2000FUN論壇

標題: 有線四場世盃轉播 10元售無線亞視 [打印本頁]

作者: 狄.龍 時間: 10-4-17 11:45 AM 標題: 有線四場世盃轉播 10元售無線亞視

有線四場世盃轉播 10元售無線亞視
(星島)2010年4月16日星期五 05:30

(綜合報道)

(星島日報報道)世界盃六月開鑼，但有線電視與無線電視及亞洲電視轉播問題，遲遲未達成協議，令無裝有線電視及有線一台的市民，未必可安坐家中看世界盃決賽。由於涉及廣大市民利益，政府致力斡旋，昨天終有突破性發展，有線決定以象徵式代價十元，把有線一台轉播的四場世界盃直播賽事及精華片段節目，售予無線及亞視，市民今年有沒有世界盃看，要看兩個免費電視台是否接納有線開出的條件。

　　市民有望免費收看

　　現在距世界盃六月十一日開鑼不足兩個月，雖然大部分賽事都在晚上及深夜舉行，但世界盃是四年一度盛事，而港人一向酷愛足球運動，若兩個免費電視台沒有世界盃播放，對很多香港球迷造成影響。

　　由於有線投得世界盃轉播權的作價數以億元計，但過去兩個電視台以低價圍標方式向有線競投轉播權，但有線因受部分賽事要讓免費電視台轉播的條約所限，一直無可奈何，直至今屆世界盃的轉播協議有新安排，讓有線不用讓免費電視轉播部分賽事。據估計過去世界盃賽事兩個免費電視台就賺取數以千萬元的廣告收入。

　　須足本播放有線廣告

　　有線今年提出把世界盃四場直播賽事及精華片段，交由有線一台播放，無線及亞視要播就要連廣告足本播放有線一台的世界盃節目。不過，二月下旬兩個免費電視台已拒絕有線的建議，表明不會購買世界盃賽事轉播權，由於影響廣大市民收看世界盃賽事，恐惹來市民抱怨，故當局亦十分緊張，積極從中斡旋，希望達到一個三贏局面，市民、有線及兩家免費電視台均接受的方案。

　　由於兩個免費電視台在二月底的記者會上，強調以市民的利益為先，故有線在政府斡旋下，再拋出一個新方案，兩個免費電視台成本不會增加之餘，亦讓全港市民可收看世界盃節目。有線建議，兩個免費台透過有線一台，一如過往般播放四場賽事（開幕戰、兩場準決賽及總決賽），以及六十四場賽事的精華片段，而代價只是象徵式十元，條件是須原裝足本播放有線一台的世界盃節目，包括廣告在內，就連賽事開始前的介紹，亦要足本播放。

　　消息人士稱，有線這個新建議，顯示有線的原則並非只向錢看，純粹為觀眾的利益著想及回應社會的關注，讓家中無有線電視及有線一台的市民，均可收看世界盃節目。

　　決定權在無線亞視

　　市民有沒有世界盃賽事看，決定權在無線及亞視手上，兩台會否接受有線開出的條件，就要看兩台以市民利益為先，還是廣告收益至上。據了解，有線跟足合約辦事，故國際足協對有線把賽事交由有線一台播放的安排並無異議。

　　對於免費電視台高層曾指有線的安排是扼殺兩台創作自由，有業界人士說：「足球賽事主角是場內的球員及球證，旁述只是錦上添花的作用，每個台的畫面都一樣，看不出能有甚麼空間可以發揮創意。」財經組記者冼德明

http://hk.news.yahoo.com/article/100415/3/hiy2.html

有線果然高招...咁樣搞發的話...所有人的焦點都會落入兩個免費電視台的決定@@
上左一堂寶貴的課:redface:

作者: wintersnow 時間: 10-4-17 11:55 AM

但係我聽有線新聞講無線果邊好似拒絕左

作者: 狄.龍 時間: 10-4-17 12:05 PM 標題: 回復 2# wintersnow 的帖子

so sad....這是廣大市民的一個損失-.-
(利益申報：損失與本人冇關，因為不在港呢)

作者: Schmeichel 時間: 10-4-17 02:16 PM

呢招真係好高啦...
製造假象, 不是為錢
但係其實佢要人地播埋佢個d節目同埋廣告

第一、損害市民選擇不同電視之權益
埋曬有線既野, 敢樣同睇有線有咩分別
大家變左只可以一個台
完全係壟斷行為

第二、全世界淨你睇得有線既野
佢既廣告費一定可以收得貴
重有佢又可以藉此好好宣傳廣告
呢個收益真係好大
大過收幾多轉播費多多聲

有線真係過份

作者: │→鏡之※影§ 時間: 10-4-17 10:50 PM

原帖由 Schmeichel 於 10-4-17 02:16 PM 發表
呢招真係好高啦...
製造假象, 不是為錢
但係其實佢要人地播埋佢個d節目同埋廣告

第一、損害市民選擇不同電視之權益
埋曬有線既野, 敢樣同睇有線有咩分別
大家變左只可以一個台
完全係壟斷行為

第二、全 ...

由於有線投得世界盃轉播權的作價數以億元計，但過去兩個電視台以低價圍標方式向有線競投轉播權，但有線因受部分賽事要讓免費電視台轉播的條約所限，一直無可奈何，直至今屆世界盃的轉播協議有新安排，讓有線不用讓免費電視轉播部分賽事。據估計過去世界盃賽事兩個免費電視台就賺取數以千萬元的廣告收入。

佢地過去都賺唔少啦...
雖然有線係狗...
但始終用左咁多錢標番黎....

