2000FUN論壇

標題: [活動] 41等純信仰系心得分享 [打印本頁]

作者: 美人魚小傑 時間: 10-4-20 09:53 AM 標題: [活動] 41等純信仰系心得分享

halo,好耐無上2000fun,5-6年前玩童話到依家都好耐,最近上網竟然見到童話2,又係CB,所以下載左試下..

我見好少人玩信仰,而且信仰亦係不受歡迎既職業,所以係封測玩完後,有少少經驗分享下.

我封測既時候係玩全精補師,其實係好辛苦...我勸大家公測時候就要諗清楚!!!

最主要都係:
1. 無人同你升
2. 食水最深 (MP當食生菜,每落一次副都買成百五支準備,至少都用50-60支)
3. 初期係無攻擊技
4. MP去得快,一招全體治療都20MP,打副本時唔夠MP就會滅團,隻GAME設計得唔好,邊有可能要等5回合先可以食一支**14** MP水?
5. 自然系跟本可以取代信仰,因為自然系有招自然療法,一回合加1XX-200 HP,連續四回合,仲好過補師
所以你地係OB時候,最好先練毀滅/黑暗可以快速清怪既系,到30LV有得免費重置!!

我係41LV 信仰..以下係我既屬性點 (1-41LV 9成以上都係加精,得2-3點去加MP)

記住! 以下既裝全部都係紫裝黎,因為CB的全部免費! 但你想像OB後,你要花多少錢在商城上?!

而且買藥水既費用都唔平,另外武器(書)對補師一樣重要! 我認為CB後,自製的藍裝已經足夠,無須花錢衝紫裝! 其實防具紫裝只是高防好處,令你可以放心補其他隊友!

但不要忘記,工具都是商城物品,都係要用錢掛!!

技能方面 (其實我想洗技點再試,又怕會學唔番D 殘卷換番黎既技,所以問個小學雞GM,但由於班GM選擇性失明,迴避我個問題,一直都叫我mail比佢地,then be it..)

仲未技能重置

**唔好跟上面張圖學技,上面係未重置技能**

有39點技能點

-祝福術：持續4回合提升輔助效果，不需消耗法力，再啟動時間3合

5/5 (我開頭都唔明點用,原來係放自身/自然系,令自己補得高血D/人地放輔助技加得高少少)

-天使祝福(被動技能)(前置技能:祝福術)：提升3點精神

0 至 5 , 可點可不點,如果你認為自己既精已經夠,可以將點數用在其他技能上! (點滿後加精14點)

-啟蒙：給予目標持續3回合提升法術傷害，施術者精神越高效果越好，消耗法力5點

5/5 (幾好用既一招,而且可以同聖言術一齊加)
但根據台灣玩家既情報,後期會開放聖靈祝福,所以佢地話啟蒙在後期幾乎用不到,因為一招聖靈祝福就夠!但以目前黎講,都值得學!

-治療術：對目標進行治療，消耗法力6點

5/5 (副本經常用到而且你高精就補得愈多)

-邪惡對抗(被動技能)：提升體力上限10點、2點法力上限、1點暗屬性防禦力

5/5 (加滿 80HP,12MP,提升5點暗防) <- 對純補師黎講係唔錯既技,可以用結界既點移去邪惡抗性,因為結界係40LV前是極之小用到

-金剛：給予目標1回合無視任何物理傷害，消耗法力6點，再啟動時間3合

4/5 (4就夠用,打王打怪都幾好用,必點..甚至PVP都用得)

-聖言術(前置技能:啟蒙)：使目標持續5回合提升物理及法術傷害，施術者精神越高效果越好，消耗法力6點，再啟動時間2合

5/5 ***我係CB是點滿的,而且用埋啟蒙,法攻威力可以加得好多!!我用 *啟蒙+聖言* 幫一個41LV的毀滅系(幻覺乂)加攻,佢尖石衝可以打45副本怪-4300!!***

-自我醫療：對自身做簡單治療，消耗法力4點

1/5 (1點係絕對夠用)

