈哈,定啦你.花仔佢咁要面,肯定都落硬埸,

到時你咪再同個阿MAN片過,不過今次醒定D.」

「放心啦,我唔會再做第二次衰仔,係呢,個比賽幾時開波?」

「下個月五號,仲有成個月比你操,醒扒啦.」

「收到,走先啦,強哥.」

「嗯.」

離開強哥的公司後,我開始想想身邊有沒有人會參加比賽,

在大街之上,卻聽見一把令人討厭的聲線,

「咦,波哥WOR.」

這個世界還真是細小,偏偏看見不想碰到的人,

「點呀,阿MAN.」

阿MAN擺出一副看不起我的神情,

他身後亦總是跟著一班手下,好像整個環頭也是他們管治似的.

「你都參加個比賽呀?」

「係又點.」

「哈哈,咁我希望你唔好第一ROUND就同我打啦.」

「唉呀,MAN哥,我驚人地連外圍賽都比人收左皮.」

矮仔明在一邊附和,

「有無攪錯,你咁樣話波哥?」

「對唔住,波哥,原諒我係咁直.」

矮仔明露出一個恥笑,正所謂『士可忍,孰不可忍』,

(咁都忍到,我唔姓凌!!)

「碰!」我的右拳把矮仔明直轟趺在地上,

「嘩..!!」矮仔明怕得連忙躲在阿MAN身後,

街道的人趕忙過來圍觀,「嘩..打交呀?」

「打狗都睇主人呀,阿波.」

阿MAN的面色變得很深沉,他的手下更過來想抓我,

我馬上推開他們,指著阿MAN說,

「阿MAN,你係唔係玩野!!」

「停手!」阿MAN立時喝停他們,

「你係玩野既,我而家就吹雞同你玩!」

彼此眼神交接,不和已經擴展成仇恨,

「嘿,點會呢,波哥你敏感姐,係比賽到見啦,走啦!!」

阿MAN總算不敢在白天明刀明槍,走之前他在我耳邊說了一句,

「我會係擂台上面,當住咁多人面前打死你,執生啦.」

看著他的背影,我便知道總有天要跟他決一死戰.

(待續)

補充資料:
牌頭:社團
雙花紅棍:紅棍中既紅棍超強格鬥能力既古惑仔全港得一至兩個

[ 本帖最後由 ~傳說中的傻仔︻於 10-4-10 06:55 AM 編輯 ]

作者: DAVIS123456 時間: 10-4-10 09:18 AM

咁快又要打 SAD

作者: ~傳說中的傻仔︻ 時間: 10-4-10 11:49 AM

你想隔幾耐?? 唔通一年半載咩

作者: 鋼牙章魚丸 時間: 10-4-10 01:59 PM

波波做硬雙花紅棍

作者: ~傳說中的傻仔︻ 時間: 10-4-10 02:11 PM

原帖由 鋼牙章魚丸 於 10-4-10 01:59 PM 發表
波波做硬雙花紅棍

拿...我無講過呀A_A

作者: 十天使 時間: 10-4-11 02:42 AM

你個故仔好好笑^^幾好睇唷
心思思想追落去添!!
不過寫實就唔係喇, 很劇情化吧 ~

作者: ~傳說中的傻仔︻ 時間: 10-4-11 11:37 AM

原帖由 十天使 於 10-4-11 02:42 AM 發表
你個故仔好好笑^^幾好睇唷
心思思想追落去添!!
不過寫實就唔係喇, 很劇情化吧 ~

點解會好好笑-.-....明明無刻意做GAG位出黎

不過都多謝你支持

作者: ~傳說中的傻仔︻ 時間: 10-4-11 11:40 AM

第十話:

距離比賽還有兩個月,我在拳館苦練,

「啪!!啪!!啪!!」沙包被我打得左右搖晃,

「波哥,操得咁衡既?」

「唔衡唔得啦,比賽架MA.」

「我地實撐你,加油波哥.」

拳館內的兄弟給予我支持,這也是黑社會圈子內較為溫暖的一面,

「走先啦,波哥,慢慢練.」

「嗯,再見.」

拳館內只剩下我一人,心裡覺得有點空虛,

人一旦空虛,便會不斷胡思亂想,

我在這一刻也不例外,回想與她相識的那一天......

人總會有年少輕狂的時候,更何況是三年前只有二十歲的我,

那時最喜歡與阿偉四處生事,也沒有不敢作的事情,

「阿波,今晚落BAR玩.」

「好呀,照舊紅牛等.」

「OK,今晚見.」

我們在晚上如常往酒吧玩,但我想不到那一晚卻是碰見了『她』.

