2000FUN論壇

標題: 點令關係再進一步 [打印本頁]

作者: matthew124 時間: 10-4-15 08:42 PM 標題: 點令關係再進一步

雖然我仲細,只係中3,但係我對呢個女仔真係唔係玩玩下,
雖然佢冇話過話中意我,但係我已經諗埋點對佢好,同點樣照顧佢

中2個陣,我好on居咁同佢示愛,當然得到既就係比佢憎la,
中3開始,我地既關係就不停變化,'一時話自己想同我做朋友,一時話同唔到我朋友嫁la'
(p.s. 呢2句野係msn到出現左3次,o者係話起伏左3次)
最後一次起伏,因為佢問我係咪唔中意佢,我就同佢講,其實我中意左第個(佢信wo)
講左呢句後既一星期,佢同我講,都係做唔到fd,做hi-bye friend算,咁我就冇再當佢係fd

到最近,佢d fd對佢既忍耐已經去到極點,所以個個都反哂面,我見有機就成機上位
結果,我地開始成為ok好既好朋友(因為佢仲有一個女fd),我地已經開始間中傾電話,
電話到,佢講哂比我知佢中意點可以比佢依賴既人,同埋佢中六先開始想考慮拍拖
我琴日見佢可能比釘正損,所以捉住佢隻手同佢講小心,比著中2肯定已經打左我,

但係今日我發現,我有時會唔小心講錯野,所以我怕會令關係有d唔好

我發post想你地幫我解答既問題:
1)佢有時訓係張桌到會望住我(我唔肯定係咪,但係我望過去佢就另轉邊),所以我諗佢話我知佢想幾時拍拖係想我個陣先追佢,咁所以我諗到個陣先開始考慮同佢示愛,岩唔岩呢?
2)點令關係再進一步,例如一齊去街咁(唔洗太快慢慢都得,但係要有明確既指示話我知幾時開始可以)
3)其實佢仲有諗住約佢d old fd去街(但係我唔明點解反左面都仲肯去),但係冇話約我,因為佢約d人我唔識,所以小弟想知點可以增進關係

我真係好想同到佢一齊,雖然依家就算佢對我有冇feel都好佢都唔會肯同我一齊,但係我呢個階段就只係想同佢做到知心朋友(變態d講句,我係佢身邊,一路同佢傾計,一邊望住佢,我就好開心嫁la),所以唔該哥哥姐姐們幫幫小弟呀!!!

作者: hoyin2234 時間: 10-4-16 08:15 AM

1.樓主可能多心有時樓主不肯定對方是否在凝望著你而你卻望著她她見到了才會轉另外一邊當然樓主所說的並非沒可能既然她說了待到中六才考慮談戀愛那麼樓主應該都待到那時才表白所以樓主的決定是對的

2.可以一起上街但切忌只有你們倆樓主喜歡的可以約其他的朋友然後再約她何時開始都可以只要你們有空的話

3.增進關係?樓主指跟她的舊朋友?

作者: ~傳說中的傻仔︻ 時間: 10-4-16 11:42 AM

第一:望佢個D  係心理作用黎所以唔好產生錯覺

第二:至於話一齊去街  其實你咪約多D佢LOR  你約佢既同時話唔CARE佢叫埋佢既朋友

一黎可以增加自己既朋友圈子  二黎有多個人係度  你地會多野講D

第三:增進關係就需要溝通溝通就需要話題你試下搵一D可以令佢感興趣既話題

再係話題入手相信佢都肯同你嗲兩句

其實係我角度黎睇  佢擺明知你鍾意佢

所以無論你做乜野佢都係食住你上

不如試下退後小小??  退後係指你咪咁鬼著緊佢

我知你好鬼鍾意佢但係你忽然之間對佢好冷淡

反而令佢覺得你唔妥  從而主動黎關心你  (當然未必)

因為照你而家咁落去都唔慌有咩結果希望幫到你

作者: matthew124 時間: 10-4-16 04:23 PM

我應該幾耐打一次比佢好呢,太多我feel到有d反效果

作者: matthew124 時間: 10-4-16 04:46 PM

同埋我今日真係見到佢望住我

作者: ~傳說中的傻仔︻ 時間: 10-4-16 08:42 PM

幾耐打一次一星期打兩次已經足夠

打之前記住做好準備 READY哂D話題咁先可以令你地傾得順暢

至於今日望住你咁又點先??

佢鍾意你?? 佢討厭你?? 定係佢想殺左你??

你根本無可能由佢眼神知佢諗緊咩倒不如咪亂諗野

一陣GET錯人地意思你咪仲瘀

作者: vios688 時間: 10-4-17 11:15 AM

你算好..
我間接告白之後佢憎我憎到 ... 唔知點喇
中五 12月憎憎到 CE 緊都未憎完
可能佢以為我認真所以先咁嬲
因為我走去日日望佢 XG / FACEBOOK 勁 LIKE 佢 D野 ... 先奇唔好咁做
其實我搵佢做實驗
未同佢講呢個係實驗之前我就比佢嬲左喇-.-
....
哈哈
要令關係進一步就係知道佢唔會嬲你O既情況下做一D野- -

作者: vios688 時間: 10-4-17 11:16 AM

原帖由 ~傳說中的傻仔︻ 於 10-4-16 08:42 PM 發表
幾耐打一次一星期打兩次已經足夠

打之前記住做好準備 READY哂D話題咁先可以令你地傾得順暢

至於今日望住你咁又點先??

佢鍾意你?? 佢討厭你?? 定係佢想殺左你??

你根本無可能由佢眼神知 ...

