2000FUN論壇

標題: 古惑人生綜合討論感想區 [打印本頁]

作者: 壞壞小孩子 時間: 10-4-3 03:17 AM 標題: 古惑人生綜合討論感想區

古惑人生係台灣易吉網代理既韓國遊戲
係2001-2002年推出
果時我記得仲係得14歲...中二暑假冇野做
夜晚訓唔著又冇乜地方去...果時網吧岩岩興起...
又好多人係入面~ 於事冇野做就走左入去睇下有咩玩...
對於電腦~ 我果時第一次接觸~

咁岩果時古惑人生就岩岩封測...
記得網吧老細仲推薦我玩呢隻game...
點知一玩就愛上左...
於事不能自拔...晚晚愛上網吧古惑人生的生活...

初初入去玩~ 唔多注重級數...
先去行運所有版圖...波本市自由市大雄森林荒廢等等...
佢所有版圖都好正~ 感覺就像自己入左一個真實虛擬GAME咁...

當我行哂所有版圖正式開始升級...用左一星期先20級

係網吧既其他網友...已經40級係荒廢練梗工
果時我急起直追...3日3夜冇訓...捐錢比網吧...直追40級
記得果時封測40級已經係盡.... 咁唯有打下刀疤果d大王啦....
記得果時..成大班網友係網吧合力先打死d王...
果時打到+2既裝備已經鬼死咁開心...仲訓唔著

直到封測完了~ 公測開始~ 月費亦開始
我當然冇因為咁放棄啦~ 繼續玩落去
我記得我仲係玩持械...一星期40級~
駁命練上去..練到60級左右終於拎到支木刀+3
全身暴風+3 ~果時黎講已經好威...
係大雄森林周圍走 ...扮型哂命等等...
但係果時既我仲未識打字...成日想同人傾計~ 交易就係一大問題
果時網吧老細好好人丫~ 成日教我打字~ 教我拆碼~ 真係多謝你
仲識到幾個台灣妹~ 去左兩次台灣旅行~都係多得呢隻game^^
仲同d台灣辣妹真實拍拖...真係諗都冇諗過

改版後~ 多左遺忘一樓同二樓既版圖
而裝備由強化裝去到奈米裝..
我當然由練練練上去啦...
練到89級封頂....不停連擊鍊帝先生~
終於都成身奈米+3 同風流刀+3
果時已經好型...佢d裝備效果真係好正

每次offline果陣我都望一望成套裝備先關機走人..好滿足
之後升得太多~ 已經去到頂...唯有每日同鍊帝渡日...

因為開學~ 放棄左半年....
直到佢一次仲大改版....出新職業槍手同法師...我先回歸古惑人生
當然我兩個都有玩~ 但係我選擇法師繼續升上去...
我記得練法師果個超能技難練到趴街...
去到90升100

要每天掛先升一技 :cry:
仲記得係網吧開兩部電腦~ 邊掛邊玩cs><
到左法師英雄...佢招大石真係好勁><
所有職業低級過我既都比我秒殺 :cry:
好遺憾係點解新職冇新武器用

我記得我係夢幻伺服第一個英雄
好多人都問我點練 :cry:
其實我好想喊出黎比佢地睇...真係難練到仆街 :cry:
跟住怨恨果d版圖相繼而出
而我發覺唔可以再成日去網吧玩~因為太貴同煙民太多
於事求老豆買部電腦返屋企....

我就繼續玩落去..學業最終都係讀到中三就放棄了
兩年做電車男係屋企不停玩...
成日玩盟戰~ 城外殺人做紅人等等
真係好爽好舒服~ 成日冇啦啦對住電腦好大聲咁笑
我屋企人仲懷疑我有自閉症~哈!!

記得果時烯娜同炎魔出左冇耐~ d攻擊力真係痴線,...
五六十個玩家去圍隻大怪...一招就打死左一半人...
我仲係炎魔隔離跳舞笑d人抵死 ~諗返起都想笑

一次又一次改版~ 一次又一次英雄~
我大大話話六個伺服器都最少有一隻英雄及一堆台灣香港朋友
而外掛同其他遊戲都開始越出越多
呢隻game流失既人就越黎越多
古惑人生終於都頂唔順...

比橘子收購左...易吉網亦正式告別古惑人生...
月費亦轉成商城制.....
而我當然放左成萬蚊去抽獎...
當然有錢就有武器就好正常...
果時我成套幽靈同爪魅 +6 或者刃牙+6
出去怨恨練工...人人都好羨慕..
但因為人數每日下降...我最終都放棄冇玩一排

隔左一年玩返.... 玩玩下玩左半年...
朋友得返一兩個係度玩....
而我眼見古惑人生網站...好耐都冇改版又冇更新
而聽聞去多古惑人生既外國伺服器相斷倒閉...

我相信古惑人生倒閉日子亦越黎越近...
結果台灣橘子正式宣佈古惑人生係2010年3月1日正式停止營運
我冇唔開心~ 反而好感謝呢個遊戲帶比我呢八年黎既喜怒哀樂!
雖然為左呢隻GAME! 放棄左學業同好多錢
但我相信好多野都係天註定~ 反正過去左既野又何必追究呢?