在酒吧內,正當我在舞池興奮地跳舞時,

吧台那裡卻有一個異性吸引我的目光,

她是一個調酒師,兩個深深的酒渦掛在面上,

一條高高的馬尾,雖然不可說是天資國色,但卻有異常的吸引力.

(嘩...溝得過..)

那時心裡想什麼就去做,那管得有什麼後果.

我走到吧台前坐下,用右手抬著頭,再把雙眼聚焦於她的面上,

「先生,你想飲乜?」她的聲線很甜,但我並沒有回答她,

只是把動作一直維持,她似乎並不擅於解決這種騷擾.

「先生..先生..?」

她被我看得有點面紅起來,那種羞澀的神態,

更是把我對她的興趣給大大地提升起來.

「我唔係想飲野,想同你吹下水.」

「但係我做緊野...」

她好像想拒絕我,但找不到藉口,

「唔緊要,你等我一陣.」

我馬上去找這間酒吧的『睇埸』,

「威哥,我想同條女溝~~~~~~通下,介唔介意提早放佢工先,一次半次姐.」

威哥還是老樣子,把手伸出來說,

「波哥仔,放低小小比我好交差呀.」

我把五百元放進他的手裡,

「掂啦下話.」

「即時個隻,我幫你同條女講.」

威哥走過去與她說話,只見那女人的神情變得有點慌張,

我亦走過去聽聽發生什麼事,

「而家人地落左你鍾,係唔係唔陪先!!」

威哥的語氣變成喝斥,嚇得那女人花容失色,

(我頂你條威哥,以為我落人鍾!!)

「威哥,你會錯意.我剩係叫你批佢早D放工,唔係叫佢同我攪個味野....」

她聽到後,面色更變得通紅,

「你早講呀,波哥仔,攪到我好似變左龜公.」

威哥明白我的意思後也有點不好意思,只是斥令她快點離去,

過了十分鍾,她換好衣服後便離去,那時還是一月,

為何我記得是一月??因為她的頸巾很可愛,使我一直憶記至今.

那間酒吧附近便是星光大道,

「喂!!」

我隨她離開酒吧,她卻加快腳步不理會我,

「喂!!」

我跑過去攔著她,不讓她再前行,

「你想點呀...我打工架咋...」

她好像很害怕我,

「唔洗咁驚,我想同你做個FD姐,我叫阿波,點稱呼?」

「......」

她正在猶豫是否告訴我她的名字,

(我頂,洗唔洗淆成咁!!)

「你咁驚我呀MA...我發誓比你睇我唔係衰仔!!」

我吸了一口氣,用盡我畢生的氣力大吼,

「我凌成波唔係衰仔!!!!!!!!!!!!!!!!!!!!!」

『仔』字一音直上雲霄,她連忙按著我的口,

「嘩,你想我地比人當痴線架.」

「哈哈,咁你而家肯同我講你叫咩名未呀.」

「講比你聽都得,但係你唔好再黎整我,我仲要搵錢.」

「好呀.」

「我叫..何靜儀..」

何靜儀,不是很特別的名字,卻深深的烙印在我心底,

「咁我走得未呀...」

「傾下計先啦.」

我賴著她一起離去,她只好被迫與我談天;

那一晚,是我結識何靜儀的日子,也是悲劇的開始.

「喂!!天光啦!!」

怎麼好像是阿偉的聲音,我朦朧地睜開雙眼,

只見阿偉的面距我不足五公分,我馬上推開他,

「頂你個肺!!」

阿偉咯咯地大笑,

「哈哈,見你笑哂咁,發緊乜野春夢姐.」

原來已經是早上,我昨晚發呆至睡著,

「關你春事.」

「嘿嘿..係唔係...」

「收皮啦你,6點咋wo.你咁早落黎拳館?」

「妖,睇完波又訓唔著,打去你屋企又無人,

打你手提又唔聽,睇死你都係係拳館,諗住搵你灼個早餐.」

「行啦,屎忽鬼.」我伸著賴腰,

「有乜真係拎出黎同我嗲啦,識左你咁耐,兄弟實撐你.」

阿偉背著我,他並沒有讓我看見他的樣子是否認真,

在這一刻,我感覺到阿偉的背影不停放大,

在這個惡浪滔天的圈子內,阿偉是我唯一的立足點,

彼此總是互相照應著,只因我們相信大家的『心』,

為兄弟而拋頭爐的『心』.