-治療精通(被動技能)(前置技能:治療術)1/5：提升治療效果

(初期唔建議大家點滿治療精通,因為即使係40LV 有一身紫裝既玩家都唔過 800血,其實點一下就夠)

-活化術：解除目標僵硬，消耗法力2點

1/1 我CB無技卷學唔到,但建議到 45-50 LV以上先點,出左技卷先學 (因為55副本既王會出死亡宣告,你要幫隊友解)

-結界：給予目標1回合無視任何法術傷害，消耗法力6點，再啟動時間3合

後期比較有用,如果有多餘點數,可考慮! 最多 4點就已經足夠

-光明符文：提升3點光屬性攻擊力2回合，消耗法力2點

唔洗點 (你係純補就唔好晒點落去,而且補師在後期得兩招攻擊技)

-全體治療：為全體隊友治療，消耗法力20點，再啟動時間5合

1/5 (在45等前,我認為一點已經足夠,因為是全精純補,補一下都已經有八百多血,隊友亦無咁多血比你補!)

-光之引導(被動技能)0/5：提升2點法力上限、1點體質、1點光屬性防禦力

5/5 (因為補師既MP用得快,因此MP對補師都重要,點滿加 "體質+5 法上限+10 光屬性防禦+5",係一招唔錯既招 )

用祝福同無用祝福既分別

(治療術)

祝福前

祝福後

(全體治療)

祝福前 :

祝福後

總結 : 只係補多二百幾! 而且隻GAME係回合制,跟本無時間比你出,多數都唔會對自己用 !

窮西玩家(我)既寵物

建議靈化 (同人收兩隻土豬去降,主線任有送降級果汁)

(野生土豬) 因為CB既關係,我唔晒時間係寵物度,無降過

鎧化我係用野生水麻吉,希望有其他人分享更好既鎧化寵

法化 (捉左隻木蛙用黎加魔防)

自己用緊既書 (其實隻GAME副本打既武器係廢過自己整既武器! 而且打番黎既副本武器,你要自己衝上藍色...)

以上都係CB自己玩番黎,OB係會改成點我唔清楚...到時你地再自己摸索下啦!
OB既時候,我應該無時間再打機,你地自己加油喇

[ 本帖最後由美人魚小傑於 10-4-21 01:04 AM 編輯 ]

作者: z8007x 時間: 10-4-20 09:58 AM

d寵加得咁勁@@
信仰有復架唔好傷心打團戰你係希望

作者: 美人魚小傑 時間: 10-4-20 10:04 AM

原帖由 z8007x 於 10-4-20 09:58 AM 發表
d寵加得咁勁@@
信仰有復架唔好傷心打團戰你係希望

人好現實,玩家都係
當我仲係補師想組人升等既時候,佢地都唔理我
到左有副本要人,就係咁PM我....
其實人地唔同補師升,咁邊有補師打副本..

所以玩補師真係要識多D friend..互惠互利

作者: 小波比 時間: 10-4-20 10:17 AM

謝謝你既意見
輔助系不嬲都係咁辛苦  但係好有用
香港人係咁自私  遲d佢地就明打副本冇輔助系會點

作者: 【熱鬥小羊】 時間: 10-4-20 12:53 PM

支持支持
我不嬲都好尊重補c

作者: 愛瑞 時間: 10-4-20 03:16 PM

好詳細 ! 補師真係好辛苦 ~
睇完你篇文 ... 我更覺得我唔玩補師係岩的
之前玩親咩 game 我都係玩補 ...
但呢隻我覺得真係好難玩 ... 又冇人組

作者: chrisma 時間: 10-4-20 04:01 PM

有點疑問
死亡宣告不是要8階技能奇蹟術才能解嗎?

作者: tommy714 時間: 10-4-20 04:14 PM

櫻主咁有心機整,點可以唔推薦XD

作者: 南大人 時間: 10-4-20 04:18 PM

其實我覺得唔洗咁多精
用+精個d點+落去mp到仲好

但補師真係好食水深..

