2000FUN論壇

標題: 我幫唔幫佢好? [打印本頁]

作者: matthew124 時間: 10-4-1 11:39 PM 標題: 我幫唔幫佢好?

我中意個個女仔,佢個人好中意出風頭,人地做既野自己領哂功,所以好多人都唔中意佢
個個都唔想hurt佢,所以個個扮住哂同佢fd咁
岩岩有個group project,冇人肯同佢一組(連扮同fd個d人都特登唔理佢)
有人好好心咁組佢,佢又話唔同佢一組(扮哂野咁)
跟住我咪好心幫佢搵下有冇人有位
個個人就話'點解要叫佢入黎,等佢自己求下人先la'(咁我就開始明白個個人想佢慢慢改,唔好再咁公主病)
咁我就諗,如果我地冇人理佢,佢可能會自我反省.
(因為人地直接同佢講佢既問題,佢又唔理,間接又唔明,最後就唯有唔理佢)

問題:
1)我愛佢,咁我應該幫佢改
2)定係,成勝追擊,係佢最失意個陣係佢身邊呢*

*講下點解可以成勝追擊:
話說我f.2同佢示愛,佢唔理我一直到f.3
f.3佢開始係同我講野,但係一陣佢又話我好煩唔理我,
但係每次有起伏都比前一次好
o者係今次對我好,一陣對我唔好,下一次對好既時候,會比上一次好,之後又再對我唔好
但係之瓶,佢冇lala話同我做番fd,過左一排又話做hi-bye fd
但係直到最近(p.s.距離大約一個月之後,係個個group project之前),佢就冇lala同我好熟咁
岩岩又有個camp,有個活動要成班一齊幫一個人升起,佢明知我中意佢,但係佢都照樣比隻手我捉住
加上,我係佢張桌上邊寫' i love you ',佢係班長,佢要派野,佢派野個陣陰陰嘴咁對住我笑

所以如果要追佢既,依家係最好時機,但係我應該為佢好已等佢自己反省下,定係為左自己而追佢呢?
請教下小弟

作者: 雲吞餃 時間: 10-4-2 02:38 AM

睇完大約知道事件中女方既性格,,,
其實樓主都好清楚明白個位女仔有所謂既"公主病"
自我中心得好緊要...鐘意控制人...攞彩....
坦白講...同呢一種類型既女仔一齊...冇咁上下eq..經濟能力...同埋鬼主意(意指多花臣..等女方唔會悶.)
好難應付到女方既要求....

加上你最後個句...我唔認為係追佢最好既時機...一黎要睇對方性格..二黎環境因素...
以我想法...對方公主病過甚...唔會因為呢個moment而接受你...人地要面子..要出風頭...
搵男伴既條件點會係平平無奇?...佢唔會因為你同佢示愛就接受你..佢只係當身邊多左個觀音兵..
其二環境因素..你班入面既朋友都咁討厭佢...你同佢一齊之後...朋輩壓力一定有...
會話你呢樣個樣....

建議等個女仔反省...變返乖乖女...唔好咁出風頭....再追都未遲...
若果你響呢個時間同佢一齊...真係有排你受

作者: loveyoujj520 時間: 10-4-2 06:32 AM

有公主病既人係好難搞.佢明知你鐘意佢仲比手你唔=佢係鐘意你.公主病佢應該會覺得自己好高貴個d啦.好易控制到你.你係呢件事到要清醒d唔好入迷. 小心d好
題外話:唔講咁多.沖涼去海洋公園做電燈彈哈哈

作者: matthew124 時間: 10-4-2 08:56 AM

咁如果佢突然搵我傾計,我理唔理佢好?

作者: 雲吞餃 時間: 10-4-2 01:59 PM

原帖由 matthew124 於 10-4-2 08:56 AM 發表
咁如果佢突然搵我傾計,我理唔理佢好?

同樣道理..咁如果你朋友突然搵你傾計...你理唔理佢好?

作者: ☆可兒☆ 時間: 10-4-4 06:40 PM

考起我.... 我左諗右諗都唔知點樣解釋 [ 平常心 ] 呢樣野~!!

希望樓主知道吧~!!!!

回應:

呢個唔係好時機.... 好時機係要呢個人跌落情緒谷底兼進行反思反省時!!
你在身邊支持她鼓勵她來開始!!

佢仲未係呢個時候....

你現在可以當她是一般同學朋友或是 "好朋友"來維持關係就可以了!!
[平常心]+[對朋友般的扶持吧]

[ 本帖最後由 ☆可兒☆ 於 10-4-4 08:24 PM 編輯 ]

作者: ray250 時間: 10-4-5 01:44 PM 標題: 回復 6# ☆可兒☆ 的帖子

可兒老師又說教了，不過卻很有道理呢！
其實124兄只要你真誠的對待人，一定有好處的，凡事順其自然吧，
尤其係感情事。祝你好運啦！

作者: matthew124 時間: 10-4-5 05:25 PM

原帖由 ray250 於 10-4-5 01:44 PM 發表
可兒老師又說教了，不過卻很有道理呢！
其實124兄只要你真誠的對待人，一定有好處的，凡事順其自然吧，
尤其係感情事。祝你好運啦！

我只係怕佢係以利用心態同我玩黎show佢自己係有fd,到頭來就會唔理我

作者: ☆可兒☆ 時間: 10-4-5 06:03 PM

原帖由 matthew124 於 10-4-5 17:25 發表

我只係怕佢係以利用心態同我玩黎show佢自己係有fd,到頭來就會唔理我

假如你能用平常心對佢.. 當佢係一般人甘樣!!!

SHOW 又點? 唔係 show又點??

對你有影響嗎??

這只是她在自欺欺人吧~!!

想通了嗎??

歡迎光臨 2000FUN論壇 (https://www.2000fun.com/)