(待續)

補充資料:
睇埸:一D埸地既大哥

[ 本帖最後由 ~傳說中的傻仔︻於 10-4-11 11:44 AM 編輯 ]

作者: 鋼牙章魚丸 時間: 10-4-11 12:41 PM

波波發春夢

作者: ~傳說中的傻仔︻ 時間: 10-4-11 12:53 PM

原帖由 鋼牙章魚丸 於 10-4-11 12:41 PM 發表
波波發春夢

睇黎你對『波』呢D字眼好敏感=.="

作者: DAVIS123456 時間: 10-4-11 07:31 PM

唔好怪佢

佢係咁的了

作者: ~傳說中的傻仔︻ 時間: 10-4-12 11:56 AM

第十一話:

「究竟你發左乜野夢姐,衰鬼.」

正當我與阿偉滔滔不絕的時候,在馬路的對面卻看見一個人,

他雖然是一個普通人,卻是一個令我想把他粉身碎骨的人.

「火柴!!!」我在大聲呼叫,

想確認一下是否他本人,果然他望見我後立刻逃走,

加上他這刻是獨自一人,我當然不會放過任何機會,

「阿偉,我去追條仆街,你吹雞之後黎搵我,條友仔肯定好多古惑.」

還沒有等阿偉回答,我跳過鐵攔向對面跑去,

「咇!!!咇!!!!!!」

馬路上的車不斷發出不滿的聲音,

但我腦海中只有一種想法:追到火柴之後親手打死他!!

走到對面之後我左右張望,眼尾瞄到火柴正走進後巷,

「你老味想走!!」

我立刻衝向後巷,恨不得把他撕成兩半,

(張進財!!三年前單野我要你血債血償!!!)

怒氣已經掩蓋我的理智,人一旦失去理智便會容易犯錯,

我便是在這種的狀態下犯錯,剛轉進後巷,

「碰!!!」

一條鐵通朝我的腹部狠狠地打,

我始料未及,全數承受後立時痛得跪地.

這時我才後悔自己為什麼不小心一點,火柴必定是古惑呀!!

「哈哈,柒頭,你頭先咪好型咁沖過黎既,我而家就隊死你!!!」

火柴面帶奸笑,

「張俊財,你條仆街伏我....」

後巷原來埋伏了十多人,他媽的火柴是引我入局,

「的起佢,等我慢慢玩殘佢.」

他們想抓起我,我卻突然發難,

「要死都攪正左你先!!」

我強忍痛楚踢開眼前的大漢,右肘向後一批,

「嗚呀!!」想抓我的人立時遭殃,牙齒也被批甩兩隻,

「隊死條靚仔!!」

這種後巷激鬥我可碰得多,他們雖然人多,

但窄巷之內卻是不利人多,故擅長博擊的我更是有利.

我先拉著眼前大漢的手臂,他亦感覺不妥,

故重拳立時揮至,「呼!」

我蹲下避過,左手順勢發力拉後,

他整個人立時失去重心趺下,

我右拳蓄力一發,「砰!!」他馬上『爆剛』,

要知道練習拳擊的人,蓄力的一拳更夠高達一百磅至二百磅左右,

所以一拳便把別人打得頭破血流,並不是夢幻的事情.

他意識被我打散,我卻以他作為盾推前,

「火柴!!!」我大吼以增加士氣,

大漢身後的人只能打向這個『盾』,我則絲毫無損,

瞄到右上方有一個冷氣機架,我立刻跳高拉著這個架借力,

雙腳再向前一撐,大漢向後方趺下時順便把身後的人壓到.

「嘩,好重呀!!」

「快D推開佢!!」

就這樣成功壓到兩至三人,火柴感覺情勢不妙馬上逃去,

但我又怎會如他以償,我立時繞第二條小巷追去,

果然天助我也,他竟然自尋死路,與他的手下逃往一條死胡同.

(火柴!!!今日唔係你死就係我仆街!!)

(待續)

補充資料:
攪正:殺死

[ 本帖最後由 ~傳說中的傻仔︻於 10-4-12 12:01 PM 編輯 ]

作者: 鋼牙章魚丸 時間: 10-4-12 06:20 PM

波波秒殺柴柴

作者: ~傳說中的傻仔︻ 時間: 10-4-12 07:10 PM

RE章魚丸:有咁易殺死就好-.-

RE三六:數碼暴龍咩=.="

作者: 鋼牙章魚丸 時間: 10-4-12 07:24 PM 標題: 回復 81# ~傳說中的傻仔︻的帖子

出

作者: ~傳說中的傻仔︻ 時間: 10-4-12 11:00 PM

其實作到而家會唔會覺得好悶/~\"

大家比小小感想都好好過我好似出POST機器咁好無互動

作者: 鋼牙章魚丸 時間: 10-4-12 11:21 PM

你可以搵d野黎互動

作者: ~傳說中的傻仔︻ 時間: 10-4-13 09:36 AM

第十二話:

火柴這時變得緊張起來,「咪比佢埋我身!!」

「想比我攪正既埋黎!!!」

正所謂輸人不輸陣,我當然要立一個下馬威,

他們的士氣果然即時有所動搖,

「嘩..好似好堅..」

「不如你上先..」

古惑仔便是這樣,大多也是狐假虎威之輩,

喜愛人多欺人少,當碰上有能之士,他們往往便會選擇退縮.