岩哂..佢望住我原來憎....

作者: pkpalk 時間: 10-4-17 07:10 PM

=.="少男心思羞又羞
想關係好d..不如一齊去玩..行下街咁咪夠o...最重要係..令佢有種感覺..你同佢一齊佢會好舒服!!!
仲有..請你原諒我..我覺得個女仔思想都好young..15 16諗完都唔知自己想做咩..呢種人好危險..被人講兩句就會改變主意..我認為..
樓主做好第一點就夠..其他既...等你完成左再上黎問吧...
詳情問自己...咩時候你地覺得最舒服就向果方面諗...我地幫你唔到架...

作者: matthew124 時間: 10-4-18 10:30 AM

佢話過比我知佢唔中意人呃佢,咁我到時可以點同佢示愛呢,因為問我點解中意佢,唔通話我其實6年黎都好中意你咁咩,咁點示愛好?

作者: ~傳說中的傻仔︻ 時間: 10-4-18 12:55 PM

其實我搵佢做實驗 >>藉口黎你鍾意佢鍾意到就黎痴線  唔好自欺欺人啦

我覺得個女仔有D失常都唔知憎你做乜

你特別樣衰?定係你特別口臭先?  我就覺得你只係一個普通男仔

你向佢表達好感  而佢既表現係不安同埋抗拒

我諗你需要重新考慮下  係唔係再有必要向呢個女仔再投放感情

當然  你係咁無悔無憾既你可以KEEP GOING~

但係呢個女仔已經話左比你聽佢根本唔會接受你

你再話比佢知你鍾意佢只會令佢更加討厭你

到時咪話情侶連普通朋友都好勉強  又係唔係值得呢??

希望你可以詳加考慮將個眼光放遠D  望下係唔係有其他女仔值得你放更多既心思落去?

作者: matthew124 時間: 10-4-18 02:20 PM

我諗住中六先同佢講既,因為中六畢左業就唔洗理同埋佢中六先拍拖呀ma
但係依家凡最怕既係,佢有個f.2到依家都玩得好埋既男仔,雖然唔會話成日一齊玩,但係佢地依家坐前後都成日玩,
我同佢傾電話個陣佢又話唔中意佢,因為佢覺得個個男仔只係會玩,唔會識得對女仔好,
電話到仲講話想調位,但係佢反學個陣又玩得好埋,都唔知點

同埋我想知,平時係學校回同佢傾計呢,因為班d好8既人會係到'wow',搞到佢冇咩興趣傾,所以我想知點可以同佢真人傾到計

同埋,我唔知信唔信佢好,因為我同佢講我唔中意佢個陣,佢同我講話就算我仲中唔中意佢,佢都會同我做fd,所以可能示愛都冇問題(p.s. 但係我都唔知信唔信佢好)

作者: ~傳說中的傻仔︻ 時間: 10-4-18 03:48 PM

直接D話你一句你真係好白痴

你仲係睇唔清楚個形勢你明唔明你而家同佢係咩關係先??

佢根本已經表達哂係抗拒你既好感做FD?無問題  做情侶?佢唔會受你

『佢同我講話就算我仲中唔中意佢,佢都會同我做fd』

就係呢一句  佢已經講明  佢只係想同你做朋友  係做朋友咋

佢同你講到明  佢同你只會係朋友  所以就算你點鍾意佢  佢都只會同你做朋友

佢講到咁明白  點解你仲要執著表白??  你係唔係覺得表白就有機會成功??

我同你講無可能!!  佢根本唔鍾意你  你表白當博一博  只會係衰硬!!

我同你賭乜都得  你表白成功既  你要我做乜都得~

唔好咁幼稚啦下下以為死就死啦係外人既角度黎睇  你只係一個報著又ON居既人

至於佢同個男仔玩得好埋個件事  都係個句,你同佢只係朋友  佢同邊個玩  你又有乜權過問??

所以唔好將自己係佢心目中既位置放得咁大  你只係佢既一個普通朋友  OK?

至於你同佢真人傾計比人"WOW"  你咪唔好理佢地  班上總有白痴仔

你咁易受人影響  仲點溝女??

而且你要記住  你同佢只係普通朋友  比人WOW又點?? 傾計都唔比??痴線~

罵你係為你好希望你真係可以諗清楚~

作者: matthew124 時間: 10-4-18 04:35 PM

所以我就係想借住同佢傾下計,一齊玩咁黎令佢改變主意(如果唔係咩叫溝女),除左上進心之外,其他佢要既男仔性格都有,所以我諗住同佢傾下計先,到f.6先諗示愛,只係我依家諗定先o者

作者: ~傳說中的傻仔︻ 時間: 10-4-18 04:42 PM

原帖由 matthew124 於 10-4-18 04:35 PM 發表
所以我就係想借住同佢傾下計,一齊玩咁黎令佢改變主意(如果唔係咩叫溝女),除左上進心之外,其他佢要既男仔性格都有,所以我諗住同佢傾下計先,到f.6先諗示愛,只係我依家諗定先o者

當然你可以KEEP住咁去鼓勵自己

人會變月會圓到你中六或者唔會再係咁諗

希望你守得雲開見月明

作者: matthew124 時間: 10-4-18 04:44 PM

希望你講既野會發生la

作者: keroro8827 時間: 10-4-19 06:07 AM

[quote]原帖由 vios688 於 10-4-17 11:15 AM 發表

!可以一起上街但切忌只有你們倆樓主喜歡的可以約其他的朋友然後再約她何時開始都可以只要你們有空的話

2間接告白

歡迎光臨 2000FUN論壇 (https://www.2000fun.com/)