作者: akkyuet2006 時間: 10-4-20 05:55 PM

寫得好詳盡支持啊

但無損我揀黑暗既決心

作者: 虛無乂歲月 時間: 10-4-20 06:08 PM

我係封測果時都係全精補,不過升到嘔血,好好彩,之後原來有個fd陪我玩,又有d暗師組我升,但係我試過單升,真係慢到嘔嘔嘔嘔嘔血= =單升唔用鎚既話真係等死(鎚+輔助,物傷)可以普攻打怪= =不過最好唔好單升啦= =

作者: 好波好西好女人 時間: 10-4-20 06:28 PM

原帖由 美人魚小傑 於 10-4-20 10:04 AM 發表

人好現實,玩家都係
當我仲係補師想組人升等既時候,佢地都唔理我
到左有副本要人,就係咁PM我....
其實人地唔同補師升,咁邊有補師打副本..

所以玩補師真係要識多D friend..互惠互利

你呢段講既野同我諗既野完全一模一樣,我都係玩信仰,大部份game我都係玩ec,尤其回合制game,個個都唔組ec升,成日話秒怪秒怪,ec組黎多如,但去到副本又好似死狗咁密番你,好多人都係咁(唔係指全部)我封測都玩到35信仰,but冇樓主你咁勁=.=我都係藍裝,but我唔係全精,我加精血,我有800幾血xD,希望公測多d正常人識諗,組下ec升下呢,唔係到時係真係5個ec自己組隊打怪升=.=

作者: 美人魚小傑 時間: 10-4-20 11:54 PM

原帖由 chrisma 於 10-4-20 04:01 PM 發表
有點疑問
死亡宣告不是要8階技能奇蹟術才能解嗎?

依招應該都係後期先用既招,再高LV先理都未遲....

作者: 糗豪 時間: 10-4-23 11:40 PM

其實我覺得呢隻game有好多都做得唔係幾好

樓主都講到有咩可能 5回合先可以再用mp水-.-
仲有d mp 水有佔位多最大堆疊得3個
mp上限又只可以用裝備加 =.= 技能又食水深
純補c 睇黎都唔知會有幾多個玩~

作者: 蝦堡 時間: 10-4-24 03:51 PM

唔錯wo @.@
唉 ,但做補 c 升得太辛苦啦

作者: SIU悠 時間: 10-4-25 10:07 PM

睇完之後有D野想問-_-"
系未學全體治同聖言之前到底點頂..?
用普攻打我打十世都殺吾到1隻怪><!
組隊個陣D人又嫌我清怪吾夠快- -...
單練里家到左西綠野打貓頭鷹簡直想死..
中左佢招減命中用普攻狂MISS!
仲要打左勁內佢居然走佬!
雖然話可以轉左黑暗/毀滅先..
但我覺得熟習下到底純補系點都好-_-...
所以想問問..

作者: Eddie 時間: 10-4-25 10:21 PM

信仰系唔同人組隊根本就升唔到lv,如果配合暗c一齊升就無問題,始終暗c出技都要扣hp!
但係遲d等自然系高森普遍左,信仰又係食得屎,有d後悔玩信仰>.<

作者: SIU悠 時間: 10-4-25 10:40 PM

但系有冇人組是問題吧0rz!好後悔選信仰+1 -_-..

作者: 美人魚小傑 時間: 10-4-26 12:16 AM

原帖由 SIU悠 於 10-4-25 10:07 PM 發表
睇完之後有D野想問-_-"
系未學全體治同聖言之前到底點頂..?
用普攻打我打十世都殺吾到1隻怪>

1. 30前洗點洗技轉毀滅/闇術升,到29/30LV轉番信仰...一路升一路收定其他殘卷技
2. 自己係金鴨個度四圍走搵人組

我個陣都無轉過職,一直都係玩信仰,只不過成日係鴨個度搵人組,升到30....
有時無人組我就自己解主線任,因為個陣合到火狼...自己慢慢扑
26LV個任務送十張殘卷,好彩拎到聖言術卷技,因為我全精,而且加得高攻...所以都好多闇術組我升
升到30幾就成日打35LV個副本,最後合到多重裂金刀卷...同人換左全體治療,另外35LV副本打到既酒(30LV-37LV先有得換),可以去彩虹城換EXP....都升得幾快
拎完全體治療同聖言術應該會好多人加你做好友....到打副本時候,搵唔到自然系就會搵你