「唔係攪正我咩!!黎啦!!」

我的怒氣正在爆發,恨不得快點解決他的手下,

但這時奇怪的狀況出現了,火柴由驚慌的神色轉為奸笑,

我心感不妙,

「喂,夠彊隊我條馬仔?」

左右兩方突然來了數人,我聚精會神看看是誰.

帶頭的來人面無四兩肉,身材偏廋,但他雙目卻極為有神,

約三十有多,卻頗有老大的氣派.

(就一野打殘你條仆街!)

我右腿疾速一掃,卻被一條手臂擋了下來,

「碰!」手臂成拳反攻,我只好收腿退後,

(惡啃!)

擋下我的人面上目無表情,左面卻有一條深深的疤痕,

「嘩,好彩有刀疤係度,唔係我都比你一腳收皮囉.」

「刀疤...!!謝記最當打既人!」

「幾識野呀,細佬.」

「我而家要隊死火柴,無人阻到我,OK?」

「你話呀?安哥,幫小弟拖呀.」火柴求救,

「得啦,做大佬實照住你;細佬,想隊我既人??開個牌頭黎聽下.」

「華興阿波,你想人多蝦人少?我未舍過.」

「OK,我就謝記振安,火柴係我條靚,你而家隊佢,即係唔比面我姐.」

「安哥下話,呢D私人恩怨,我勸你咪理.」

「我屌你啦!!華興玩哂??我連你地四大都未舍過,洗比面你條二打六?」

振安意氣風發,我卻勢孤力弱,

「唔洗講咁多,係咁意封番張老毛比我就走.」

(老毛...毛你屎忽!!)

「燒比你就有!!」

我不甘受辱,三年前的那件事使我只想殺掉火柴,

「咁即係無計傾,兄弟,上!!」

正當我四面受敵時,阿偉的聲音卻響起,

「邊個話上呀??」

三十多人隨阿偉進來,形勢立時扭轉,

「你話上呀??柒頭皮.」

阿偉搭著我的肩膀,

「火柴,頭先咪好寸既?」

他也看不過眼,為我討回一口氣.

「呢位又乜哥呀?而家玩人多蝦人少?」

「關你Q事咩,下下開個牌頭比人聽咪好唔得閒,你無腦架?」

阿偉巧言妙語,把振安的面色弄得很難看,

「咁即係人多蝦人少?」

「你無野呀,阿叔,擺明架啦.」

「OK,你想而家打死我??COME ON.」

想不到這個振安並非貪生怕死,

「你老味...打死埋你...」

我想衝過去時卻被阿偉按住,

「喂,唔好,放佢地走.」

「你傻左??火柴呀!!條仆街我點解要放佢走??」

阿偉輕輕對我說,

「強哥柯打黎...佢話比賽就開波,全部檔口都應承唔攪事,

比面強哥,放佢一條路啦.」

這時的我很爭扎,我該怎麼辦??

放火柴一條生路??還是尊重強哥意見??

阿偉見我拿不定主意,馬上替我作主,

「波哥今日心情靚,你地要走就好走,火柴!!!睇路呀!!」

他們聽見我們願意放人,全部便立時逃去,

火柴在我身邊經過時,我很想衝出去打死他,

「火柴!!」

「嘩..」火柴怕得加快腳步跑離,幸好阿偉出盡力來按實我,

「火柴!!!我總有一日監生打死你!!」

我只能對火柴的背影這樣咆哮,來消除對何靜儀的少許罪惡感.

(待續)

補充資料:
老毛:利是

[ 本帖最後由 ~傳說中的傻仔︻於 10-4-13 02:30 PM 編輯 ]

作者: 鋼牙章魚丸 時間: 10-4-13 05:54 PM

其實柴柴對儀儀做左d咩

作者: johnchc 時間: 10-4-13 08:57 PM

原帖由 鋼牙章魚丸 於 10-4-13 05:54 PM 發表
其實柴柴對儀儀做左d咩

昆左佢錢/比佢咩了

樓主不如整多個外傳講呀偉同呀波點解咁死黨

作者: ~傳說中的傻仔︻ 時間: 10-4-13 09:56 PM

RE章魚丸:呢個我都未諗好A_A

RE JOHN:其實呢個我係想出前傳多D=.=

作者: ~傳說中的傻仔︻ 時間: 10-4-14 08:04 AM

佳哥外傳全一話:

「靚仔,你邊度架.」

數名紋身大漢圍著我,為的是數日前被我打得叫媽的那名金毛,

「我無跟人.」

我卻是毫不懼怕,只因我對自己一雙拳頭可是很有信心.