作者: bucien 時間: 10-4-17 10:58 PM

原帖由 │→鏡之※影§ 於 10-4-17 10:50 PM 發表

由於有線投得世界盃轉播權的作價數以億元計，但過去兩個電視台以低價圍標方式向有線競投轉播權，但有線因受部分賽事要讓免費電視台轉播的條約所限，一直無可奈何，直至今屆世界盃的轉播協議有新安排，讓有線不用讓 ...

講得岩..........

作者: 波牛 時間: 10-4-17 10:59 PM 標題: 其實我覺得2睇

如果有裝有線GE比左錢去睇就係為世盃,無啦啦唔洗比錢都有得睇咁果D人一定嘈有線啦,就係因為咁有線先咁做唔係一定會失去好多客仔

作者: 暴力熊@ 時間: 10-4-17 11:59 PM

上面果2個人兄講得好岩..人地用左咁多錢買個轉播權番黎
目的都係為左賺錢
人地唔係開善堂..依家佢都放軟左態度
肯同其他2個台傾條件
我地真係冇得講d咩~幾憶要賣幾多個廣告先搵得番?
仲有~無線搵咁多錢都唔肯出多d錢搶個轉播番黎
我地真係怪晒有線嗎?

作者: ◎真田幸村◎ 時間: 10-4-18 12:07 AM

如果無線同亞視係本住想多d人睇黎做宗旨佢介乜意沒播佢d廣告...

佢咪又是為左佢自己d 廣告收入..

而不是想多d人睇到啦...

作者: 魔之蠍 時間: 10-4-18 12:47 AM

原帖由 ◎真田幸村◎ 於 10-4-18 12:07 AM 發表
如果無線同亞視係本住想多d人睇黎做宗旨佢介乜意沒播佢d廣告...

佢咪又是為左佢自己d 廣告收入..

而不是想多d人睇到啦...

份聲名話tvb同atv唔會播廣告喎
點都好,今年我睇睇果幾場都出街睇算

作者: wintersnow 時間: 10-4-18 01:27 AM

坦白講做得生意既有邊個唔係狗丫
有線同無線兩間電視台係樂壇同體壇既屎忽數
只可以講句你敬我一尺我敬你一丈來形容
最後苦既都係我地班觀眾

作者: ◎真田幸村◎ 時間: 10-4-18 01:30 AM

原帖由 魔之蠍 於 10-4-18 12:47 AM 發表

份聲名話tvb同atv唔會播廣告喎
點都好,今年我睇睇果幾場都出街睇算

係佢話 tvb atv 唔想播有線廣告嘛

即係如果佢地原意係想多d人睇咁又有乜所謂

到最後佢地自己咪又係為收視為廣告費

我自己冇有線都咁講 !

作者: 魔之蠍 時間: 10-4-18 03:38 AM

原帖由 ◎真田幸村◎ 於 10-4-18 01:30 AM 發表

係佢話 tvb atv 唔想播有線廣告嘛

即係如果佢地原意係想多d人睇咁又有乜所謂

到最後佢地自己咪又係為收視為廣告費

我自己冇有線都咁講 !

我諗起黃子華買魚蛋
http://www.video1314.com/viewVideo.php?video_id=18645
大家都唔播廣告咁就公平啦

如果要無線播有線d廣告
我諗無線寧願唔播世界杯

[ 本帖最後由魔之蠍於 10-4-18 03:39 AM 編輯 ]

作者: 奧雲仔仔 時間: 10-4-18 06:02 PM

原帖由 Schmeichel 於 10-4-17 02:16 PM 發表
呢招真係好高啦...
製造假象, 不是為錢
但係其實佢要人地播埋佢個d節目同埋廣告

第一、損害市民選擇不同電視之權益
埋曬有線既野, 敢樣同睇有線有咩分別
大家變左只可以一個台
完全係壟斷行為

第二、全 ...

先生~人地講曬用左禁多錢買返尼

等於你買左波3返尼~你都唔想同人分享啦

你2台話就話為左市民~~好啦~有線咦家只係10蚊~

你2間都唔播ga~無得話咩喎~你都要係有線身上諗下啦~將心比己啦~

作者: │→鏡之※影§ 時間: 10-4-18 06:25 PM

原帖由 魔之蠍 於 10-4-18 03:38 AM 發表

我諗起黃子華買魚蛋
http://www.video1314.com/viewVideo.php?video_id=18645
大家都唔播廣告咁就公平啦
如果要無線播有線d廣告
我諗無線寧願唔播世界杯

有線唔播廣告賺咩呀 ? 咁貴bid番黎請人睇?
讓呢幾場出黎都唔知賺少左幾多呀....

作者: 吳樹喜 時間: 10-4-18 06:35 PM

無線亞視個如意算盤打唔響啦
當初有線1x億咁落標競投
2個台而家就攤大手掌問人拎免費
自己就大收廣告費
無恥到咁
我撐有線呀
做得好

作者: 吳樹喜 時間: 10-4-18 06:42 PM

now仲戇鳩
幾年前13億搶有線英超,有線舊標價係8億已經通天
因為開台第一年要贏面子
有線落標價9億,一定係now贏啦
今次有線14億投到英超,now仲有面目話有線擾亂價錢抬高投標價
實情係now開台之後幾年都吸納唔到新客戶
一時間要拎現金超過30億維持番現有既足球節目,now打退堂鼓

歡迎光臨 2000FUN論壇 (https://www.2000fun.com/)