作者: SIU悠 時間: 10-4-26 01:05 AM

原帖由 美人魚小傑 於 10-4-26 12:16 AM 發表
1. 30前洗點洗技轉毀滅/闇術升,到29/30LV轉番信仰...一路升一路收定其他殘卷技
2. 自己係金鴨個度四圍走搵人組

我個陣都無轉過職,一直都係玩信仰,只不過成日係鴨個度搵人組,升到30....
有時無人組我就自己解主線 ...

很好..聽完你禁講我已經決定放棄玩信仰系- -..
禁難升你都玩得落真系太強大了0rz!公測你都系純補?
我覺得照你禁講補師真系好似鍾無艷..有事先會搵你禁-_-..
我都系下定決心玩自然算了0rz!

作者: 虛無乂歲月 時間: 10-4-26 09:07 PM

我好成功禁係公測到做左鍾無艷..不過好彩我識到個好好既闇c朋友= =e家係有全補+聖言既全精信仰= =e家真係冇組人撞怪就走,走,走同埋走= =

作者: SIU悠 時間: 10-4-26 09:54 PM

下-,-..禁太慘了..
比著我就轉系閃人好了-_-
自然起馬都有招攻擊技..雖然都扣好少0RZ.........

作者: 美人魚小傑 時間: 10-4-27 11:45 PM

原帖由 虛無乂歲月 於 10-4-26 09:07 PM 發表
我好成功禁係公測到做左鍾無艷..不過好彩我識到個好好既闇c朋友= =e家係有全補+聖言既全精信仰= =e家真係冇組人撞怪就走,走,走同埋走= =

學左聖言及全補應該易組人D,後期打王可能比較值錢,加油

作者: 好波好西好女人 時間: 10-4-28 07:33 AM

原帖由 虛無乂歲月 於 10-4-26 09:07 PM 發表
我好成功禁係公測到做左鍾無艷..不過好彩我識到個好好既闇c朋友= =e家係有全補+聖言既全精信仰= =e家真係冇組人撞怪就走,走,走同埋走= =

我都學左全補加聖言呀,哈,歲月你game名係咩,一齊玩,我都係ec

作者: 007666 時間: 10-5-1 09:33 AM

有用

多謝分享。

作者: 〃i.mlambaby;ｐ 時間: 10-5-3 05:25 PM

真係好有用-_-!堅-o-.

練緊信仰. 有時玩玩下真係好吾開心-_-吾知點咁.
雖然識到幾個可以陪我玩既fd.但係成日煩住人好似吾係咁好-3-
都吾知點算-_-! 又吾想自己1個打..打毛咩-.-打10年都吾死既t^t
副本又悶- -! 1個鍾.好難捱...仲要d人當我冇到-_-自己食野回血...我都吾知做乜好...

作者: ericaa 時間: 10-5-8 12:46 AM

原帖由 〃i.mlambaby;ｐ 於 10-5-3 05:25 PM 發表
真係好有用-_-!堅-o-.

練緊信仰. 有時玩玩下真係好吾開心-_-吾知點咁.
雖然識到幾個可以陪我玩既fd.但係成日煩住人好似吾係咁好-3-
都吾知點算-_-! 又吾想自己1個打..打毛咩-.-打10年都吾死既t^t
副本又悶- -! ...

正常,所以想玩就要搵多D朋友玩..唔係既話會好悶

作者: 長城 時間: 10-5-15 02:42 PM

補師唔升自我醫療得唔得? 用治療補自己

作者: wong1602 時間: 10-6-10 06:06 AM

可以比小弟參考下,thx!

作者: d14232 時間: 10-7-11 09:18 PM

嗯…好有用 thx

作者: seeku14 時間: 10-7-13 04:29 PM

信仰...都幾辛苦wo~ =口=

歡迎光臨 2000FUN論壇 (https://www.2000fun.com/)