「即係老襯啦!!老襯仲係度扮哂好打,係唔撚係想死呀!」

帶頭的紋身漢把面貼近,更把口水噴向我的面上,

「挑,黑社會大撚哂?」

我忍不住駁斥他們,他們的神色頓然變得憤怒,

「你老母,我而家就同你講,黑社會係大撚哂!!」

他想出手,可是在他出手之前,我的拳頭已往他的面上送,

「啪!」

但之後我沒有再還手,讓他們任由糟蹋我的身體.

是夜,我足足被他們圍毆了個多小時,

在屋村裡這是常見的事情,我也只能埋怨自己沒有勢力,

替朋友出頭,便會落得這樣的下埸.

「睇路呀,今次打你唔死,下次你無咁好彩.」

他們向我多踩一腳後便離開,我並沒有痛恨他們,

我只是在痛恨自己,自己明明很有能力,

但卻因為沒有黑社會的背景而被迫忍氣吞聲.

「無事呀MA...」朋友扶起我,我卻沒有出聲,

我緩緩離開這個藍球埸、這個屋村,我決心要踏入黑道!!

(我一係唔做,一做就做最大粒!!)

我默默向天發誓,許下這個黑道大哥的願望.

那晚的星星很閃耀,像是在回應我這個只有十八歲的少年夢.

「我叫林勇佳!!記住我個名!!」

我拿起開山刀,向眼前的數名對家斬殺,

血痕不斷在我的身體被劃開,但我卻沒有退縮,

那年在屋村許的願望,一直便是我的力量來源,

現年二十歲的我正在向夢想進發,為著黑道天皇而打拼.

憑著一股狠勁與天生高超的戰鬥能力,很快便闖出名堂,

「中國正式接管香港,結束英國殖民地的統治......」

一九九七年,香港不但回歸中國,我亦距我的夢想又踏進一大步,

那年我二十三歲,『林勇佳』這名字也起了變化,

只因為那時我被全香港黑道稱呼為---「戰神」.

「戰神哥,有無興趣入我地東英,掌舵一定走唔甩!!」

身為東英五幹部的狂龍哥,也因我的名號而至,

希望能招攬我入東英,但被我一言拒絕,

儘管東英之後想把我除掉,但我也不會進入東英.

為何要拒絕呢??只因一個信念---我絕不要屈居人下!!

我只會做凌駕黑道的大哥,而不是被黑道吞噬的古惑仔.

(盛華而興隆....華興!!!)

這是我決定的名字,一個將會與『東英』分庭抗禮的社團名字,

三十歲的那晚,我決定要創立一個社團,它的名字喚作『華興』.

「阿強,菊花,阿海,黑仔,華興個朵響唔響就睇呢鋪!!」

我們五人一條心,在與東英的撕殺中闖出血路,

自此,沒有人不懂得『華興』的存在.

三十五歲,是我人生的高峰點,

華興正式成立,我委任阿強等人為四大話事人,

而我則完成了年輕時的夢想,成為一代的黑道天皇.

五十歲的我正慢慢退下火線,而在今年的生日派對中,

我看見一個很像昔日自己的少年,亦忍不住考驗一了他,

他雖沒有我的少年狂氣,但那份冷靜與分析卻絕非池中物,

我也因應他的能力而紮了他,

「點呀,佳哥,條靚仔係唔係幾掂.」

「哈哈,佢真係好鬼似我以前,只不過多左幾分冷靜.」

我望著他倆離去的身影,就好似看見昔日的我與阿強,

這刻才驚覺歲月的威力,或許我真的老了,

想起當年的夢想,在今天我能夠一笑淡然帶過,

畢竟,人在時間之下,是多麼的無能......