古惑人生~ 一直陪我成長8年的好遊戲~ 再見了:cry:

[ 本帖最後由壞壞小孩子於 10-9-3 02:50 AM 編輯 ]

作者: 色郎300 時間: 10-4-3 03:41 PM

呢隻GAME真係影響你好多...
你有冇後悔晒左8年時間?
乜都無晒因為一隻GAME

作者: 壞壞小孩子 時間: 10-4-3 06:28 PM

原帖由 色郎300 於 10-4-3 03:41 PM 發表
呢隻GAME真係影響你好多...
你有冇後悔晒左8年時間?
乜都無晒因為一隻GAME

我唔會後悔因為呢隻game失去呢8年時間
再講~ 自己並唔係咩讀書材料...
若我迫自己用呢8年時間去讀書...
一隻咁好既遊戲我就會錯失!!

況且用8年時間讀書就會搵到好工??
我中四畢業就已經加入水務署做政府工
我唔會有咩理想既人~ 唔想做咩創業老闆既行業

我既人生態度只係每天活得精彩同開心
何必要計較呢8年光陰呢??

作者: zenhoohnez 時間: 10-7-10 10:19 PM

我都係玩e隻game
我都玩左2年左右....果時+3裝真係好型之後出左黃金寶先有+4~+6
我果時係活動都撿左粒100%真實之眼!!
回想起都好開心~

作者: 火焰仔 時間: 10-7-16 06:10 PM

我記得佢公測個陣係我小學5-6年級個陣,一玩就已經迷左上腦

作者: leecarrie 時間: 10-7-23 09:50 PM

依隻game由公測開始玩想起來都有8-9年了亦影響左我一生=-= 初初為左玩nage有學唔番..最終被停學當然有得亦有失..我第一個初戀同女朋友系nage認識拍左3年而失戀亦系nage入面結束(愛情有苦有樂) 唉..回想起初初玩真系好快樂..講番隻game先公測玩了幾星期後香港同台灣成日為左小小野吵架港台大戰..最後亦一大班30-70lv人士約(200人) 系練工區足足殺戮左幾小時結果和解果時真系好好玩到左依家既網絡game 未有一隻令我覺得比n-age好玩..可能人大左..喜歡回憶過去架...真懷念n-age

作者: TwoHurt 時間: 10-8-5 08:28 AM

呢隻GAME真係影響你好多...
你有冇後悔晒左8年時間?
乜都無晒因為一隻GAME

作者: 花小犬 時間: 10-9-27 02:07 PM

我都同你一樣玩左7-8 年都係斷斷續續既
到最後全身加9 幾把+7 新武蠍殺 +7 刃牙+7 爪魅+7
一堆+9 幽米+9 拳裝+9 = =仲好有心機玩到最後汁左真係好唔舍得我都唔想佢汁仲有d朋友好多我都想搵返佢地不過已經好難

作者: ～松本～ 時間: 10-11-6 09:27 PM

玩果時好細個
中一,二
諗番起好多回億

作者: 淚之天使 時間: 11-4-1 11:48 PM

但係我記得封測個時係沒+裝同沒刀叭個D架啊!!!!

作者: ngai1991 時間: 11-4-15 11:05 PM

其實好似有幾點有d唔岩

可能講得唔係咁清楚

又或者太耐了

時間先後有d混亂=_=

作者: ＊西米露＊ 時間: 11-6-1 08:38 PM

唸反起; 以前仲未有+7戈陣
成身+6奈米 +把+5爪魅型到趴街

作者: oceanc 時間: 11-6-2 06:23 PM

的確...我都覺得超好玩.可惜依家已經...

作者: kaneckck 時間: 11-6-5 12:39 AM

玩左2年左右好多回億...................

作者: manho5 時間: 11-6-5 11:27 PM

封測有鬼刀巴邪靈王果d
果時d+2 係++ +3就+++咁

作者: wawa357100 時間: 11-8-2 01:15 PM

話說以前打希娜
打到就黎死個時個陣個身爆野開相會自己掉落地
我就爆左幾相看堡落地之後d台灣人
個個都話 "我明明看到是黃寶怎麼變了看堡操"
笑到我

作者: KiT80111 時間: 11-9-21 04:49 PM

武術升lv加咩呀?

作者: kbanzero 時間: 11-9-26 02:04 AM

旋風腿同埋50%暴擊囉=.=
呢隻game令我好沉迷....記得果陣...我空手將武術練到上60以上....第一招藍光腳...就追住d人黎殺...我當時仲係得2x lv=.=
d人見到我有藍光腳即刻走~~哈哈~~~去到40lv左右我已經80武術以上.......真係全ser第一個...勁多人見到我呆晒~~哈哈
之後出左d木棍+3果d....同埋著d好裝....d人去掃七仔....3x lv定2x lv已經80武術以上....令我既第一成為左過去......
又記得我仲好低lv果陣...成日都打交....狂吹雞打....係荒廢門口上面個山頭....成班人拉d牛黎撞果條友(因為佢坐左係度我地係打唔到)
真係好好笑.....以前d game的確好有趣味....希望佢會開番ser....我見神領都可以開得番....

作者: 壞壞小孩子 時間: 12-3-19 01:52 AM

kbanzero 發表於 11-9-26 02:04 AM
旋風腿同埋50%暴擊囉=.=
呢隻game令我好沉迷....記得果陣...我空手將武術練到上60以上....第一招藍光腳... ...

最尾果句~承你貴言^^

歡迎光臨 2000FUN論壇 (https://www.2000fun.com/)