(完)

補充資料:
老襯:無黑社會背景的人

[ 本帖最後由 ~傳說中的傻仔︻於 10-4-14 08:05 AM 編輯 ]

作者: ＊祖～葉＊ 時間: 10-4-14 05:46 PM

幾時整番個菊花外傳

作者: johnchc 時間: 10-4-14 10:05 PM

黑仔去左邊- -

作者: ~傳說中的傻仔︻ 時間: 10-4-14 11:01 PM

原帖由 johnchc 於 10-4-14 10:05 PM 發表
黑仔去左邊- -

d唔重要既角色-.- 係咁易提下名就算~

作者: johnchc 時間: 10-4-14 11:02 PM

原帖由 ~傳說中的傻仔︻ 於 10-4-14 11:01 PM 發表

d唔重要既角色-.- 係咁易提下名就算~

華興4大天王唔係咩@@

作者: ~傳說中的傻仔︻ 時間: 10-4-14 11:11 PM

(因為小弟聽日考AL 所以出唔到文今晚就出定先下一話要後日再更新啦@.@)

第十三話:

「放手!」我把阿偉的手推開,

阿偉亦明白我這刻很傷心,便放我獨自離去.

我回到家裡,很頹廢地坐在沙發上,

手裡拿的是啤酒,喝出來的味道當然也是苦澀.

(點解..點解我頭先唔可以打死佢...)

「點解!!!!」「砰!!」

我把眼前桌子一腳踢開,桌上的相片架趺落地面,

我慢慢拿起來看,說了一句不知道是否心底裡的說話,

「何..靜..儀..我.....你...」

酒精於悲傷之中散發得特別快,很快地我便沉睡過去......

(好支力....)

剛剛睡醒的我看看時間,時鍾顯示晚上十時半,

漆黑的天色配合我低落的心情,真是相映成趣.

(唉..無野做,出街行下算...)

腦中沒有運轉,腳步卻能反映出一個人的潛意識,

只因為我又再次去到荃灣碼頭,我是不是很掛念她??

我不斷自問卻找不出答案,也沒有勇氣去找出答案.

走進7-eleven買啤酒,期望啤酒能否給我答案,

「多謝光臨,加唔加多十蚊換個榴槤味安全套??做緊特價WO.」

「屌你...」安什麼全套??我連女朋友也沒有!!

漫無目的坐在椅子,我是在期待什麼嗎?

(佢會唔會黎...?)

身邊這時坐下一個人,我望一望......是何靜儀!!!

(無可能,我應該又飲醉左!!)

我擦擦雙眼再看,真的是何靜儀!!!

我的心像掉了出來,像四川大地震般不斷亂撞;

而她緩緩把頭轉過來,與我四目交投.

她仍是那麼喜愛綁一束高高的馬尾,面上略施脂粉,

皮膚比三年前差了一點點,但水汪汪的雙眼仍然有著奇怪的魅力,

兩個小酒渦再配上瓜子臉,絕對能吸引大量的追求者,

她今天穿的是OL衣服,應該是做一些文職的工作;

回想起她在酒吧做調酒師的樣子,便好像昨天的事情,

但時間真的是過得很快,一眨眼便已經過了三年.

然而緊張的我在坐立不安,心中的奇怪念頭不斷生起,

(走唔走好呢?用咩藉口好呢?.....)

我不斷在爭扎應否離去,只因為我倆沒有發出任何聲響,

手中的啤酒樽快給我抓爆,我快要抓狂啦!!!!!

「係呢,上次多謝哂你WO.」

她應該是指被金毛飛挑逗的事件,

(頂你,你終於肯講野.)

她亦終於打破彊局,首先提出話題,

「碎料黎姐..」我緊張得不斷在喝著手中的啤酒,

「你又會黎呢度坐既?」她再次問我,

「經過姐,你呢?」

「你唔記得左啦?逢星期日我都會黎呢度坐架WO.」

她好像有點責怪我忘記,我回憶便在急速轉動,

(係WOR...佢係因為我先逢星期日就黎呢度坐...)

當一想起以前,『那件事』的畫面便會使我的回憶立刻短路,

我慌忙喝下啤酒定神,(呼...呼...)

然而心裡卻亂得很,不知所措.

(唉..你想我點答...)

我似乎有了決定,一個殘忍的決定,

「咁耐之前,咩都唔記得哂啦.」

其實是我是記起的,但我決定選擇說謊.

「希望你真係唔記得哂啦...」

她好像能看透我心中在想什麼,說得很意味深長,

她把頭慢慢放下,三七面更顯得她正滿懷愁緒,

這一刻我的手有點不自然地伸過去,想搭著她的肩膀,

(我頂!!做咩!!)

我立刻收回手,身體更出現不能自控的狀況.

(閃人啦!!再坐落去真係攪到唔知點..!!)

「我走先,你慢慢坐.」

雖然我想離去,但其實又想留下,

在矛盾之間她叫停了我,

「阿波!」我只好回頭答她,

「係..?」

「你手提無變過呀MA?」

「無呀.」

「咁我搵你架啦.」

「好..緊好啦..哈哈.」

「好啦,BYEBYE~」

「BYE~」我一邊再見一邊離去,那種姿勢就好像『走鬼』一樣,

我究竟在害怕什麼?似乎三年前的那一件事情已經成為我人生中最大的陰影.

回到家後再拿起那一幅合照相來看,

相中的她是笑得多麼的燦爛,但是就因為我!!

因為我令她蒙上了一輩子也不能磨滅的傷害,所以才選擇逃避;

由三年前的那天起,我已經決定從她的生命中離開,

離開得不帶任何的掛牽,不帶任何的後悔.

(待續)

宣傳部份:覺得小弟作品唔錯既話希望大家能給予珍貴一票小弟將不勝感激謝謝~

[ 本帖最後由 ~傳說中的傻仔︻於 10-4-14 11:14 PM 編輯 ]

作者: ~傳說中的傻仔︻ 時間: 10-4-14 11:18 PM

原帖由 johnchc 於 10-4-14 11:02 PM 發表

華興4大天王唔係咩@@

的確佢係四大話事人之一但係戲份唔多可能無...

主線都係在於強哥同菊花兩個話事人身上所以可能提下名就算

請見諒呀..:smilie_:):

作者: ~傳說中的傻仔︻ 時間: 10-4-16 11:12 AM

第十四話:

終於到了比賽的時刻,而埸地位於福口一間廢置的工廠,

因為這屬於地下拳賽,香港的法律是不會容許舉辦,

所以埸地只能移師北上,而福田便是最佳選擇.

根據消息所指,參與比賽的社團有華興、東英、謝記、中星與雷彪,

除了長發之外,所有社團也有意於埸上一展聲威.

參賽者共有四十多名,可見比賽的號召力極強,

有人為了自己的聲望,有人為了社團利益,

有人為了私人恩怨,我參賽卻是為了什麼?

是為了測驗自己的能力,在云云選手中,我的實力能處於什麼位置呢?

對於追求自我肯定的我,這次比賽是一種莫大的吸引力.

早上六時半,我聚精會神地聽候教練的指示,

「阿波,你既長處係靈活多變,不過你天生身體比較弱,

所以持久戰黎講你會好蝕,同埋唔好同人博拳,

可以既話盡量速戰速決.」

「收到.」

「平常心啦,你既能力要入十大應該唔係問題.」

「嘩...何止十大,三甲個隻啦.」

「我都係咁講.」

阿偉與犀牛為了鼓勵我,一早亦來拳館給予支持,

「哈哈,你地真係亂柒咁講.」

「妖,車係出面啦,行啦,仲係度聽教練吹水.」

「教練,我地行先.」

「嗯,加油.」

車子不斷向福田口岸駛去,但我看見阿偉比我還要興奮,

「你做乜咁HIGH.」

「緊HIGH啦,福田D囡囡等緊我去慰藉.」

「妖,死雞蟲.」

「唔好咁講,有一半都係為左你姐,HONEY.」

「妖,死開.」

「傾正經野先,今次有無信心.」

「波哥咁堅,點會無信心.」犀牛也向我寄以厚望,

「緊有,我仲要覆灼.」

「睇死你都有信心,而且我仲有驚喜比你.」

「乜撚野驚喜?」

我的心泛起一點不好的念頭,只見阿偉露出奸笑,

「一陣你咪知,我睇過今次選手既名單,有幾條友你要睇實.」

「邊幾個.」

「首先係個大隻MAN,佢不嬲都好打,

然後係謝記個刀疤,上次後巷個條友;

東英個龍仁...最後同埋陳逸朗....」

「陳逸朗...邊個陳逸朗!!!」

「陳逸朗呀.....我地以前既好同學呀.」

「阿朗佢幾時埋左堆架..個時係學校仲要拎個乜春優異生...」

「唔撚知呀,世事多變,你自己醒扒啦.」

(阿朗....)

得悉昔日的好朋友已經成為東英的人,心裡十分難受,

在前往福田的途中,我沒有再開口說話,

阿偉感覺到我心情差劣,便索性來個回魂覺.

而車子則默默前往福田,前往一個龍爭虎鬥的鬥獸埸.

(待續)

補充資料:
醒扒:醒水

作者: 鋼牙章魚丸 時間: 10-4-16 07:34 PM

郎郎 manman 波波
三甲

作者: ~傳說中的傻仔︻ 時間: 10-4-16 11:51 PM

原帖由 鋼牙章魚丸 於 10-4-16 07:34 PM 發表
郎郎 manman 波波
三甲

有無咁易比你估到呀A_A

作者: ~傳說中的傻仔︻ 時間: 10-4-17 10:09 AM

第十五話:

兩個小時後,從車內望出去的景物已經全然不同,

我們已經踏入中國大陸的地域,正值工業化的強大國家,

能夠與美國分庭抗禮,中國的實力絕對不容忽視.

「仲有幾耐到呀,牛.」

「就講就到,前面就係.」

映入眼廉的是一座巨大的工廠,上面掛著一幅很有氣派的橫額,

『社團爭霸戰』五字已經流露著眾參賽者的戰意,

我緩緩下車,深深呼吸一下與別不同的空氣,

(我就要係度打響自己個朵!!)

雄心壯志是黑道中人必備,何況只有二十三歲的我,

「行啦.」

我獨自前往工廠之內,犀牛與阿偉則去停泊車子.

工廠大堂內,有接待員引導我們登記,

「凌成波,呢個係你參賽證,唔好唔見.」

「唔該哂.」

「你而家可以周圍行下先,一陣會有召集架啦.」

「OK.」

正欲離去時,一個名字卻挽留了我的去意,

「陳逸朗....」

(阿朗!!)

我連忙望過去,一副久遺的面孔再次呈現在眼前,

我永遠也記得那對天生的唹眼睛,自從離開學校踏入黑社會,

已經整整有六年多沒有碰見老朋友,我拍拍他的背部,

「喂.」

「咩料...!!?」

他的反應如我預料之內,便是把口張得大大的,

「阿波!!你係咪阿波!!」

「係呀,哈哈.」

陳逸朗是我的中學同學,當年是班上的優異生,

他卻奇怪地喜愛與我及阿偉玩耍,我們的友誼便在歡樂中建立.

「不如搵個地方坐低吹水?」

「GOOD,行啦.」

坐在工廠外面的公園內,我與阿朗不斷回味昔日趣事,

氣氛亦是不錯,能夠延續雙方昔日的友誼,

而我亦藉著愉快的氣氛,問了他一個很重要的問題,

「阿朗..你點解會做左古惑仔..?」

阿朗聽到我的問題後,面色由剛才的歡愉變得深沉,

我立刻便感覺到很糟糕,

「阿朗..」

「咁你點解又做古惑仔?」

(咁你點解又做古惑仔?)

這個問題我從來沒有去想過,我一時之間不知道怎麼回答,

「我..我...」

為什麼我要混黑道呢?答案是阿偉嗎?不!!

這是藉口,正如『牛唔飲水、沒人禁得牛頭低』,

這個問題猶如一把刀,直把我六年來『以為的充實』斬開,

空虛與困惑不斷湧出來,這種感覺很難受.

「咪係,你都答唔出,所以做得古惑仔,

都係想威,型仔,有車有樓,有條女玩下姐.」

阿朗向著天空緩緩噴出煙圈,我看著他的側面,

我在想著,這也是我心底的答案嗎??

「都夠鍾去準備啦,一陣見.」

我與阿朗的見面便在不快的情況下結束,而問題並沒有解決,

反而像一條蟲,不斷在腦內轉來轉去.

「歡迎大家......」

主持人在朗聲誦讀一大段開埸白,我卻在沉思剛才阿朗的說話,

阿偉等人看見我神色有異便趕忙問候,

「喂,做乜事.」

「無...」

「泊完車之後就見到你謝哂.」

「得架啦.」

我走回休息室坐下,想自己安靜一下,

「沙..沙...」背後卻有人在整理物品,

「邊撚個呀!!!」

我的脾氣立刻被牽動,轉過頭去卻只能扮出一副驚訝的表情,

「你...你...你...!!」

為什麼!!為什麼何靜儀會在這裡??

「呀..我嘈親你?」她卻視以平常,

「你...點解會係度架?」

「偉哥帶埋我黎架...」

(阿偉你個仆街!!!!!)

我心裡重複這句說話有七萬多次,

「你唔想見到我..我可以走..」

她突然露出一個委屈的表情,

(你剩係玩我姐...)

「咁又唔係..你執野啦..我出出去先..」

關上房門,心還是亂砰砰的跳,

「阿偉..你條仆街..」我不禁又說出這句說話,

腦中已經呈現出阿偉奸笑的模樣在說:『有驚喜比你』

(待續)

[ 本帖最後由 ~傳說中的傻仔︻於 10-4-17 10:10 AM 編輯 ]

作者: 鋼牙章魚丸 時間: 10-4-17 03:48 PM

我與阿朗的見面便在不快的情況下結束,而問題並沒有解決,

反而像一條蟲,不斷在腦內轉來轉去.

好似係鑽,唔係轉

作者: 鋼牙章魚丸 時間: 10-4-17 03:49 PM

偉偉好野!!

歡迎光臨 2000FUN論壇 (https://www.2000fun.com/)